កំពង់ឆ្នាំង៖ ឯកឧត្តម ប៉ាន់ ខែមប៊ុនថន  រដ្ឋលេខាធិការ​ទីស្ដីការ​គណៈរដ្ឋមន្ត្រីនិងជានាយករងខុទ្ទកាល័យ​សម្ដេច​មហាបវរ​ធិបតី ហ៊ុន ម៉ាណែត នាយករដ្ឋមន្រ្តីកម្ពុជាបាន​បញ្ជាក់ថា តបតាមការសំណូមពររបស់ប្រជាពលរដ្ឋរស់នៅ​ក្នុងឃុំច្រណូក ស្រុកកំពង់លែង ខេត្តកំពង់ឆ្នាំង សម្ដេចធិបតី ហ៊ុន ម៉ាណែត សម្រេចអនុញ្ញាតឱ្យបងប្អូនចូលបង្កបង្កើនផល​លើ​ដីតំបន់៣មួយ រដូវកាល​ទៀត តែហាមកាប់ទន្ទ្រានដីព្រៃ​លិចទឹកនៅសេសសល់បន្តទៀតសូម្បីដើមឈើមួយដើម ។ ឯកឧត្តម ប៉ាន់ ខែមប៊ុនថន បញ្ជាក់បែបនេះក្នុងឱកាសអម​ដំណើរជាមួយលោកជំទាវ កែ ច្ទនមុន្នី តំណាងរាស្ត្រមណ្ឌល​ខេត្ត​កំពង់ឆ្នាំង និងឯកឧត្តម ស៊ុន សុវណ្ណារិទ្ធិ អភិបាលខេត្ត​កំពង់ឆ្នាំង អញ្ជើញជួបសំណេះសំណាលជាមួយប្រជាពលរដ្ឋ​នៅ​សាលា​ឃុំច្រណូកកាលពីព្រឹកថ្ងៃទី២៣ ខែកក្កដាឆ្នាំ ២០២៤។ ឯកឧត្តមបានបន្តថា កាលមុនបងប្អូននៅស្រុកកំពង់លែង ភាគច្រើនគឺ ប្រកបមុខរបរនេសាទត្រី ប៉ុន្តែក្រោយមកផល​នេសាទ​បានធ្លាក់ចុះ បងប្អូនបានងាកមកកាប់ទន្ទ្រានព្រៃ​លិចទឹក យកដីធ្វើស្រែ។ដូច្នេះហើយ មន្ទីរ ក្រសួងពាក់ព័ន្ធ ដែលមានភារកិច្ច​ការពារព្រៃលិចទឹកបានអនុវត្ត តាមតួនាទី​របស់ខ្លួន ក្នុងនោះមានទាំងអាជ្ញាធរដែនដីផងដែរ។ឯកឧត្តម​បន្តថា​ថ្ងៃនេះប្រសិន​បើមិនមានការ យកចិត្តទុកដាក់ពីអាជ្ញាធរ​ឃុំ ស្រុក ខេត្ត ទេម៉្លេះសមពុំមានវត្តមានរបស់ឯកឧត្តមចូល​មកជួបសំណេះសំណាល ជាមួយបងប្អូនដែរ ព្រោះរឿង​សំណូម​ពររបស់បងប្អូនប្រជាពលរដ្ឋបានដឹងដល់សម្ដេចធិបតី ហ៊ុន ម៉ាណែត កាលពីប៉ុន្មានថ្ងៃមុន​ហើយបានចាត់ឱ្យឯកឧត្តម​មកថ្ងៃនេះ ដើម្បីសម្របសម្រួល ជាមួយបងប្អូនប្រជាពលរដ្ឋ ព្រោះសម្ដេចមានមនោសញ្ចេតនា ជ្រាលជ្រៅ…

កំពង់ធំ៖អនុប្រធានអចិន្ត្រៃយ៍គណៈកម្មការការពារ គ្រប់គ្រង​និង​បង្ក្រាបទល្មើសធនធានធម្មជាតិ ក្នុងភូមិសាស្ត្រខេត្តកំពង់ធំ ឧត្តមសេនីយ៍ទោ សោម ស៊ុន បានណែនាំដល់មន្ត្រីជំនាញពាក់​ព័ន្ធ ប្រធានអនុប្រធានព្រៃសហគមន៍និងកម្លាំងចម្រុះ ត្រូវគ្រប់​គ្រង​ឱ្យបាននូវផ្ទៃដែលរឹបអូសបានមកវិញ និងរក្សាឱ្យបាន​គង់​វង្ស។ត្រូវទប់ស្កាត់មិនឱ្យមានការកាប់បំផ្លាញព្រៃឈើជាថ្មី ។ កាលពីថ្ងៃទី២២ ខែកក្កដា ឆ្នាំ២០២៤ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ​អញ្ជើញត្រួតពិនិត្យ​ការគ្រប់គ្រងដីព្រៃឈើដែលរឹបអូសបាន​ពីបទ​ល្មើសក្នុងភូមិសាស្ត្រតំបន់ខ្សាច់វែង