កំពត ៖អាជ្ញាធរខេត្តកំពតបានដាំដើមត្នោតជាង១៧.០០០ដើម នៅតាមខ្សែក្រវាត់ព្រំដែន កម្ពុជា-វៀតណាមស្ថិតក្នុង ភូមិសាស្ត្រ​នៃស្រុកកំពង់ត្រាច នៅក្នុងពិធី “រុក្ខទិវា” បីឆ្នាំកន្លងមកនេះ។ការជ្រើសរើសដាំកូនត្នោតនេះដើម្បីបំផុសស្មារតី ប្រជាពលរដ្ឋ និងយុវជនជំនាន់ក្រោយឱ្យស្រឡាញ់ព្រៃឈើ។ម៉្យាងទៀត​ដើមត្នោតដែលជារុក្ខជាតិសំគាល់អត្តសញ្ញាណជាតិខ្មែរទៀតផង។ មានប្រសាសន៍នៅក្នុងពិធីអបអរសាទរ «រុក្ខទិវា» ៩ កក្កដា ឆ្នាំ២០២៤  ដែលប្រារព្ធនៅកោះវែង ភូមិកោះចំការឃុំបឹង សាលាខាងត្បូង ស្រុកកំពង់ត្រាច ខេត្តកំពតនាថ្ងៃទី២១ ខែកក្កដា ឆ្នាំ២០២៤ដោយមានវត្តមានឯកឧត្តម តាក ហាប់ ប្រធានក្រុមប្រឹក្សាខេត្តផង   ឯកឧត្តម ម៉ៅ ធនិន អភិបាលខេត្ត​កំពត បានបញ្ជាក់ថា ការដាំកូនឈើនិងដាំកូនត្នោតនៅសងខាង ផ្លូវខ្សែក្រវាត់ព្រំដែនកម្ពុជា-វៀតណាម ប្រវែងបីគីឡូម៉ែត្រនា​ពេលនេះ គឺដើម្បីទុកជាប្រវត្តិសាស្រ្តទៅថ្ងៃមុខ និងបំផុសឱ្យ​យុវជនជំនាន់ក្រោយស្រឡាញ់ព្រៃឈើ និងដើមត្នោត។  ការនាំគ្នាដាំដើមត្នោត ពិតជាមានតម្លៃឥតគណនា ដោយសារ​ដើមត្នោតជារុក្ខជាតិសំគាល់អត្តសញ្ញាណជាតិខ្មែរ ។ត្នោតបានផ្តល់អត្ថប្រយោជន៍ច្រើនយ៉ាងផង។ លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទ​ខេត្តកំពតបានឱ្យដឹងថា យោងតាមអនុសាសន៍ណែនាំ របស់ឯកឧត្តមអភិបាលខេត្តកំពត មន្ទីរកសិកម្ម រុក្ខាប្រមាញ់ និងនេសាទខេត្ត និងខណ្ឌរដ្ឋបាលព្រៃឈើកំពត បានបណ្តុះ​គ្រាប់ត្នោត ទុកចែកជូនប្រជាកសិករដែលរស់នៅតាមព្រំដែន កម្ពុជា-វៀតណាមដាំឱ្យបានពីបួន…

ភ្នំពេញ៖ មន្ទីរកសិកម្មខេត្តសៀមរាបបានឱ្យដឹងថា ដំណាំស្រូវ របស់កសិករក្នុងក្រុងស្រុកចំនួនប្រាំទំហំ១៥៩ហិកតា ដែល ទទួលរងគ្រោះដោយសារសត្វ ដង្កូវហ្វូង ត្រូវបានជួយសង្គ្រោះ បានផ្ទៃដី សរុប១៤០ហិកតា ស្មើនឹង៨៨ភាគរយ។ ប្រភពមន្ទីរកសិកម្មរុក្ខាប្រមាញ់ និងនេសាទខេត្តសៀមរាប នៅថ្ងៃ ទី២១ខែកក្កដា បានឱ្យដឹងថា គិតត្រឹមថ្ងៃទី១៨ ខែកក្កដា ស្ថិតិផ្ទៃដីនៃផលប៉ះពាល់ដោយដង្កូវហ្វូងបំផ្លាញដំណាំស្រូវសរុប១៥៩ហិកតាលើក្រុង ស្រុកចំនួនប្រាំ ឃុំចំនួនប្រាំមួយ ភូមិចំនួន ១២ និងកសិកររងគ្រោះមានសរុបចំនួន ២២១គ្រួសារ។ ក្នុង ចំនួននេះ មន្រ្តីជំនាញបានជួយសង្គ្រោះផ្ទៃដីសរុប១៤០ហិកតា ស្មើនឹង ៨៨ភាគរយ។ ចំពោះក្រុងស្រុកទាំងប្រាំដែលទទួលរងគ្រោះមានស្រុកស្រីស្នំ ផ្ទៃដី៨ ហិកតា សង្គ្រោះបាន ៨០ភាគរយ, ស្រុកពួកផ្ទៃដី ៧៥ហិកតា សង្គ្រោះបាន ៨០ភាគរយ, ស្រុកអង្គរជុំ ផ្ទៃដីមួយ ហិកតា សង្គ្រោះបាន ១០០ភាគរយ,ស្រុកអង្គរធំ ផ្ទៃដី ៦០ ហិកតា សង្គ្រោះបាន ១០០ភាគរយ និងក្រុងរុនតាឯកតេ ជោ សែន ផ្ទៃដី១៥ ហិកតា សង្គ្រោះបាន…

(ភ្នំពេញ)៖ ក្នុងពិធីសម្ពោធស្រះចិញ្ចឹម និងបង្កាត់ពូជអណ្ដើកហ្លួង នៅមជ្ឈមណ្ឌលអភិរក្សសត្វល្មូន ខេត្តកោះកុង របស់អង្គការ WCS ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទបានចូលរួមធ្វើការលែងអណ្តើកហ្លួងចំនួន ២០ក្បាល ចូលទៅក្នុងប្រព័ន្ធព្រែកស្រែអំបិល។ គួរបញ្ជាក់ថា មជ្ឈមណ្ឌលអភិរក្សសត្វល្មូន ខេត្តកោះកុង ដែលមានទីតាំងនៅភូមិទួលគគីរលើ ឃុំទួលគគីរ ស្រុកមណ្ឌលសីមា ខេត្តកោះកុង ត្រូវបានសម្ពោធាក់ឱ្យប្រើប្រាស់កាលពីថ្ងៃទី១៩ ខែកក្កដា ឆ្នាំ ២០២៤។ កន្លែនេះគឺមានសុវត្ថិភាព សម្រាប់ការអភិរក្សសត្វអណ្តើកហ្លួង និង ក្រពើត្រី តាមរយៈការចិញ្ចឹមមើលថែ បង្កាត់ពូជ និងភ្ញាស់ពងកូនអណ្តើកហ្លួង និងក្រពើត្រី រហូតដល់ពួកវាធំធាត់អាចលែងចូលទៅក្នុងប្រព័ន្ធព្រែកស្រែអំបិលដែលជាទីជម្រកធម្មជាតិរបស់ពួកវា។ ឯកឧត្តមរដ្ឋមន្ដ្រី ឌិត ទីណាបានចូលរួមលែងអណ្តើកហ្លួងចំនួន ២០ក្បាល ចូលក្នុងប្រព័ន្ធព្រែកស្រែអំបិល។ ក្នុងនោះ អណ្តើកហ្លួងចំនួន ១២ក្បាល មានបំពាក់ឧបករណ៍បញ្ជូនសំឡេងដើម្បីតាមដានចលនា អត្រារស់រាន និងការប្រើប្រាស់ទីជម្រករបស់អណ្តើកហ្លួងទាំងនោះ។ ការអង្កេតតាមដានសត្វអណ្តើកហ្លួងទាំងនេះបន្ទាប់ពីពួកវាត្រូវបានលែងចូលទីជម្រកធម្មជាតិ ពិតជាមានសារសំខាន់ណាស់ក្នុងការការពារនិងស្តារចំនួនសត្វអណ្តើកហ្លួងឱ្យកើនឡើងវិញក្នុងទីជម្រកធម្មជាតិ។ អណ្តើកហ្លួង ត្រូវបានប្រកាសថាជាសត្វល្មូនតំណាងជាតិរបស់កម្ពុជាក្នុងឆ្នាំ២០០៥។ អណ្តើកហ្លួងត្រូវបានប្រទះឃើញមានវត្តមានតែនៅក្នុងប្រទេសកម្ពុជា ម៉ាឡេស៊ី និងឥណ្ឌូនេស៊ីតែប៉ុណ្ណោះ។ ចំនួនសរុបនៃសត្វនេះត្រូវបានប៉ាន់ប្រមាណថាមានចំនួនប្រហែល ១០០…

(ភ្នំពេញ)៖ដោយសារតែការទំនាក់ទំនងជាមួយបណ្តាញសារព័ត៌មានក្នុងស្រុក ក៏ដូចជាបរទេសជួបនូវបញ្ហាមួយចំនួននោះក្លិបអ្នកកាសែតកម្ពុជា បានបើក​វគ្គបណ្ដុះបណ្ដាលពិសេសសម្រាប់មន្រ្តីទទួលបន្ទុកព័ត៌មានតាមក្រសួងបន្ទីរ និងវិស័យឯកជន ក្នុងគោលបំណងធ្វើឲ្យទំនាក់ទំនងរវាងអ្នកសារព័ត៌មាន និងមន្រ្តីអ្នកនាំពាក្យ អាចធ្វើកិច្ចការងារជាមួយគ្នាកាន់តែល្អប្រសើរ និង​ពិសេសនោះបានយល់អំពីតម្រូវការគ្នាទៅវិញទៅមក។ បញ្ជាក់ក្នុងពិធីបើកវគ្គបណ្តុះបណ្តាលដែលបានរៀបចំឡើងនាថ្ងៃទី ២០ ខែ កក្កដា ឆ្នាំ ២០២៤នៅសាកលវិទ្យាល័យអាមេរិកកាំងភ្នំពេញ(AUPP) លោក ពុយគា ប្រធាន ក្លិបអ្នកកាសែតកម្ពុជាបានឱ្យដឹងថា៖វគ្គបណ្តុះបណ្តាលនេះ​ធ្វើឡើងសម្រាប់មន្រ្តីដែលទទួលបន្ទុកកិច្ចការងារសាធារណៈ និងព័ត៌មាន។វគ្គនេះធ្វើឡើងសម្រាប់មន្រ្តីរាជការ ក៏ដូចជាឯកជន។ អ្វីដែលធ្វើឱ្យលោកភ្ញាក់​ផ្អើល​នោះគឺដំបូងឡើយគិតថាសិក្ខាកាមនឹងអាចមានប្រមាណពី​៥០ទៅ៦០​នាក់ចូលរៀនទេ ប៉ុន្តែចំនួននេះបានកើនឡើងជាង១០០នាក់ តែដោយសារ​បន្ទប់​តូចនឹងចង់ចម្រាញ់យកគុណភាពនោះក្លិបអ្នកកាសែត​កម្ពុជា​ទទួល​បានតែ ៩០នាក់ប៉ុណ្ណោះ។ លោកបាននិយាយដែរថាដោយសារមើលឃើញមានការចាប់អារម្មណ៍ច្រើនពីអ្នកពាក់ព័ន្ធក្នុងវិស័យនេះក្លិបអ្នកកាសែតកម្ពុជាគ្រោងនឹងបើកវគ្គទី២ទី២ទៀតនៅដើមខែក្រោយនេះផងដែរ។សម្រាប់អ្នករៀនវគ្គបណ្តុះបណ្តាលនេះគឺបាន​ផ្តោតសំខាន់ទៅលើរបៀបធ្វើការងាររបស់អ្នកសារព័ត៌មានជាមួយនឹងមន្រ្តីដែលទទួលបន្ទុកការងារព័ត៌មាន​។ដោយក្នុងនេះនឹងប្រាប់ពីអ្នកសារព័ត៌មានចង់​បានអ្វី