ភ្នំពេញ៖ អាកាសធាតុក្តៅហួតហែងមិនត្រឹមតែធ្វើឲ្យទន្លេ ស្ទឹង បឹងបួរ ហួតទឹកប៉ុណ្ណោះទេ តែកំពុងគំរាមគំហែងដល់ទឹកក្រោមដីទៀត។ អង្គការ អេកសិន អេដ(Action Aid )ដែលបេសកកម្មមួយផ្នែកផ្តោតលើទឹក និងអនាម័យ បានរកឃើញថា ទឹកក្រោមដីប្រឈមរីងខះ នៅតំបន់មួយចំនួននៃខេត្តចំនួន៨ មានខេត្តពោធិ៍សាត់ កំពត កំពង់ស្ពឺ កំពង់ធំ ឧត្តរមានជ័យ ព្រះវិហារ ក្រចេះ និងខេត្តស្ទឹងត្រែង។ អេកសិន អេដ បានប្រកាសនៅលើទំព័រហ្វេសប៊ុកផ្លូវការរបស់ខ្លួននៅថ្ងៃអង្គារនេះ ដោយភ្ជាប់ជាមួយនឹងរូបភាពក្តៅស្ងួតហួងហែងផង អង្គការនេះថា ភាគីពាក់ព័ន្ធ ជាពិសេសរដ្ឋាភិបាល នឹងដាក់ចេញវិធានការដើម្បីសង្រ្គោះបន្ទាន់ដោយបញ្ចៀសកុំឱ្យមានគ្រោះរាំងស្ងួតដែលអាចនឹងកើតមានឡើង។ មន្ត្រីនៃអង្គការ Action Aid ដែលសុំមិនបង្ហាញអត្តសញ្ញាណបានផ្តល់ព័ត៌មានបឋមតាមរយៈទូរទស្សន៍អប្សរាថា ការវាយតម្លៃនេះគឺផ្អែកតាមឧបករណ៍វាស់កម្រិតទឹកក្រោមដី ហើយថាក្រុមការងារកំពុងវិភាគទិន្ន័យ មុននឹងអាចផ្តល់ព័ត៌មានលម្អិតជាងនេះ។ការរកឃើញនេះ ស្របគ្នាទៅនឹងការប្រកាសរបស់គណៈកម្មាធិការជាតិគ្រប់គ្រងគ្រោះមហន្តរាយ ដែលបានបញ្ជាក់ថា ខេត្តចំនួន១០ កំពុងប្រឈមការខ្វះទឹកស្អាតសម្រាប់ប្រើប្រាស់ បើនៅតែបន្តមិនមានភ្លៀងធ្លាក់ ហើយកម្តៅកាន់តែក្តៅឡើង។យោងតាមរបាយការណ៍ចេញផ្សាយរួមគ្នាដោយគណៈកម្មាធិការគ្រប់គ្រង់គ្រោះមហិន្តរាយ រួមជាមួយស្ថាប័នជាតិ និងអន្តរជាតិចំនួនប្រាំផ្សេងទៀត បានឲ្យដឹងថា ប្រទេសកម្ពុជា ធ្លាប់មានគ្រោះរាំងស្ងួតដ៏ធ្ងន់ធ្ងរចំនួនបួនដង គឺឆ្នាំ១៩៩៥, ១៩៩៨, ឆ្នាំ២០០១ និងឆ្នាំ២០០២។ គ្រោះនៅឆ្នាំ២០០១ បានធ្វើប្រជាជនប្រមាណជាងប្រាំសែននាក់…

ការឡើងកម្តៅនៅសកលលោក និងទូទាំងប្រទេសកម្ពុជានាពេលនេះ បានសម្លាប់ត្រីមេពូជ និងកំពុងធ្វើឱ្យមានការធ្លាក់ចុះយ៉ាងខ្លាំងនូវទិន្និផលត្រីធម្មជាតិ និងត្រីចិញ្ចឹមក្នុងស្រុក ជាសញ្ញាហានិភ័យសម្រាប់ឧស្សាហកម្មនេសាទ និងវិស័យជលផលរបស់ខ្មែរ។ បឹងទន្លេសាបដ៏ល្បីល្បាញ ដែលធ្លាប់តែសម្បូរត្រី ពេលនេះទទួលរងផលប៉ះពាល់យ៉ាងខ្លាំងពីវិបត្តិអាកាសធាតុ ដោយត្រីបានថយចុះគំហុកក្នុងរដូវប្រាំងនេះ។ លោក លាង សុផា ប្រធាននាយកដ្ឋានអភិវឌ្ឍន៍សហគមន៍នេសាទនៃរដ្ឋបាលជលផល បានប្រាប់ទូរទស្សន៍អប្សរាថា កម្តៅខ្លាំងបានធ្វើឲ្យប៉ះពាល់ដល់ប្រព័ន្ធអេកូឡូស៊ីទន្លេ ស្ទឹង បឹងបួរ និងជម្រកត្រី នៅគ្រប់កន្លែង។ លោកថា ជាធម្មតា ប្រជានេសាទខ្មែរម្នាក់អាចនេសាទត្រីបានពី ៣ទៅ៥គីឡូក្រាមក្នុងមួយថ្ងៃ ប៉ុន្តែឥឡូវនេះពួកគេរកបានច្រើនបំផុត ២ ទៅ៣គីឡូក្រាម និងថ្ងៃខ្លះរកមិនបាន។   កាន់តែធ្ងន់ធ្ងរ លោក លាង សុផា បញ្ជាក់បន្ថែមថា ត្រីមេពូជមួយចំនួនបានងាប់បណ្តើរៗ ដែលគំរាមកំហែងវិស័យជលផល និងអាចមានផលប៉ះពាល់យូរអង្វែង។លោក បានបញាក់៖«ពេលរដូវប្រាំងនេះ វាអស់ទឹករលីងហើយ ដូចនៅទន្លេសាបអី នៅសល់ទឹកតែតិចកន្លែងណាជ្រៅទេ។ ចឹងមេពូជ វាបង្កនៅហ្នឹង តែបើកាលណា មេពូជអស់ទៀត រដូវវស្សាមក អត់មានពូជត្រី។ សល់មេពូជតិច ដល់ឆ្នាំបន្ទាប់ វាអាចស្តារឡើងវិញបាន ប៉ុន្តែមិនអាចល្អប្រសើរច្រើនទេ។ យើងទាមទារពេលវេលាច្រើនឆ្នាំទៀត ទម្រាំវាកើតច្រើនឡើងវិញ»។ ភ្នាក់ងារសារព័ត៌មាន…

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៩ ខែមេសាធ្ឆ្នាំ២០២៤ បានឱ្យដឹងថាមានគោលដៅចំនួនសរុប៥៨គោលដៅ មានយានយន្តចូលគោលដៅចំនួន ២៩៦គ្រឿង រថយន្តធំ០២គ្រឿង រថយន្តតូច ៧១គ្រឿង ម៉ូតូ ២២៣គ្រឿង ក្នុងនោះរកឃើញយានយន្តល្មើសសរុបចំនួន ២៧៥គ្រឿងមានរថយន្តធំ០២គ្រឿង រថយន្តតូ៥៥ គ្រឿង និងម៉ូតូចំនួន ២០០គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៩ ខែមេសា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៧លើក បណ្តាលអោយមនុស្សស្លាប់ ០៦នាក់ និងរងរបួសធ្ងន់ស្រាលចំនួន ៤នាក់ ។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន ល្មើសល្បឿន ០២លើក ស្លាប់ ០៣នាក់ ធ្ងន់ ០០នាក់ ស្រាល ០១នាក់ មិនគោរពសិទិ្ឋ ០១លើក ស្លាប់ ០០នាក់ ធ្ងន់ ០១នាក់ ស្រាល ០០នាក់ ប្រជែង ០៣លើក ស្លាប់ ០២នាក់, ធ្ងន់ ០២នាក់ ស្រាល ០១នាក់និងបត់គ្រោះថ្នាក់ ០១លើក ស្លាប់ ០១នាក់ ធ្ងន់ ០០នាក់ស្រាល ០០នាក់ ៕ ប្រភព ៖ អគ្គស្នងការដ្ឋាននគរបាលជាតិ

ព្រះវិហារ៖ ភ្លៀងមួយមេធំបលាយឡំជាមួយខ្យល់កន្ត្រាក់ផងនោះ បានធ្វើឳ្យផ្ទះ១២ខ្នង និងតូបលក់ដូរពីរខ្នង បានរងការរបើកដំបូលខូចខាតធ្ងន់ និងស្រាល ។ជាមួយគ្នានេះដើមឈើជាង១០ដើម បង្គោលភ្លើងសូឡា បានដួលរលំកាត់ផ្លូវ ក្នុងហេតុការណ៍កាលពីយប់ថ្ងៃទី២៨ ខែមេសា ឆ្នាំ២០២៤ ស្ថិតក្នុងសង្កាត់កំពង់ប្រណាក និងសង្កាត់ប៉ាលហាល ក្រុងព្រះវិហារ ។ អភិបាលក្រុងព្រះវិហារ លោក ប៉ុក ងួន បានឳ្យដឹងថា កាលពីយប់ថ្ងៃទី២៨ ខែមេសាមានភ្លៀងកក់ខែមួយមេធំ លាយឡំជាមួយខ្យល់កន្រ្តាក់ផងបណ្តាលឳ្យ ផ្ទះសម្បែងប្រជាពលរដ្ឋរងការខូចខាតធ្ងន់ និងស្រាលចំនួន១២ខ្នង តូបលក់ដូរពីរ បង្គោលភ្លើងសូឡាមួយដើមនិងដើមឈើ១៧ដើម ដួលរលំនៅសង្កាត់ប៉ាលហាល និងសង្កាត់កំពង់ប្រណាក។ក្រោយហេតុការណ៍កម្លាំងសមត្ថកិច្ច អាជ្ញាធរក្រុងព្រះវិហារនិងមន្ទីរសាធារណការនិងដឹកជញ្ជូនខេត្ត បានចុះទៅដល់កន្លែងកើតហេតុ ដើម្បីជួយអន្តរាគមន៍។ ក្នុងហេតុការណ៍នេះមិនបណ្តាលឳ្យមានគ្រោះថ្នាក់ដល់មនុស្សទេ៕ ដោយ៖ឡុង សំបូរ

ស្ទឹងត្រែង៖ ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមអន្តរាគមន៍ពិសេសទី២ របស់ខុទ្ទកាល័យសម្តេចធិបតីនាយករដ្ឋមន្ត្រីកម្ពុជា បានដឹកនាំក្រុមការងាររួមជាមួយគណៈបញ្ជាការឯកភាពខេត្ត បានចុះប្រតិបត្តិការបង្រ្កាបការកាប់រានទន្រ្ទានដីព្រៃរបស់រដ្ឋ បន្ទាប់ពីមានសកម្មភាពកាប់ទន្ទ្រានយកដីក្នុងតំបន់ការពារ និងអភិរក្សដែលមានទំហំដីរាប់ពាន់ហិកតាមកនោះ នៅក្នុងភូមិសាស្រ្តអូរវល្លិ៍ប្រាំដំឡឹង នៃស្រុកបុរីអូស្វាយសែនជ័យ និងភូមិសាស្រ្តក្រឡាពស់ នៃស្រុកសេសាន ។ ថ្លែងនៅក្នុងសន្និសីទសារព័ត៌មានកាលព្រឹកថ្ងៃទី២៩ ខែមេសា ឯកឧត្តមបណ្ឌិត ប៉ាន់ខែម ប៊ុនថន បានអំពាវនាវដល់ប្រជាពលរដ្ឋទាំងអស់ សូមមេត្តាឈប់ជឿលើការឃោសនារបស់មេខ្លោង ឬមេខ្យល់ដែលបំផុសបំផុលនាំឱ្យមានការប្រព្រឹត្ត បទល្មើសដោយមិនដឹងខ្លួន ។ សូមជម្រាបថា ប្រតិបត្តិការទ្រង់ទ្រាយធំក្រុមការងារបានកំណត់មុខសញ្ញា និងចាប់ខ្លួនជនប្រព្រឹត្តបទល្មើសទន្រ្ទានដីព្រៃរបស់រដ្ឋ បានចំនួន១០នាក់ និងបានកសាងសំណុំរឿងបញ្ជូនទៅតុលាការ និងដាក់ពន្ធនាគារដោយគ្មានការលើក លែង ។ បេសកកម្មពិសេសនេះ បានចាប់ផ្តេីមកាលពីថ្ងៃទី៦ ខែមេសា ឆ្នាំ២០២៤ និងបញ្ចប់នៅថ្ងៃទី២៩ ខែមេសា ដែលដឹកនាំផ្ទាល់ដោយឯកឧត្តមបណ្ឌិត ប៉ាន់ខែម ប៊ុនថន និងគណៈបញ្ជាការឯកភាពខេត្តស្ទឹងត្រែង ដោយអនុវត្តតាមបទបញ្ជាយ៉ាងម៉ឺងម៉ាត់របស់សម្តេចនាយករដ្ឋមន្រ្តី ហ៊ុន ម៉ាណែត ។ ក្រោយការចាប់ខ្លួនជនប្រព្រឹត្តបទល្មើសទន្រ្ទានដីព្រៃរបស់រដ្ឋជាបន្តបន្ទាប់ និងបញ្ជូនទៅឃុំខ្លួនក្នុងពន្ធនាគាររួចមក ក្រុមការងាររួមទាំងថ្នាក់ខេត្ត និងមន្ទីរពាក់ព័ន្ធ បានសម្របសម្រួល និងណែនាំដល់ប្រជាពលរដ្ឋដែលចាញ់បោកក្រុមមេខ្យល់នាពេលកន្លងមកនោះ ឱ្យពួកគាត់យល់អំពីផ្លូវច្បាប់ ហើយពួកគាត់ទាំងនោះ…