បាត់ដំបង៖យុទ្ធនាការ”ផ្ទះ១ខ្នង ដើមឈើ១ដើម”ត្រូវបាន​ចាប់ផ្ដើមនៅទីប្រជុំជនក្រុង ស្រុក ទាំង១៤នៅទូទាំងខេត្ត​បាត់ដំបង កាលពីថ្ងៃទី១១ ខែកក្កដាឆ្នាំ២០២៤នេះ។ដោយឡែកឯកឧត្តម សុខ លូ អភិបាលខេត្តបាត់ដំបងបាន​អញ្ជើញចូលរួម​បើកយុទ្ធនា​ការនេះនៅក្នុងក្រុងបាត់ដំបង ដែលជាចំណុចស្នូលនៃយុទ្ធនាការ។កូនឈើចម្រុះចំនួន២៥ ០០០ ដើមក៏ត្រូវបានត្រៀមសម្រាប់យុទ្ធនាការ​បង្កើត​ភាពបៃតង និងសោភណភាពទីក្រុងនេះផងដែរ។ ពីកណ្ដាលប្រជុំជននៃខេត្តជង្រុករបស់កម្ពុជា លោក លាង វាសនា អភិបាលក្រុងបាត់ដំបងបាន​ប្រាប់ទៅអ្នកចូលរួម​ដែលកាន់​កូនឈើនៅក្នុងដៃថា យុទ្ធនាការ“ផ្ទះ១ខ្នង​ដើមឈើ១ដើម”ក្នុង​ក្រុងបាត់ដំបងថ្ងៃនេះផ្តើមចេញពីទី​ប្រជុំជននិងតាម​ដង​ផ្លូវជាតិ​សំខាន់ៗ​ដែលឆ្លងកាត់​ក្រុងបាត់ដំបង ក្នុងគោលបំណង ប្រែក្លាយទីក្រុងបាត់ដំបង ជាទីក្រុងបៃតង។ ក្នុងពិធីដាំកូនឈើនៃយុទ្ធនាការនានេះក្រុងបាត់ដំបង នឹងដាំដើមឈើចំនួនបីប្រភេទ ស្មើនឹង ៥៥៨ដើមក្នុងនេះ ឈើដើមធ្នង ចំនួន ២៥៦ដើម, ដើមត្របែកព្រៃ ចំនួន ២១០ដើម និងដើមក្ងោក ចំនួន ៩២ដើម។ ចំណែកឯកឧត្តម សុខ លូ អភិបាលខេត្តបាត់ដំបងបញ្ជាក់ថា យុទ្ធនាការ”ផ្ទះ១ខ្នងដើមឈើ១ដើម” គឺចាប់ផ្ដើមដាំដើមឈើ នៅក្នុងក្រុងបាត់ដំបង និងទីប្រជុំជនស្រុកទាំង១៣ នៅទូទាំងខេត្តបាត់ដំបង។ ឯកឧត្តមអភិបាលខេត្តបាត់ដំបង បានបញ្ជាក់បន្ថែមថា យុទ្ធនាការនេះ មិនមែនធ្វើតែមួយថ្ងៃ​នោះទេ តែនឹងបន្ត​ដាំដើមឈើទាំងនេះ​រហូតទាល់តែគ្រប់ផែនការ។សម្រាប់​នៅក្នុងក្រុងបាត់ដំបង នឹងត្រូវដាំដើមឈើប្រមាណ ២៥ ០០០ដើម។ ​តាមរយៈ​យុទ្ធនាការ”ផ្ទះមួយខ្នងដាំដើមឈើមួយដើម” ឯកឧត្តមអភិបាលខេត្តបាត់ដំបង​សង្ឃឹមយ៉ាងមុតមាំថា​ក្រុងបាត់ដំបង​កាន់តែមាន​សម្រស់ស្រស់ស្អាត បន្ទាប់ពី​ដើមឈើ…

បាត់ដំបង៖រដ្ឋបាលខេត្តបាត់ដំបងបានត្រៀមរៀបចំជាស្រេច​ហើយនូវការជួបជុំនៅព្រឹកថ្ងៃទី៥ ខែសីហា ឆ្នាំ២០២៤ ដោយ​មានការ​ទូងស្គរដើម្បីគាំទ្រនិងអបអរសាទរនៃការបើកការ​ដ្ឋាន​ព្រែកជីកហ្វូណនតេជោ។ចំណែកនៅពេលរាត្រីនឹងមានការ​បាញ់​កាំជ្រួច ព្រម​ទាំងរៀបចំកម្មវិធីកម្សាន្តផ្សេងៗ ក្នុងទីប្រជុំ​ជនឱ្យបានកាន់តែអធិកអធមថែមទៀត។នេះបើយោងតាម​ស្មារតីនៃ​កិច្ចប្រជុំគណៈ​បញ្ជាការ​ឯកភាពរដ្ឋបាលខេត្ត​បាត់​ដំបងកាលពីថ្ងៃទី១០ ខែកក្កដាឆ្នាំ២០២៤ ។ នាសាលប្រជុំសាលាខេត្ត ជាមួយនឹងការបញ្ជាក់អំពីផែនការ​រៀបចំកម្មវិធីអបអរ​សាទរបើកការដ្ឋានព្រែកជីកហ្វូណនតេជោ ឯកឧត្តម សុខ លូ អភិបាលខេត្តបាត់ដំបង​និងជា​ប្រធាន​គណៈបញ្ជាការឯកភាពរដ្ឋបាលខេត្ត បានណែនាំដល់គ្រប់​មន្ទីរអង្គភាព រដ្ឋបាលក្រុង ស្រុក ឃុំ សង្កាត់ និងបណ្តា​គ្រឹះស្ថានសាធារណៈឯកជន ទាំងគ្រប់ទីវត្តអារាម មណ្ឌល​វិបស្សនា អាស្រម សាលាបុណ្យ វិហារសាសនា ស្នាក់ការ​ស៊ូរ៉ាវ សាលារៀនរដ្ឋនិងឯកជន ព្រមទាំងប្រជាពលរដ្ឋទាំងអស់​នៅទូទាំងខេត្តវាយគង ជួង រគាំង ទូងស្គរ ទះប៉ោត​និងគោះ​ត្រដោកតាមគ្រប់មធ្យោបាយដែលខ្លួនមានឱ្យបានក្លៀវក្លាវេលាម៉ោង៩:០៩នាទីព្រឹកនាថ្ងៃទី៥ ខែសីហា ដែលជាថ្ងៃបើក​ការ​ដ្ឋានសាងសង់ជីកព្រែក ” ព្រែកជីកហ្វូណន តេជោ “។ ចំណែកមន្ទីរព័ត៌មាន និងរដ្ឋបាលក្រុង ស្រុក ត្រូវរៀបចំឱ្យមាន​ការ​ផ្សាយ​បន្តផ្ទាល់នូវព្រឹត្តិការណ៍បើកការដ្ឋានព្រែកជីក​ហ្វូណន​តេជោនាពេលព្រឹកនោះ និងមានការប្រគំតន្រ្តី​កម្សាន្តសប្បាយនៅពេល​រាត្រីតាមមូលដ្ឋាននីមួយៗផងដែរ៕ អត្ថបទ-រូបភាព៖ អ៊ុក សំអាន បប.

(ភ្នំពេញ)៖ ក្នុងគោលដៅលុបបំបាត់ សកម្មភាពក្មេងទំនើង និងពង្រឹង​វិន័យ​បទបញ្ជាផ្ទៃក្នុងរបស់សាលាឲ្យមានប្រសិទ្ធភាព នៅព្រឹកថ្ងៃទី១១ ខែកក្កដា ឆ្នាំ២០២៤ លោកចេងមុនីរ៉ាអភិបាលនៃគណៈអភិបាលខណ្ឌច្បារអំពៅ បានអញ្ជើញជាអធិបតីក្នុងពិធីសំណេះសំណាលនិងផ្តល់អនុសាសន៍ ដល់ លោកនាយក លោកគ្រូ អ្នកគ្រូប្រចាំថ្នាក់ ដែល បង្រៀននៅ កម្រិតអនុវិទ្យា​ល័យ​និងវិទ្យាល័យទូទាំងខណ្ឌច្បារអំពៅ នៅវិទ្យាល័យច្បារអំពៅ។ ក្នុងពិធីនេះក៏មានការអញ្ជើញចូលរួមផងដែរ ពីលោកលោកស្រីចៅសង្កាត់ទាំង​ប្រាំបី​នាយ​ប៉ុស្តិ៍នគរ​បាលរដ្ឋបាលទាំងប្រាំបីលោកមេបញ្ជាការរង​កងរាជអាវុធ​ហត្ថខណ្ឌ និងលោកអធិការនគរបាលខណ្ឌ រួមទាំងលោកគ្រូ អ្នកគ្រូដែល​បង្រៀននៅកម្រិតអនុវិទ្យាល័យនិងវិទ្យាល័យទូទាំងខណ្ឌច្បារអំពៅប្រមាណជាង២០០នាក់ ។ បន្ទាប់ពី ស្ដាប់ការលើកឡើ​ង របស់លោកនាយកសាលា​និង​គ្រូ​ប្រចាំ​ថ្នាក់​ពីបញ្ហាប្រឈមមួយចំនួនដែលកើតមាននៅក្នុងសាលារួចមក លោកចេងមុនីរ៉ា អភិបាលនៃគណៈអភិបាលខណ្ឌ បានទទួលយកសំណើនិងសំណូមពរដើម្បី​ធ្វើការដោះស្រាយ ។ រួមមាន