(ខេត្តកំពត)៖ ប្រធានកិត្តិយសសមាគមនារីកម្ពុជា ដើម្បីសន្តិភាព និងការអភិវឌ្ឍន៍ បានប្រាប់ដល់ប្រជាពលរដ្ឋ ឲ្យជឿជាក់លើការដឹកនាំរបស់រាជរដ្ឋាភិបាល ហើយចូលរួមគាំទ្រគម្រោងព្រែកជីកហ្វូណនតេជោ និងគម្រោងកិច្ចសហប្រតិបត្តិការតំបន់ត្រីកោណ អភិវឌ្ឍន៍ (CLV- DTA) កុំជឿតាមការញុះញ៉ុងរបស់ពួកអគតិ ។ ថ្លែងនៅក្នុងពិធីសំណេះសំណាលនិងចែកអំណោយដល់ជនចាស់ជរា និងស្ត្រីក្រីក្រងាយរងគ្រោះ នៅឃុំកណ្តោល ស្រុកទឹកឈូ ខេត្តកំពត នៅថ្ងៃទី ១០ ខែសីហានេះ លោកជំទាវ ហ៊ុនចាន់ធី ម៉ៅធនិន ប្រធានកិត្តិយសាខាសសមាគមនារីកម្ពុជា ដើម្បីសន្តិភាព និងការអភិវឌ្ឍន៍ខេត្តកំពត បានលើកឡើងថា ក្នុងនាមសាខាសមាគមនារីខេត្តកំពត និងក្នុងនាមលោកជំទាវផ្ទាល់ សូមសំដែងនូវក្តីសោមនស្សរីករាយយ៉ាងក្រៃលែង ដែលបានមកជួបពុកម៉ែបងប្អូន អ៊ុពូមីងទាំង៣០គ្រួសារ ដែលអញ្ជើញមកពីភូមិទាំង៥ ក្នុងឃុំកណ្តោល ស្រុកទឹកឈូ។  លោកជំទាវក៏បាន ពាំនាំនូវប្រសាសន៍ផ្តាំផ្ញើរបស់ ឯកឧត្តមបណ្ឌិត ម៉ៅ ធនិន អភិបាលខេត្តកំពត ដែលតែងតែគិតគូរពីសុខទុក្ខ និងជួយដោះស្រាយបញ្ហាប្រឈមនានា ជូនប្រជាពលរដ្ឋនៅគ្រប់កាលៈទេសៈ និងគ្រប់មូលដ្ឋាន។ លោកជំទាវក៏បានលើកឡើងអំពីគម្រោងអភិវឌ្ឍន៍ខេត្តរបស់ឯកឧត្តមអភិបាលខេត្តជាច្រើន មានដូចជា ការស្ថាបនាឆ្នេរខ្សាច់កម្សាន្ត , កសាងរូបសំណាកត្រីសេះសមុទ្រ  កសាងនាឡិកាយក្ស មានទម្ងន់ជើងទម្រ ប្រហែលជា ៧០តោន និងនាឡិកាទម្ងន់ប្រហែលជិត ១០តោន…

(ខេត្តត្បូងឃ្មុំ)៖ គណៈបញ្ជាការឯកភាពស្រុកពញាក្រែក ខេត្តត្បូងឃ្មុំ បានថ្លែងអំណរគុណ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងជាប្រធានក្រុមការងារថ្នាក់ជាតិចុះមូលដ្ឋានខេត្តត្បូងឃ្មុំ ដែលបានផ្តល់ប្រាក់ឧបត្ថម្ភចំនួន ២.០០០ដុល្លារអាមេរិក ដល់ការបង្រ្កាបទប់ស្កាត់ប្រឆាំងនឹងគ្រឿងញៀនចំនួន២ករណី នៅក្នុងមូលដ្ឋាន។ អាជ្ញាធរបានបញ្ជូនជនសង្ស័យ ចំនួន២នាក់ ដែលជាមេក្លោងបានប្រព្រឹត្តការជួញដូរ និងចែកចាយគ្រឿងញៀនយ៉ាងសកម្ម ក្នុងស្រុកពញាក្រែក ទៅតុលាការ ដើម្បីចាត់ការតាមនីតិវិធីនៃច្បាប់ ។ សូមបញ្ជាក់ថា កន្លងមក ដើម្បីអនុវត្តន៍បាននូវគោលនយោបាយភូមិ ឃុំ មានសុវត្តិភាព ឯកឧត្តម បណ្ឌិត អ៊ាង សុផល្លែត បានប្រកាសលើកទឹកចិត្ត និងផ្តល់ថវិកាលើកទឹកចិត្តចំនួន ១.