(ភ្នំពេញ)៖ ក្រសួងបរិស្ថានបានឱ្យដឹងថា៖ចាប់ពីថ្ងៃទី១៣ ដល់ ១៧ ខែមីនា ឆ្នាំ២០២៤ សមត្ថកិច្ចចម្រុះបង្ក្រាប និងទប់ស្កាត់បទល្មើសធនធានធម្មជាតិ ក្នុងភូមិសាស្រ្ត ខេត្តពោធិ៍សាត់ ចំនួន១០ក្រុម ដែលមានកម្លាំងសរុប៧៨៩នាក់ បានចុះអន្តរគមន៍ ឃ្លុំដីទំហំចំនួនទីតាំង ៣៩៤២,៧៣ ហិកតា ជាមួយគ្នានេះ បានឃុំខ្លួនជនសង្ស័យ ០១នាក់ ទៅតុលាការសាលាដំបូងខេត្តពោធិ៍សាត់ និងបានធ្វើការអប់រំមនុស្សបានចំនួនថែមទៀត។ ប្រភពខាងលើនេះបានបញ្ជាក់ឱ្យដឹងថា៖ ការបូកសរុបការងារប្រតិបត្តិការលើកទី១ បានធ្វើឡើងកាលពីរសៀលថ្ងៃអាទិត្យទី១៧ ខែមេសា ឆ្នាំ២០២៤ នៅសាលាស្រុកវាលវែងខេត្តពោធិ៍សាត់ ដោយមានការចូលរួមដឹកនាំ ដោយ ឯកឧត្តម ចាយ សាមិត្ត រដ្ឋលេខាធិការ តំណាងឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួអបរិស្ថាន និងឯកឧត្តម ខូយ រីដា អភិបាលនៃគណៈ អភិបាលខេត្តពោធិ៍សាសត់ ព្រមទាំងពីមានការចូលរួមពីតំណាងអគ្គស្នងការនគរបាលជាតិ មេបញ្ជាការកងរាជអាវុធហត្ថលើផ្ទៃប្រទេស អាជ្ញាធរខេត្ត អាជ្ញាធរមូលដ្ឋានគ្រប់លំដាប់ថ្នាក់ និងមន្រ្តីជំនាញពាក់ព័ន្ធមួយចំនួនទៀត។ គួរបញ្ជាក់ថា ដោយមានបញ្ជាពីរាជរដ្ឋាភិបាលកម្ពុជា ក្នុងការជំរុញឱ្យអាជ្ញាធរពាក់ព័ន្ធពង្រឹងការគ្រប់គ្រងធនធាធម្មជាតិនៅតាមភូមិសាស្រ្តនានាទូទាំងប្រទេស ប្រតិបត្តិការទ្រង់ទ្រាយធំរបស់សមត្ថកិច្ចចម្រុះបានចុះបង្ក្រាប និងទប់ស្កាត់បទល្មើសធនធានធម្មជាតិ ក្នុងភូមិសាស្រ្តខេត្តពោធិ៍សាត់ បានធ្វើឡើងក្រោយការដាក់បទបញ្ជាដោយផ្ទាល់ពី ឯកឧត្តមបណ្ឌិត…

ព្រះវិហារ៖ ថ្នាក់ដឹកនាំ និងមន្ត្រីរាជការ ១២៥រូប នៃរដ្ឋបាលខេត្ត ព្រះវិហារ ត្រូវបានធ្វើតេស្តរកសារធាតុញៀននៅថ្ងៃចន្ទនេះ ក្រោម ការអញ្ជើញចូលរួមពីប្រធានក្រុមប្រឹក្សាខេត្តព្រះវិហារ ឯកឧត្តម ប្រាក់ សុវណ្ណ និងអភិបាលខេត្តព្រះវិហារឯកឧត្តម គីម រិទ្ធី ។ជា លទ្ធផល ពុំមានមន្រ្តីណាម្នាក់ពាក់ព័ន្ធឡើយ។ ការធ្វើតេស្តរៀបចំដោយលេខាធិការដ្ឋានត្រួតពិនិត្យរកសារធាតុញៀនខេត្តព្រះវិហារ ដែលដឹកនាំដោយឧត្តមសេនីយ៍ត្រី យ៉េង សារ៉េន ស្នងការរងទទួលផែនការងារប្រឆាំងគ្រឿងញៀន រួមជាកម្លាំងនគរ បាល ជំនាញ ១៧នាក់ រួមជាមួយលោក យឹម សុងកាន អនុប្រធានមន្ទីរ សុខា ភិបាល លោក ហុង ប្រាក់សាទ អនុប្រធានមន្ទីរមុខងារសាធារណៈ និង លោក ឈុំ រស្មី អនុប្រធានមន្ទីរទំនាក់ ទំនងជាមួយ រដ្ឋសភា ព្រឹទ្ធសភា និងអធិការកិច្ច ផងដែរ។ លទ្ធផលក្រោយការធ្វើតេស្តលើថ្នាក់ដឹកនាំខេត្ត និងមន្ត្រីរាជការ នៃ សាលាខេត្តព្រះវិហារទាំង ១២៥រូប ពុំបានរកឃើញ សារធាតុញៀន លើបុគ្គលិកឬ…

(ភ្នំពេញ)៖ អនុវត្តតាមបទបញ្ជាដ៍ម៉ឺងម៉ាត់របស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃកម្ពុជា និងមានការចង្អុលបង្ហាញពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ពេញមួយថ្ងៃទី១៨ ខែមីនា ឆ្នាំ២០២៤ លោកចេង មុនីរ៉ា អភិបាលនៃគណៈអភិបាលខណ្ឌបានដឹកនាំមន្ត្រីរាជការ មន្ត្រីជាប់កិច្ចសន្យា និងលោកគ្រូ អ្នកគ្រូ ប្រមាណជិត ៨០០នាក់ ធ្វើតេស្តរកសារធាតុញៀន ។ សូមបញ្ជាក់ថា កន្លងមកលោកចេង មុនីរ៉ា អភិបាលខណ្ឌច្បារអំពៅតែងតែលើកយកបញ្ហាប្រឈមនិងគ្រឿងញៀនលើកឡើងនៅក្នុងកិច្ចប្រជុំគណៈបញ្ជាការឯកភាពរដ្ឋបាលខណ្ឌដោយដាក់ចេញអោយបង្ក្រាប់គ្រប់មុខសញ្ញាសង្ស័យទាំងអស់ ព្រោះថាគ្រឿងញៀនជាបញ្ហាចម្បងដែលធ្វើឲ្យប៉ះពាល់ដល់សង្គមនាពេលបច្ចុប្បន្ន ហើយប្រមុខរាជរដ្ឋាភិបាលបានយកចិត្តទុកដាក់យ៉ាងខ្លាំង និងបានចេញបទបញ្ជាលេខ ០១ ប.ប ស្ដីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ ដោយមិនមានការលើកលែងឡើយ។ សូមជៀសឱ្យឆ្ងាយពីគ្រឿងញៀន និងត្រូវធ្វើជាគំរូល្អសម្រាប់ប្រជាពលរដ្ឋ ហើយក្នុងករណីរកឃើញមន្ត្រីណាម្នាក់ មានសារធាតុញៀន នឹងត្រូវអនុវត្តតាមបទបញ្ជា ៕ ដោយ ៖ វណ្ណលុក

កំពង់ធំ៖រដ្ឋបាលខេត្តកំពង់ធំកាលពីថ្ងៃអាទិត្យទី១៧ ខែមីនា នា សាលប្រជុំសាលាខេត្ត បានបើកកិច្ចប្រជុំ រៀបចំព្រឹត្តិការណ៍ សង្ក្រាន្ត កំពង់ធំ ដើម្បីទាក់ទាញភ្ញៀវទេសចរផ្ទៃក្នុង និងអន្តរជាតិ ក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខ។ កិច្ចប្រជុំនេះ ដឹកនាំដោយលោក ញ៉ឹក បានខេង អភិបាលរងខេត្តកំពង់ធំ និង លោក ជា វ៉ាន់ចាន់ ប្រធាន ស.ស.យ.ក ខេត្តកំពង់ធំ ព្រមទាំង មន្ទីរអង្គភាពពាក់ព័ន្ធជុំវិញខេត្ត។ កិច្ចប្រជុំនេះបានលើកឡើង នូវចំណុចសំខាន់ៗមួយចំនួនត្រូវបានយកមកពិភាក្សា ដូចជា ការងារពង្រឹងអនុវត្តវិធានការគ្រប់គ្រង និងក្តីកង្វល់អំពីបញ្ហា កើនឡើងនៃគ្រោះថ្នាក់ចរាចរណ៍ជាដើម។ ក្នុងនេះ ការងារសន្តិ សុខសង្គម និងសណ្តាប់ធ្នាប់សាធារណៈគឺជាប្រធានបទសំខាន់។ សូមជម្រាបថា ព្រឹត្តិការណ៍សង្ក្រាន្តកំពង់ធំនឹងចាប់ផ្ដើមប្រារព្ធពិធី នៅថ្ងៃទី ១៣-១៤-១៥ និង១៦ ខែមេសា ឆ្នាំ២០២៤ ខាងមុននេះ មានទីតាំងនៅក្នុងបរិវេណសាលាវិទ្យាល័យកំពង់ធំ ដែលកំណត់ដោ យរដ្ឋបាលខេត្តកំពង់ធំ៕ដោយ៖ ប៊ុន រដ្ឋា

