(កោះកុង)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រី និងប្រតិភូសុខាភិបាល បានបន្តធ្វើដំណើរចុះពិនិត្យសេវាសាធារណៈ សួរសុខទុក្ខបុគ្គលិកសុខាភិបាល និងប្រជាពលរដ្ឋ នៅមណ្ឌលសុខភាពនាងកុក នៃខេត្តកោះកុង ។ ឯកឧត្តមសាស្រ្តាចារ្យរដ្ឋមន្រ្តី បានសំដែងការកោតសរសើរ មន្រ្តីសុខាភិបាល រួមទាំងអាជ្ញាធរ ដែលបានខិតខំប្រឹងប្រែងបម្រើផ្តល់ជូនសេវាថែទាំសុខភាព​ជូនប្រជាពលរដ្ឋ ដោយយកចិត្តទុកដាក់។ ឯកឧត្តមសាស្រ្តាចារ្យ បានលើកទឹកចិត្តដល់បុគ្គលិកមណ្ឌលសុខភាពនាងកុក សូមបង្កើនការខិតខំបន្ថែមទៀត ពិសេសគឺពង្រឹងសមត្ថភាពជំនាញបន្ថែមទៀត តាមរយៈការបណ្តុះបណ្តាលបន្តតាមគ្រប់រូបភាព ដោយធានាឱ្យបានការបម្រើ និងផ្តល់ជូនសេវាពិនិត្យថែទាំសុខភាពជូនប្រជាពលរដ្ឋ ប្រកបដោយគុណភាព ប្រសិទ្ធភាព សុវត្ថិភាព និងសមធម៌។ ឯកឧត្តម និងប្រតិភូ បានសម្តែងក្តីរីករាយ ព្រោះបានជ្រាបថា ទាំងថ្នាក់ដឹកនាំ និង​បុគ្គលិក​​មណ្ឌល មានឆន្ទៈ និងចូលរួមយ៉ាងសកម្មរៀនសូត្រអំពីភាពជាអ្នកដឹកនាំ និងនវានុវត្តន៍ បានយ៉ាងទៀងទាត់ និងបានយកចំណេះដឹងមកអនុវត្តជាក់ស្តែងជាបន្តបន្ទាប់ ៕ ដោយ ៖ ហេង សម្បត្តិ

បន្ទាយមានជ័យ៖ថ្នាក់ដឹកនាំនៃគណៈកម្មការគ្រប់គ្រងវិទ្យាល័យ ចំណេះទូទៅនិងបច្ចេកទេសបន្ទាយឆ្មារបានលើកទឹកចិត្ត​ ដោយ​ជំរុញដល់​សិស្សានុ​សិស្ស និងយុវជន ឱ្យចូលរួមលេងកីឡានៅក្រៅ ម៉ោងសិក្សាឱ្យបានកាន់តែច្រើនថែមទៀត​ ខណៈបច្ចុប្បន្ន​វត្តមាន នៃការលេងកីឡារបស់ពួកគេ​មានការរីកចម្រើនបង្គួរហើយ។ ថ្លែងក្នុងពិធីសម្ពោធតារាងបាល់ទាំងបីប្រភេទនៅវិទ្យាល័យបន្ទាយឆ្មារ ស្រុកថ្មពួកខេត្តបន្ទាយមានជ័យ កាលពីថ្ងៃសុក្រទី១៦ខែសីហា ឆ្នាំ២០២៤ លោកម៉ៅ ស៊ី អនុប្រធានគណៈកម្មការគ្រប់គ្រង​វិទ្យាល័យចំណេះទូទៅ​និងបច្ចេកទេសបន្ទាយឆ្មារបានលើកឡើង ថា ការលេងកីឡា នឹងធ្វើនឹងសិស្ស និងយុវជនមិនត្រឹមតែមាន សុខភាពល្អប៉ុណ្ណោះទេ តែនឹងចៀសវាងបានពី​គ្រឿង​ញៀន​និងការ ប្រព្រឹត្តិអំពើផ្តេសផ្ដាសក្នុងសង្គមផងដែរ។ ចំណែកលោក ខ្លូត សម័យ នាយកវិទ្យាល័យចំណេះទូទៅនិង