ភ្នំពេញ៖នៅថ្ងៃទី១ ខែមិថុនាខាងមុខនេះ យុវជនខ្មែរប្រមាណ២០០នាក់នឹងជិះកង់ក្នុងចំងាយជាង៣០០គីឡូម៉ែត្រ ពីរាជធានីភ្នំពេញ ឆ្ពោះទៅខេត្តសៀមរាប ដើម្បីរៃអង្គាសប្រាក់ជួយមន្ទីរពេទ្យអង្គរដែលសង្គ្រោះជីវិតកុមារដោយមិនគិតថ្លៃ។ព្រឹត្តិការណ៍នេះរៀបចំដោយសហព័ន្ធកីឡាទោចក្រយានកម្ពុជា ជា​ការចូលរួមគាំទ្រដល់សេវាថែទាំសុខភាពកុមារដែលបន្តខ្វះខាតថវិកាយ៉ាងធ្ងន់ធ្ងរ។ ដោយចំណាយពេល១២ម៉ោងចាប់ពីម៉ោង៥ព្រឹក ក្រុមអ្នកជិះកង់នឹងឈប់តាមភូមិស្រុកដើម្បីផ្សព្វផ្សាយពីយុទ្ធនាការរបស់ខ្លួន និងរៃប្រាក់ពីអ្នកភូមិដែលអាចបរិច្ឆាគតាមសន្ធា។ លោក នូ ចំរើន អគ្គលេខាធិការសហព័ន្ធកីឡាទោចក្រយានកម្ពុជា បាន​ប្រាប់ទូរ​ទស្សន៍អប្សរាថា នេះជាលើក​ទី​១ដែល​សហព័ន្ឋរបស់លោកបានរៀបចំការជិះកង់ក្នុងចម្ងាយដ៏ឆ្ងាយបែបនេះ។ លោកថា ទោះបីជាវាមិនអាចបំពេញតម្រូវការហិរញ្ញវត្ថុរបស់មន្ទីរពេទ្យបានពេញលេញក៏ដោយ ប៉ុន្តែ​លោកសង្ឃឹមថា វាអាចបំផុសការ​ចែក​រំលែកក្តីស្រឡាញ់ និងសាមគ្គីភាពដើម្បីជួយជីវិតកុមារខ្មែរ។ នៅថ្ងៃទី១ខែមិថុនា ដដែល ក្រសួងយុត្តិធម៌​ក៏នឹងរៀបចំ​ព្រឹត្តិការណ៍ជិះ​កង់​អង្គរលើកទី២ ផងដែរដើម្បីរៃអង្គាស​ថវិកាឲ្យ​មន្ទីរ​ពេទ្យ​ជ័យវវ្ម័នទី៧ ឬគន្ធបុប្ផាទី៣។ ក្រៅពីព្រឹត្តិការណ៍ទាំងពីរនេះ កន្លងមកក៏មានសកម្មភាពរៃអង្គាសស្រដៀងគ្នានេះ និងមានមូលនិធិនានាផងដែរ។ ក៏ប៉ុន្តែ ភាពតានតឹងផ្នែកហិរញ្ញវត្ថុក្នុងចំណោមមន្ទីរពេទ្យកុមារនៅកម្ពុជាគឺនៅតែធ្ងន់ធ្ងរ។ ជាក់ស្តែង មន្ទីរពេទ្យកុមារអង្គរនៅខេត្តសៀមរាបតែមួយត្រូវការជាងប្រាំមួយលានដុល្លារក្នុងមួយឆ្នាំដើម្បីអាចផ្តល់សេវាព្យាបាលដល់កុមារប្រមាណ១០ម៉ឺននាក់ជារៀងរាល់ឆ្នាំ។ លោកវេជ្ជបណ្ឌិត ងួន ច័ន្ទភក្ត្រា នាយកមន្ទីរពេទ្យកុមារអង្គរ បានឱ្យដឹងថា មន្ទីរពេទ្យនេះពឹងផ្អែកលើជំនួយបរទេសចំនួន៧០ភាគរយនៃតម្រូវការថវិកាសរុបនិង៣០ភាគរយទៀតលោកត្រូវកៀរគរពីសប្បុរសជនក្នុងស្រុក។ ដូចគ្នានេះដែរ មន្ទីរពេទ្យគន្ធបុប្ផាត្រូវការប្រាក់រហូតដល់ទៅ៤០លានដុល្លារក្នុងមួយឆ្នាំ។មន្ទីរពេទ្យនេះបានព្យាបាលកុមារខ្មែរប្រហែល៩០ម៉ឺននាក់កាលពីឆ្នាំ ២០២៣ ដោយពឹងផ្អែកខ្លាំងពីជំនួយពីប្រទេសស្វីស។ លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍​ផ្នត់គំនិត និង​ការ​ស្រាវជ្រាវ​ បាននិយាយថា ដើម្បីធានានិរន្តភាព រដ្ឋាភិបាលត្រូវផ្តោតលើគោលនយោបាយច្បាស់លាស់​ និង​មាន​កញ្ចប់ថវិកា​ជាក់លាក់ណាមួយ​សម្រាប់គាំទ្រមន្ទីរពេទ្យ។ ឆ្លើយតបនឹងការលើកឡើងនេះ ឯកឧត្តម កុយ វ៉ាន់នី អ្នកនាំពាក្យក្រសួងសុខាភិបាល បានលើកឡើងថា…

ភ្នំពេញ៖កាលពីថ្ងៃទី១៣ ខែឧសភាឆ្នាំ២០២៤ ទូទាំងប្រទេស សមត្ថកិច្ច បានដាក់គោលដៅចំនួនសរុប៤៩គោលដៅ ដើម្បី ត្រួត ពិនិត្យការអនុវត្តច្បាប់ចរាចរណ៍។ ក្នុងសកម្មភាពនេះ មាន យានយន្តចូលគោលដៅចំនួន២៨៨គ្រឿង ក្នុងនេះរថយន្តតូច ៣៦គ្រឿង ម៉ូតូ២៤៣គ្រឿង ។ការត្រួតពិនិត្យបានរកឃើញយានយន្តល្មើសសរុបចំនួន២៧៩គ្រឿង ក្នុងនេះរថយន្តតូច៣៦គ្រឿង និងម៉ូតូ ចំនួន២៤៣គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅ ទូទាំងប្រទេស ។ នេះបើយោងតាម របាយការណ៍ ពីនាយកដ្ឋាន នគរ បាលចរាចរណ៍ និង សណ្តាប់ធ្នាប់សាធារណៈស្តីពីការរឹត បន្ដឹងច្បាប់ចរាចរណ៍ផ្លូវគោក ។ របាយការណ៍ដដែលបន្តថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅ យ៉ាង ល្អ ប្រសើរ ទទួល បានការគាំទ្រពិសេសអ្នកប្រើប្រាស់ផ្លូវទាំងអស់ ៕ ដោយ៖ ភារ៉ា

(ភ្នំពេញ)៖ អាជ្ញាធរជាតិអប្សរានៅថ្ងៃទី ១៣ ខែឧសភា ឆ្នាំ២០២៤នេះ បានបង្ហាញពីរូបភាពដ៏ស្រស់ស្អាតនៃ ខ្លោងជ័យរបស់ខ្លោងទ្វារក្រុងអង្គរដែលបង្ហាញពីរូបភាព ក្រោមដំណក់ទឹកភ្លៀងដំបូងនារដូវវស្សាក្នុងដើមឆ្នាំ២០២៤ ។ ជាមួយការបង្ហាញរូបភាពទាំងនេះ អាជ្ញាធរជាតិអប្សរា ក៏បានលើកឡើងដែរថា៖ តើបងប្អូនទាំងអស់គ្នានឹករលឹក រងចាំភ្លៀងធ្លាក់យូរប៉ុណ្ណា និងចង់មកទស្សនាប្រាសាទក្រោមដំណក់ភ្លៀង ដែលមានសម្រស់ស្រស់ស្អាតម្យ៉ាង ខុសពីពេលធម្មតាយ៉ាងណាដែរ? សូមភ្ញៀវទេសចរជាតិ និងអន្តរជាតិធ្វើដំណើរ និងទស្សនាដោយមានការប្រុងប្រយ័ត្ន ព្រមទាំងគោរពទៅតាមក្រមប្រតិបត្តិអង្គរ ដើម្បីជៀសវាងគ្រោះថ្នាក់ និងរក្សាសណ្តាប់ធ្នាប់ល្អនៅក្នុងរមណីយដ្ឋានអង្គរ ៕ ដោយ ៖ ម៉ាដេប៉ូ

