ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៤ ខែមិថុនាធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៥៨គោល​ដៅ មានយានយន្តចូលគោលដៅចំនួន៣៨៥គ្រឿង រថយន្តធំ០១គ្រឿង រថយន្តតូច ១៨៩គ្រឿង ម៉ូតូ ១៩៥គ្រឿង ក្នុងនោះរកឃើញយានយន្តល្មើសសរុបចំនួន ២៧៩គ្រឿងមានរថយន្តធំ ០១គ្រឿង រថយន្តតូច ១១៩គ្រឿង និងម៉ូតូចំនួន ១៥៩គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៤ ខែមិថុនា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំង​ប្រ​ទេសកើតឡើងចំនួន១០លើក បណ្តាលអោយមនុស្សស្លាប់ ០៦នាក់ និងរងបួសធ្ងន់ស្រាលចំនួន ៦នាក់ ។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ៤លើក ស្លាប់ ៣នាក់ ធ្ងន់ ៣នាក់ស្រាល ០នាក់ មិនគោរពសិទិ្ឋ ៣លើក ស្លាប់ ២នាក់ ធ្ងន់ ២នាក់ ស្រាល ១នាក់ បត់គ្រោះថ្នាក់ ១លើក ស្លាប់ ១នាក់ធ្ងន់ ០នាក់ ស្រាល ០នាក់ កត្តាយាន ១លើក ស្លាប់ ០នាក់ ធ្ងន់ ០នាក់ ស្រាល ០នាក់ និងកត្តាអាកាសធាតុ ១លើក ស្លាប់ ០នាក់ ធ្ងន់ ០នាក់ ស្រាល ០នាក់៕ ប្រភព ៖…

ភ្នំពេញ៖ កាកបាទក្រហមកម្ពុជា ដែលមាន សម្តេច ព្រះមហាក្សត្រី ព្រះវររាជមាតាជាតិខ្មែរ ក្នុងសិរីភាព សេចក្តីថ្លៃថ្នូរ និងសុភមង្គល ជាទីសក្ការៈ ដ៍ខ្ពង់ខ្ពស់បំផុត ជា ព្រះប្រធានកិត្តិយស បានរៀបចំពិធីបំពាក់ គ្រឿងឥស្សរិយ យស ជូនមន្ត្រី បុគ្គលិក កាកបាទបាទក្រហមកម្ពុជា ទីស្នាក់ការកណ្តាល និងសាខា រាជធានី-ខេត្តចំនួន៧១នាក់ ដែលពិធីនេះប្រព្រឹត្តិទៅ នៅទីស្នាក់ការកណ្តាល កាកបាទក្រហមកម្ពុជា ក្រោមអធិបតីភាពដ៍ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នាថ្ងៃទី ២៤ ខែមិថុនា ឆ្នាំ២០២៤ ។ តាមរបារការណ៍ របស់ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានឱ្យដឹង ដើម្បីលើកទឹកចិត្ត និងទទួលស្គាល់ស្នាដៃ ថ្នាក់ដឹកនាំ មន្រ្តី-បុគ្គលិក ក្រុមប្រតិបត្តិ ដែលបានលះបង់កម្លាំងកាយ-ចិត្ត ប្រាជ្ញា ស្មារតី និងពេលវេលា បម្រើការងារ រយៈពេលចាប់ពី…