តេហេរ៉ង់៖ ប្រទេសអ៊ីរ៉ង់ នៅថ្ងៃអាទិត្យ បានឈានដល់ការចុះកិច្ចសន្យាដែលមានតម្លៃរាប់ពាន់លានដុល្លារ ជាមួយក្រុមហ៊ុនក្នុងស្រុក ដើម្បីជំរុញការផលិតប្រេងរបស់ខ្លួន នៅចំពោះមុខទណ្ឌកម្មរបស់លោកខាងលិច។ នៅក្នុងពិធីផ្សាយតាមកញ្ចក់ទូរទស្សន៍រដ្ឋ ក្រសួងប្រេង និងធុរកិច្ចអ៊ីរ៉ង់បានចុះហត្ថលេខាលើកិច្ចព្រមព្រៀង ដែលមានតម្លៃ ១៣ពាន់លានដុល្លារ ដើម្បីបង្កើនផលិតកម្មប្រេងប្រចាំថ្ងៃនៅក្នុងវិស័យសំខាន់ៗចំនួន៦។ Shana ដែលជាទីភ្នាក់ងារព័ត៌មានផ្លូវការ សម្រាប់ឧស្សាហកម្មប្រេងអ៊ីរ៉ង់ បានដាក់ស្លាកកិច្ចព្រមព្រៀងនេះថា ជា “កិច្ចសន្យាប្រេងធំបំផុតរបស់អ៊ីរ៉ង់” ហើយបាននិយាយថា កិច្ចព្រមព្រៀងនេះដែរ មានគោលបំណងជំរុញការផលិតប្រេងបន្ថែម ៣៥០,០០០បារ៉ែលក្នុងមួយថ្ងៃ ទៅក្នុងផលិតកម្មប្រចាំថ្ងៃរបស់ប្រទេសអ៊ីរ៉ង់។ កាលពីខែតុលា រដ្ឋមន្ត្រីប្រេងអ៊ីរ៉ង់ លោក Javad Owji បានប្រកាសថា ក្នុងឆ្នាំថ្មីក្រោមប្រតិទិនពែក្ស ការផលិតប្រេងរបស់ប្រទេសរបស់គាត់ នឹងឈានដល់ ៣.៦លានបារ៉ែលក្នុងមួយថ្ងៃ។វិស័យប្រេងរបស់អ៊ីរ៉ង់បានរងការវាយប្រហារនៅឆ្នាំ២០១៨ នៅពេលដែលទណ្ឌកម្មរបស់លោកខាងលិចត្រូវបានដាក់ឡើងវិញ ដោយបង្ខំឱ្យក្រុមហ៊ុនបរទេសចាកចេញពីប្រទេសនេះ បន្ទាប់ពីសហរដ្ឋអាមេរិកបានដកខ្លួនចេញពីកិច្ចព្រមព្រៀងដ៏សំខាន់មួយ ដែលបង្កើតឡើងដើម្បីទប់ស្កាត់កម្មវិធីនុយក្លេអ៊ែររបស់ទីក្រុងតេហេរ៉ង់។ យោងតាមរដ្ឋបាលព័ត៌មានថាមពលរបស់សហរដ្ឋអាមេរិក (EIA) បានឱ្យដឹងថា អ៊ីរ៉ង់គឺជាប្រទេសផលិតប្រេងឆៅធំបំផុតទី៧ របស់ពិភពលោកក្នុងឆ្នាំ២០២២។ EIA បានឱ្យដឹងទៀតថា អ៊ីរ៉ង់ក៏មានទុនបម្រុងប្រេងដ៏ធំបំផុតទី៣របស់ពិភពលោកផងដែរ តាមពីក្រោយប្រទេសវេណេស៊ុយអេឡា និងអារ៉ាប៊ីសាអូឌីត៕ ប្រភព៖ AFP ប្រែសម្រួលដោយ៖ ឈឹម ទីណា

រតនគិរី៖ក្នុងសកម្មភាពធ្វើតេស្តរកសារធាតុញៀនលើថ្នាក់ដឹកនាំ មន្ត្រី រាជការ និងមន្ត្រីកិច្ចសន្យាទាំងអស់នៃរដ្ឋបាល ខេត្តរតនគិរីកាល ពីព្រឹក ថ្ងៃចន្ទទី១៨ ខែមីនា ឆ្នាំ២០២៤ លទ្ធភាពបង្ហាញថា ពុំបានរក ឃើញ សារធាតុញៀនលើមន្រ្តីណាម្នាក់ឡើយ ។ សូមជម្រាបថា តាមរយៈបទបញ្ជាលេខ ០១បប ចុះថ្ងៃទី២០ ខែកុម្ភៈ ឆ្នាំ២០២៤ របស់រាជរដ្ឋាភិបាលកម្ពុជាបានដាក់ចេញនូវ វិធានការ ម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ ។បទបញ្ជានេះក្នុងគោលបំណង លុបបំបាត់គ្រឿង ញៀនចេញពីសង្គម។ ឯកឧត្តម ញ៉ែម សំអឿន អភិបាលខេត្តរតនគិរី បានផ្តាំផ្ញើដល់មន្ត្រី រាជការទាំងអស់មិនត្រូវពាក់ព័ន្ធនឹងគ្រឿងញៀនឡើយ ។ក្នុងករណី ធ្វើតេស្តរកឃើញមានពាក់ព័ន្ធនឹងគ្រឿងញៀននឹងចាត់វិធានការបណ្តេញចេញពីក្របខណ្ឌ៕ ដោយ៖ គតិ យុត្ត