ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៦៥នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន ៣១ករណី ទូទាំងប្រទេស នៅថ្ងៃទី៤ ខែមេសា ឆ្នាំ២០២៤ ។ ក្នុងចំណោមជនសង្ស័យចំនួន ៦៥នាក់ រួមមាន ជួញដូរ ៥ករណី ឃាត់ ១០នាក់ ស្រី ២នាក់ ដឹកជញ្ជូន រក្សាទុក ១៧ករណី ឃាត់ ៣២នាក់ស្រី ៥នាក់ ប្រើប្រាស់ ៧ករណី ឃាត់ ២១នាក់ស្រី ២នាក់ វត្ថុតាងដែលចាប់យកសរុបក្នុងថ្ងៃទី០៤ ខែមេសា រួមមាន មេតំហ្វេតា មីន (Ice) ស្មើ ២៧៥,៨៦ក្រាម។ លទ្ធផលខាងលើ ១៤អង្គភាពបានចូលរួម បង្ក្រាប ៕ ប្រភព ៖ អគ្គស្នងការដ្ឋាននគបាលជាតិ

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី៤ ខែមេសាធ្ឆ្នាំ២០២៤ បានឱ្យដឹងថាមានគោលដៅចំនួនសរុប៧៧គោលដៅ មានយានយន្តចូលគោលដៅចំនួន ៤២៨គ្រឿង រថយន្តធំ ០១គ្រឿង រថយន្តតូច ១៣៥គ្រឿង ម៉ូតូ ២៩២គ្រឿង ក្នុងនោះរកឃើញយានយន្តល្មើសសរុបចំនួន ៣១៦គ្រឿងមានរថយន្តធំ ០១គ្រឿង រថយន្តតូច ១០៥ គ្រឿង និងម៉ូតូចំនួន ២១០គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួលបានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ប្រភព ៖ នាយកដ្ឋាន នគរបាលចរាចរណ៍

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី៤ ខែមេសា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ៧លើក បណ្តាលអោយមនុស្សស្លាប់ ០៤នាក់ និងរងរបួសធ្ងន់ស្រាលចំនួន ៩នាក់ ។ របាយការណ៍ដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ០៤លើក ស្លាប់ ០២នាក់ ធ្ងន់ ០២នាក់ ស្រាល ០៣នាក់ មិនគោរពសិទិ្ឋ ០២លើក ស្លាប់ ០២នាក់ ធ្ងន់ ០០នាក់ ស្រាល ០២នាក់ និងមិនប្រកាន់ស្តាំ ០១លើក ស្លាប់ ០០នាក់ ធ្ងន់ ០២នាក់ ស្រាល ០០នាក់ ៕ ប្រភព ៖ ស្នងការដ្ឋាននគរបាលជាតិ

ភ្នំពេញ៖ ដោយក្តីនឹករលឹក និងគិតគូរពីសុខទុក្ខរបស់ចៅៗក្មួយៗសិស្សានុសិស្ស និងដើម្បីចូលរួមអបអរបុណ្យចូលឆ្នាំថ្មីប្រពៃណីជាតិខ្មែរដែលនឹងចូលមកដល់ឆាប់ៗនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី៤ ខែមេសា ឆ្នាំ២០២៤ បានចាត់ឱ្យ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងឯកឧត្តម យូ ឡាណា អគ្គលេខាធិការរងទី២ និងសហការី រួមជាមួយសប្បុរសជន អញ្ជើញចុះសួរសុខទុក្ខ នាំយកអំណោយមនុស្សធម៌ជាលើកទី១២ (គិតចាប់តាំងពីឆ្នាំ២០១៤) និងរៀបចំអាហារថ្ងៃត្រង់មួយពេល ជូនដល់កុមារ និងសិស្សានុសិស្សចំនួន ១.២២០នាក់ នៃអង្គការលើកស្ទួយប្រជាពលដ្ឋ ដែលស្ថិតនៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ លោកជំទាវ នួន ភីមាន ស្ថាបនិកអង្គការ បានថ្លែងអំណរគុណ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលមានទឹកចិត្តមេត្តា ករុណា យកចិត្តទុកដាក់ គិតគូរ ជួយឧបត្ថម្ភជាបន្តបន្ទាប់ ជាពិសេសលើកទឹកចិត្ត ផ្តល់ក្តីសង្ឃឹមដល់កុមារទាំងអស់ ឱ្យខិតខំតស៊ូក្នុងជីវិត ជម្នះរាល់ការលំបាក ដើម្បីប្រែក្លាយជីវភាពគ្រួសារឱ្យមានការរីកចម្រើន។…