(ភ្នំពេញ)៖ ត្មាតភ្លើងជាប្រភេទជិតផុតពូជបំផុតដែលមានវត្តមាននៅក្នុងប្រទេសកម្ពុជា។ សត្វត្មាតភ្លើងកំពុងរងការគំរាមកំហែងដោយសារការបាត់បង់ទីជម្រក ខ្វះចំណីអាហារ និងការបំពុលជាដើម ។ អង្គការជីវិតធម្មជាតិនៅកម្ពុជា (NatureLife Cambodia) បានឱ្យដឹងនៅថ្ងៃទី១៣ ខែ ឧសភា ឆ្នាំ ២០២៤ថា ដែនជម្រកសត្វព្រៃលំផាត់គឺទីតាំងដ៏សំខាន់មួយក្នុងការគាំទ្រការរស់នៅរបស់សត្វត្មាតភ្លើង ក្រុមការងាររបស់អង្គការជីវិតធម្មជាតិនៅកម្ពុជា សហគមន៍ និងឧទ្យានុរក្សតែងតែធ្វើការអង្កេតតាមដានពីវត្តមានរបស់វាជាប្រចាំ ដោយដាក់កាម៉េរាស្វ័យប្រវត្តិតាមត្រពាំង និងអង្កេតពេលវាចុះស៊ីសាកសពសត្វគោក្របី ។ អង្កការមួយនេះបានឱ្យដឹងដែរថា ៖ ជាក់ស្តែងនៅថ្ងៃទី១០ ខែឧសភា ឆ្នាំ២០២៤ គេបានកត់ត្រាវត្តមានរបស់ត្មាតភ្លើងចំនួន២ក្បាល កំពុងស៊ីសាកសពសត្វគោ នៅភូមិស្រែជ្រៃ និងសត្វមួយក្បាលបានចុះផឹកទឹកនៅត្រពាំងដែលបានស្តារ ។ ជាមួយគ្នានេះដើម្បីដឹងឱ្យកាន់តែច្បាស់ពីស្ថានភាពប្រជាសាសន៍របស់សត្វត្មាតភ្លើងនៅតំបន់ទេសភាពនេះ អង្គការជីវិតធម្មជាតិនៅកម្ពុជានិងចាប់រៀបចំអាហារដា្ឋនត្មាតចល័តចំនួន ១២ខែ ដោយគឺចាប់ខែមិថុនានេះតទៅ ការចុះមកសាកសពសត្វរបស់សត្វត្មាតដែលផ្តល់ឱ្យក្នុងអាហារដ្ឋានត្មាតអាចឱ្យយើងកំណត់ចំនួនអប្បរិមានិងទីតាំងដែលសត្វភ្លើងកំពុងមានវត្តមាន ។ គួរបញ្ជាក់ថា នៅក្នុងប្រទេសកម្ពុជា មានសត្វត្មាតចំនួន៣ប្រភេទ គឺត្មាតភ្លើង ត្មាតត្នោត និងត្មាតផេះ។ ត្មាតមានចំណុចសម្គាល់ និងមានភាពខុសប្លែកគ្នា ទៅតាមប្រភេទនីមួយៗ។ ចំពោះត្មាតភ្លើង មានកម្ពស់ចាប់ពី ៧៦សង់ទីម៉ែត្រទៅ៨៦សង់ទីម៉ែត្រ។ ដងខ្លួនរបស់វាមានពណ៌ស ក្បាលនិងជើងពណ៌ក្រហម ចំណែកឯភ្លៅនិងផ្នែកខាងក្រោយមានឆ្នូតស។ក្រៅពីនេះសម្រាប់សត្វញីនិងឈ្មោលមានភាពខុសប្លែកគ្នាបន្តិច ដោយសត្វញីមានភ្នែកពណ៌ខ្មៅ ហើយសត្វឈ្មោលមានមានភ្នែកលឿង។ ត្មាតភ្លើងរស់នៅតាមតំបន់វាល…