ភ្នំពេញ៖ មួយខែក្រោយពីព្រឹត្តិការសម្តែងក្បាច់គុន នៅមុខប្រាសាទបាយ័ន ខេត្តសៀមរាប ឥឡូវនេះ ក្បាច់គុនសាវលីង របស់ចិន នឹងបើកបង្រៀនសិស្សនៅប្រទេសកម្ពុជា។ ឯកឧត្តម ប្រាក់ ផាន់ណារ៉ា រដ្ឋលេខាធិការក្រសួងទេសចរណ៍ ប្រាប់ Apsara Tonight នៅថ្ងៃព្រហស្បត្តិ៍នេះថា«មជ្ឈមណ្ឌលវប្បធម៌របស់វត្តសាវលីង នឹងរៀបចំទទួលបង្ហាត់ក្បាច់គុនសាវលីងដល់កូនសិស្សខ្មែរ និងបរទេស»។ សេចក្តីអះអាងនេះធ្វើឡើងមួយថ្ងៃប៉ុណ្ណោះ បន្ទាប់ពីសមាគមមិត្តភាពសាវលីងដើម្បីកម្ពុជា បានបង្កើតមជ្ឈមណ្ឌលវប្បធម៌របស់វត្តសាវលីង ដែលជាវត្តដ៏ចំណាស់បំផុតមួយរបស់ចិន នៅខណ្ឌសែនសុខរាជធានីភ្នំពេញ។ មន្រ្តីជាន់ខ្ពស់ក្រសួងទេសចរណ៍ដដែល បញ្ជាក់ថា ការចុះឈ្មោះសិស្សចូលរៀនក្បាច់គុនសាវលីង «ចាប់ផ្តើមហើយ ចាប់ពីពេលនេះតទៅ»។ទោះជាយ៉ាងណានៅមិនទាន់មានតួលេខនៃចំនួនអ្នកចុះឈ្មោះចូលរៀនក្បាច់គុនសាវលីងនៅឡើយរហូតមកទល់ថ្ងៃនេះ។ ក្បាច់គុណសាវលីងដ៏មានវ័យចំណាស់ រហូតដល់ទៅ ១ ៥០០ឆ្នាំ របស់ចិននេះ ត្រូវបានប្រជាពលរដ្ឋកម្ពុជាស្គាល់យ៉ាងទូលំទូលាយតាមរយៈភាពយន្តបុរាណចិនដែលសាយភាយពាសពេញប្រទេសកម្ពុជារាប់ទសវត្សមកហើយ។ ក្បាច់គុននេះគឺជាប្រភេទក្បាច់គុនដែលមានសភាពទន់ភ្លន់ទាំងផ្នែកដៃ និងជើង ប៉ុន្តែមានថាមពលខ្លាំង រស់រវើក និងមានសន្ទុះវាយលុកយ៉ាងរហ័សរហួនទៅលើគូរសត្រូវ។កាលពីថ្ងៃទី២៤ ខែមេសា ក្បាច់គុនសាវលីង ត្រូវបាននាំមកសម្តែងជាសាធារណៈលើកដំបូងក្នុងប្រទេសកម្ពុជា ក្នុងព្រឹត្តិការណ៍សម្តែងក្បាច់គុន ជាមួយក្បាច់គុនល្បុក្កតោខ្មែរ នៅមុខប្រាសាទបាយ័ន ដ៏ល្បីល្បាញ ក្នុងខេត្តសៀមរាប។ លោក ឆន ច័ន្ទវិរៈ គ្រូក្បាច់គុនល្បុក្កតោមួយរូបយល់ថា ការបើកវគ្គបង្ហាត់ក្បាច់គុនរបស់វត្តសាវលីងចិន នៅកម្ពុជា មិនមានផលប៉ះពាល់អ្វីដល់ក្បាច់គុនបុរាណខ្មែរនោះទេ។លោក ច័ន្ទវិរៈ…

