សៀមរាប៖មន្ទីររៀបចំដែនដី នគរូបនីយកម្ម សំណង់ និង សុរិយោដី ខេត្តសៀមរាប រួមជាមួយរដ្ឋបាលស្រុក ប្រាសាទ បាគង កាលពីព្រហស្បតិ៍ទី២១ ខែមីនា បានប្រកាសបិទផ្សាយ ជាសាធារណៈនូវឯកសារនៃការវិនិច្ឆ័យក្នុងឃុំចំនួនពីរដែលនៅជាប់បឹង ទន្លេសាប គឺឃុំកំពង់ភ្លុក និងឃុំកណ្តែក ស្រុក ប្រាសាទ បាគង ដែលមានក្បាលដីតំបន់៣។ការបិទផ្សាយ ប្រព្រឹត្ត ទៅនៅក្នុងបរិវេណវត្តកំពង់ភ្លុក ឃុំកំពង់ភ្លុក សម្រាប់ រយៈ ពេល១៥ថ្ងៃ។ យោងតាមផែនទីឧបសម្ព័ន្ធផ្ទៃដីតំបន់៣ ដែលបានកែ សម្រួល មកជាតំបន់១ មានចំនួន ១៣៥,៤១ហិកតានិងផ្ទៃដីដែលបាន កាត់ឆ្វៀលពីតំបន់៣ មកតំបន់២ មានចំនួន ១៥៤៧,៤៧ ហិកតាក្បាលដី។ អភិបាលស្រុកប្រាសាទបាគង លោក សូរ ប្លាតុង បានលើក ឡើងថា ការបិទផ្សាយជាសាធារណៈនូវឯកសារនៃការវិនិច្ឆ័យ (ប្លង់សុរិយោដី និងបញ្ជីឈ្មោះម្ចាស់ដី) នេះមានរយៈពេល ១៥ថ្ងៃ។ ក្នុងអំឡុងពេលនេះតម្រូវឱ្យបងប្អូនប្រជា ពលរដ្ឋ ជាម្ចាស់ដី ឬនិងអ្នកកាន់កាប់ដី ព្រមទាំងស្ថាប័ន និងអង្គភាព ពាក់ព័ន្ធទាំងអស់មកចូលរួមពិនិត្យផ្ទៀងផ្ទាត់មើលទិន្នន័យនេះឱ្យបានគ្រប់ៗគ្នា…

ព្រះវិហារ៖ លោក ចិន ខន្តី ត្រូវបានប្រកាសចូលកាន់តំណែង ជាអភិបាលស្រុកជាំក្សាន្ត ខេត្តព្រះវិហារជំនួសលោក វុធ តារ៉ា ដែលទទួលមរណភាព ។ ក្នុងពិធីប្រកាសជាផ្លូវការកាលពីថ្ងៃព្រហស្បតិ៍ទី២១ ខែមីនា ឆ្នាំ ២០២៤ឯកឧត្តម គីម រិទ្ធី អភិបាលខេត្តព្រះវិហារបានរំលឹក ដល់ លោកអភិបាលស្រុកជាំក្សាន្តថ្មី ត្រូវយកចិត្តទុក ដាក់ ពង្រឹង សាមគ្គីភាព ឯកភាពផ្ទៃក្នុងឱ្យបានល្អ ។ពង្រឹងរបៀបរបប ការ ងារ ។រក្សាសាមគ្គីផ្ទៃក្នុងរវាងគណៈអភិបាលស្រុក ជាមួយក្រុម ប្រឹក្សាស្រុក ថ្នាក់ដឹកនាំមន្ត្រីរាជការកងកម្លាំងប្រដាប់អាវុធ, អង្គភាពនានានិងអាជ្ញាធរគ្រប់លំដាប់ថ្នាក់ដើម្បីអនុវត្តការងារបានទទួលជោគជ័យ ។ ឯកឧត្តម គីម រិទ្ធី ក៏បានផ្តាំផ្ញើលើចំណុចសំខាន់មួយទៀតនោះ ឱ្យយកចិត្តទុកដាក់លើការងារដីធ្លី ,ទប់ស្កាត់ការ ចូលកាន់ កាប់ ទន្ទ្រានដីរដ្ឋខុសច្បាប់រួមទាំងទីតាំងដី សម្បទានសេដ្ឋកិច្ច និងទី តាំងដីសម្បទានសង្គមកិច្ច៕ ដោយ៖សួន លីណា

