(ភ្នំពេញ)៖ លោកជំទាវបណ្ឌិត អ៊ុក ម៉ាលី និងសហការី នាព្រឹកថ្ងៃអង្គារ ទី៦ ខែសីហា ឆ្នាំ២០២៤ បានអញ្ជើញចុះសួរសុខទុក្ខ និងនាំយកថវិកាមួយចំនួន រួមជាមួយគ្រឿងឧបភោគបរិភោគ ជាអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចអគ្គមហាសេនាបតីតេជោ ហ៊ុន សែន ផ្តល់ជូនក្រុមគ្រួសារសព លោកវរសេនីយ៍ទោ ស៊ុន ផល្លា និងលោកអនុសេនីយ៍ឯក ខេង ឆៃយុទ្ធ ដែលបានពលីជីវិតក្នុងពេលបំពេញបេសកកម្មហ្វឹកហ្វឺនហោះហើរ ដោយជួបឧបទ្ទវហេតុធ្លាក់ឧទ្ធម្ភាគចក្រ Z9 កាលពីថ្ងៃទី១២ ខែកក្កដា ឆ្នាំ២០២៤កន្លងទៅ នៅចំណុចលើខ្នងភ្នំយ៉ាវយ៉ៃ ឃុំថ្មដា ស្រុកវាលវែង ខេត្តពោធិ៍សាត់។ លោកជំទាវបណ្ឌិត អ៊ុក ម៉ាលី បានមានប្រសាសន៍ថា៖ «ការនាំយកអំណោយមកផ្តល់ជូននាពេលនេះ គឺជាការគិតគូរយកចិត្តទុកដាក់ពីសំណាក់ សម្តេចកិត្តិព្រឹទ្ធបណ្ឌិត និងសម្តេចតេជោ ដែលសម្តេចទាំងទ្វេ មានការសោកស្តាយ និងក្តុកក្តួលរំជួលចិត្តជាទីបំផុត ចាប់តាំងពីឧបទ្ទវហេតុខាងលើនេះកើតឡើង។ មកទល់ពេលនេះ សម្តេចទាំងទ្វេ នៅតែមានក្តីបារម្ភពីសុខទុក្ខ និងជីវភាពរស់នៅរបស់ក្រុមគ្រួសារយុទ្ធជនពលីទាំង២រូប ជាពិសេសគឺ ភរិយា…

សៀមរាប៖ឆមាសទី១ កន្លងទៅនេះ ខេត្តសៀមរាប ចំនួនគ្រោះថ្នាក់​ចរាចរណ៍និងចំនួនអ្នកបាត់បង់ជីវិតបានកើនឡើងគួរកត់​សម្គាល់។​ក្នុងគោលបំណង​បង្ការនិងកាត់បន្ថយគ្រោះថ្នាក់ចរាចរណ៍នៅខេត្ត​ទេសចរណ៍មួយនេះកាលពីថ្ងៃទី២ ខែសីហា ឆ្នាំ២០២៤ លេខាធិកា​ដ្ឋានអនុគណៈកម្មការសុវត្ថិភាពចរាចរណ៍ផ្លូវគោកខេត្ដសៀមរាប និងរដ្ឋបាលខេត្ដសហការជាមួយ ការិយាល័យ​ចរាចរណ៍​ផ្លូវគោកនៃ​ស្នងការដ្ឋាននគរបាលខេត្តនិងក្រុមយុវជននៃសហភាពសហព័ន្ធយុវជនកម្ពុជាខេត្ត បានចុះយុទ្ធនាការ អប់រំ ណែនាំដល់ប្រជា​ពលរដ្ឋ និងអ្នកធ្វើដំណើរនៅផ្លូវជាតិលេខ៦ ខាងកើតផ្សារលើធំថ្មី ក្រុងសៀមរាប។ របាយការណ៍របស់លេខាធិការដ្ឋានអនុគណៈកម្មការសុវត្ថិចរាចរណ៍ខេត្តបង្ហាញថាគ្រោះថ្នាក់ចរាចរណ៍ក្នុងឆមាសទី១ ឆ្នាំ២០២៤ ក្នុងភូមិ​សាស្រ្តខេត្តសៀមរាប គ្រោះថ្នាក់ចរាចរណ៍បានកើតមានចំនួន ៧៥លើក កើនឡើង៣៣លើក ស្មើនឹង៧៨ភាគរយ,​បណ្តាលឱ្យបាត់​បង់ជីវិត៥៧នាក់(ស្រី២០នាក់) កើនឡើង២៤នាក់ ស្មើនឹង៧២​ភាគរយ,របួសធ្ងន់ ចំនួន៣៤នាក់ ( ស្រី៥នាក់),របួស​ស្រាល  ចំនួន៧១នាក់ (ស្រី២៥នាក់ )កើនឡើង៤៣នាក់ ស្មើនឹង១៥៣​ភាគរយ។សរុបអ្នករងគ្រោះ  ចំនួន១៦២នាក់ (ស្រីចំនួន៥០នាក់, បរទេស៦នាក់)។  ក្នុងគ្រោះថ្នាក់នេះដែរបណ្ដាលឱ្យខូចខាតយានយន្តសរុប ១៣៥គ្រឿង ដោយខូចធ្ងន់៨៦គ្រឿង និងស្រាល៤៩គ្រឿង។ លោក ង៉ូវ សេងកាក់ អភិបាលរងខេត្ត និងជាប្រធានអនុគណៈកម្មការ​សុវត្ថិភាពចរាចរណ៍ផ្លូវគោកខេត្ដសៀមរាប បានលើកឡើង​ថា កំណើនមធ្យោបាយយានយន្ត ការនិយមប្រើប្រាស់យានជំនិះផ្ទាល់​ខ្លួនច្រើនជាងការប្រើប្រាស់ មធ្យោបាយដឹកជញ្ជូនសាធារណៈ ការប្រើប្រាស់ទ្រូងផ្លូវ ចិញ្ចើមផ្លូវ មិនទាន់បានត្រឹមត្រូវ លក្ខខណ្ឌ​បច្ចេកទេសយានយន្ត ការរំលោភដីចំណីផ្លូវ និងកត្តាគួបផ្សំមួយ​ចំនួនទៀតបានបង្កើតទៅជាបញ្ហាប្រឈមការកកស្ទះចរាចរណ៍ និង តែងតែកើតមានគ្រោះថ្នាក់ចរាចរណ៍ជារៀងរាល់ថ្ងៃ។ ជា​ពិសេសតាម​បណ្តោយផ្លូវជាតិសំខាន់ៗ ត្រង់ចំណុចប្រសព្វ។បញ្ហានេះ…

កំពង់ស្ពឺ៖អគ្គនាយកដ្ឋានគយនិងរដ្ឋាករកម្ពុជា គ្រោងនឹងកម្ទេចចោល​នូវទំនិញគ្មានការទាមទារដែលខូចគុណភាពប្រមាណជាង ៦០០តោន នៅក្នុងភូមិសាស្ត្រស្រុកឱរ៉ាល់ ខេត្តកំពង់ស្ពឺ នាពេលខាងមុខ ។នេះ​បើយោងតាមស្មារតី​នៃកិច្ចប្រជុំស្តីពីការកំណត់​វិធីសាស្ត្រក្នុង​ការ​កម្ទេចចោលទំនិញគ្មានការទាមទារដែលខូចគុណភាពស្ថិតក្រោមការសម្របសម្រួលរបស់រដ្ឋបាលខេត្តកំពង់ស្ពឺក្នុងសប្ដាហ៍នេះ។ តំណាងអគ្គនាយកដ្ឋានគយនិងរដ្ឋាករកម្ពុជា ដែលមានវត្តមានក្នុងកិច្ច​ប្រជុំនោះបានលើកឡើង​ថា កន្លងមក មន្ត្រីជំនាញគយ​និងរដ្ឋាករ​បានបង្ក្រាបបានទំនិញល្មើសនឹងច្បាប់ស្តីពីគយជាច្រើនមុខទំនិញ ដែលម្ចាស់មិនព្រមចូលខ្លួនមកដោះស្រាយ ហើយ​ត្រូវបានចាត់​បញ្ចូលជាទំនិញគ្មានការទាមទារស្របតាមនីតិវិធីជាធរមាន។ ក្នុងចំណោមទំនិញគ្មានការទាមទារទាំងនោះមានចំនួន ១២៣ មុខទំនិញបានខូចគុណភាព និងជាកម្មវត្ថុនៃការកម្ទេចចោលតាមវិធី សាស្ត្រកម្ទេចដែលនឹងត្រូវកំណត់ដោយ​ស្ថាប័ន​ជំនាញ។ទំនិញគ្មានការទាមទារដែលខូចគុណភាពទាំង១២៣ មុខត្រូវបាន​បែងចែកជាប្រាំប្រភេទរួមមាន៖១- បារីចម្រុះម៉ាក និងធាតុផ្សំនានា ៤១មុខ ស្មើនឹង ១៣២,៩០២ គីឡូក្រាម។២-ថ្នាំកសិកម្មនិងសារធាតុ​គីមី ១៣ មុខស្មើនឹង ១១០,៦៤៦គីឡូក្រាម ។៣-ភេសជ្ជៈ​និងចំណី​អាហារ ២០ មុខ ស្មើនឹង ១៤៤,៩៧៤គីឡូក្រាម។៤- សំណល់ប្លាស្ទិក កៅស៊ូក្រាលថ្នល់និងអាគុយប្រើរួច៩មុខស្មើនឹង ១៧៧,៧១៥ គីឡូក្រាម និង ៥-សម្ភារៈប្រើប្រាស់និងទំនិញផ្សេងៗ៤០មុខ ស្មើនឹង​៨៤,២៣៥គីឡូក្រាម ។ លោក ជាវ វិជ្ជាក់ អភិបាលរងខេត្តកំពង់ស្ពឺបានបញ្ជាក់ថា រដ្ឋបាល​ខេត្តនឹងចូល​រួមគាំទ្រនិងសម្រួលដល់ការងារកម្ទេចចោលនេះ ។​លោកបានណែនាំឱ្យមន្ទីរជំនាញពាក់ព័ន្ធទាំងអស់ត្រូវចូលរួមពិនិត្យវាយម្លៃ និង ញែកឱ្យដាច់រវាងទំនិញនិងផលិតផលដែល​មាន​ផលប៉ះ​ពាល់ខ្ពស់ដល់មនុស្ស សត្វ បរិស្ថានរួមទាំង រុក្ខជាតិ និងត្រូវរកឱ្យ​ឃើញថាតើទំនិញឬផលិតផលណាមួយត្រូវកិនកម្ទេច កប់ និងដុត​បំផ្លាញ…

    កំពង់ធំ៖ឯកឧត្តម នួន ផារ័ត្ន អភិបាលខេត្តកំពង់ធំកាលពីព្រឹកថ្ងៃ៣១ ខែកក្កដា ឆ្នាំ២០២៤ បានអញ្ជើញចូលរួមក្នុងពិធី​លែង​កូន​ត្រីពូជ​ចម្រុះប្រាំម៉ឺនក្បាលចូលអាងស្ទឹងព្រៃប្រស់ ស្ថិតក្នុងភូមិព្រៃប្រស់  ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ក្នុងឱកាស​ទិវាមច្ឆជាតិ ឆ្នាំ២០២៤នេះ។ពិធីនេះក៏មានការចូលរួមពី អាជ្ញាធរស្រុក ឃុំ កងកម្លាំងប្រដាប់អាវុធ សហគមន៍ និងការឧបត្ថម្ភ ពីអង្គការ AFD , CI, ANKO, HURREDO, Fact, IIRR និងដៃគូពាក់ព័ន្ធមួយចំនួនទៀត។  ក្នុងឱកាសនេះឯកឧត្តមអភិបាលខេត្តបានណែនាំដល់អាជ្ញាធរ,សមត្ថកិច្ចជំនាញ ត្រូវបន្តផ្សព្វផ្សាយច្បាប់ស្តីពីជលផល​ដើម្បីឱ្យ​ប្រជាពលរដ្ឋ​ជ្រួតជ្រាប។បន្តបង្ក្រាបបទល្មើសជលផលដែលកើតមានក្នុង​មូលដ្ឋាន​របស់​ខ្លួន ។ត្រូវខិតខំពង្រឹងសមត្ថភាពដល់​សហគមន៍​នេសាទដែល​បានបង្កើតឡើងរួចហើយឱ្យបានរឹងមាំ ។បង្កើតស្រះជម្រកត្រី​សហគមន៍ ជំរុញបន្ថែមដល់ប្រជាពលរដ្ឋ​នៅក្នុងសហគមន៍នេសាទ​ឱ្យងាកមកធ្វើកសិកម្មចម្រុះបន្ថែមទៀត។ ឯកឧត្តមបន្តថា ត្រូវថែរក្សាបង្គោលព្រំប្រទល់ ,ការពារគ្រប់គ្រង​កន្លែងអភិរក្សជលផល ប្រកបដោយប្រសិទ្ធភាព។អាជ្ញាធរស្រុក ឃុំ ដែលមានព្រៃលិចទឹកនៅក្នុងដែនសមត្ថកិច្ចរបស់ខ្លួន ត្រូវចាត់វិធាន​ការឱ្យបានម៉ឺងម៉ាត់បំផុតបន្ថែមទៀត ចំពោះជនល្មើសបំផ្លាញព្រៃ​លិចទឹក និងការពារព្រៃលិចទឹកឱ្យបានគង់វង្ស​។ត្រូវបន្តដាំកូនឈើ​នៅព្រៃលិចទឹកឱ្យបានច្រើនលើដីត្រូវបានដកហូត ព ការទន្ទ្រាន ដើម្បីស្ការព្រៃលិចទឹកឡើងវិញ។ លោក ប៉ែន វណ្ណរិទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត​កំពង់ធំ បានឱ្យដឹងថា កូនត្រីពូជដែលនៅថ្នាក់ខេត្ត​ពេលនេះ​មានចំនួន​៥០.០០០ក្បាល រួមមាន កូនត្រីឆ្ពិននិងកាហែចំនួន៤៥.០០០​ក្បាល,កូនត្រីព្រលូងចំនួន៥ .០០០ក្បាល និងត្រីមេពូជ​ចំនួន១០០គីឡូក្រាម៕ដោយ៖​ប៊ុន​រដ្ឋា