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៣ ខែមិថុនាធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៤២ គោលដៅ មានយានយន្តចូលគោលដៅចំនួន ១៤៥គ្រឿង រថយន្តធំ ០គ្រឿង រថយន្តតូច ៣២គ្រឿង ម៉ូតូ៩៣គ្រឿង ក្នុងនោះរកឃើញយានយន្តល្មើសសរុបចំនួន ១២៥គ្រឿងមានរថយន្តធំ ០គ្រឿង រថយន្តតូច ៣២គ្រឿង និងម៉ូតូចំនួន ៩៣គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួលបានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៣ ខែមិថុនា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៧លើក បណ្តាលអោយមនុស្សស្លាប់ ០៣នាក់ និងរងបួសធ្ងន់ស្រាលចំនួន ៧នាក់។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ៤លើក ស្លាប់ ២នាក់ ធ្ងន់ ៣នាក់ ស្រាល ២នាក ប្រជែងគ្រោះថ្នាក់ ១លើក ស្លាប់ ១នាក់ ធ្ងន់ ០នាក់ ស្រាល ០នាក់ ស្រវឹង ១លើក ស្លាប់ ០នាក់ ធ្ងន់ ១នាក់ ស្រាល ០នាក់ និងងងុយ ១លើក ស្លាប់ ០នាក់ ធ្ងន់ ០នាក់ ស្រាល ១នាក់៕ ប្រភព ៖ អគ្គស្នងការដ្ឋាននគរបាលជាតិ

ភ្នំពេញ៖ ដោយមានការអនុញ្ញាតពី ឯកឧត្ដម ឧត្តមសេនីយ៍ ឯក ជួន ណារិន្ទ អគ្គស្នង​ការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ហុង ពិសិដ្ឋ អធិការ នៃអធិការនរបាលខណ្ឌកំបូល និងមន្ត្រីក្រោមឱវាទ បានចុះធ្វេីការផ្សព្វ​ផ្សាយពីបញ្ហាក្មេងទំទេីង គ្រឿងញៀន គ្រោះថ្នាក់ចរាចរណ៍ និងការផ្ដល់សេវា​សាធា​រណៈ ជូនប្រជាពលរដ្ឋ ចំនួន ២០០០នាក់ និងការពារកម្មវិធីព្យាបាលជំងឺដោយ​ឥត​គិត​ថ្លៃ របស់សមាគមគ្រូពេទ្យស្ម័គ្រចិត្តយុវជនសម្ដេចតាជោ(TYDA) ជូនដល់​ប្រជា​ពលរដ្ឋ កម្មករ កម្មការនី ក្នុងភូមិសាស្ត្រខណ្ឌកំបូល រាជធានីភ្នំពេញ នៅថ្ងៃទី​២៣ ខែមិថុនា ឆ្នាំ២០២៤ ។ ក្នុងឱកាសនោះ លោក អធិការ និងលោកនាយប៉ុស្តិ៍ បានផ្ដល់លេខទូរស័ព្ទ ដេីម្បី​ងាយ​ស្រួលឱ្យប្រជាពលរដ្ឋទាក់ទងពេលមានបញ្ហា ឬចម្ងល់ផ្សេង និងពន្យល់ឱ្យយល់​អត្ថប្រ​យោជន៍នៃសេវាសាធារណៈដូចជា សៀភៅ ស្នាក់នៅ សៀវភៅគ្រួសា​រ អត្ត​សញ្ញា​ណប័ណ្ណ ។ ចំណែកបញ្ហាក្មេងទំនេីងសូមឱ្យប្រជាពលរដ្ឋ​ដែលជាអាណាព្យា​បាល​​​សិស្សទំនាក់ទំនងជាមួយគ្រូតាមដានការសិក្សារបស់កូនៗ និងតាមដានរាល់​សកម្មភាពត្រួតពិនិត្យកុំឱ្យប្រេីប្រាស់ដាវ កាំបិត ដែលបង្កឱ្យមានអំពេីហិង្សារ និងបង្ក​របួសស្នាម ។ លោកវរសេនីយ៍ឯក ហុង ពិសិដ្ឋ…

