កែប៖ មន្ទីរបរិស្ថានខេត្តកែប និងរដ្ឋបាលស្រុកដំណាក់ចង្អើរ បានរៀបចំយុទ្ធនាការសម្អាតប្លាស្ទិកនៅតាមបណ្ដោយឆ្នេរអង្កោល ។សកម្មភាពនេះធ្វើឡើង ក្នុងគោលបំណងបញ្រ្ជាប និងផ្សព្វផ្សាយដល់ប្រជាពលរដ្ឋទូទៅ ពិសេស អាជីវករ ភ្ញៀវទេសចរ អំពីយុទ្ធសាស្ត្រចក្រារបស់ក្រសួងបរិស្ថាន គឺ ស្អាត បៃតង និងនិរន្តរភាព ដោយផ្តោតសំខាន់លើការទុកដាក់សំរាមឱ្យបានត្រឹមត្រូវតាមបណ្តាទីតាំងអាជីវកម្មនៅតំបន់ឆ្នេរអង្កោលនេះ។ ក្នុងយុទ្ធនាការដែលបានប្រារព្ធកាលពីថ្ងៃទី២៦ ខែមេសា ឆ្នាំ២០២៤ ក្រោមវត្តមានលោកស្រី ទិត សុខា អភិបាលរងខេត្តកែប , លោក អិន សៅ ប្រធានមន្ទីរបរិស្ថានខេត្តកែបបានឳ្យដឹងថា បច្ចុប្បន្នឆ្នេរអង្កោលបានក្លាយជាទិសដៅថ្មីនិងមានសក្តានុពលខ្ពស់ក្នុងខេត្តកែប ។ភ្ញៀវទេសចរមកច្រើន ធ្វើឳ្យការទុកដាក់សំរាមនៅមានបញ្ហាប្រឈម ។ក្នុងនោះធុងសំរាមនៅមិនទាន់មានគ្រប់គ្រាន់ ហើយការយល់ដឹងរបស់ពលរដ្ឋ ។ជាពិសេសអាជីវករក៏នៅមិនទាន់ចេះទុកដាក់សំរាមឳ្យមានរៀបរយ។ក្នុងនាមមន្ទីរបរិស្ថាន កំពុងយកចិត្តទុកដាក់ ដោយធ្វើយ៉ាងណាឳ្យឆ្នេរអង្កោលក្លាយជាឆ្នេរគ្មានសំរាមនៅថ្ងៃខាងមុខ តាមរយៈយុទ្ធនាការដែលធ្វើក្នុងថ្ងៃនេះ។ អាជីវករឆ្នេរអង្កោល កញ្ញា ស្រីឡាង បានបង្ហាញចំណាប់អារម្មណ៍ថា ការរៀបចំយុទ្ធនាការសម្អាតប្លាស្ទិកនៅឆ្នេរអង្កោលនេះ ជារឿងល្អ។នេះជាការបំផុសស្មារតីដល់អាជីវករទាំងអស់ឳ្យយល់ដឹងពីការរក្សាអនាម័យបរិស្ថានជាពិសេសនៅជុំវិញកន្លែងលក់ដូរ។ កញ្ញាយល់ថា កាលណាឆ្នេរអង្កោលគ្មានសំរាម នោះប្រាកដជាទាក់ទាញអ្នកទេសចរឳ្យមកកម្សាន្តកាន់តែច្រើន ហើយប្រាក់ចំណូលរបស់អ្នកលក់ដូរក៏នឹងកើនទៅតាមនោះដែរ៕ដោយៈសិលា សារិន