ក្នុងតំបន់​សហគមន៍ក្បាលអូរក្រញ៉ាក ឃុំមានរិទ្ធ ស្រុកសណ្ដាន់ ខេត្តកំពង់ធំ ។ លោក នន់ ឡាង អនុប្រធានសហគមន៍ក្បាលអូរក្រញ៉ាក​បានបញ្ជាក់ថា តំបន់ដែលមានការកាប់បំផ្លាញនេះហៅ​ថាតំបន់ខ្សាច់​វែង​មានផ្ទៃដីជាង១៥ ហិកតា ។សកម្មភាពលួចកាប់ទន្ទ្រានថ្មីបានកើតឡើងក្នុងរដូវប្រាំងកន្លងមក។ ឧត្តមសេនីយ៍ទោ សោម ស៊ុន ដាក់បទបញ្ជាត្រូវ​ស្រាវជ្រាវរកមុខសញ្ញាជនល្មើស ដើម្បីកសាងសំណុំរឿងបញ្ជូន​ទៅតុលាការ ដោយគ្មានការលើកលែង ហើយត្រូវ​បន្ត​សកម្មភាព​ការពារ ទប់ស្កាត់ និងបង្រ្កាបបទល្មើសធនធាន​ធម្មជាតិឱ្យមានប្រសិទ្ធភាពដោយពុំមានការដក​ថយុំ ក្នុងឱកាសនេះឧត្តមសេនីយ៍ទោ សោម ស៊ុន បានឧបត្ថម្ភ​ស្បៀងអាហារ ប្រេងឥន្ធនៈ និងថវិកាមួយចំនួនជាអំណោយ​សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជានិង​លោក​ជំទាវ​បណ្ឌិត ពេជ ចន្ទមុន្នី ជូនដល់កងកម្លាំងចម្រុះ សម្រាប់​ជួសជុលមធ្យោបាយធ្វើ ដំណើរ និងសម្រាប់ការហូប​ចុក​ប្រចាំថ្ងៃ៕ដោយ៖ ប៊ុន…

កំពង់ធំ៖កាណូតចំនួនបួនគ្រឿង,អាវពោងសុវត្ថិភាព៤០ និង​ប្រេងឥន្ធនៈ ដែលជាអំណោយសម្ដេចធិបតី ហ៊ុន ម៉ាណែត នាយក​រដ្ឋមន្រ្តីកម្ពុជានិងលោកជំទាវបណ្ឌិត ជូនដល់រដ្ឋបាល​ស្រុកសណ្ដាន់ ខេត្តកំពង់ធំ តាមរយៈនាយឧត្តមសេនីយ៍ ម៉ៅ សុផាន់ បញ្ជាការ​រងនៃកងយោធពលខេមរភូមិន្ទ មេបញ្ជាការ​កង​ទ័ពជើងគោក ប្រធានក្រុមការងាររបស់រាជរដ្ឋាភិបាល​ចុះមូលដ្ឋានស្រុកសណ្ដាន់ ត្រូវបានប្រគល់ជូនអាជ្ញាធរឃុំ​ដងកាំបិត និងឃុំមានជ័យ ស្រុក​សណ្ដាន់​កាលពីថ្ងៃទី២២ ខែកក្កដា ឆ្នាំ២០២៤។ មធ្យោបាយទាំងនេះសម្រាប់ដឹកជញ្ជូន លោកគ្រូ អ្នកគ្រូ សិស្សានុសិស្ស និងប្រជាពលរដ្ឋក្នុងមូលដ្ឋានឆ្លងស្ទឹងសែននា​រដូវវស្សាប្រកបដោយសុវត្ថិភាព ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ​សឹករងកំពង់ធំ និងឧត្តមសេនីយ៍ទោ សូយ ណារិទ្ធ មេបញ្ជា​ការរង​កងពលតូចលេខ៧០ បាននាំយកអំណោយនេះ​ទៅប្រគល់ជូនដោយផ្ទាល់។លោកបញ្ជាក់ថា កាណូតបួន​គ្រឿងនេះ គឺពីរ​គ្រឿង ប្រគល់ជូនប្រជាជននៅឃុំដងកាំបិត និងពីរគ្រឿងទៀតជូនប្រជាជននៅឃុំមានជ័យនិងឃុំខ្លែង ។ ក្នុងឱកាសនេះឧត្តមសេនីយ៍ទោ សោម ស៊ុន បានផ្តាំ​ផ្ញើដល់​អ្នកបើកបរកាណូតទាំងពីរគោលដៅ ត្រូវមានការប្រុងប្រយ័ត្ន​ខ្ពស់​​ក្នុងការបើកបរដឹកជញ្ជូន។ត្រូវថែទាំតាមលក្ខណៈបច្ចេក​ទេសដើម្បីប្រើប្រាស់បានយូរអង្វែង។ លោក ស៊ិន វណ្ណវុឌ្ឍ អភិបាលស្រុកសណ្ដាន់ បានអរគុណ​សម្ដេចធិបតី ហ៊ុន ម៉ាណែត និងលោកជំទាវបណ្ឌិតពេជ ចន្ទមុន្នី និងនាយឧត្តមសេនីយ៍ ម៉ៅ…