កំពង់ធំ៖ ដែនជម្រកសត្វព្រៃបឹងពែរ ក្នុងព្រៃសហគមន៍ធម្មជាតិ​អូរបញ្ញា ត្រូវបានឧត្តមសេនីយ៍ទោ សោម ស៊ុន អនុប្រធាន​អចិន្ត្រៃយ៍​គណៈកម្មការការពារ គ្រប់គ្រង និងបង្ក្រាបទល្មើស​ធន​ធានធម្មជាតិក្នុងភូមិសាស្ត្រខេត្តកំពង់ធំ​យកចិត្តទុកដាក់​បន្ទាប់ពីទីនោះ​មាន​ការកាប់ទន្រ្ទានយកដីធ្វើជាកម្មសិទ្ធនា​ពេលកន្លងមក។ ដែនជម្រកសត្វព្រៃបឹងពែរ នៃព្រៃសហគមន៍ធម្មជាតិអូរបញ្ញា ស្ថិតនៅឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ។កាលពីចុង​សប្ដាហ៍កន្លងទៅ​ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំកង​កម្លាំងចម្រុះ រួមមាន​មន្ត្រីស្ថាប័នជំនាញបរិស្ថានចុះ​ត្រួតពិនិត្យ​ទិដ្ឋភាពដីព្រៃដែលបានកាប់បំផ្លាញពីសំណាក់ក្រុមជនល្មើសនាពេលកន្លងមក ។ជួបជាមួយកម្លាំងឈរជើងនៅទីនោះ​លោកឧត្តមសេនីយ៍ទោបានផ្សព្វផ្សាយ បទបញ្ជារបស់សម្តេច​ធិបតីហ៊ុន ម៉ាណែត នាយករដ្ឋ​មន្ត្រី​កម្ពុជា ។លោកបានដាក់បទបញ្ជាឱ្យកងកម្លាំងចម្រុះឱ្យគ្រប់គ្រងផ្ទៃដីដែលបានកាប់ទន្ទ្រានយកដោយខុសច្បាប់ហើយ​រឹបអូស​មកវិញ​ឱ្យបានល្អ និងត្រូវស្រាវជ្រាវវែករកមុខសញ្ញាជនល្មើស ដើម្បី​កសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់។ លោក អូ វិចអុល អនុប្រធានមន្ទីរបរិស្ថានខេត្តកំពង់ធំ​ប្រចាំ​ការ​នៅតំបន់ព្រៃជម្រកសត្វបឹងពែរ បានបញ្ជាក់ថា តំបន់ដែលមាន​កាប់បំផ្លាញនេះហៅថាតំបន់អូរឡា ស្ថិតក្នុងព្រៃសហគមន៍​ធម្មជាតិ​អូរបញ្ញា ដែលមានផ្ទៃដីជិតប្រាំហិកតា។ជាផ្ទៃដីដែល​មាន​ការកាប់​ទន្ទ្រានថ្មី នៅក្នុងចន្លោះមុនពេលចូលឆ្នាំថ្មី​ប្រពៃណី​ខ្មែរ មុនពេលកងកម្លាំងចម្រុះការពារទប់ស្កាត់ និងបង្ក្រាបបទល្មើស​ធនធាន​ធម្មជាតិ​មិនទាន់មកបំពេញ​បេសកកម្ម។ ក្នុងឱកាសនេះឧត្តមសេនីយ៍ទោ សោម ស៊ុន បានប្រគល់​អំណោយរបស់សម្តេចធិបតី ហ៊ុន ម៉ាណែត ជូនដល់​កងកម្លាំងចម្រុះ​មានស្បៀងអាហារ ប្រេងឥន្ធនៈ ភេសជ្ជៈ ថ្នាំពេទ្យ អាវភ្លៀង តង់កៅស៊ូ និងសម្ភារប្រើប្រាស់មួយចំនួន៕ដោយ៖ ប៊ុន រដ្ឋា