បន្ទាយមានជ័យ៖ មន្ទីរផែនការខេត្តបន្ទាយមានជ័យបានរៀបចំពិធីបើកវគ្គបណ្ដុះ បណ្ដាលមន្ត្រីត្រួតពិនិត្យ មន្ត្រីសម្ភាសន៍ ស្ដីពីការប្រមូលទិន្នន័យអង្កេតចន្លោះជំរឿនប្រជាជន នៅព្រះរាជាណាចក្រកម្ពុជា ឆ្នាំ២០២៤ នៅខេត្តបន្ទាយមានជ័យ ក្រោមវត្តមានលោក ឈឿន ក្រៃយ៉ុង អភិបាលរងខេត្តបន្ទាយមានជ័យលោក ពេជ ពោធី ទីប្រឹក្សាក្រសួងផែនការ និងជាមន្ត្រីប្រចាំតំបន់ លោកស្រី ព្រំ សុីណា ប្រធានមន្ទីរផែនការខេត្តបន្ទាយមានជ័យ ។វគ្គបណ្ដុះបណ្ដាលមានរយៈពេលប្រាំថ្ងៃចាប់ពីថ្ងៃទី២៦ ដល់ថ្ងៃទី៣០ ខែមេសា ឆ្នាំ២០២៤។ លោកស្រី ព្រំ សុីណា ប្រធានមន្ទីរផែនការខេត្តបន្ទាយមានជ័យ បានបញ្ជាក់ពីសារៈសំខាន់នៃអង្កេតចន្លោះជំរឿនប្រជាជននៅព្រះរាជាណាចក្រកម្ពុជាឆ្នាំ២០២៤ នៅខេត្តបន្ទាយមានជ័យត្រូវធ្វើមិនអាចខ្វះបាន ដើម្បីឆ្លើយតបសេចក្តីត្រូវការប្រើប្រាស់ទិន្នន័យចម្បងដែលមានការកើនឡើងជាលំដាប់ របស់ក្រសួងស្ថាប័នអង្គការជាតិនិងអង្គការអន្តរជាតិនានាសម្រាប់ជាធាតុចូលដល់សំខាន់ក្នុងការ រៀបចំគោលនយោបាយអភិវឌ្ឍន៍សេដ្ឋកិច្ច។ លោក ឈឿន ក្រៃយ៉ុង អភិបាលរងខេត្តបន្ទាយមានជ័យបានចាត់ទុកវគ្គបណ្ដុះបណ្ដាលនេះមានសារៈសំខាន់ក្នុងគោលបំណងបម្រើឳ្យការចុះប្រតិបត្តិការ សម្ភាសន៍នៅមូលដ្ឋានចំនួនប្រាំបួនក្រុង ស្រុក ៣០ឃុំ សង្កាត់ និង៣០ភូមិ ដែលចាប់ពីថ្ងៃទី ៣ដល់ថ្ងៃទី១៥ ខែឧសភា ឆ្នាំ២០២៤ នៅក្នុងខេត្តបន្ទាយមានជ័យ។ជាពិសេសគឺដើម្បីជំរុញការអនុវត្តការងារឳ្យបានជោគជ័យ ប្រកបដោយគុណភាពល្អប្រសិទ្ធភាព និងបានទាន់ពេលវេលា។លោកអភិបាលបានណែនាំដល់សិក្ខាកាមទាំងអស់ត្រូវខិតខំរៀនសូត្រនិងពិភាក្សាជាមួយក្រុមគ្រូបង្គោលស្នូលបច្ចេកទេសរបស់វិទ្យាស្ថានជាតិស្ថិតិនៃក្រសួងផែនការ ដែលមានបទពិសោធន៍ជាច្រើនក្នុងការងារជំរឿន និងអង្កេតសម្រាប់យកទៅអនុវត្តការងារអង្កេតចន្លោះជំរឿនប្រជាជននេះឲ្យទទួលបានជោគជ័យ៕ដោយ៖ឃិន គន្ធា