០០០ដុល្លារ ក្នុង១ករណី ដល់កងកម្លាំងសមត្ថកិច្ច ដែលបង្រ្កាប និងចាប់បាន មេក្លោងជួញដូរគ្រឿងញៀន និងបញ្ជូនជនល្មើសទៅកាត់ទោសតាមច្បាប់ នៅក្នុងភូមិសាស្រ្តខេត្តត្បូងឃ្មុំ ។ ការគាំទ្រនឹងលើកទឹកចិត្ត របស់ឯកឧត្តមរដ្ឋមន្រ្តីក្រសួងបរិស្ថាន ដល់អាជ្ញាធរខេត្តត្បូងឃ្មុំ បានបង្ហាញឱ្យឃើញ ពីការយកចិត្តទុកដាក់ពីរាជរដ្ឋាភិបាល និងអាជ្ញាធរក្នុងការពង្រឹងការផ្សព្វផ្សាយ ទប់ស្កាត់ បង្ក្រាបការជួញដូរ និងប្រើប្រាស់គ្រឿងញៀននៅតាមមូលដ្ឋាន ស្របនឹងគោលនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ របស់សម្តេចមហាបវរធិបតី ហ៊ុន…

(ខេត្តបាត់ដំបង)៖ ក្រសួងអភិវឌ្ឍន៍ជនបទរៀបចំ ទិវាអន្តរជាតិជនជាតិដើមភាគតិច​ពិភពលោកលើកទី៣០ និងលើកទី២០ នៅកម្ពុជា នាថ្ងៃទី៩ ខែសីហា ឆ្នាំ២០២៤ ក្រោមអធិបតី ឯកឧត្តម ឆាយ ឫទ្ធីសែន រដ្ឋមន្រ្តីក្រសួងអភិវឌ្ឍន៍ជនបទ ដែលពិធី​នេះ​ធ្វើឡើងនៅខេត្តបាត់ដំបង មានប្រធានបទ “ការការពារសិទ្ធិរស់នៅ និង ប្រាស្រ័យទាក់ទងតាមបែបប្រពៃណីជនជាតិដើមភាគតិចដោយស្ម័គ្រចិត្ត” ។ បងប្អូនជនជាតិដើមភាគតិចដែលមកចូលរួមក្នុងទិវាខាងលើនេះ បានបញ្ជាក់​ប្រាប់​​ទូរទស្សន៍អប្សរាថា ៖ រាជរដ្ឋាភិបាលបានយកចិត្តទុកដាក់យ៉ាងខ្លាំងដល់​ជនជាតិ​ដើមភាគតិចរបស់ពួកគាត់ តាមរយៈការផ្ដល់ឱកាសឲ្យទទួល​បានការ​សិក្សារៀន​សូត្រ​ ជាពិសេសក្នុងការផ្ដល់នូវសិទ្ធិសេរីភាពស្មើគ្នាយ៉ាងពេញលេញក្នុង​ការរស់នៅ​ក្នុងសង្គម។ ឯកឧត្តម ឆាយ ឫទ្ធីសែន លើកឡើងថា ៖ ការប្រារព្ធទិវានេះ ក្នុងគោលបំណងដើម្បី​ចូលរួមអភិរក្សប្រពៃណី វប្បធម៌ ទំនៀមទម្លាប់ និងភាសា របស់បងប្អូនជនជាតិ​ដើម​ភាគតិចដែលត្រូវបានធានាដោយច្បាប់ជាតិ និងគោលនយោបាយជាតិនានា។ ជាពិសេស ស្របតាមការប្ដេជ្ញាចិត្តរបស់រាជរដ្ឋាភិបាលនិងដើម្បីចូលរួម​ជួយផ្សព្វ​ផ្សាយ​ឲ្យបានយ៉ាងទូលំទូលាយអំពីការលើកកម្ពស់សិទ្ធិ សេដ្ឋកិច្ច សង្គម និងវប្បធម៌ របស់បងប្អូនជនជាតិដើមភាគតិចនៅកម្ពុជាព្រមទាំងផ្តល់នូវឱកាសក្នុងការបញ្ចេញមតិយោបល់ ក្នុងការអភិវឌ្ឍលើគ្រប់វិស័យតាមរយៈការអភិវឌ្ឍ​គម្រោងនានា​ស្រប​តាមយុទ្ធសាស្ត្រកាត់បន្ថយភាពក្រីក្រ នៅកម្ពុជា។ នៅក្នុងពិធីនេះ បងប្អូនជនជាតិដើមភាគតិចមកពីតាមបណ្ដាខេត្តផ្សេងៗ​បាននាំយក​ផលិតផល ក្នុងសហគមន៍របស់ខ្លួនមកតាំងបង្ហាញនៅក្នុង​ទិវាអន្តរជា​តិជនជាតិ​ដើម​ភាគតិច ឆ្នាំ២០២៤នេះដោយបានបង្ហាញអារម្មណ៍រីករាយយ៉ាង​ខ្លាំងនិងថ្លែង​អំណរ​គុណដល់រាជរដ្ឋាភិបាលដែលរៀបចំឱ្យមានទិវាជនជាតិដើមភាគតិចជារៀងរាល់ឆ្នាំដែលផ្តល់ឱកាសដល់ពួកគេ និងដើម្បីបានបង្ហាញអំពីអត្តសញ្ញាណ និងវប្បធម៌​របស់ជនជាតិដើមភាគតិចក្នុងសហគមន៍នីមួយៗ ឱ្យមនុស្សនៅទូទាំង​ពិភព​លោក​បានឃើញ និងបានស្គាល់។ សូមជម្រាបថា៖ជនជាតិដើមភាគតិចទាំងអស់ដែលរស់នៅកម្ពុជាមានប្រមាណ ១,៤%…

កំពត៉ ៖លោក ញ៉ន សិទ្ធ អតីតអភិបាលរងខេត្តមណ្ឌលគីរី ត្រូវបានប្រកាសតែងតាំងជាអភិបាលរងខេត្តកែបជំនួសលោក ងិន ងិនដា ដែលត្រូវបានផ្លាស់ផ្តូទៅកាន់តំណែងជាអភិបាលរងខេត្តតាកែវ។ ពិធីប្រកាសបានរៀបចំនៅសាលប្រជុំសាលាខេត្តកែបកាលពីព្រឹកថ្ងៃទី៩ ខែសីហា ឆ្នាំ២០២៤ ក្រោមអធិបតីភាព ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាប្រចាំការ តំណាងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ឯកឧត្តម អ៊ុក ថា ប្រធានក្រុមប្រឹក្សាខេត្តកែប ឯកឧត្តមបណ្ឌិត សោម ពិសិដ្ឋ អភិបាលខេត្ត ក្នុងឳកាសនេះឯកឧត្តមបណ្ឌិត សោម ពិសិដ្ឋ  អភិបាលខេត្តកែប បានអបអរសាទរ ចំពោះលោក ញ៉ន សិទ្ធ ដែលចូលមកកាន់តំណែងជាអភិបាលរងខេត្តកែប។ឯកឧត្តមរំពឹងថា លោក ញ៉ន សិទ្ធ នឹងរួមចំណែកសហការ សាមគ្គីភាព និងឯកភាពផ្ទៃក្នុងដើម្បីចូលរួមចំណែកធ្វើឱ្យការអនុវត្តការងារ ក្នុងជួរគណៈអភិបាលខេត្តកាន់តែមានប្រសិទ្ធភាព ជាពិសេសការលើកកម្ពស់ការផ្ដល់ សេវាសាធារណៈជូនប្រជាពលរដ្ឋ និងការអភិវឌ្ឍខេត្តកែបឳ្យកាន់តែមានការរីកចម្រើនថែមទៀត។ ចំណែកឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាប្រចាំការ បានកោតសរសើរ និងវាយតម្លៃខ្ពស់ចំពោះក្រុមប្រឹក្សាខេត្ត…