នឹងមន្រ្តីពាក់ព័ន្ធគួរផ្តល់ដូចម្តេច។ក្រៅពីនេះបង្ហាត់បង្ហាញឱ្យដឹងពី​សំណួរ​អ្នក​សារព័ត៌មាន និងក៏ដូចជាការឆ្លើយតបឱ្យត្រូវចំណុចជាដើម។ គួរបញ្ជាក់ថាក្នុងពិធីនេះគេឃើញមានអ្នកនាំពាក្យជើងចាស់ ,អ្នកសារព័ត៌មាន​ជើង​ចាស់ ៣រូប បានចូលរួមចែករំលែកបទពិសោធន៍ដែលធ្លាប់ធ្វើការយូរឆ្នាំ​កន្លង​មកដូចជា ឯកឧត្តម សុខ ឥសាន សមាជិកព្រឹទ្ធសភា និងជាអ្នកនាំពាក្យ​គណៈបក្សប្រជាជន លោក គី សុខលីន សហស្ថាបនិកសារព័ត៌មានឌីជីថល​ថ្មីៗ លោក ទាវសារៈមុនី និពន្ធនាយកព័ត៌មានអប្សរាសង់ត្រាល់​នៃក្រុមហ៊ុន​អប្សរាព័ត៌មានជាដើម៕ ដោយ ៖ ម៉ាដេប៉ូ

(ភ្នំពេញ)៖ ដើមត្នោតត្រូវបានចាត់បញ្ចូល ជាប្រភេទរុក្ខជាតិនិមិត្តរូបជាតិ នៃប្រទេសកម្ពុជា ។ ដើមត្នោតគេអាចកែច្នៃធ្វើជាសម្ភារៈប្រើប្រាស់បានច្រើន យ៉ាងណាស់ ហើយក្រៅពីនេះវាក៏ផ្តល់ផ្នែកអាហារដល់យើង ច្រើនបែប ដែរដូចជាទឹកត្នោត និងផ្លែត្នោត សុទ្ធតែអាចប្រើធ្វើជាអាហារបានទាំងខ្ចី និងទុំ។ ដើមឈើដ៏មានតម្លៃមហាសាលមួយនេះ ក្នុងការដាំគឺគេឱ្យទុក ចន្លោះពីដើម​មួយទៅដើមមួយមានចម្ងាយ ៤ ម៉ែ​ត្រ ដើម្បីឲ្យដើមត្នោតលូតលាស់ធំធាត់​បានលឿន និងហុចផលបានល្អផង។ ឯកឧត្តម ខ្វៃ អាទិត្យា មន្រ្តីអ្នកនាំពាក្យក្រសួងបរិស្ថានបានឱ្យដឹងថា៖យុទ្ធនាការដាំត្នោតតាមមូលដ្ឋាននឹងត្រូវបានគេរៀបចំឡើងនៅថ្ងៃទី ២១ ខែកក្កដា ឆ្នាំ២០២៤នៅក្នុងឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។កូនត្នោតចំនួន១០ ០០០ដើមនឹងត្រូវបានគេដាំក្នុងពិធីនេះ ហើយ កាលពី​ថ្ងៃសុក្រ ទី១៩ ខែកក្កដា ឆ្នាំ២០២៤ ត្រូវបានគេដឹកដល់ទីតាំងរួចហើយដែរ ដើម្បីត្រៀមដាំ។ ឯកឧត្តមបញ្ជាក់ថាកូនត្នោតទាំងនេះជាអំណោយរបស់ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន​ និងជាប្រធានក្រុមការងារថ្នាក់ជាតិចុះមូល​ដ្ឋាន​ខេត្តត្បូងឃ្មុំ ដែលការដាំនេះគឺ សម្រាប់ដើម្បីបុព្វហេតុបរិស្ថាន សម្បត្តិ​វប្បធម៌ និងធម្មជាតិ នៃមាតុភូមិកម្ពុជា ជូនកូនចៅជំនាន់ក្រោយ។ ឯកឧត្តមបណ្ឌិត អ៊ាង សុផល្លែត ធ្លាប់បានថ្លែងថា ការរៀបចំដាំកូនត្នោត សម្រាប់ទុកជាប្រយោជន៍ក្នុងសហគមន៍…

ព្រះវិហារ៖ បន្ទាប់ពីមានភ្លៀងធ្លាក់ជាប់គ្នាប៉ុន្មានថ្ងៃនេះបាន​បណ្ដាល​ឱ្យមានជំនន់ទឹកភ្លៀងកើតឡើងលើភូមិឃុំមួយ​ចំនួនក្នុង​ស្រុកគូលែន ខេត្តព្រះវិហារ ដែលជាខេត្តនៃភាគ​ខាងជើង មានព្រំប្រទល់ជាប់នឹងប្រទេសថៃ។ លោក ប៉ែន ជឹង អភិបាលស្រុកគូលែន កាលពីថ្ងៃទី១៩ ខែកក្កដា បានចុះត្រួតពិនិត្យសិក្សាជាក់ស្តែងនូវផលប៉ះពាល់​ដោយសារ​ជំនន់ទឹកភ្លៀងនៅភូមិរំចេក ភូមិព្រៃគោល ភូមិកក់កាថង នៃឃុំស្រយង់ ស្រុកគូលែន។តាមរយៈនៃការពិនិត្យឃើញថា ការខូចខាតបឋមមានផ្លូវ​លំ​មួយ​ខ្សែភ្ជាប់ភូមិរំចេក ឆ្ពោះទៅកាន់ភូមិព្រៃគោលដោយទឹក​ហូរច្រោះ​កាត់ផ្លូវចំនួនប្រាំកន្លែង, ដាច់ផ្លូវមួយកន្លែង។ ផ្លូវមួយ​ខ្សែទៀត ជាផ្លូវក្រាលកៅស៊ូចេញពី ភូមិរំចេក ឆ្ពោះ​ទៅកាន់ភូមិ​កក់កាថង ប៉ះពាល់ទៅលើកំណាត់ផ្លូវបី​កន្លែងធំៗ​​បណ្តាល​​​ឱ្យមានការខូចខាតប្រវែង ២០០ម៉ែត្រ និង​មានទឹកហូច្រោះ​មាត់លូ និងទឹកហូច្រោះក្បាល​ស្ពាន​ផងដែរ ។ ជាដំណោះស្រាយចំពោះមុខលោកអភិបាលស្រុក ក្រុមការងារ​និងមន្ត្រីជំនាញចំណុះឱ្យរដ្ឋបាលស្រុកគូលែន បានសម្រេច​ប្រគល់​ថវិកា​មួយ​ចំនួន​ទៅដល់អាជ្ញាធរភូ មិឃុំ ដែលរងផល​ប៉ះពាល់ដើម្បីទិញប្រេងសម្រាប់អារ​ឈើចាស់ៗធ្វើជាស្ពាន​ឱ្យប្រជាពលរដ្ឋ​​ប្រើប្រាស់បណ្ដោះអាសន្ន​ក្នុងពេលបន្ទាន់។ លោក ប៉ែន ជឹង អភិបាលស្រុកបានណែនាំដល់មន្រ្តីមូលដ្ឋាន​ភូមិ ឃុំត្រូវតាមដានស្ថានភាពទឹកជំនន់ ផលប៉ះដល់ការរស់​នៅរបស់​ប្រជាជន ។ពិសេសប្រាប់ប្រជាជនឱ្យប្រុងប្រយ័ត្នខ្ពស់​ចំពោះ​ស្ថានភាពនេះ៕ដោយ៖សួន លីណា