ភ្នំពេញ៖ ឯកឧត្តម កិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្រ្តី ប្រធានអង្គភាពប្រឆាំងអំពើពុករលួយ និងជាប្រធានក្រុមការងារថ្នាក់ជាតិ ចុះជួយខណ្ឌទួលគោក និងឯកឧត្ដម លី ច័ន្ទតុលា ប្រធានគណៈមេធាវី កម្ពុជា ព្រមជាមួយលោកជំទាវ ឈីវ ភិរម្យ ស្ថាបនិកនៃកម្មវិធីកុមាររីករាយបានដឹកនាំក្រុមការងារសរុប ១៥០នាក់ រៀបចំកម្មវិធីកុមាររីករាយ ក្រោមប្រធានបទ “រួមគ្នាដើម្បីការរីកចម្រើនរបស់កុមារ” សម្រាប់កុមារាកុមារីទាំងអស់ចំនួន ៣២០ នាក់ នៃសាលាបឋមសិក្សាមិត្តភាព ស្ថិតក្នុងសង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ កាលពីថ្ងៃទីទី ៣ ខែមេសា ឆ្នាំ២០២៤កន្លងទៅ។ ជាមួយបរិយាកាសប្រកបដោយភាពរីករាយ ឯកឧត្ដម លី ច័ន្ទតុលា បានលើកឡើងពីគោលបំណងសំខាន់ៗនៃកម្មវិធីដែលមានដូចជា៖(១) ផ្តល់អារម្មណ៌រីករាយមិនអាចបំភ្លេចបានពេញមួយជីវិតជូនកុមារនៅសាលាបឋមសិក្សាមិត្តភាពទាំងមូល តាមរយៈសកម្មភាពប្រកួតប្រជែងពានរង្វាន់ទាំង២ គឺ ពានរង្វាន់ឯកឧត្តម កិត្តិនីតិកោសលបណ្ឌិត ឱម យ៉ិនទៀង និង ពានរង្វាន់ឯកឧត្តម លី ច័ន្ទតុលា ដែលពាននីមួយៗ សុទ្ធតែបានឆ្លុះបញ្ចាំងនូវសារៈសំខាន់នៃសកម្មភាពទាំងអស់សម្រាប់ជីវិតរស់នៅរបស់កុមារនៅថ្ងៃនេះនិងនៅថ្ងៃអនាគត ។ (២) ផ្តល់អារម្មណ៌កក់ក្តៅជូនដល់មាតាបិតាសិស្ស ថា”សាលារដ្ឋនៅតែជាទីមោទនភាព”របស់កម្ពុជា…

សៀមរាប៖ ក្រោមគំនិតផ្តួចផ្តើម ពីសម្តេចព្រះព្រហ្មរតនមុនី ពិន សែម សិរីសុវណ្ណោ   គណៈមហានិកាយ, ឧត្តមទីប្រឹក្សា គណៈសង្ឃនាយក, សមាជិកថេរសភាព្រះពុទ្ធសាសនាកម្ពុជា សម្តេចព្រះចៅអធិការវត្តរាជបូណ៌ ដោយមានព្រះវត្តមាន និងវត្តមាននិមន្ត និងអញ្ជើញចូលរួមពី ព្រះមន្ត្រីសង្ឃខេត្តទាំងពីរគណៈ ព្រះគ្រូចៅអធិការវត្តមួយចំនួន រដ្ឋបាលខេត្ត អាជ្ញាធរខេត្ត ព្រមទាំងពុទ្ធបរិស័ទជិតឆ្ងាយបានមកជួបជុំគ្នាក្នុងបរិវេណវត្តរាជបូណ៌ ភូមិវត្តបូណ៌ សង្កាត់សាលាកំរើក ក្រុងសៀមរាប ខេត្តសៀមរាប ដើម្បីរំលឹកនូវគុណូបការៈគុណដល់សម្តេចព្រះសង្ឃរាជ ជោតញ្ញាណោ ជួន ណាត និងក្រុមជំនុំព្រះត្រៃបិដកនិងវចនានុក្រមខ្មែរ។ លោក នាក់ ណេរ៉ុន អភិបាលរងខេត្តថ្លែងថា សម្ដេចព្រះសង្ឃរាជ ជោតញ្ញាណោ ជួន ណាត ពិតជាព្រះមហាវីរបុព្វជិតដ៏ឆ្នើមដែលបានបូជាអ្វីៗ ដើម្បីជាតិ សាសនា ដែលប្រវត្តិសាស្ត្រទទួលស្គាល់ថាជាព្រះបិតាអក្សរសាស្ត្រជាតិ ដែលក្នុងមួយព្រះជន្មរបស់ព្រះអង្គ បានចំណាយពេលវេលា ព្រះកាយពល ព្រះបញ្ញាញាណ ដើម្បីសេចក្តីសុខ សេចក្តីចម្រើនក្នុងផ្នែកពុទ្ធចក្រ និងអាណាចក្រទាំងមូល។ លោក អភិបាលរងខេត្តបន្តថា ដោយស្នាព្រះហត្ថដ៏ធំធេងរបស់ព្រះអង្គ ទើបរាជរដ្ឋាភិបាលសម័យសង្គមរាស្រ្តនិយម និងប្រជារាស្រ្តខ្មែរបាន ព្រះរាជទាន និងផ្ដល់ឋានៈព្រះអង្គ ជាព្រះរាជអគ្គនិពន្ធអក្សរសាស្ត្រខ្មែរ…