(ភ្នំពេញ)៖ ចាប់ពីម៉ោង ១រសៀល ថ្ងៃសុក្រ ទី២២ ខែមីនា ឆ្នាំ២០២៤តទៅ ក្រសួងការងារ និងបណ្តុះបណ្តាលវិជ្ជាជីវៈ ចាប់ផ្តើមបើកប្រាក់ឈ្នួល និងប្រាក់បំណាច់ផ្សេងៗជូនកម្មករ និយោជិតនៅរោងចក្រ Y & W ដោយធ្វើឡើង នៅសាលាខណ្ឌដង្កោ ក្នុងរាជធានីភ្នំពេញ ។ បើតាមការបញ្ជាក់ពីឯកឧត្តម កត្តា អ៊ន អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ មន្ត្រីទទួលបន្ទុកសម្របសម្រួលបើកប្រាក់ឈ្នួល និងអាជ្ញាធរពាក់ព័ន្ធ បានរៀបចំបិទបញ្ជីឈ្មោះ សណ្តាប់ធ្នាប់ និងរបៀបរៀបរយដើម្បីសម្រួលដល់កម្មករនិយោជិតបើកប្រាក់ឈ្នួល និងប្រាក់បំណាច់ផ្សេងៗឱ្យបានរលូន។នេះ គឺជាកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក៏ដូចជាក្រសួងការងារ និងបណ្តុះបណ្តាលវិជ្ជាជីវៈ ដែលតែងតែយកចិត្តទុកដាក់ដល់កម្មករនិយោជិត។ អ្នកនាំពាក្យរូបនេះ ក៏បានអំពាវនាវសូមឱ្យបងប្អូនកម្មករ និយោជិត យកមកជាមួយនូវឯកសារដូចជា៖ ប័ណ្ណសម្គាល់ខ្លួនកម្មករនិយោជិត (ច្បាប់ដើម) ឬកិច្ចសន្យាការងារ និងសៀវភៅការងារកម្មករនិយោជិត ឬប័ណ្ណសមាជិក ប.ស.ស. ឬអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន និងប័ណ្ណបើកប្រាក់ឈ្នួលប្រចាំខែ របស់កម្មករនិយោជិតម្នាក់ៗ (បើមាន) សម្រាប់បើកប្រាក់ឈ្នួល ៕ ដោយ ៖ វណ្ណលុក(ប្រភព ៖…

(ភ្នំពេញ)៖ សព្វថ្ងៃនេះ ការរីងស្ងួត និង ការបាត់បង់ត្រពាំងទឹកបានផ្ដល់ផលប៉ះពាល់ដល់សត្វព្រៃ ដោយសារពួកវាពឹងផ្អែកប្រភពទឹកទាំងនេះ ដើម្បីចិញ្ចឹមជីវិតរបស់ពួកវា។ មូលហេតុចម្បងនៃការបាត់បង់ប្រភពទឹកទាំងនេះ គឺដោយសារតែសំណឹកដីដែលបណ្តាលមកពីការកាប់បំផ្លាញព្រៃឈើ គួបផ្សំនឹងការបាត់បង់នៃសត្វធំៗដូចជា ទន្សោង និងដំរីជាដើម ដែលការននៀលខ្លួនរបស់សត្វទាំងនោះតែងជួយថែរក្សាជម្រៅ និងជួយពង្រីកត្រពាំងឱ្យធំជាងមុនបាន។ ពិតហើយត្រពាំងទឹកនៅតាមតំបន់ការពារធម្មជាតិទាំងនេះបានដើរតួនាទីយ៉ាងសំខាន់ក្នុងការចិញ្ចឹម សត្វព្រៃពេញមួយរដូវប្រាំង។ ក្នុងមួយទសវត្សរ៍ចុងក្រោយនេះ ត្រពាំងជាច្រើនត្រូវបានបំពេញដោយល្បាប់ថ្មីៗ និងរុក្ខជាតិដុះពាសពេញ ដែលធ្វើឱ្យលទ្ធភាពនៃការផ្ទុកទឹករបស់វាមានការថយចុះ។ក្នុងរយៈពេលច្រើនឆ្នាំត្រពាំងទាំងនោះក៏លែងអាចដើរតួជាប្រភពទឹកសម្រាប់ទ្រទ្រង់ជីវិតជីវៈចម្រុះនៅក្នុងព្រៃទៀតបាន។ ទីភ្នាក់ងារជំនួយអាមេរិក USAIDបានឱ្យដឹងនៅថ្ងៃទី ២២ ខែ មីនា ឆ្នាំ ២០២៤នេះថា៖ ដោយមានការសហការជាមួយ ក្រុមហ៊ុន រ៉ាយហ្ស៉ីង ហ្វីនិក និងសហគមន៍ក្នុងតំបន់ USAID មរតកបៃតង បាននឹងកំពុងគាំទ្រសកម្មភាពស្ដារត្រពាំងទឹកដែលកំពុងរីងស្ងួត នៅក្នុងដែនជម្រកសត្វព្រៃសៀមប៉ាងរបស់ប្រទេសកម្ពុជា។ USAIDបានលើកឡើងថា “យើងបានរួមគ្នាស្តារត្រពាំងចំនួន ៨ នៅឆ្នាំ ២០២៣ ហើយមានគោលបំណងស្ដារត្រពាំងចំនួន ៨ បន្ថែមទៀតនៅឆ្នាំនេះ និងពង្រីកសកម្មភាពស្ដារឡើងវិញនេះទៅដល់ដែនជម្រកសត្វព្រៃលំផាត់ជាមួយអង្គការជីវិតធម្មជាតិកម្ពុជា និងសហគមន៍ក្នុងតំបន់នោះផងដែរ”។ USAIDបានលើកឡើងដែរថាក្នុងការប្រារពទិវាទឹកពិភពលោកក្នុងឆ្នាំនេះ យើងសូមនាំចំណាប់អារម្មណ៍របស់អ្នកទាំងអស់គ្នា មកស្គាល់ពីតួនាទីដ៏សំខាន់របស់ទឹកក្នុងការទ្រទ្រង់ជីវិតមនុស្ស សត្វព្រៃ និងប្រព័ន្ធអេកូឡូស៊ីរបស់យើង”។ គួរបញ្ជាក់ថាត្រពាំងទឺកបានដើរតួនាទីយ៉ាងសំខាន់ក្នុងការផ្តល់ជាកន្លែងសម្រាក ផ្តល់ទឹក និងចំណី និងកន្លែង…