ការសម្រួលចរាចរណ៍ពេលសិស្សចេញពីសាលា​ដោយ​ឲ្យកម្លាំងប៉ុស្តិ៍នគរបាលរដ្ឋបាលសហការជាមួយសង្កាត់ ចុះសម្រួល​ចរា​ចរ​ណ៍ ដើម្បីកុំឲ្យមានការកកស្ទះនិងការពារសុវត្ថិភាពសិស្ស និងឲ្យ មាន​ការ​រៀប​ចំជារបាំងចរាចរណ៍ដើម្បីដាក់កាត់ទទឹងផ្លូវពេលសិស្សចេញពីសាលា ។ លោកអភិបាលខណ្ឌបានបន្តថា គណៈគ្រប់គ្រងនៅតាមសាលាទាំងអស់ សូម​​យកចិត្តទុកដាក់ ពង្រឹងវិន័យ លុបបំបាត់សកម្មភាពក្មេងទំនើង កុំឲ្យ​កើត​មានក្នុងសាលា ជាពិសេសតាមដានវត្តមានសិស្សជាប្រចាំបើមានការ​សង្ស័យ​ឬឈប់គ្មានហេតុផលសូមផ្ដល់ព័ត៌មានទៅអាណាព្យាបាល មាតា​បិតាសិស្ស សកម្មភាពក្មេងទំនើងនេះមិនសំដៅថា កើតមាននៅក្នុងសិស្ស​ដែលរៀននោះ​ទេគឺអាចពេលខ្លះ ក្មេងមកពីខាងក្រៅចូលទៅធ្វើសកម្មភាពនៅ​ក្នុងបរិវេណ​សាលា​បើមានការសង្ស័យសូមឲ្យលោកនាយកសាលាទាំងអស់​រាយការណ៍​បន្ទាន់មក គណៈបញ្ជាការឯកភាពខណ្ឌនិងសង្កាត់​ដើម្បីចាត់​វិធាន។ លោកអភិបាលខណ្ឌបាន ណែនាំបន្ថែមដល់លោកនាយកសាលាទាំងអស់និង​លោកគ្រូ អ្នកគ្រូប្រចាំថ្នាក់ សូមបញ្ជ្រាបការយល់ដឹង ពីផលប៉ះពាល់ ដោយ​សារ​គ្រឿងញៀន…

ស្វាយរៀង៖ឃុំធ្មា និងឃុំកំពង់អំពិល ស្រុករំដួល ខេត្តស្វាយ​រៀង កាលពីព្រឹកថ្ងៃទី១១ ខែកក្កដា ឆ្នាំ២០២៤​បានប្រារព្ធ​វេទិកា​សាធារណៈដើម្បីទទួលសំណូមអំពីសេចក្តីត្រូវការ​ក្នុងជីវភាពប្រចាំថ្ងៃរបស់ប្រជាជននិងដំណោះស្រាយឱ្យទាន់ពេលវេលា។ វេទិកា​នេះមានការអញ្ជើញចូលរួមដោយលោកជំទាវ វី ស្រីពៅ រដ្ឋលេខាធិការក្រសួងអធិការកិច្ច លោកស្រី យ៉ក់ ស៊ីណាត អភិបាលរងបាល​ខេត្តស្វាយរៀង លោក សៅ វណ្ណា ប្រធាន​មន្ទីរ​ទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច លោកហែម ស៊ីណា អភិបាលស្រុករំដួល លោក លោកស្រី ប្រធាន អនុប្រធានមន្ទីរ មន្ត្រីជំនាញ អង្គភាពពាក់ព័ន្ធជុំវិញ​ខេត្ត កងកម្លាំងប្រដាប់​អាវុធ ប្រធាន សមាជិកក្រុមប្រឹក្សា មេឃុំ ប្រធាន អនុប្រធាន សមាជិកភូមិ និងប្រជាពលរដ្ឋចំនួន ២៧៩ នាក់។ វេទិកាសាធារណៈនេះបានប្រព្រឹត្តទៅប្រកបដោយការយកចិត្តទុកដាក់ដោយទទួលបានសំណួរ និងសំណូមពរពីប្រជាពលរដ្ឋ​នៅឃុំធ្មា ចំនួន ១៣ និងនៅឃុំកំពង់អំពិល ចំនួន ៦ ហើយត្រូវ​បានមន្រ្តីជំនាញ អាជ្ញាធរខេត្តដោះស្រាយ និងឆ្លើយបំភ្លឺយ៉ាង​ក្បោះក្បាយ លោកជំទាវ វី ស្រីពៅ បានថ្លែងថា វេទិកាសាធារណៈថ្ងៃនេះ​រៀបចំឡើងក្នុងគោលបំណង…

