បន្ទាយមានជ័យ៖ឧត្តមសេនីយ៍ទោ សិទ្ធិ៍ ឡោះ ស្នងការនៃ​ស្នងការដ្ឋាននគរបាលខេត្តបន្ទាយមានជ័យបានរំលឹកដល់អធិការដ្ឋានក្រុងប៉ោយប៉ែតដែលទើបទទួល​តំណែង​ឱ្យ​យក​ចិត្តទុកដាក់លើការងារបណ្ដាញទំនាក់ទំនងសង្គម ដោយ​ហេតុថា ការផ្សព្វផ្សាយព័ត៌មានមិនពិតខ្លះបានបំពុល​សង្គម។ កាលពីថ្ងៃទី៣០ ខែឧសភា លោកវីរសេនីយ៍ទោ ព្រហ្ម ពិសិទ្ធ អតីតអធិការរង​ត្រូវបានប្រកាសតែងតាំងជាអធិការ​ក្រុង​ប៉ោយប៉ែត​ជំនួសអធិការចាស់គឺលោក សៅ សារឿន ដែលទទួលអនិច្ចកម្ម ។ឧត្តមសេនីយ៍ទោ សិទ្ធិ៍ ឡោះ បានបញ្ជាក់ទៅកាន់លោក ព្រហ្ម ពិសិទ្ធ ថា ដោយសារការ​រីកចម្រើនខ្លាំងនៃឌីជីថល ឬបច្ចេកវិទ្យាទំនើប​ខ្ពស់លើកការ​ផ្សព្វផ្សាយតាមរយៈបណ្ដាញសង្គមនានាដូចជា ហ្វេសប៊ុក តិកតុក យូធូប ជាដើម ហើយរាល់ដំណឹង ឬពត៌មានត្រូវបាន​ផ្សព្វផ្សាយយ៉ាងឆាប់រហ័ស។បើជាព័ត៌មានពិតគឺល្អ។ ​ផ្ទុយមកវិញបើជាពត៌មានគ្មានការពិតនាំឱ្យបំពុលសង្គម ។ដូច្នេះត្រូវធ្វើការងារដោយបុរេសកម្ម ឬបន្សាបពត៌មានក្លែង​ក្លាយ​ទាំង​នោះឱ្យបានទាន់ពេល ។ត្រូវអង្កេតស្រាវជ្រាវដើម្បី​ចាត់វិធានការជំនាញ និងវិធានការច្បាប់ដើម្បីថែរក្សា​សណ្ដាប់ធ្នាប់​​សន្តិសុខ​សង្គមជាតិ ។ ទន្ទឹមនេះលោកស្នងការក៏បានក្រើនរំលឹកដល់អធិការដ្ឋាន និងកម្លាំង នគរបាលទូទាំងខេត្តបន្តពង្រឹង​ការងារសណ្ដាប់ធ្នាប់​សុវត្ថិភាព​សង្គម ពិសេសបង្រ្កាបពួកក្មេងទំនើង៕ដោយ៖ គៀន ច័ន្ទហ៊ីន

សៀមរាប៖ គម្រោងខ្មែរដើម្បីខ្មែរ របស់ក្រុមហ៊ុនផលិត មីជាតិ នៅថ្ងៃទី៣០ ខែឧសភា បានផ្ដួចផ្ដើមរៀបចំកម្មវិធីសប្បុរសធម៍ចែករំលែកក្តីស្រឡាញ់ ជាមួយកុមារប្រមាណ ១២០នាក់ នៅអង្គការកសាងក្ដីសង្ឃឹម ខេត្តសៀមរាប តាមរយៈការអញ្ជើញទស្សនាខ្សែភាពយន្តគំនូរជីវចល 3D ជាលើកដំបូងក្នុងឆាកជីវិតរបស់ពួកគេនៅរោងភាពយន្តលេជិនខេត្តសៀមរាប ក្នុងឱកាសអបអរសាទរទិវាកុមារអន្តរជាតិ ១ មិថុនា។ លោក ងិន សុភន នាយកប្រតិបត្តិ អង្គការកសាងក្ដីសង្ឃឹម បានសម្តែងនូវការកោតសសើរ និងអំណរគុណយ៉ាងជ្រាលជ្រៅជូនចំពោះក្រុមហ៊ុន វ័ន ហ្រ្វេតធើនីធី (មីជាតិ) ដែលបានផ្ដួចផ្ដើមរៀបចំកម្មវិធីដ៏ពិសេសនេះ ក្នុងការផ្តល់នូវក្តីស្រឡាញ់ និងបទពិសោធន៍ថ្មីមួយទៀតដល់កុមារនៅអង្គការ Feeding Dreams Cambodia ព្រមដោយការផ្តល់ជូនបន្ថែមនូវគ្រឿងឧបភោគបរិភោគសម្រាប់ប្រើប្រាស់ប្រចាំថ្ងៃ, វត្ថុអនុស្សាវរីយ៍ និងអាហារសម្រន់មីជាតិប្រកបដោយឱជារស និងបរិយាកាសសប្បាយរីករាយ ។  លោក ជា ម៉េងគួង ប្រធានផ្នែកទំនាក់ទំនងទីផ្សារ ក្រុមហ៊ុន វ័ន ហ្វ្រេតធើនីធី បានបង្ហាញឱ្យឃើញថាការរៀបចំកម្មវិធីសប្បុរសធម៍នាទឹកដីខេត្តសៀមរាបនេះគឺជាការចូលរួមដើម្បីបង្ហាញនូវឆន្ទៈ និងការប្តេជ្ញាចិត្តយ៉ាងមោះមុតរបស់យើងទាំងអស់គ្នា ជាវិស័យឯកជន ឯកត្តកបុគ្គល គឺយើងទាំងអស់គ្នាគប្បីចូលរួមលើកស្ទួយសុខមាលភាព សិទ្ធិ និងឧត្តមប្រយោជន៍របស់កុមារ និងជំរុញការអភិវឌ្ឍចំណេះដឹង និងបទពិសោធន៍ថ្មីៗដល់ ប្អូនៗកុមារ។ ពិសេសជាងនេះ…

ភ្នំពេញ៖ជាមួយរូបថតមួយសន្លឹក ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មានបានសរសេររអត្ថបទខ្លី​ទាក់ទងនឹង​ត្រីសណ្ដាយ​ពីផែខេត្តក្រចេះ។ត្រីសណ្តាយត្រូវបានគេកត់ ត្រាចូលក្នុងបញ្ជីក្រហម IUCN Red List (Near Threatened) ក្នុងឆ្នាំ២០១០ ជាប្រភេទត្រីដែលកំពុង រងគ្រោះដែលនឹងអាចឈានទៅផុតពូជ។ ឯកឧត្តមបានពណ៌នាថា នៅពីតូចគេហៅថាត្រីក្រពាត់ ហើយ ធំឡើងកាលណាគេហៅថាត្រីសណ្តាយ។ត្រីសណ្តាយ​ជា​ប្រភេទ​ត្រីទឹកសាប មានឈ្មោះ វិទ្យាសាស្ត្រ (Wallago attu)។ ត្រីសណ្តាយអាចមានប្រវែងដងខ្លួនអតិបរមា ២៤០ សង់ទីម៉ែត្រ​។ ត្រីនេះ​ជាត្រីល្មោភស៊ី និងរីកធំលូតលាស់នៅ តាមមាត់ច្រាំងទន្លេ អូរដែលដុះស្មៅនិងភាគច្រើន។ ត្រីនេះតែង លាក់ខ្លួននៅក្នុងរន្ធ។ ត្រីប្រភេទ​នេះ មានសកម្មភាពយឺត និង ស្ងប់ស្ងាត់។ វាស្វែងរកចំណីនៅបាតទន្លេជ្រៅៗដែលមាន ទឹក នឹង ឬទឹកហូរតិចៗព្រមទាំងនៅ​ស្រទាប់​បាតក្រោមមានភក់ ឬល្បាប់ផងដែរ ។ ឯកឧត្តមបន្តថា ត្រីសណ្តាយនៅពេលវ័យជំទង់ស៊ីអាហារ ចម្បង របស់វាគឺសត្វល្អិត។ ចំណែកត្រីពេញវ័យស៊ីត្រីតូចៗ ពពួកសត្វ​ឥតឆ្អឹងកង និងគ្រុំ ខ្ចៅ ខ្យង លៀសជាដើម។ ត្រីសណ្តាយធ្វើចរាចរផ្លាស់ទីចូលទៅក្នុង ស្ទឹងតូចៗ ប្រឡាយ និង…