បាត់ដំបង៖ឯកឧត្តម សុខ លូ អភិបាលខេត្តបាត់ដំបង បាន​បញ្ជាក់​ថា ស្ថានភាពទឹកស្ទឹងសង្កែនិងស្ទឹងនានា បានស្រក​ចុះបណ្តើរៗ​បន្តិចទៅវិញហើយ។ប៉ុន្តែសូមបងប្អូនដែល​រស់​នៅតាមដងស្ទឹងសង្កែ បន្តមានការប្រុងប្រយ័ត្នខ្ពស់ដដែល។ កាលពីថ្ងៃទី២១ ខែកក្កដា ឆ្នាំ២០២៤ ឯកឧត្តម សុខ លូ អភិបាលខេត្តបាត់ដំបងរួមជាមួយមន្រ្តីនៃមន្ទីរជំនាញ អញ្ជើញ​ចុះ​ពិនិត្យមើលពីស្ថានភាពទឹក នៅលើខ្នងទំនប់អាងស្ទាក់​ទឹក​ពហុបំណងសេកសក និងទីតាំងដែលទទួលរងផល​ប៉ះពាល់​ដោយជំនន់​ទឹក​ភ្លៀងកន្លងមកស្ថិតក្នុងភូមិសាស្ត្រស្រុក​រតនមណ្ឌល និងស្រុកសំឡូត ។នៅទីនោះឯកឧត្តមអភិបាលខេត្តបាន​ឱ្យដឹងថា ស្ថានភាព​ទឹកស្ទឹងសង្កែនិងស្ទឹងនានា បានស្រកចុះបណ្តើរៗបន្តិច​ទៅវិញ​ហើយ។ប៉ុន្តែសូមបងប្អូនរស់នៅតាមដងស្ទឹងសង្កែសូមបន្ត​មានការ​ប្រុងប្រយ័ត្នខ្ពស់ដដែលពីព្រោះគ្រោះធម្មជាតិមាន​ការ​ប្រែប្រួល។ តាមការលើកឡើងរបស់លោក សើ សាម៉េត អភិបាល​ស្រុក​សំឡូត គឺជំនន់ទឹកភ្លៀងនៅស្រុកសំឡូត បានស្រកចុះនិងវិល​ទៅរក​ស្ថានភាពធម្មតាវិញហើយ ខណៈដែលជំនន់ទឹក​ភ្លៀង​រយៈពេលខ្លីនេះបានបង្កនូវផលប៉ះពាល់តិចតួចបំផុតចំពោះផលដំណាំផ្សេងៗ ក្នុងមូលដ្ឋានឃុំមួយចំនួន។ ក្នុងការចុះពិនិត្យស្ថានភាពជាក់ស្តែងនៅភូមិរៃ ឃុំតាតោក ស្រុកសំឡូត ឯកឧត្តម សុខ លូ បានណែនាំដល់មន្រ្តីនៃ​មន្ទីរសា​ធារណ​ការខេត្តថា កន្លែងដែល​ជំនន់ទឹកភ្លៀងបុក​ផ្តាច់ស្ពានឆ្លងអូរនៅទីនោះត្រូវជួយសម្រួលជួយជួសជុលឱ្យបានទាន់ពេលវេលា ដើម្បី​ឱ្យ​ប្រជាពលរដ្ឋអាចចរាចរបាន​ឡើង​វិញ។ ក្នុងដំណើរពិនិត្យស្ថានភាពនេះដែរ លោក ព្រួញ រិទ្ធិថា ប្រធានមន្ទីរសាធារណការខេត្តបាត់ដំបងបានប្រាប់ទូរទស្សន៍អប្សរា ថា​មន្ទីរទទួលការណែនាំនិងសំណូមរបស់ឯកឧត្តម​អភិបាលខេត្ត និងពីអាជ្ញាធរផ្ទាល់។លោកនឹងចាត់មន្ត្រីជំនាញ ឱ្យ​ចុះមកពិនិត្យ​មើលទីតាំងនិងបន្ទាប់ពីទឹកស្រកចុះ ។មន្ទីរនឹងរៀបចំដាក់ស្ពានដែកបេឡេ ប្រវែងជាង ២០ម៉ែត្រ ដើម្បីជួយសម្រួលដល់​ការធ្វើ​ដំណើររបស់ក្នុងមូលដ្ឋានដែល​មាន​អ្នករស់នៅជាង៤០០នាក់ ។ លោកអភិបាលស្រុកសំឡូត បានថ្លែងអំណរគុណដល់​ឯក​ឧត្ត​ម​អភិបាលខេត្តបាត់ដំបង ដែលបានសម្រេចផ្ដល់ស្ពានថ្មីមួយ​កន្លែង​ដែល​ស្ថិតនៅចំណុច៥៨…