(ភ្នំពេញ)៖ មនុស្ស ប្រុសស្រី ចំនួន២ក្រុម ដែលជាអ្នកលក់ដូរនៅក្បែរគ្នា បានឈ្លោះប្រកែកពាក្យសំដី លុះឈានដល់ការប្រើប្រាស់ហិង្សា វាយគ្នាទៅ​វិញ​ទៅមក ត្រូវបានសមត្ថកិច្ច ខណ្ឌឫស្សីកែវ ឃាត់ខ្លួនបានចំនួន៦នាក់ បញ្ជូនទៅតុលាការ។ ហេតុការណ៍នៃករណីហិង្សានេះ កើតឡើងនៅយប់ថ្ងៃទី​០៩ ខែកក្កដា ឆ្នាំ​២០២៤ ចំណុចក្បែក្រសួងដែនដី ផ្លូវលេខ១០០៣ ក្រុមទី៦ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ​។ សមត្ថកិច្ចមូលដ្ឋានបានអោយដឹងថា ភាគីទី១ ៖ មាន ឈ្មោះ ហ៊ុន រស់ ភេទប្រុស អាយុ៣៥ឆ្នាំ មុខរបរលក់ដូរ (ឃាត់ខ្លួន) និង ឈ្មោះ ថន ស្រី ភេទស្រី អាយុ៣២ឆ្នាំ មុខរបរលក់ដូរ (ឃាត់ខ្លួន)។ អ្នកទាំងពីរនាក់ត្រូវជាប្ដីប្រពន្ធ មានទីលំនៅ ភូមិសែនសុខ៧ សង្កាត់ឃ្មួញ ខណ្ឌសែនសុខ រាជធានីភ្នំពេញ។ ចំណែកភាគីម្ខាងទៀតរួមមាន ​ឈ្មោះ រ៉ន ផល ភេទស្រី អាយុ៣២ឆ្នាំ ​មុខរបរលក់ដូរ មានទីលំនៅ…

កំពង់ឆ្នាំង៖ក្នុងឱកាសអញ្ជើញចូលរួមក្នុងពិធីរុក្ខទិវាដែល​ប្រារព្ធ​នៅភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់​ឆ្នាំង​កាលពី​ព្រឹកថ្ងៃទី១១ ខែកក្កដា ឆ្នាំ២០២៤  ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រីនិងជា​ប្រធានក្រុមប្រឹក្សាស្ដារ​អភិវឌ្ឍន៍​វិស័យកសិកម្មនិងជនបទបាន​អំពាវនាវឱ្យមានការចូលរួមនិងដាំព្រៃឈើឱ្យបានកាន់តែច្រើនឡើង​។ ឯកឧត្តមមានប្រសាសន៍ថា ព្រៃឈើមានសារៈសំខាន់ណាស់។ យើងត្រូវចូលរួមថែរក្សាព្រៃឈើដែលមានស្រាប់ និងដាំឡើង​វិញនូវ​ដីព្រៃឈើដែលរិចរិល ,តាមទីសាធារណៈ,សាលារៀន វត្តអារាម លំនៅឋានជាដើម។ លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទ​ខេត្តកំពង់ឆ្នាំង បានឱ្យដឹងថា ខេត្តកំពង់ឆ្នាំងបាន​ប្រារព្ធរុក្ខទិវា​ចាប់​តាំងពីឆ្នាំ១៩៩២ មកដល់ឆ្នាំ២០២៤មានចំនួន២៩ លើក ដោយបានដាំដើមឈើនៅតាមបណ្ដាស្រុក ក្រុងទូទាំងខេត្ត ដោយបាន​បង្កើតសួនរុក្ខទិវាចំនួន ១១៦ ហិកតា។ ក្នុងឱកាសនេះឯកឧត្តមបានប្រគល់ថវិកាកសាងស្ពានព្រៃក្រាំងដែលបានសាងសង់រួចរាល់ជាសា្ថពរចំនួន២០លានរៀល ។ស្ពាន​នេះ​ក៏ជាចំណងដៃជូនដល់ឃុំចំនួនពីរ គឺឃុំជ្រៃបាក់ និងឃុំរលាប្អៀរ៕ ដោយ៖ សុខ គឹមសៀន