បច្ចេកទេសបន្ទាយឆ្មារបានបញ្ជាក់បន្ថែមថា ខាងសាលា​និងគណៈ​កម្មការគ្រប់គ្រងបានយកម៉ោងទំនេរក្រៅពីម៉ោងសិក្សា នាំសិស្ស និងយុវជនក្នុងមូលដ្ឋាន មកហ្វឹកហាត់កីឡាបាល់ទាត់ បាល់ទះ និងបាល់បោះ ដើម្បីជួយឱ្យសិស្សានុសិស្ស ក៏ដូចជាយុវជន មានសុខភាពល្អ ចៀសចៀសវាងពីគ្រឿងញៀន និងការអូសទាញ​ដោយជនអគតិ នាំទៅប្រព្រឹត្តិអំពើឧបាយមុខនិងបង្ក អសន្តិសុខ សង្គម ។ លោក ខ្លូត សម័យ បានបន្តថា កន្លងសាលាបានរៀបចំជាក្រុម បាល់ទះ និងបាល់ទាត់ ចំនូនប្រាំ​ក្រុម​ក្នុងនោះកីឡាការិនី ពីរក្រុម​ដែលក្រុម កីឡាទាំងនោះធ្លាប់ទទួលបានពានរង្វាន់ថ្នាក់ខេត្ត ថ្នាក់រាជធានីផងដែរ ។ ប៉ុន្តែវិទ្យាល័យនេះ…

ក្នុងពិធីប្រគល់វិញ្ញាបនបត្របញ្ចប់ឆ្នាំសិក្សា ២០២៣-២០២៤ ឧកញ៉ាបណ្ឌិត សេង វណ្ណារិទ្ធ អគ្គនាយកសាលាអន្តរជាតិ ចុងអុីង (Zhong Ying International School – ZYIS) បានលើកឡើងថា ក្តីស្រលាញ់អាចជាអាវុធមុខពីរ។ មានតែក្ដីស្រឡាញ់ដ៏បរិសុទ្ធ និងគ្មានលក្ខខណ្ឌប៉ុណ្ណោះ ទើបអាចជួយឲ្យកូនៗរីកចម្រើន និងឈានទៅដល់ចំណុចកំពូលនៃសក្ដានុពលពេញលេញរបស់ពួកគេបាន។លោកបានបញ្ជាក់ថា ការសិក្សានឹងផ្តល់នូវលទ្ធផលជាទីពេញចិត្តគ្មានព្រំដែនហើយកូនៗនឹងរៀនសូត្របានល្អបំផុត នៅពេលដែលពួកគេមានចំណង់ចំណូលចិត្ត និងការស្រលាញ់ពិតប្រាកដចំពោះវិស័យណាមួយ។ ឧកញ៉ាបណ្ឌិត សេង វណ្ណារិទ្ធ ក៏បានបន្ថែមថា សុខភាពល្អ គឺជាគ្រឹះសំខាន់ក្នុងការចិញ្ចឹមបីបាច់កូនៗឱ្យមានកាយសម្បទារឹងមាំ និងចិត្តគំនិតវិជ្ជមាន។ លោកបានលើកទឹកចិត្តឱ្យអ្នកអាណាព្យាបាលផ្តោតលើការញាំល្អ ហាត់ប្រាណល្អ និងគេងល្អ ដែលជាកត្តាចាំបាច់សម្រាប់ការអភិវឌ្ឍកូនៗឱ្យមានការរីកចម្រើនយ៉ាងល្អឥតខ្ចោះ។ ក្នុងនាមជាអគ្គនាយកសាលាអន្តរជាតិ ចុងអុីង ឧកញ៉ាបណ្ឌិត សេង វណ្ណារិទ្ធ បានលើកឡើងថា សាលាអន្តរជាតិ ចុងអុីង នឹងខិតខំប្រឹងប្រែងពង្រឹងគុណភាពអប់រំប្រកបដោយប្រសិទ្ធភាព ចូលរួមជាមួយរាជរដ្ឋាភិបាល និងក្រសួងអប់រំ យុវជន និងកីឡា ដើម្បីបណ្តុះបណ្តាលសិស្សានុសិស្សឱ្យក្លាយជាទំពាំងស្នងឬស្សីសម្រាប់សង្គមជាតិកម្ពុជាយើង។ ហេតុអ្វីជ្រើសរើស ZYIS?

ភ្នំពេញ៖ក្រសួងកសិកម្ម រុក្ខាប្រមាញ់ និងនេសាទបានប្រកាសថា មានសត្វផ្សោត​ជំទង់ញីមួយក្បាល បានងាប់ត្រង់ចំណុចក្បាល​កោះព្រហ្មចារី ក្បែរអន្លង់កាំពី នៃភូមិជ្រោយបន្ទាយ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ នាថ្ងៃទី១៦ ខែសីហា ឆ្នាំ​២០២៤ ដោយជាប់នឹងមងនេសាទក្រឡា១៥សង់ទីម៉ែត្រ។ ក្រសួងកសិកម្មបញ្ជាក់ថា សត្វផ្សោតដែលងាប់នេះ មានលេខកូដ​សម្គាល់​១៣៩ ភេទញី ប្រវែង២,១០ម៉ែត្រ ទម្ងន់១០៨​គីឡូក្រាម អាយុប្រមាណពី៨ទៅ១០ឆ្នាំ។ ក្រសួងបានចាត់ទុកការស្លាប់របស់សត្វផ្សោតជំទង់នេះ ជាការ​បាត់បង់រតនសម្បត្តិ​ធម្មជាតិដ៏មានតម្លៃ​របស់កម្ពុជានិងពិភពលោក។ ទន្ទឹមនេះ ​ក្រសួងសូមអំពាវនាវដល់បងប្អូនប្រជានេសាទ ត្រូវបញ្ឈប់​ការប្រើឧបករណ៍នេសាទមងក្នុងតំបន់​ផ្សោតរស់នៅ​និង​ឧបករណ៍​ឆក់ជាបន្ទាន់ និងសូមផ្តល់ព័ត៌មានដល់សមត្ថកិច្ច នៅពេលឃើញ​មានអ្នកប្រើឧបករណ៍ឆក់ត្រីនិងមងក្នុងតំបន់​ផ្សោត​រស់នៅ ។ ឯកឧត្តម​ ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់និង​នេសាទធ្លាប់បានបញ្ជាក់ថា​តាមរយៈ​កិច្ចខិតខំប្រឹងប្រែងរបស់​ក្រសួង​កសិកម្មកន្លងមក បានធ្វើឲ្យអត្រាស្លាប់របស់សត្វផ្សោតទន្លេមេគង្គ​ធ្លាក់ចុះគួរឱ្យកត់សម្គាល់។ នៅឆ្នាំ២០២២ មានសត្វផ្សោត​ស្លាប់​ចំនួន១១ក្បាល តែនៅឆ្នាំ២០២៣ អត្រាស្លាប់របស់ប្រភេទសត្វជិតផុត​ពូជមួយនេះបានថយចុះមកនៅតែ ៥ក្បាលប៉ុណ្ណោះ ខណៈដែល​អត្រាកំណើតបានកើនឡើងពី ៦ក្បាលក្នុងឆ្នាំ២០២២ ដល់ ៨ក្បាល​នៅឆ្នាំ២០២៣។ សម្រាប់រយៈពេលប្រាំមួយខែដើមឆ្នាំ២០២៤ នេះ ផ្សោតកើតកូនបាន៨​ក្បាលទៀត តែបានងាប់ទៅវិញចំនួន២ក្បាល។ កំណើនកូន​ផ្សោត​នេះត្រូវបានក្រសួងកសិកម្មចាត់ទុកជាដំណឹងដ៏គួរឲ្យរំភើបរីករាយ ព្រោះវាបានធ្វើឲ្យសត្វផ្សោតទន្លេមេគង្គមានសរុបប្រមាណ ១០៥​ក្បាល។ គប្បីរំលឹកថា សត្វផ្សោតទន្លេមេគង្គ ត្រូវបានចាត់ទុកជារតនសម្បត្តិ​ជាតិមានជីវិតនៃប្រទេសកម្ពុជា ហើយសត្វដ៏មាន​តម្លៃនេះ​ស្ថិតនៅ​ក្នុងបញ្ជីក្រហមរបស់អង្គការIUCN…