រតនគិរី៖ ជាផ្នែកមួយនៃការកែលម្អនិងលើកកម្ពស់សោភណភាព​នៅក្រុងបានលុង កាលពីរសៀលថ្ងៃទី២ ខែមិថុនា ឆ្នាំ២០២៤ ឯកឧត្តម ញ៉ែម សំអឿន អភិបាលខេត្តរតនគិរិ និងជាប្រធាន​សហភាពសហព័ន្ធយុវជនកម្ពុជាខេត្ត និងលោកជំទាវ បានដឹកនាំយុវជនសហភាព សហព័ន្ធយុវជន កម្ពុជាជាច្រើននាក់(ស. ស. យ.ក )ដាំដើមដូងនិងដើមក្ងោកជុំវិញរមណីយដ្ឋានបឹងកន្សែង។ ក្នុងឱកាសនេះឯកឧត្តមអភិបាលខេត្តបង្ហាញក្តីសង្ឃឹមយ៉ាងមុតមាំថា ថ្ងៃអនាគតដ៏ ខ្លីខាងមុខនៅជុំវិញរមណីយដ្ឋានធម្មជាតិ មួយនេះនឹងកាន់តែស្រស់បំព្រង ។ជាកន្លែងមានពណ៌​បៃតង​គ្រប់រដូវគួរជាទីទាក់ទាញ នឹងក្លាយជាកន្លែងមួយសម្រាប់ សម្រាកលំហែកាយ ស្រូបយកខ្យល់អាកាសបរិសុទ្ធ បំបាត់​អស់ភាព នឿយហត់ អារម្មណ៍តានតឹងនិងជាកន្លែង សម្រាប់​ធ្វើលំហាត់ប្រាណ របស់បងប្អូនប្រជាពលរដ្ឋក្នុងក្រុងបាន​លុង​ទាំង​មូល។ ឯកឧត្តមបានកត់សម្គាល់ដោយកោតសសើរចំពោះអាជ្ញាធរក្រុង-សង្កាត់ និងកម្លាំង ស. ស. យ.កដែលបានចូលរួមដាំកូនឈើ​នាពេលនេះហើយបន្តធ្វើកិច្ចការនេះតទៅទៀតដើម្បីឱ្យរមណីយដ្ឋានមួយនេះក្លាយជាទីមនោរម្យ៕ដោយ៖ គតិ យុត្ត

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២ ខែមិថុនា ធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៦៣គោលដៅ មានយានយន្តចូលគោលដៅចំនួន ៣៣២គ្រឿង រថយន្តធំ ១៦គ្រឿង រថយន្តតូច ១៥១គ្រឿង ម៉ូតូ ១៦៥គ្រឿង ក្នុងនោះរកឃើញយានយន្តល្មើសសរុបចំនួន ៣៣២គ្រឿងមានរថយន្តធំ ០៤គ្រឿង រថយន្តតូច ១៥១គ្រឿង និងម៉ូតូចំនួន ១៥៨គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២ ខែមិថុនា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១១លើក បណ្តាលអោយមនុស្សស្លាប់ ០៣នាក់ និងរងរបួសធ្ងន់ស្រាលចំនួន ១៦នាក់។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន ៖ ល្មើសល្បឿន ០១លើក ស្លាប់ ០នាក់ ធ្ងន់ ០១នាក់ ស្រាល ០២នាក់ មិនគោរពសិទិ្ឋ ០៣លើក ស្លាប់ ០០នាក់ ធ្ងន់ ០៥នាក់ ស្រាល ០១នាក់ មិនប្រកាន់ស្តាំ ០១លើក ស្លាប់០១នាក់ បត់គ្រោះថ្នាក់ ០៤លើក ស្លាប់ ០២នាក់ ធ្ងន់ ០៣នាក់ ស្រាល ០២នាក់ ភ្លើងសញ្ញា ០១លើក ស្លាប់ ០នាក់ របួសធ្ងន់២នាក់កត្តាអាកាសធាតុ ១លើក ស្លាប់ ០នាក់ ធ្ងន់ ០នាក់ ស្រាល ០នាក់…

ភ្នំពេញ៖ ព្រះរាជពិធីដង្ហែ និងថ្វាយព្រះភ្លើងព្រះបរមសព សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រ កម្ពុជា នឹងប្រព្រឹត្តទៅនៅព្រឹកព្រលឹមថ្ងៃទី៣ ខែមិថុនា ឆ្នាំ២០២៤ ដោយចាប់ផ្តើមដង្ហែចេញពីវត្តឧណ្ណាលោមនៅម៉ោង៦ព្រឹក ។ ព្រះរាជពិធីដង្ហែនឹងធ្វើដំណើរតាមតិរវិថីព្រះស៊ីសុវត្ថិ រហូតដល់រង្វង់មូលដើមពោធិ៍ទន្លេសាប បត់ឆ្វេងមកវិថីបក្សីចាំ ក្រុង (ផ្លូវលេខ៩៤) រង្វង់មូលវត្តភ្នំ ឆ្ពោះទៅតាមមហាវិថីព្រះនរោត្តម រហូតដល់រង្វង់មូលវិមានឯករាជ្យ បត់ឆ្វេងតាមមហាវិថីព្រះសីហនុ ឆ្ពោះទៅវិថីឧកញ៉ាស៊ួរស្រ៊ុន រហូតដល់ទីតាំងព្រះមេរុ និងថ្វាយព្រះភ្លើងនៅខាងមុខវត្តបទុមវតី ក្រោមព្រះរាជាធិបតីដ៏ខ្ពង់ខ្ពស់បំផុតរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ សូមរំឭកថា សម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជ នៃព្រះរាជាណាចក្រកម្ពុជា និងជាសម្ដេចព្រះចៅអធិការវត្តឧណ្ណាលោម រាជធានីភ្នំពេញ បានយាងចូលព្រះទិវង្គត នាថ្ងៃចន្ទ ទី២៦ ខែកុម្ភៈ ឆ្នាំ២០២៤ វេលាម៉ោង ០៥:៤០នាទីល្ងាច ក្នុងព្រះជន្ម ៩៣ព្រះវស្សា ដោយព្រះរោគាពាធ នៅក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ…

