(ភ្នំពេញ )៖ យុទ្ធនាការសំអាតសម្រាមនៅកម្ពុជា បានជំរុញឱ្យអ្នកចូលរួម ចេញមកប្រមូលទុកដាក់សំរាម សំណល់ប្លាស្ទិក ឱ្យបានត្រឹមត្រូវនៅតាមមូលដ្ឋាន ជាពិសេសចូលរួមពង្រឹងចលនាកាត់បន្ថយការប្រើប្រាស់ប្លាស្ទិក ។ សិស្សានុសិស្ស លោកគ្រូអ្នកគ្រូ នៅតាមសាលារៀនទាំង ៨ ព្រះសង្ឃ រួមជាមួយចាស់ព្រឹទ្ធាចារ្យ គណៈកម្មការ អាចារ្យ តាជី យាយជី នៅតាមវត្តអារាមចំនួន ៤ អាជ្ញាធរមូលដ្ឋាន និងប្រជាពលរដ្ឋ ទាំង ២២ភូមិ ក្នុងឃុំព្រះធាតុ ស្រុកអូររាំងឪ ខេត្តត្បូងឃ្មុំ ជាង ២៥០០ អង្គ/នាក់ បានស្ម័គ្រចិត្ត ចំណាយពេលត្រឹម ១៥នាទីយ៉ាងតិច ចាប់ពីម៉ោង ០៧:៣០នាទីព្រឹក នៅថ្ងៃសៅរ៍ទី០៤ ខែឧសភា ឆ្នាំ២០២៤ នេះ បានចូលរួមសហការគ្នា ចេញមកសំអាត ប្រមូលទុកដាក់សំរាម ជាពិសេសសំណល់ប្លាស្ទិកនៅក្នុងផ្ទះ ជុំវិញផ្ទះ សាលារៀន វត្តអារាម តាមដងផ្លូវ ទីសាធារណៈ ក្នុងមូលដ្ឋានឃុំព្រះធាតុ។ នៅក្នុងយុទ្ធនាការសម្អាតកម្ពុជា ក្រោមប្រធានបទ«ឃុំព្រះធាតុស្អាត ផ្តើមពីយើងទាំងអស់គ្នា» អាជ្ញាធរឃុំព្រះធាតុ បានប្រមូលនិងទុកដាក់សំណល់សំរាមប្លាស្ទិកសរុប…

(ភ្នំពេញ)៖ បន្ទាប់ពីខកខានភ្លៀងច្រើនខែ រួមជាមួយនឹងអាកាសធាតុក្តៅខ្លាំង ហើយចាប់ពីចុង ខែ មេសា មក និង ពិសេស នៅដើម ខែ ឧសភា នេះភ្លៀងចាប់ផ្តើមធ្លាក់តាមតំបន់មួយចំនួននោះគេឃើញតាមបណ្តាញសង្គម ពលរដ្ឋបានធ្វើការបង្ហោះទិដ្ឋភាពភ្លៀងធ្លាក់នៅតាមស្រុកភូមិដែលខ្លួនរស់នៅ។ ការភ្លៀងធ្លាក់ជាថ្មីនៅពេលនេះប្រៀបដូចបានទទួលកាដូពិសេសអ្វីមួយពីធម្មជាតិ។ពលរដ្ឋជាច្រើនកំពុងរង់ចាំទឹកភ្លៀង និងមិនថាមនុស្សទេសូម្បីតែសត្វ រុក្ខជាតិក៏កំពុងរង់ចាំទឹកភ្លៀងដើម្បីជីវិតរស់ដូចគ្នា។វត្តមានភ្លៀងធ្លាក់ត្រូវបានគេសង្ឃឹមថា នឹងជួយកាត់បន្ថយកំដៅដែលចេះតែក្តៅឡើងរហូតស្ទើរទ្រាំពុំបាន ។ គួរបញ្ជាក់ថាអស់រយៈពេលជាច្រើនខែមកហើយ អាកាសធាតុក្តៅខ្លាំងកំពុងដុតកំឡោចនៅប្រទេសមួយចំនួនដូចជាកម្ពុជាឡាវថៃភូមាជាដើម។ប្រទេសទាំងអស់នេះកំពុងរងគ្រោះជាមួយនឹងរលកកម្តៅកាន់តែក្តៅខ្លាំងឡើងក្នុងរយៈពេលប៉ុន្មានឆ្នាំចុងក្រោយនេះ។ ចាប់តាំងតែពីដើម ខែឧសភា មកពិសេសនៅថ្ងៃទី ០៣ ខែឧសភា ឆ្នាំ ២០២៤ដែលមានភ្លៀងធ្លាក់ ធ្វើឱ្យប្រជាពលរដ្ឋមួយចំនួនមិនត្រឹមតែបង្ហាញក្តីសប្បាយរីករាយទេ តែពិសេសនៅមានការបង្ហោះតាមបណ្តាញសង្គមព្រោងព្រាតដូចជាថា នៅភូមិ ឃុំ ឬ ស្រុកខ្ញុំភ្លៀងធ្លាក់ហើយ!! ខ្លះថា ទេវតាប្រទានទឹកភ្លៀងហើយ និងខ្លះទៀតថា ស្វាគមន៍យ៉ាងកក់ក្តៅស្រុកភូមិខ្ញុំភ្លៀងជាដើម។ ដូចជាម្ចាស់អាខោនហ្វេសប៊ុក តាវ សៀវលៀង និងអាខោហ្វេសប៊ុក Sophal Chan នៅថ្ងៃទី៣ ខែឧសភា ឆ្នាំ២០២៤នេះ បានបង្ហាញពីតំណក់ទឹកភ្លៀងកំពុងធ្លាក់នៅតំបន់ផ្សារស្លាបលែង ស្ថិតនៅក្នុងឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ ។ ក្រៅពីនេះម្ចាស់ អាខោនសែមរឿន ផេកតន្រ្តីសម័យថ្មី…

កំពង់ឆ្នាំង:ស្នងការរងទទួលការងារបង្ការនិងពន្លត់អគ្គិភ័យ នៃស្នងការដ្ឋាននគរបាលខេត្តកំពង់ឆ្នាំង លោកឧត្តមសេនីយ៍ត្រី លុយ ឌីណា បានអំពាវនាវដល់ប្រជាពលរដ្ឋទាំងអស់សូមប្រុងប្រយ័ត្នបង្កាគ្រោះអគ្គិភ័យដែលតែងកើតមាន ក្នុងរដូវក្តៅហួតហែងនេះ ។  ក្នុងឱកាសដឹកនាំ ក្រុមរថយន្តពន្លត់អគ្គិភ័យចំនួនប្រាំគ្រឿងទៅបាញ់ទឹកស្រោចស្រពសម្រន់កម្ដៅនៅវិទ្យាល័យព្រះបាទសុរាម្រិត នា កាលពីព្រឹកថ្ងៃទី៣ ខែឧសភា ឆ្នាំ២០២៤លោកស្នងការរង លុយ ឌីណា បានរំលឹកថា បងប្អូនអាជីវករ ប្រជាពលរដ្ឋ និងតាមបណ្តាសហគ្រាស សាលារៀន មុនពេលចាកចេញពីកន្លែង  ត្រូវបិទចរន្តអគ្គិសនីឱ្យបានត្រឹមត្រូវ ។ ត្រូវពន្លត់ភ្លើង ចង្ក្រាន ភ្លើងទៀនធូប ជាដើម ដើម្បីជៀសវាងគ្រោះអគ្គិភ័យដែលតែងកើតឡើងជាយកថាហេតុ ។ ជាមួយគ្នានេះសូមបងប្អូនទិញបំពង់ពន្លត់អគ្គភ័យ ដាក់តាមផ្ទះ ឬតាមកន្លែងធ្វើការ ដើម្បីបង្ការសម្រាប់ការពន្លត់បន្ទាន់។  ចំណែក លោក សឹម ប្រឹម ប្រធានមន្ទីរអប់រំ យុវជននិងកីឡា ខេត្តកំពង់ឆ្នាំង បានបញ្ជាក់ដែរថាក្នុងរដូវក្តៅនេះតាមបណ្ដាសាលារៀន បានកាត់បន្ថយពេលសិក្សាខ្លះដែរ ទៅតាមកាលៈទេសៈ ដូចជាចូលរៀនម៉ោង  ៧ ចេញ ម៉ោង៩:៣០ ឬម៉ោង ១០ ។ ពេល ល្ងាចចូលម៉ោង ២ ចេញម៉ោង…