បាត់ដំបង៖ ការដ្ឋានអភិវឌ្ឍន៍ទំនប់ដូនទ្រីស្ថិតក្នុងស្រុករុក្ខគិរី ជាអាងស្តុកទឹកដ៏ធំជាងគេរបស់​ខេត្តបាត់ដំបង ដែលចាប់​អនុវត្ត​​អំឡុង​ខែមិថុនា​ឆ្នាំ​២០១៨ នឹងបញ្ចប់នៅខែតុលាឆ្នាំ​២០២៥​ខាងមុខ។គម្រោងអភិវឌ្ឍន៍ទំនប់ដូនទ្រីគឺជាប្រព័ន្ធ​ធារាសាស្រ្តមួយ ដែល​បានសាងសង់ប្រើប្រាស់នូវវិធីសាស្រ្តថ្មី​មិនធ្លាប់អនុវត្តពីមុនមកដូចជាការជីករូងក្នុងភ្នំ ការជីកថ្ម និងវិធីសាស្រ្តពង្រឹងកែច្នៃ​បាត​គ្រឹះនៃទំនប់ ជាដើម។ គម្រោងអភិវឌ្ឍន៍ទំនប់ដូនទ្រីអនុវត្តដោយហិរញ្ញប្បទានសម្បទានពីសាធារណរដ្ឋកូរ៉េ។តាមរបាយការណ៍ក្រុមហ៊ុនសាងសង់ ឱ្យដឹងថាគិតមកដល់ខែមិថុនានេះ វឌ្ឍនភាពនៃគម្រោង​អភិវឌ្ឍន៍ទំនប់ដូនទ្រីសម្រេចបានប្រមាណ ៨០​ភាគរយ។គម្រោង​អភិវឌ្ឍន៍​ត្រូវប្រើពេលចំនួន៩០ខែ ដោយចាប់ផ្ដើម​សាងសង់នៅក្នុងអំឡុងខែមិថុនា​ឆ្នាំ២០១៨ ហើយគ្រោង​នឹង​បញ្ចប់នៅ​អំឡុងខែ​តុលាឆ្នាំ​២០២៥ខាងមុខ។ គម្រោងបាន​គ្របដណ្តប់លើឃុំចំនួន ១១ នៃស្រុកមោងឫស្សី ស្រុករុក្ខគិរី របស់ ខេត្តបាត់​ដំបង​និងស្រុកបាកាន នៃខេត្តពោធិ៍សាត់។ទំនប់នេះមានសក្តានុពលអាចស្ដុកទឹកចំនួន ១៦៣,១ លានម៉ែត្រត្រី​គុណ ដែលមានលទ្ធភាពក្នុងការផ្គត់ផ្គង់​ទឹកស្រោចស្រពសម្រាប់ការងារកសិកម្ម និងបង្កើននូវផលិត​ភាព ផលិតផលកសិកម្ម ប្រមាណ៣៣ ០០០ហិកតា នៅក្នុងរ​ដូវវស្សា និង ៤ ៥០០ហិកតា នៅក្នុងរដូវប្រាំង។គម្រោង​ដដែល​នេះរួមចំណែកយ៉ាង​សំខាន់​ក្នុង​​ការផ្គត់ផ្គង់ទឹកស្អាត និងជួយកាត់​បន្ថយបាន​ទឹកជំនន់នៅតាមតំបន់មួយចំនួននៅ​ផ្នែកខាងក្រោមផងដែរ។ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងអមដំណើរដោយឯកឧត្តម សុខ លូ អភិបាលខេត្ត​បាត់​ដំបង ព្រមទាំងក្រុមការងារមន្ត្រីបច្ចេកទេសក្រសួង មន្ទីរជំ​នាញ​និងអាជ្ញាធរមូលដ្ឋានផ្ទាល់ បានអញ្ជើញចុះពិនិត្យ​ពីវឌ្ឍនភាពនៃ​គម្រោងអភិវឌ្ឍន៍ទំនប់ដូនទ្រីកាលពីថ្ងៃទី២២ ខែមិថុនា ឆ្នាំ២០២៤នេះ ។ ក្នុងឱកាសនេះឯកឧត្តមរដ្ឋមន្ត្រីក្រសួងធនធានទឹកនិងឧតុនិយមបានកោតសរសើរចំពោះវឌ្ឍនភាពនៃគម្រោងសាង​សង់​ជាមួយនឹងក្តីរំពឹងខ្ពស់ដែលទទួលបានពីគម្រោង​អភិវឌ្ឍន៍​ដ៏​ធំសម្បើម។ ចំណែកឯកឧត្តម សុខ លូ អភិបាលខេត្តបាត់ដំបង…