ភ្នំពេញ៖ អនាគតដ៏ខ្លីនឹងមានបម្រើសេវាដឹកទេសចរជិះទូកកម្សាន្តនៅបារាយណ៍ជយតដាក(បារាយណ៍ខាងជើង ឬបារាយណ៍នាគព័ន្ធ)ក្នុងទឹកដីខេត្តសៀមរាប។ទេសចរអាចគយគន់សម្រស់ធម្មជាតិពណ៌បៃតងខ្ចី ទស្សនាបក្សាបក្សី ទស្សនាព្រះអាទិត្យអស្តង្គត ជាមួយផ្ទៃទឹកថ្លាឈ្វេង ។ខណៈនេះអាជ្ញាធរជាតិអប្សរាបាន និង កំពុងរៀបចំសហគមន៍សាមគ្គីមួយដើម្បីបម្រើសេវាកម្មដែលពុំធ្លាប់មានពីមុនមក។ លោក ទេស សុធីរ អនុប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌ ឱ្យដឹងថា គោលបំណងនៃការបង្កើតសហគមន៍នេះ គឺដើម្បីអភិវឌ្ឍន៍ទេសចរណ៍នៅបារាយណ៍ជយតាដាកផង ដើម្បីបង្កើតការងារក្នុងសហគមន៍សម្រាប់ប្រជាពលបរដ្ឋរស់នៅភូមិភ្លង់ និងភូមិលាងដៃរបស់ឃុំលាងដៃ។ អាជ្ញាធរជាតិអប្សរា រៀបចំជាវង់ទស្សនាជិះទូកមើលសត្វព្រៃ និងសត្វស្លាបដ៏កម្រផ្សេងៗ ព្រមទាំងអាចផ្តិតយករូបភាពដ៏ស្រស់ត្រកាល ហើយអ្វីដែលពិសេសនោះ គឺទេសភាពថ្ងៃរៀបលិច។ អាជ្ញាធរជាតិអប្សរា បានរៀបចំគម្រោងបង្កើតសហគមន៍បម្រើសេវាទេសចរជិះទូកកម្សាន្តនៅបារាយណ៍ជយតាដាកតាំងតែពីឆ្នាំ២០១៧មក ក៏ប៉ុន្តែ គម្រោងនេះ បានខកខានដោយសារតែជំងឺកូវីដរាតត្បាត។ នៅដើមឆ្នាំ២០២២ អាជ្ញាធរជាតិអប្សរាបានផ្តួចផ្តើមរៀបចំគម្រោងដំណើរការទស្សនាចរ នៅបារាយណ៍ជយតាដាកនោះឡើងវិញ ដោយមានការគាំទ្រពីស្ថាប័នGIZ និងអង្គការយូណេស្កូ។ បារាយណ៍ជយតាដាក រួមទាំងប្រាសាទព្រះខ័ន សាងឡើងក្នុងរាជព្រះបាទជ័យវរ្ម័នទី៧ នៅពេលទេសចរបានជិះទូកនៅក្នុងបារាយណ៍ហាក់បីដូចជានាំអារម្មណ៍បានទៅកាន់អតីតកាលដ៏រុងរឿងនាសម័យអង្គរ និងមានលក្ខណៈពិសេសខុសប្លែកពីទីតាំងផ្សេងៗ។ អាជ្ញាធរជាតិអប្សរាបានអំពាវនាវដល់ភ្ញៀវទេសចរជាតិ និងអន្តរជាតិ ចូលរួមជិះទូកកម្សាន្តនៅបារាយណ៍ជយតាដាក ដែលជាផលិតផលទេសចរណ៍មួយថ្មី ដែលនឹងផ្តល់បទពិសោធន៍ល្អ ជាមួយបរិយាកាសខ្យល់បរិសុទ្ធ វារីជាតិ សម្បូរបែប សត្វព្រៃផ្សេងៗ ប្រាសាទនៅកណ្ដាលបារាយណ៍ អមដោយទេសភាពវប្បធម៌ សេវាកម្មល្អ សុវត្ថិភាពផ្តល់ឱ្យទេសចរមិនខកបំណងនោះឡើយ៕ដោយ:ម៉ាដេប៉ូ