ភ្នំពេញ ៖ ពិព័ណ៌ព័ត៌មានសាលារៀនអូស្ត្រាលី AEAS គ្រោង​នឹងត្រលប់មកកាន់ទីក្រុងភ្នំពេញវិញម្តងទៀតនាឆ្នាំ ២០២៤​ ខាងមុខនេះ​ដែលនឹងផ្តល់ឱកាសដ៏វិសេសវិសាលទៅដល់​សិស្សា​​នុសិស្ស​កម្ពុជា និងអាណាព្យាបាលរបស់ពួកគេក្នុងការស្វែងយល់អំពីឪកាសស្វែងរកការសិក្សាលំដាប់ថ្នាក់ពិភពលោកនៅ​សាលាបឋមសិក្សា និងមធ្យមសិក្សា​នៅប្រទេសអូស្ត្រាលី។​​ ​​​ព្រឹត្តិការណ៍ដ៌វិសេសវិសាលមួយនេះគ្រោងនឹងធ្វើ​ឡើងនាថ្ងៃអាទិត្យ ទី ៨ ខែ កញ្ញា ឆ្នាំ ២០២៤ ចាប់ពីម៉ោង ១ រសៀល ដល់ម៉ោង ​៥ ល្ងាច នៅសណ្ឋាគារ Hyatt Regency Phnom Penh។​​ ក្នុងព្រឹត្តិការណ៍ពិព័ណ៌ព័ត៌មានសាលារៀននេះ ក៏នឹងការបង្ហាញពីរបៀបនៃការធ្វើតេស្ត​AEAS ​​ដែលជាការធ្វើតេស្តមួយដែលអាចបើកផ្លូវឱ្យ​សិស្សានុសិស្សកម្ពុជាមានអាទិភាពក្នុងការចូលរៀននៅសាលាបឋមសិក្សា​ និងមធ្យមសិក្សាល្អៗជាច្រើននៅក្នុងប្រទេសអូស្ត្រាលី។​​ ការ​ចាប់ផ្តើមសិក្សា​បានលឿននៅ​ឯបរទេសក្នុងប្រទេស​អូស្ត្រាលី ​​នឹង​ផ្តល់អានុភាពទៅដល់​សិស្សានុសិស្ស​ទាំងនោះឱ្យ​សម្រេច​បាន​នូវ​គោលដៅ​សិក្សា​របស់​ពួកគេ​ដែល​ជាផ្លូវដឹកនាំពួកគេទៅរក​អាជីព​នៅ​លើ​ឆាកអន្តរជាតិ។ ឱកាសដែលមិនអាចប្រៀបផ្ទឹមបានសម្រាប់សិស្សានុសិស្សកម្ពុជា ព្រឹត្តិការណ៍ពិព័ណ៌ព័ត៌មានសាលារៀនអូស្ត្រាលី AEAS មិនមែនគ្រាន់តែជាព្រឹត្តិការណ៍​ពិព័ណ៌ព័ត៌មានសាលារៀនមួយនោះឡើយ តែវាជាការបើកផ្លូវឆ្ពោះទៅកាន់ឱកាសជាច្រើនក្នុងពិភពលោក។ ​​​រយៈពេល ៤០ ឆ្នាំមកហើយដែល​ AEAS បាន​នឹងកំពុងផ្តល់សេវាកម្មដែលគុណភាពខ្ពស់ទៅលើការវាយតម្លៃសិស្សានុសិស្សអន្តរជាតិដែលមានគោលបំណងចង់ទៅសិក្សានៅប្រទេសដែលប្រើប្រាស់ភាសាអង់គ្លេសសម្រាប់ការទំនាក់ទំនងគ្នា។ សាលារៀននៅអូស្ត្រាលីមានការជឿទុកចិត្ត​ទៅលើការវាយតម្លៃរបស់ពួកគេ នឹងពឹងផ្អែកទៅលើលទ្ធផលតេស្តនេះ​ មុនពេលធ្វើការសម្រេចចិត្តឱ្យសិស្សា​នុសិស្សចុះឈ្មោះចូលរៀននៅសាលារបស់ខ្លួន។​​​ កិច្ចសហការរវាង AEAS និងសាលារៀនអូស្ត្រាលី នឹងធានាថាពិព័ណ៌ព័ត៌មានសាលារៀនអូស្ត្រាលី នឹងផ្តល់អត្ថប្រយោជន៍ទៅដល់ក្រុមគ្រួសារកម្ពុជា ជាពិសេសសិស្សានុសិស្សជាចម្បង។​ ការ​ធ្វើតេស្ត AEAS ត្រូវបានរៀបចំឡើងដើម្បីវាយតម្លៃទៅលើសមត្ថភាពនៃការសិក្សារបស់សិស្សានុសិស្ស ក្នុងជំនាញភាសាអង់គ្លេស និងជំនាញចំណេះដឹងទូទៅ​ ដើម្បីធានាថាពួកគេទទួលបានការរៀបចំខ្លួនយ៉ាងត្រឹមត្រូវ​ដើម្បីទទួលបាន​ភាពជោគជ័យក្នុងបរិយាកាសសិក្សាតាមបែបអន្តរជាតិ។ ព្រឹត្តិការណ៍នេះសាកសមទៅដល់កុមារដែលគ្រប់អាយុចូលរៀនដំបូង និងសិស្សានុសិស្សចាប់ពីថ្នាក់ទី ១ ដល់ថ្នា្កក់ទី ១២ ដោយធានាបាននូវការណែនាំដ៏ទូលំទូលាយនៅគ្រប់កម្រិតសិក្សាទាំងអស់។ ការបង្ហាញពីស្ថាប័នអប់រំលំដាប់ពិភពលោក ព្រឹត្តិការណ៍ពិព័ណ័ព័ត៌មាននេះ នឹងមានការបង្ហាញព័ត៌មានចម្រុះផ្សេងៗជាពីសាលាបឋមសិក្សា និងអនុវិទ្យាល័យនៅឯប្រទេសអូស្ត្រាលី ដែលសាលានីមួយៗមានភាពល្បីល្បាញ​ទៅលើការប្តេជ្ញាចិត្ត​ប្រកបដោយឧត្តមភាព​ក្នុងការសិក្សា​ និងការអប់រំរួមរបស់ពួកគេ។ ក្នុងនោះផងដែរ​អ្នកតំណាងមកពីស្ថាប័នអប់រំទាំងនោះ នឹងរង់ចាំផ្តល់​ជូននូវព័ត៌មានលម្អិតអំពីកម្មវិធីសិក្សារបស់សាលារៀននីមួយៗ ក៏ដូចជាសម្ភារៈបរិក្ខារ និងឱកាសពិសេសដែលពួកគេផ្តល់ជូន។ អ្នកចូលរួមនឹងមានឱកាសក្នុងការប្រាស្រ័យទាក់ទងដោយផ្ទាល់ជាមួយអ្នកតំណាងសាលា ដើម្បីទទួលបានការយល់ដឹងទៅដល់មាគ៌ានៃការអប់រំដ៏មានតម្លៃដែលអាចត្រួសត្រាយផ្លូវឆ្ពោះទៅរកភាពជោគជ័យនាថ្ងៃអនាគត។ ក្នុងនោះផងដែរក៏មានសិក្ខាសាលា​​​ដោយឥតគិតថ្លៃ​​ ដែលនឹងប្រព្រឹត្តឡើងពេញមួយថ្ងៃដែលក្រុមគ្រួសាររបស់សិស្សានុសិស្សអាចចូលរួមស្តាប់ក្រុមការងារ AEAS និងអ្នកតំណាងសាលាអូស្ត្រាលីពិភាក្សាអំពីអត្ថប្រយោជន៍នៃការសិក្សានៅប្រទេសអូស្ត្រាលី និងស្វែងយល់បន្ថែមអំពីការធ្វើតេស្ត AEAS។ ការផ្តល់អានុភាពទៅដល់សិស្សានុសិស្សតាមរយៈការធ្វើតេស្ត AEAS តាមរយៈការបង្ហាញសាលារៀនល្បីៗចំនួន ១០ របស់ប្រទេសអូស្ត្រាលីក្នុងបរិយាកាសដ៏កក់ក្តៅ និងរួសរាយរាក់ទាក់ ព្រឹត្តិ​ការណ៍​នេះក៏មានគោលបំណងបង្ហាញពីឱកាសដ៏អស្ចារ្យដែលផ្តល់ជូនដល់សិស្សានុសិស្សកម្ពុជា អត្ថប្រយោជន៍ដែលទទួលបានពីការសិក្សានៅប្រទេសអូស្ត្រាលី និងតួនាទីដ៏សំខាន់ដែល AEAS បានដើរតួក្នុងការរៀបចំខ្លួនរបស់សិស្សា​នុសិស្ស​​សម្រាប់ភាពតឹងរ៉ឹងនៃការសិក្សានៅបរទេស។ ការធ្វើតេស្ត AEAS ផ្តល់នូវការយល់ដឹងយ៉ាងច្បាស់លាស់អំពីភាពខ្លាំងរបស់សិស្សានុសិស្ស និងផ្នែកផ្សេងៗដែលត្រូវកែលម្អអោយប្រសើរឡើង នឹងអនុញ្ញាតឱ្យពួកគេជ្រើសរើសមាគ៌ាសិក្សាដែលសា​កសមបំផុតសម្រាប់ខ្លួន។ មាគ៌ាឆ្ពោះទៅកាន់ឱកាសលើឆាកអន្តរជាតិ ពិព័ណ៌ព័ត៌មានសាលារៀនអូស្ត្រាលី…