ភ្នំពេញ៖កូនអណ្តើកហ្លួងដែលជាសត្វកម្របំផុតមួយប្រភេទត្រូវបានញាប់កូនមួយ សំបុកដែលមានចំនួនចំនួន១០ក្បាលនៅក្នុងមជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB)។ មជ្ឈមណ្ឌលអង្គរសម្រាប់ការអភិរក្សជីវៈចម្រុះបានឱ្យដឹងនៅថ្ងៃទី២៣ ខែឧសភា ថា ការញាស់កូនអណ្តើកហ្លួងទាំងនេះនឹងដើរតួដ៏សំខាន់មួយក្នុងការរក្សាភាពចម្រុះនូវសេនេទិច (ហ្សែន) នៃប្រភេទនេះ និងនៅទីបំផុតជួយឱ្យមានកំណើនកើនឡើងវិញនៃចំនួនប្រជាសាស្ត្រនៅក្នុងទីជម្រកដើមរបស់ពួកវា។ គួរបញ្ជាក់ថាអណ្តើកសសៃដែលត្រូវបានគេស្គាល់ថាជាអណ្តើកហ្លួងហើយត្រូវបានគេចាត់ទុកថាជាសត្វល្មូនតំណាងជាតិរបស់ប្រទេសកម្ពុជាដោយព្រះរាជក្រឹត្យបានចេញក្នុងឆ្នាំ២០០៥។ ប្រភេទអណ្តើកហ្លួងនេះគេជឿថាត្រូវបានផុតពូជនៅក្នុងប្រទេសកម្ពុជា ប៉ុន្តែត្រូវបានរកឃើញឡើងវិញនៅក្នុងឆ្នាំ២០០០ដោយការតាំងចិត្តរបស់ក្រុមអ្នកវិទ្យាសាស្ត្រមួយក្រុម។ សព្វថ្ងៃនេះ ពួកវានៅតែប្រឈមនូវការគំរាមកំហែងជាច្រើនដូចជាការបូមខ្សាច់ ការបាត់បង់ទីជម្រក ហើយនឹងទាក់ចាប់ដោយឧបករណ៍នេសាទ ។ មជ្ឈមណ្ឌលអង្គរសម្រាប់ការអភិរក្សជីវៈចម្រុះបានឱ្យដឹងដែរថា” ពួកយើងផ្តល់ ការថែទាំ សម្រាប់អណ្តើកហ្លួងពេញវ័យចំនួន១៣ក្បាល នៅក្រោមការថែទាំរបស់ពួកយើង វាជាផ្នែក មួយនៃកម្មវិធីបង្កាត់ពូជសម្រាប់អណ្តើកប្រភេទនេះ។ គំនិតផ្តួចផ្តើមនេះដែលអាចធ្វើទៅបាន តាមយរៈភាពជាដៃគូរបស់ពួកយើងជាមួយរដ្ឋបាលជលផលនិងអង្គការសមាគមន៍អភិរក្សសត្វព្រៃ ប្រចាំកម្ពុជា (WCS) ប្រចាំកម្ពុជា” ៕ ដោយ ៖ ម៉ាដេប៉ូ

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៣ ខែឧ សភា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើង ចំនួន ៨លើក បណ្តាលអោយមនុស្សស្លាប់ ០៦នាក់ និងរងរបួសធ្ងន់ស្រាលចំនួន ៦នាក់។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ០៣លើក ស្លាប់ ០២នាក់ ធ្ងន់ ០១នាក់ ស្រាល ០០នាក់ មិនគោរពសិទិ្ឋ ០៣លើក ស្លាប់ ០៣នាក់ ធ្ងន់ ០១នាក់ ស្រាល ០៣នាក់ ប្រជែងគ្រោះថ្នាក់ ០១លើក ស្លាប់ ០០នាក់ ធ្ងន់ ០១នាក់ ស្រាល ០០នាក់ និងបត់គ្រោះថ្នាក់ ០១លើក ស្លាប់ ០១នាក់ ធ្ងន់ ០០នាក់ ស្រាល ០០នាក់ ៕ ប្រភព ៖ អគ្គស្នងការដ្ឋាននគរបាលជាតិ

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៣ ខែឧសភា ធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៣៧គោលដៅ មានយានយន្តចូល គោលដៅចំនួន ២១៣គ្រឿង រថយន្តធំ ០គ្រឿង រថយន្តតូច៥៦គ្រឿង ម៉ូតូ ១៥៧គ្រឿង ក្នុងនោះរកឃើញយានយន្តល្មើសសរុបចំនួន ១៨៣គ្រឿងមានរថយន្តធំ ០គ្រឿង រថយន្តតូច ៤៥គ្រឿង និងម៉ូតូចំនួន ១៣៨គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

បាត់ដំបង៖ មិនមែន”រៀនដើម្បីចប់ តែរៀនដើម្បីចេះ” សិស្ស មក ពីគ្រួសារក្រីក្រនិងគ្រួសារ ងាយរងហានិភ័យដែល បញ្ចប់វគ្គ បណ្តុះ បណ្តាល ជំនាញវិជ្ជាជីវៈបច្ចេកទេសកម្រិតសញ្ញាបត្រ បច្ចេកទេស និងវិជ្ជាជីវៈ(C1) សម្រាប់សិស្សក្នុង កម្មវិធី១.៥ លាន នាក់ ជំហាន ទី១ នៅវិទ្យាស្ថានពហុបច្ចេកទេសភូមិភាគ តេជោសែនបាត់ដំបង ត្រូវបានប្រឡងធ្វើតេស្តដើម្បីវាស់ ស្ទង់ កម្រិតសមត្ថភាព បន្ទាប់ ពី បញ្ចប់ ការសិក្សាទ្រឹស្តី និងបានចុះ ហាត់ការតាម គ្រឹះស្ថាន សហគ្រាសនានា និងដើម្បីវាយតម្លៃ ពីសមត្ថភាពលើជំនាញ មុនចូលទៅ កាន់ ទីផ្សារការងារ។ សិស្សដែលឆ្លងកាត់ការធ្វើតេស្ត បានសិក្សារយៈពេលបួនខែ និងបានចុះធ្វើកម្មសិក្សា រួចហើយ។ ការប្រឡងតេស្ត បានធ្វើ ឡើងនាពាក់កណ្ដាលសប្ដាហ៍នេះនៅវិទ្យាស្ថានពហុ បច្ចេក ទេសភូមិភាគតេជោសែន បាត់ដំបង ដោយមានការចុះត្រួត ពិនិត្យផ្ទាល់ ពីឯកឧត្តមបណ្ឌិត ហ៊ីង ស៊ីដេត ប្រតិភូរាជរដ្ឋា ភិបាល ទទួលបន្ទុកអគ្គនាយកអប់រំបណ្ដុះបណ្ដាលបច្ចេក…