កំពង់ចាម៖នៅថ្ងៃទី១១ ខែកក្កដា  ឆ្នាំ២០២៤ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការ​សាខា កាកបាទក្រហមខេត្តនិងក្រុមការងារបានអញ្ជើញ​ចុះជួប​សួរសុខទុក្ខ និងនាំយកអំណោយមនុស្សធម៌របស់កាកបាទ​ក្រហមកម្ពុជា​ទៅចែកជូនប្រជាពលរដ្ឋរង​គ្រោះ​ដោយខ្យល់​កន្ត្រាក់១៦ គ្រួសារ  រស់នៅក្នុងភូមិរអាងក្រោម ឃុំរអាង ស្រុក​កំពង់សៀម។ ក្នុងឱកាសនេះឯកឧត្តមបានពាំនាំនូវការផ្ដាំផ្ញើរសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាដោយចូល​រួមអាណិតអា​សូរនិង​សោកស្ដាយចំពោះគ្រោះធម្មជាតិដែល​មិន​បានដឹងជាមុន។ អំណោយមនុស្សធម៌មាន តង់ និង ថវិកាមួយចំនួន៕   ដោយ៖លី ពៅ

សៀមរាប៖កូនឈើចំនួនមួយពាន់ដើម ត្រូវបានដាំតាម​បណ្តោយ​វិថីព្រះនរោត្តមសីហមុនី ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប ក្នុងសប្ដាហ៍នេះ ដោយយុវជន​កាកបាទក្រហមកម្ពុជាដើម្បីអបអរសាទរខួបលើកទី៧២ រុក្ខទិវា ៩ កក្កដា ២០២៤ក្រោមប្រធានបទ« ព្រៃឈើ​ដើម្បីប្រជាជន និងការអភវិឌ្ឍដោយចិរភាព» ។ ក្នុងកម្មវិធីដែលរៀបចំដោយកាកបាទក្រហមកម្ពុជា និងអាជ្ញាធរ​ជាតិអប្សរាលោក ពិត ចំណាន សមាជិក​គណៈកម្មាធិការកណ្តាល កាកបាទក្រហមកម្ពុជាមាន​ប្រសាសន៍ថា ថ្ងៃនេះគឺជាថ្ងៃដំបូង ឆ្នាំដំបូងនៃការចាប់ផ្តើម ដោយយុវជនកាកបាទក្រហមកម្ពុជា និង​ចាប់​ផ្តើមយុទ្ធនាការ​ដាំដើមឈើឱ្យបាន១០០០ដើមក្នុងមួយឆ្នាំរៀងរាល់ឆ្នាំ ។លោកបន្តថា ការដាំដើមឈើ នៅក្នុងយុទ្ធនាការនេះ គឺអនុវត្ត​តាមផែនការដែលបានដាក់ចេញក្នុងសេចក្តីថ្លែងការណ៍រាជធានីភ្នំពេញ ក្នុងកិច្ចប្រជុំថ្នាក់ដឹកនាំលើកទី២០ នៃសមាគម​ជាតិកាកបាទក្រហម អឌ្ឍចន្ទក្រហម ភូមិភាគអាស៊ីអាគ្នេយ៍ កាលពីឆ្នាំ២០២៣ កន្លងទៅ និងស្រមតាមប្រធានបទ រួមគ្នាជាមួយ​កាកបាទក្រហមកម្ពុជា ដើម្បីសហគមន៍ មានសុខភាព​ល្អ និងមានភាពធន់នឹងអាកាសធាតុ ខួប១៦១ ទិវាពិភពលោកកាកបាទ​ក្រហម និងអឌ្ឍចន្ទក្រហម ៨ ឧសភា ២០២៤ផងដែរ។ សូមជម្រាបថា ចូលរួមក្នុងសកម្មភាពដាំកូនឈើនេះដែរមាន​លោកស្រី ទុយ ជិ ប្រាក់ សោភ័ណ អនុប្រធានគណៈកម្មាធិការ​សាខា​កាកបាទក្រហមកម្ពុជា ខេត្តសៀមរាប លោក ឡុង…

(ភ្នំពេញ)៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី​៩ ខែកក្កដាធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៨៥គោ​ល​​ដៅ មានយានយន្តចូលគោលដៅចំនួន ៣៦៨គ្រឿង រថយន្តធំ ៧គ្រឿង រថយន្ត​តូច ១២៩គ្រឿង ម៉ូតូ ២៣២គ្រឿង ក្នុងនោះរកឃើញយានយន្តល្មើស​សរុបចំនួន ២៦១គ្រឿងមានរថយន្តធំ៧គ្រឿង រថយន្តតូច ៥១គ្រឿង និងម៉ូតូចំនួន ២០៣គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់​ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ

(ភ្នំពេញ)៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី៩ ខែកក្កដា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៥លើក បណ្ដាលឲ្យមនុស្ស ១ស្លាប់និងរបួសធ្ងន់ស្រាល ២៦នាក់។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន ៖ ល្មើសល្បឿន ៣លើក (ស្លាប់ ១នាក់, ធ្ងន់ ៥នាក់, ស្រាល ២០នាក់) , បត់គ្រោះថ្នាក់ ១លើក (ស្លាប់ ០នាក់, ធ្ងន់ ១នាក់, ស្រាល ០នាក់ និងកត្តាអាកាសធាតុ ១លើក ស្លាប់ ០នាក់ ធ្ងន់ ០នាក់ស្រាល ០នាក់៕ ប្រ៖ អគ្គស្នងការដ្ឋាននគរបាលជាតិ

បាត់ដំបង៖រដ្ឋបាលខេត្តបាត់ដំបង និង ក្រសួងសេដ្ឋកិច្ចនិង​ហិរញ្ញវត្ថុ ដោយមានការសម្របសម្រួលពីមន្ទីរសេដ្ឋកិច្ចនិង​ហិរញ្ញវត្ថុ​ខេត្ត បានរៀបចំបើកវគ្គផ្សព្វផ្សាយសារាចរណែនាំ លេខ ០០៧ សហវ. របស់ក្រសួងហិរញ្ញវត្ថុ ដល់អាជ្ញាធរស្រុក-ក្រុងទាំង ១៤បណ្តា​​មន្ទីរ អង្គភាព ក្នុងខេត្ត មេឃុំ ចៅសង្កាត់​ស្មៀនជាពិសេស ជំនួយហិរញ្ញវត្ថុ ឃុំ-សង្កាត់ទាំង១០៣ ឃុំ-សង្កាត់ ស្តីពី៖ការរៀប​ចំផែនការយុទ្ធសាស្ត្រថវិការាជធានីខេត្ត ឆ្នាំ២០២៤-២០២៧ និងនីតិវិធីបច្ចេកទេស នៃការរៀបចំ​គម្រោង​ថវិការបស់រដ្ឋបាលថ្នាក់ក្រោមជាតិឆ្នាំ២០២៥។ វគ្គដែលប្រារព្ធនៅថ្ងៃទី៩ ខែកក្កដាឆ្នាំ២០២៤ ប្រព្រឹត្តទៅនា​សាលប្រជុំសាលាខេត្ត ក្រោមអធិបតីភាព លោក អ៊ុយ សុធាវី អភិបាលរង​ខេត្តបាត់ដំបង និងវត្តមាន មន្ត្រីជំនាញបច្ចេកទេស​សំខាន់ៗមកពីក្រសួងសេដ្ឋកិច្ច ។ លោក អ៊ុយ សុធាវី អភិបាលរងខេត្តបាត់ដំបងបានថ្លែងក្នុងពិធី​បើកវគ្គផ្សព្វផ្សាយថាដើម្បីអនុវត្តច្បាប់ស្តីពីហិរញ្ញវត្ថុសាធារណៈឱ្យមានប្រសិទ្ធិភាព ស្របតាមបែបបទនីតិវិធី និងវិធានច្បាប់ទាំងឡាយត្រូវមានវិន័យក្នុងការគ្រប់គ្រងហិរញ្ញវត្ថុ ដោយម៉ឺងម៉ាត់​និង​ម៉ត់ចត់បំផុត។ដោយក្នុងនោះត្រូវផ្តោត​សំខាន់ទៅលើការអនុវត្តចំណូលនិងការអនុវត្តចំណាយថវិកា ។ លោកអភិបាលរងខេត្តបានបញ្ជាក់បន្ថែមថា ចំពោះការ​អនុវត្តចំណាយ ត្រូវតែគោរពតាមច្បាប់ ស្តីពីប្រព័ន្ធ​ហិរញ្ញវត្ថុ​សាធារណៈ ច្បាប់ស្តីពីរបបហិរញ្ញវត្ថុ ច្បាប់លទ្ធកម្មសាធារណៈ​ដោយធ្វើយ៉ាងណា ការអនុវត្តចំណាយត្រូវតែប្រសិទ្ធិភាពចំ​ទិស​ដៅ​អាទិភាព​ពិតប្រាកដមានការសន្សំសំចៃខ្ពស់​ស្ថិតក្នុង​រង្វង់នៃលទ្ធភាពដែលថវិកាមានទើបដំណើរការគ្រប់គ្រង​ហិរញ្ញវត្ថុមាន​ប្រសិទ្ធិ​ភាពនិងប្រសិទ្ធផលបានល្អប្រសើរ ហើយ​ទទួលបានសមិទ្ធផលសង្គមជាក់ស្តែងជូនប្រជាពលរដ្ឋ។ លោក អ៊ុយ សុធាវី ក៏បានណែនាំដល់សិក្ខាកាមក្នុងអង្គសិក្ខា​សាលាផ្សព្វផ្សាយ ត្រូវខិតខំត្រងត្រាប់ស្តាប់បទ​ឧទ្ទេស​នាមពី​តំណាង​ប្រតិភូក្រសួងដែលមានបទពិសោធន៍យូរឆ្នាំនិងស៊ី​ជម្រៅលើការកសាងផែនការថវិកាប្រចាំឆ្នាំរបស់រដ្ឋបាលនៅថ្នាក់ក្រោមជាតិ ជាពិសេសអស់លោក…