ភ្នំពេញ៖ សម្តេចព្រះមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស ប្រសូតនៅថ្ងៃទី១២ ខែមករា ឆ្នាំ១៩៣២ នៅ ភូមិ ត្រពាំង ឈូក ស្ថិតក្នុង ឃុំ ជ្រាវ ស្រុកប្រាសាទបាគង ខេត្តសៀមរាប ដោយមានបិតា នាម ទេព ឈិ ត និង មាតា នាម ប៉ិច អាត់ ។ សម្ដេចព្រះ អគ្គ មហា សង្ឃ រាជាធិបតីកិត្តិឧទ្ទេសបណ្ឌិតនទេព វង្ស គឺជាសម្តេចព្រះសង្ឃខ្មែរមួយអង្គ ដែលត្រូវបានគេស្គាល់ថា ព្រះអង្គបានមានស្នាព្រហស្ថ ក្នុងការបង្កើតគណៈសង្ឃកម្ពុជាឡើងវិញក្រោយសម័យកម្ពុជាប្រជាធិតេយ្យដួលរលំនាថ្ងៃទី៧ មករា ឆ្នាំ១៩៧៩ ។ កាលពីព្រះជន្ម បាន ១០ វស្សា ក្នុងឆ្នាំ១៩៤១ សម្តេចត្រូវបាន មាតាបិតា បញ្ជូន ឲ្យ ទៅ សិក្សា អក្សរសាស្ត្រ និង គណិត សាស្ត្រ នៅ វត្ត…

ភ្នំពេញ៖ ព្រះគោរមងារ“ព្រះមហាវីរសង្ឃសិរីធម្មរាជ” ត្រូវបានថ្វាយព្រះបរមសពសម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា នាល្ងាចថ្ងៃអាទិត្យទី២ ខែមិថុនា ឆ្នាំ២០២៥។ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មការរៀបចំព្រះរាជពិធីបុណ្យថ្វាយព្រះបរមសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជាបានគូសបញ្ជាក់ថា ព្រះគោរមងារកិត្តិយស “ព្រះមហាវីរសង្ឃសិរីធម្មរាជ ដែលមានករុណាដ៏ជ្រាលជ្រៅបំផុត និងជាគូ្រនៃមាគ៌ាដ៏បរិសុទ្ធរបស់ពុទ្ធសាសនា”។ លើសពីនេះទៅទៀត ការសម្រេចថ្វាយព្រះគោរម្យងារនេះ ក៏ជាការទទួលស្គាល់នូវព្រះតួនាទីរបស់សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស ដែលសម្តេចជាព្រះសមាជិកស្ថាបនិក និងជាព្រះអនុប្រធាននៃជំនួបកំពូលពុទ្ធសាសនា ហើយសម្តេចបានយាងចូលរួមជំនួបកំពូលព្រះពុទ្ធសាសនាលើកដំបូងនៅទីក្រុងតូក្យូ ប្រទេសជប៉ុន កាលឆ្នាំ១៩៩៨។ ឯកឧត្តមឧបនាយករដ្ឋមន្ត្រីប្រចាំការ បានបន្ថែមថា ការថ្វាយព្រះគោរមងារកិត្តិយសនេះ មិនគ្រាន់តែជាការថ្វាយព្រះកិត្តិយសចំពោះសម្តេចជាអម្ចាស់និងជាមោទនភាពសម្រាប់ព្រះសង្ឃ ពុទ្ធបរិស័ទ និងប្រជាជនកម្ពុជាប៉ុណ្ណោះទេ ប៉ុន្តែថែមទាំងជាការរួមវិភាគទានមួយថ្មីទៀតដល់ការពង្រឹង និងពង្រីកទំនាក់ទំនងរវាងកម្ពុជា និងជប៉ុន និយាយជារួម និង និយាយដោយឡែក គឺការពង្រឹងទំនាក់ទំនងរវាងគណៈសង្ឃព្រះពុទ្ធសាសនានៅកម្ពុជា និងអង្គការជំនួបកំពូលពុទ្ធសាសនាផងដែរ។ ឯកឧត្តម វង្សី វិស្សុតមានជំនឿយ៉ាងមុតមាំថា ការពង្រឹងទំនាក់ទំនងនេះ ពិតជានឹងបន្តចូលរួមចំណែកដល់ការពង្រឹងសាមគ្គីភាពក្នុងចំណោមពុទ្ធសាសនិក ទូទាំង ៥…