ភ្នំពេញ៖​ ផលិតផលទេសចរណ៍ថ្មីនៅរាជធានីភ្នំពេញ ដែល ស្ថិតក្នុងនៅភូមិសាស្ត្រខណ្ឌដូនពេញ ។ក្នុងនោះមាន ផ្លូវ ថ្មើរជើង មាន ហាងទំនិញ ភោជនីយដ្ឋាន សណ្ឋាគារ រង្គសាល និងផាប់ស្រ្ទីត ផងនោះ គ្រោងនឹងរៀបចំឡើងនៅដើម ខែ ឧសភា ខាងមុខ ហើយ រួចរាល់នៅ មុនចូលឆ្នាំសកលឆ្នាំ ២០២៥ ខាងមុខនេះ។គម្រោងនេះដើម្បីបម្រើ ភ្ញៀវជាតិ អន្តរជាតិ បាន ដើរ ទិញទំនិញ និង កម្សាន្ត នាពេលរាត្រី។ ក្នុងកិច្ចប្រជុំស្តីពីការងាររៀបចំផ្លូវថ្មើរជើងមុខប៉ុស្តិ៍ប្រៃសណីយ៍កម្ពុជាស្ថិតក្នុងសង្កាត់វត្តភ្នំ ខណ្ឌដូនពេញ ក្រោមអធិបតីភាពឯកឧត្តម ឃួង ស្រេង អភិបាលរាជធានីភ្នំពេញកាលពី រសៀល ថ្ងៃទី២៦ ខែមេសាឆ្នាំ២០២៤ លោក សាំ ពិសិដ្ឋ ប្រធានមន្ទីរ សាធារណការនិងដឹកជញ្ជូនរាជធានីភ្នំពេញបានបង្ហាញថា ផ្លូវថ្មើរជើងរាជធានីភ្នំពេញ ត្រូវបានបែងចែងជា៣តំបន់ មាន ទំហំ៥៧ ហិកតា ដោយផ្លូវថ្មើរជើងតំបន់ទី១ មានទីតាំងនៅមុខ ប្រៃសណីយ៍ មានព្រំប្រទល់ខាងជើង៖ ផ្លូវលេខ៩៤,…

ភ្នំពេញ៖គិតចាប់តំាងពីឆ្នាំ២០២០ មកដល់ខែមេសាឆ្នាំ២ ០២៤ នេះអង្គការសំអាតទន្លេ សមុទ្រ(Ocean River) បានប្រមូល សំរាម ១ ៧៥០តោន ចេញពីទន្លេមេគង្គ ទន្លេសាប និងទន្លេបាសាក់ ។សកម្មភាពនេះ ជាផ្នែកមួយសំខាន់មួយ ក្នុងការ ទាក់ទាញភ្ញៀវ ទេសចរ និងការថែទាំធនធានធម្មជាតិ។ អង្គការសំអាតទន្លេ សមុទ្រ សហការជាមួយរដ្ឋបាលខេត្ត កណ្ដាល ប្រារព្ធ “ទិវាអំពើល្អ” លើកទី៥ នាសួនច្បារ ក្នុង ក្រុងតាខ្មៅ ខេត្តកណ្តាលកាលពីរសៀលថ្ងៃទី២៦ ខែមេសា ឆ្នាំ២០២៤ ។ទិវានេះត្រូវបានគេរំពឹងថានឹងជំរុញលើកទឹកចិត្តដល់ប្រជាពលរដ្ឋ ដែលរស់នៅតាមដងទន្លេមេគង្គ ទន្លេសាប និងទន្លេចតុមុខ ចូលរួមស្រឡាញ់បរិស្ថាន ដោយវេចខ្ចប់ និង ទុកសំរាមឱ្យ បានត្រឹមត្រូវ។ លោក នូ សុវណ្ណ នាយកប្រតិបត្តិ អង្គការសំអាតទន្លេ សមុទ្រ បានលើកឡើងថាបញ្ហាបរិស្ថាន កំណើនកម្ដៅ ទឹកជំនន់ គ្រោះរាំ ង ស្ងួត វិបត្តិខ្វះទឹកប្រើបា្រស់ បាននិងកំពុងគំរាមកំហែង…