ភ្នំពេញ៖ ក្នុងឱកាសដ៏មហានក្ខត្តឫក្សឧត្តុង្គឧត្តម នៃព្រះរាជពិធីបុណ្យចម្រើនព្រះជន្មវស្សាគម្រប់ ៨៨ យាងចូល ៨៩ព្រះវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធានកិត្តិយសកាកបាទក្រហមកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នាថ្ងៃទី១៧ ខែមិថុនា ឆ្នាំ២០២៤ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមជាមួយឥស្សរជន ថ្នាក់ដឹកនាំ ភរិយាថ្នាក់ដឹកនាំ សប្បុរសជន មន្ត្រី បុគ្គលិក និងយុវជនកាកបាទក្រហមកម្ពុជា បានទទួលព្រះបរមរាជានុញ្ញាតដ៏ខ្ពង់ខ្ពស់បំផុត រៀបចំព្រះរាជពិធីចម្រើនព្រះជន្មវស្សា ដោយមានការយាង និងនិមន្តពី សម្តេចព្រះមហាសង្ឃរាជ សម្តេចព្រះសង្ឃនាយករង និងសម្តេចព្រះសង្ឃ-ព្រះតេជគុណព្រះសង្ឃ សរុប ៨៩ អង្គ ចម្រើនព្រះបរិត្ត និងនិមន្តគោចរបិណ្ឌបាត្រ ជាកិច្ចចម្រើនព្រះជន្មវស្សា ស្របតាមព្រះរាជប្បវេណី និងតាមគន្លងព្រះពុទ្ធសាសនា ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា ។ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសហការីទាំងអស់នៃកាកបាទក្រហមកម្ពុជា មានសេចក្តីសោមនស្សរីករាយជាអនេកប្បការ និងសូមព្រះបរមរាជានុញ្ញាតលំឱនកាយថ្វាយព្រះរាជសព្ទសាធុការពរ…

ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានថ្វាយ សារលិខិតថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាស នៃព្រះរាជពិធីបុណ្យចម្រើនព្រះជន្មាយុគម្រប់៨៨ យាងចូល ៨៩ព្រះវស្សា។ ដោយ ង៉ាន់ ទិត្យ

បន្ទាយមានជ័យ៖ មន្រ្តីជាន់ខ្ពស់នៃរដ្ឋបាលខេត្ត ក៏ដូចជាមន្រ្តី​នៃមន្ទីរ​ការងារ និងបណ្ដុះបណ្ដាលវិជ្ជាជីវៈខេត្តបន្ទាយមានជ័យ បានជំរុញផង និងអំពាវនាវផងដល់យុវជនដែលស្ថិតក្នុងគោល​ដៅបណ្ដុះបណ្ដាលបច្ចេកទេសជំនាញវិជ្ជាជីវៈ ឱ្យមកទទួល​ការបណ្ដុះបណ្ដាលជំនាញដើម្បីមានមុខជំនាញ​ច្បាស់​លាស់​សម្រាប់ទៅប្រកបរបរចិញ្ចឹមជីវិត។ ក្នុងទិវាជាតិបណ្ដុះបណ្ដាលបច្ចេកទេស និងវិជ្ជាជីវៈលើកទី ៧ ឆ្នាំ២០២៤ដែលបានប្រារព្ធនៅវិទ្យាស្ថានពហុបច្ចេកទេសក្រុង​សិរីសោភ័ណ​ កាលពីចុងសប្ដាហ៍កន្លងទៅនេះលោក យឹម សំណាង អភិបាលរងខេត្តបន្ទាយមានជ័យ បានរំលេចថា ក្រោមប្រធាន​បទ​ “រៀនឱ្យចប់ឱ្យចេះ ឱ្យមានការងារ” ក្នុង​គោលបំណងបណ្តុះបណ្តាលបច្ចេកទេស និងវិជ្ជាជីវៈ ទៅ​ដល់យុវជន ពិសេសយុវជន​ក្រីក្រនិងងាយរងហានិភ័យ​ទទួល​បានការបណ្តុះបណ្តាលបច្ចេកទេស និងវិជ្ជាជីវៈ ឬមុខជំនាញ​ណាមួយច្បាស់លាស់ពិតប្រាក។មានជំនាញគឺ​អាចជួយ​យុវជន​ទាំងនោះឱ្យងាយស្រួលរកការងារធ្វើ។ បន្ថែមទៅលើលោកអភិបាលរងខេត្តលើកឡើង លោកស្រី សំរិទ្ធ សូជាតិ នាយិកាវិទ្យាស្ថានពហុបច្ចេកទេស ខេត្តបន្ទាយ​មានជ័យ បានអំពាវនាវដល់មាតាបិតា អាណាព្យាបាល ជំរុញ លើកទឹកចិត្តដល់សិស្សានុសិស្ស យុវជន ដែលជា​កូនចៅ​របស់​ខ្លួនមក​ទទួលការបណ្តុះបណ្តាលជំនាញបច្ចេកទេសនិង​វិជ្ជាជីវៈ នៅសាលាពហុបច្ចេកទេសខេត្ត ព្រោះជាការ​វិនិយោគរយៈពេលខ្លី ឆាប់ចប់ ឆាប់ទទួលបានផល និងមាន​ជំនាញមួយច្បាស់លាស់។លោកស្រីបន្តថា ការបណ្តុះបណ្តាល​មានដូចជា ជំនាញកសិកម្ម ,ផ្នែកមេកា​និក និងយន្តសាស្ត្រ​រថយន្ត ,ជំនាញព័ត៌មានវិទ្យា ,ធុរកិច្ចទេសចរណ៍ និងភាសា​បរទេស ,សំណង់ស៊ីវិល និងស្ថាបត្យកម្ម និង ជំនាញអគ្គិសនី និងអេឡិចត្រូនិក ជាដើម៕…