បាត់ដំបង៖ ក្នុងជំនួបជាមួយថ្នាក់ដឹកនាំមន្រ្ដីរាជការនិងមន្ដ្រី​ជាប់កិច្ចសន្យានៃមន្ទីរអភិវឌ្ឍន៍ជនបទ​ខេត្តបាត់ដំបងជាច្រើន​រូបនា​ចុង​សប្តាហ៍នេះឯកឧត្តម ឆាយ ឫទ្ធិសែន រដ្ឋមន្ដ្រីក្រសួង​អភិវឌ្ឍន៍ជនបទបានរំលឹកដល់ថ្នាក់ដឹកនាំ និងមន្រ្តីរាជការនៃ​មន្ទីរ​អភិវឌ្ឍន៍​ជនបទ​ខេត្តឱ្យយកចិត្តទុកដាក់ជំរុញការអនុវត្ត​កម្មវិធីអាទិភាពទាំង៤របស់ក្រសួង។ កម្មវិធីអាទិភាពទាំងបួនរបស់ក្រសួងដែលលោករដ្ឋមន្រ្តីជំរុញ គឺទី១.ការអភិវឌ្ឍហេដ្ឋារចនា​សម្ព័ន្ធរូបវន្ត និងគមនាគមន៍​ជនបទឱ្យ​ប្រទាក់ក្រឡាដែលជាសរសៃឈាមសេដ្ឋកិច្ច​ដ៏មាន​សារៈសំខាន់ និង ជនបទសមាហរណកម្ម។ទី២.ការកែលម្អ​លក្ខខណ្ឌ នៃ​ការរស់នៅ តាមរយៈការផ្តល់សេវាផ្គត់ផ្គង់​ទឹកស្អាត និងការលើកកម្ពស់អនាម័យ ការអប់រំផ្លាស់ប្ដូរនូវ​ឥរិយាបថ ការប្រកាន់ភ្ជាប់​អនាម័យផ្ទាល់ខ្លួនឱ្យមាន​សុខភាពល្អ មាំមួន ដើម្បីលើកកម្ពស់អាយុសង្ឃឹមរស់​មធ្យមឱ្យកាន់តែខ្ពស់។ទី៣.ការធ្វើពិពិធកម្ម សកម្ម​ភាព​សេដ្ឋកិច្ចជនបទ តាមរយៈការបណ្ដុះបណ្ដាលជំនាញនិង​បំណិនជីវិត ដើម្បីបង្កើននូវប្រាក់ចំណូលបន្ថែម ក្រៅពីរប​រក​សិកម្មនិងទី៤.ការពង្រឹងស្ថាប័ននិងកិច្ចការរដ្ឋបាល តាមរយៈនៃការជ្រើសរើសមន្ដ្រី ការបណ្ដុះបណ្ដាលមន្រ្ដី និងយន្ដការ​លើកទឹកចិត្ត​មន្ដ្រីតាមគ្រប់រូបភាព តាមរយៈការយកចិត្ត​ទុកដាក់លើសុខទុក្ខរបស់មន្ដ្រី។ ការងារសំខាន់ដែរនោះឯកឧត្តមរដ្ឋមន្ត្រី បានធ្វើការណែនាំដល់​ថ្នាក់ដឹកនាំ និងមន្ដ្រីរាជការទាំងអស់​ត្រូវតែគោរពវិន័យឱ្យ​បានត្រឹម​ត្រូវ ។កំណត់របបប្រជុំនិងរាយការណ៍ឱ្យបាន​ទៀតទាត់ ត្រូវរៀបចំសណ្ដាប់ធ្នាប់ក្នុងកន្លែងបំពេញការងារ​និងពីរបៀបរបប​ធ្វើការ។ ជាពិសេស ត្រូវមានសាមគ្គីភាពផ្ទៃ​ក្នុង​ឱ្យ​បាន​ល្អ ។មានកិច្ចសហការគ្នាល្អ ។យកចិត្តទុកដាក់​ឱ្យ​មានការលើកទឹកចិត្ត និងត្រូវយកចិត្តទុកដាក់ពីសុខទុក្ខ​មន្រ្ដី​ក្រោមឱវាទខ្លួន។ ក្នុងឱកាសនេះឯកឧត្តមរដ្ឋមន្ត្រីក្រសួងអភិវឌ្ឍន៍ជនបទ បាន​កោតសរសើរនិងបានវាយតម្លៃខ្ពស់ ចំពោះកិច្ចខិត​ខំប្រឹងប្រែង​របស់មន្ដ្រីរាជការគ្រប់ៗរូបក្នុងការបំពេញតួនាទីនិងភារកិច្ចរបស់ខ្លួនសម្រេចបានគួរជាទីមោទន: ពិសេសរួមចំណែក​អនុវត្ត​យុទ្ធសាស្ដ្រ​បញ្ចកោណ ដំណាក់កាលទី១ ក្រោមការដឹកនាំ​ប្រកប​ដោយគតិបណ្ឌិតរបស់​សម្ដេចធិបតី ហ៊ុន ម៉ាណែត នាយក​​រដ្ឋមន្ដ្រីកម្ពុជា៕( អត្ថបទ-រូបភាព៖ អ៊ុក សំអាន បប. )