(ភ្នំពេញ)៖ មជ្ឈមណ្ឌលអង្គរសម្រាប់ការអភិរក្សជីវៈចម្រុះ(ACCB)បានធ្វើការប្រកាសពីភាពជោគជ័យក្នុងការញាស់របស់កូនក្ងោក ដែលជាប្រភេទកំពុងរងគ្រោះថ្នាក់ ចំនួន ៤ក្បាល បន្ទាប់ពីវាបានក្រាបពងអស់រយៈពេល ២៧ថ្ងៃរួចមក។ បើតាមមជ្ឈមណ្ឌលអង្គរសម្រាប់ការអភិរក្សជីវៈចម្រុះបានឱ្យដឹងនៅថ្ងៃទី ៣ ខែឧសភា ឆ្នាំ ២០២៤នេះថា”ខណៈពេលបច្ចុប្បន្ននេះ ពួកវានៅតូចនៅឡើយ ហើយត្រូវបានចិញ្ចឹមថែទាំដោយមេរបស់ពួកវា នៅពេលចុងក្រោយ កូនក្ងោកទាំងអស់នេះនឹងត្រូវលែងទៅក្នុងតំបន់ការពារដែលមានសុវត្ថិភាពនៅប្រទេសកម្ពុជា ដោយមានការជួយគាំទ្រពីដៃគូរដ្ឋាភិបាលរបស់ពួកយើង”។ ការលែងកូនក្ងោកទាំងអស់នេះនឹងជួយបង្កើនចំនួនប្រជាសាស្ត្រសត្វក្ងោកព្រៃ ដែលនៅប្រទេសកម្ពុជា ជាជម្រកដ៏រឹងមាំមួយសម្រាប់បក្សីប្រភេទនេះ។ មជ្ឈមណ្ឌលអង្គរសម្រាប់ការអភិរក្សជីវៈចម្រុះបានឱ្យដឹងដែរថា”ពួកយើងសូមថ្លែងអំណរគុណ World Pheasant Association ចំពោះការបន្តឧបត្ថម្ភគាំទ្ររបស់ពួកគេសម្រាប់ការងារអភិរក្សសត្វក្ងោករបស់យើង”។ គួរបញ្ជាក់ថា ក្ងោក ជាប្រភេទសត្វជិតផុតពូជ (EN) លើពិភពលោក ក្នុងបញ្ជីក្រហម IUCN មានវត្តមានពេញមួយឆ្នាំនៅប្រទេសកម្ពុជាយើង ភាគច្រើនរស់នៅតាមតំបន់ ព្រៃល្បោះចម្រុះ តាមមាត់ទឹក ជាយព្រៃ ព្រៃ ឫស្សី ព្រៃស្រោង និងព្រៃពាក់កណ្តាលស្រោង។ ក្ងោកវាមានបណ្តោយខ្លួនធំ ជើងវែង កវែង ស្លាប និង ខ្លួនពណ៌បៃតងភ្លឺ កំប៉ោយឈរត្រង់ មានកន្ទុយធំវែងមានដៅពណ៌លឿងលាយខៀវដូចភ្នែករាប់រយ សត្វញីស្រដៀងឈ្មោលដែរ តែពណ៌ស្រអាប់ជាង និងមានកន្ទុយខ្លី។ នៅរដូវបន្តពូជសត្វ ឈ្មោលបើកកន្ទុយវែងដូចផ្លិត ដើម្បីទាក់ទាញសត្វញី…