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម រួមជា​មួយក្រុមការងារខេត្ត មន្ទីរជំនាញ និងអាជ្ញាធរមូលដ្ឋាន អញ្ជើញ​ចុះពិនិត្យស្ថានីយ ប្រព័ន្ធធារាសាស្ត្រ ព្រែកពោធិ ស្ថិតក្នុងភូមិសាស្ត្រឃុំព្រែកពោធិ ស្រុកស្រីសន្ធរ។ ប្រព័ន្ធធារាសាស្ត្រ ព្រែកពោធិ មានប្រវែងសរុបប្រវែង ១០៥,​៣៧​គីឡូម៉ែត្រ ក្នុងនោះចែកចេញជាប្រឡាយបេតុងមានប្រវែង ២៧,១៩គីឡូម៉ែត្រ និងប្រឡាយដីមានប្រវែង ៧៨,១៧គីឡូ​ម៉ែត្រ សំណង់សិល្បការតូចធំចំនួន ១៩៥កន្លែង ព្រមទាំងមាន​ស្ថានីយបូមទឹកទំនើបបំពាក់ម៉ូទ័រ៧គ្រឿងចំនួនមួយកន្លែង ដោយមានលទ្ធភាពស្រោចស្រពលើផ្ទៃដីច្រើនជាង ៨ ០០០ ហិកតា។ ក្នុងឱកាសនោះ ឯកឧត្តមអភិបាលខេត្តបានណែនាំឲ្យអាជ្ញាធរ​មូលដ្ឋាន និងមន្ត្រីបច្ចេកទេស ខិតខំយកចិត្តទុកដាក់ថែរក្សានូវ​សមិទ្ធផល​ជាប្រវត្តិសាស្ត្រមួយនេះឲ្យបានប្រើប្រាស់គង់វង្ស​យូរអង្វែង៕ដោយ៖លីពៅ

បន្ទាយមានជ័យ៖ មន្ត្រីចម្រុះរួមមាន មន្ត្រីសាខា ក.ប.ប. ខេត្ត​បន្ទាយមានជ័យ មន្ត្រីសាខាគយបានឃាត់រថយន្ត​ដឹកជញ្ជូន​មួយ​គ្រឿងដើម្បីត្រួតពិនិត្យ។ការឆែកឆេរ​បានរកឃើញសាច់​បង្កកចម្រុះដែលមានសារធាតុគីមីមានទម្ងន់ជាងមួយតោន និងបានយកទៅកម្ទេចចោលកាលពីថ្ងៃទី១៦ ខែមិថុនា ឆ្នាំ២០២៤តាមវិធានបសុពេទ្យ ។ ប្រភពបានឱ្យដឹងថា ការបង្ក្រាបសាច់បង្កកបានប្រព្រឹត្តិទៅ​កាលពីថ្ងៃទី១៥ ខែមិថុនានៅចំណុចសាលាក្រហម នៃភូមិ​សូរិយាថ្មី ឃុំកូប ស្រុកអូរជ្រៅ។ផលិតផលទាំងអស់នេះ ត្រូវបានឈ្មួញដឹកចេញពីប្រទេសថៃចូលមកប្រទេសកម្ពុជា តាមច្រកតាមច្រករបៀងដោយ​ពុំមានលិខិតអនុញាតិពីជំនាញ​ផលិតកម្ម និងបសុព្យាបាលនិង ជំនាញជលផលនៃក្រសួង​កសិកម្ម​រុក្ខាប្រមាញ់ និងនេសាទ​ទេ។ផលិតផល​ទាំង​នោះ​ភាគ​ច្រើនបានខូចគុណភាពអស់ហើយព្រោះតែរក្សាទុកក្នុងសីតុណ្ហភាព ការវេចខ្ចប់មិនសមស្រប​និងមាន​រយ:ពេលច្រើន​ថ្ងៃទៀតផង។ សាច់បង្កកដែលមានសាធាតុគីមី ចំនួន១.២៥៤គីឡូក្រាម ក្នុងនោះជាប្រភេទជើងមាន់,កោះមាន់ ,ខួរគោ និងពោះវៀន​ជ្រូក ៕ ដោយ៖ឃិន គន្ធា

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី១៦ ខែមិថុនា ធ្ឆ្នាំ២០២៤ បានឱ្យដឹងថា មានគោលដៅចំនួនសរុប ៧០គោលដៅ មានយានយន្តចូលគោលដៅចំនួន ៤៥៤គ្រឿង រថយន្តធំ០៣គ្រឿង រថយន្តតូច ២៣៧គ្រឿង ម៉ូតូ ២១៤គ្រឿង ក្នុងនោះរកឃើញយានយន្តល្មើសសរុបចំនួន ៣១២គ្រឿងមានរថយន្តធំ ០៣គ្រឿង រថយន្តតូច ១៧៩គ្រឿង និងម៉ូតូចំនួន ១៣០គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី១៦ ខែមិថុនា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៤លើក បណ្តាលអោយមនុស្សស្លាប់១ នឹងរងរបួសធ្ងន់ស្រាល ៣នាក់ ។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ២លើក ស្លាប់ ០នាក់ ធ្ងន់ ២នាក់ ស្រាល ០នាក់ មិនគោរពសិទិ្ឋ ១លើក ស្លាប់ ១នាក់ ធ្ងន់ ០នាក់ ស្រាល ០នាក់ និងបត់គ្រោះថ្នាក់ ១លើក ស្លាប់ ០នាក់ ធ្ងន់ ១នាក់ ស្រាល ០នាក់ ៕ ប្រភព ៖ អគ្គស្នងការដ្ឋាននគរបាលជាតិ