សូមគោរពជូនអ្នកឧកញ៉ា ឈុន លាង និងអ្នកឧកញ៉ា សំអាង ស្ថាបនិកក្រុមហ៊ុន វឌ្ឍនៈ ប្រ៊ូវើរី ព្រមទាំងក្រុមគ្រួសារ យើងខ្ញុំទាំងអស់គ្នាជាគណៈគ្រប់គ្រង និងបុគ្គលិកគ្រប់លំដាប់ថ្នាក់នៃក្រុមហ៊ុន វឌ្ឍនៈ ប្រ៊ូវើរី ពិតជាមានក្តីរន្ធត់ឥតឧបមា និងសូមចូលរួមសម្តែងនូវការ​សោកស្តាយ​បំផុតចំពោះ​​ មរណភាពរបស់ មហាសទ្ធាភិរ័ក្ខញាណ ហ៊ី ឡាយ អគ្គមហាឧបាសកពុទ្ធសាសនូបត្ថម្ភក៍ ​នៅថ្ងៃសៅរ៍ ១៥ កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកក្កដា ឆ្នាំ២០២៤ វេលាម៉ោង ៦:១២នាទីព្រឹក ដោយជរាពាធ ក្នុងជន្មាយុ ៩៧វស្សា។ ការបាត់បង់ មហាសទ្ធាភិរ័ក្ខញាណ ហ៊ី ឡាយ អគ្គមហាឧបាសកពុទ្ធសាសនូបត្ថម្ភក៍ គឺជាការបាត់បង់នូវឪពុកបង្កើត ឪពុកក្មេក ជីតា ជីតាក្មេក និងជីតាទួត ជាទីគោរពស្រឡាញ់ និងប្រកបដោយព្រហ្មវិហារធម៌ នៃកូន ចៅ និងចៅទួតទាំងអស់ ដែលលោកមានគុណ​យ៉ាងធំធេង និងប្រកបដោយព្រហ្មវិហារធម៌បំផុតរបស់ក្រុមគ្រួសារ។ ទន្ទឹមនឹងនេះ ការបាត់បង់ មហាសទ្ធាភិរ័ក្ខញាណ…

ភ្នំពេញ៖ឯកឧត្តម ផន រឹម អ្នកនាំពាក្យក្រសួងសាធារណការ​និង​ដឹកជញ្ជូនបានប្រាប់ឱ្យដឹងថា គិតត្រឹមថ្ងៃទី១៩ ខែកក្កដា ឆ្នាំ​២០២៤​នេះ ភ្លៀងបានបន្តធ្លាក់ជាប់ៗគ្នាឥតដាច់​ជាង​១០ថ្ងៃមកហើយ ធ្វើឱ្យកំណាត់ផ្លូវជាតិលេខ៣ ត្រង់ចំណុច​ត្រពាំងរពៅ-វាលរេញ ដែលរងការខូចខាតស្រាប់ផងនោះ កាន់តែពិបាកក្នុងដំណើរការជួសជុល ថែទាំ ជួសជុលប្រចាំ ក៏ប៉ុន្តែស្ថានភាពចរាចរណ៍​នៅដំណើរការធម្មតា។ លើបណ្ដាញសង្គមផ្លូវការ ឯកឧត្តម ផន រឹម បានបញ្ជាក់ថា ពេលដាច់គ្រាប់ភ្លៀង មន្ទីរសាធារណការនិងដឹកជញ្ជូន​ខេត្តព្រះសីហនុ តែងចេញគ្រឿងចក្រដើម្បីបន្តថែទាំ ជួសជុលប្រចាំ ដើម្បីធានាការធ្វើចរាចរាចរណ៍របស់បង​ប្អូនប្រជាពលរដ្ឋ។ គួរបញ្ជាក់ថា កំណាត់ផ្លូវជាតិលេខ៣ (ត្រពាំងរពៅ-វាលរេញ) ត្រូវបានជួលជុល កែលម្អ ភ្ជួរ កៀរ កិន បង្ហាប់ តួផ្លូវ ដែលមាន​ការ​ខូចខាតប្រវែង២០,៦២គីឡូម៉ែត្រ ត្រង់ចំណុច (PK 181+100 – PK 201+720) ដើម្បីធានាការចរាចរណ៍​របស់​បង​ប្អូនប្រជាពលរដ្ឋ​ដោយល្បឿនមធ្យម និងប្រើប្រាស់ថេរវេលា​ក្រោមមួយម៉ោងដើម្បីឆ្លងកាត់កំណាត់ផ្លូវដ៏លំបាកនេះ ទម្រាំ​ឈាន​ទៅដល់ការ​អនុវត្ត​ការងារសាងសង់ជាក់ស្តែងឱ្យ​ស្របទៅតាមបទដ្ឋានបច្ចេកទេសខ្ពស់នាពេលខាងមុខ។ ឯកឧត្តមអ្នកនាំពាក្យបានអំពាវនាវសូមបងប្អូនប្រជាពលរដ្ឋធ្វើដំណើរប្រកដោយសុខសុវត្ថិភាព និងសូមមេត្តាយោគយល់​អធ្យាស្រ័យ ករណីមានការរំខានក្នុងអំឡុងពេលជួសជុល និងស្ថានភាពដ៏លំបាកនេះ៕ដោយ៖មុនី

(ភ្នំពេញ)៖ អភិបាលនៃគណៈអភិបាលរាជធានីភ្នំពេញ ឯកឧត្ដម ឃួង ស្រេង សូមឱ្យព្រះថេរានុត្ថេរៈគ្រប់ព្រះអង្គ ទូងស្គរ គោះជួង គ្រប់វត្តអារាម ដើម្បីអបអរសាទរ និង គាំទ្រ នៃការបើកការដ្ឋានស្ថាបនា “ព្រែកជីកហ្វូណន-តេជោ” ដែលនឹងប្រព្រឹត្តទៅនៅថ្ងៃទី៥ ខែសីហា ឆ្នាំ២០២៤ ខាងមុខនេះ ។ ការស្នើសុំបែបនេះរបស់ ឯកឧត្ដម ឃួង ស្រេងបានធ្វើឡើងនារសៀលថ្ងៃទី១៩កក្កដានេះ ក្នុងពិធីវេរប្រគេនទៀនព្រះវស្សា,ទ័យ្យវត្ថុ,បច្ច័យរួមនិងគ្រឿងបរិក្ខាផ្សេងៗដល់ព្រះសង្ឃនិមន្តមកពី ១៥១វត្ត និងសាលាបុណ្យចំនួន ០៥កន្លែងនៅក្នុងរាជធានីភ្នំពេញនៅក្នុងបរិវេណវត្តឧណ្ណាលោម ក្នុងសង្កាត់ជ័យជំនៈ ខណ្ឌដូនពេញ។ ឯកឧត្ដម ឃួងស្រេង បានមានប្រសាសន៍ថា៖ព្រះថេរានុត្ថេរៈគ្រប់ព្រះអង្គ ពុទ្ធបរិស័ទ បងប្អូនប្រជាពលរដ្ឋ និងក្មួយៗយុវជន-យុវនារីទាំងអស់ សូមត្រៀមលក្ខណៈចូលរួមអបអរ សាទរ ដោយត្រូវទូងស្គរ គោះជួង និងកម្សាន្តសប្បាយជាមួយនឹងការ ប្រគុំតន្ត្រី អុជកាំជ្រួច ព្រមទាំងការរៀបចំកម្មវិធីផ្សេងៗទៀតរបស់ រដ្ឋបាលរាជធានីភ្នំពេញ នៅថ្ងៃទី៥ ខែសីហា ឆ្នាំ២០២៤ ខាងមុខនេះ ដែលជាព្រឹត្តិការណ៍ប្រវត្តិសាស្ត្រថ្មីមួយទៀត របស់ប្រជាជនកម្ពុជា នោះគឺ ការបើកការដ្ឋានស្ថាបនា “ព្រែកជីកហ្វូណន-តេជោ” ដែលជា គំនិតផ្តួចផ្តើមរបស់…