អង្គការ​សុខភាព​ត្រចៀកនៅកម្ពុជា All Ears Cambodia កំពុងផ្តល់ឧបករណ៍​ជំនួយ​ការ​​ស្តាប់ ប្រភេទឌីជីថល ចំនួន៧០០ គ្រឿង ដោយមិនគិតថ្លៃ​។ កុមារអាយុក្រោម១៨ ឆ្នាំ ដែលមានបញ្ហាខ្សោយការស្តាប់អាចទៅស្នើរសុំកាសត្រចៀកដ៏ទំនើបនេះនៅអង្គការដែលស្ថិតនៅសង្កាត់ចតុមុខនៃរាជធានីភ្នំពេញ។ លោកស្រី រស់ ប៊ុណ្ណារ៉េត ប្រធាន​អង្គការ​សុខភាព​ត្រចៀក​នៅកម្ពុជា​បាន​ប្រាប់ទូរទស្សន៍អប្សរាថា​ ឧបករណ៍​ជំនួយ​ការ​ស្តាប់​ប្រភេទឌីជីថលមាន​គុណភាពខ្ពស់ ផលិតនៅប្រទេសស្វីស។ វាមានប្រសិទ្ធភាពខ្លាំង​ដែលអាចជួយឲ្យកុមារស្តាប់លឺល្អ។ ​​ការ​បាត់បង់​ការ​ស្តាប់​​ ​អាច​កើត​​មាន​ពីកំណើត ឬអាចកើតឡើងក្នុងវ័យកុមារភាពដែលភាគច្រើនអាចបណ្តាល​មក​ពីការ​ឆ្លង​មេរោគ​អំឡុង​ពេល​មានផ្ទៃពោះ ដូចជា​ឆ្លង​មេរោគ​ស្អូច ជាដើម។ ចំណែក​ការ​បាត់បង់​ការ​ស្តាប់​ក្នុង​វ័យ​កុមារភាពអាច​បណ្តាល​មកកពីជំងឺឆ្លងចំនួន ដែលបានធ្វើឱ្យប៉ះពាល់ដល់ការស្តាប់របស់កុមារ ដូចជា ជំងឺរលាក​ស្រោមខួរក្បាល ឬការ​បង្ករោគ​នៅ​ក្នុង​ត្រចៀក​ដែល​កើត​ឡើង​ញឹកញាប់ និងរបួសពី​ប៉ះ​ទង្គិច ជាដើម។ លោកស្រី រស់ ប៊ុណ្ណារ៉េត បានលើកឡើងថា កុមារ​ដែល​មាន​កម្សោយ​ការ​ស្ដាប់ ជះឥទ្ធិពលដល់​ការនិយាយ ហើយវាក៏ប៉ះពាល់ផងដែរដល់​ការ​អភិវឌ្ឍ និង​សុខុមាល​ភាព​ផ្លូវចិត្ត​របស់កុមារ។ មិនត្រឹមតែប៉ុណ្ណោះ វាឈានធ្វើឱ្យកុមារ បាត់ឱកាសជាច្រើននៅពេល​ឈាន​ដល់ពេលពេញ​​វ័យ ដូចជាបាត់​​ឱកាស​ការងារ និងការរកប្រាក់ចំណូលជាដើម​។ ដូច្នេះ ការព្យាបាលទាន់ពេលវេលាជារឿងសំខាន់បំផុត។ យោងតាមអង្គការសុខភាពពិភពលោក នៅតំបន់អាស៊ីអាគ្នេហ៍វិញ មានប្រជាជនជាង ៤០0លាននាក់បានបាត់បង់ការស្ដាប់ឮ ហើយនៅត្រឹមឆ្នាំ២០៥០ នឹងមានប្រជាជនចំនួន៦៦៦លាននាក់ ប្រឈមនឹងការបាត់បង់ការស្តាប់ឮ។ ជនមានពិការភាពបាត់បង់ការស្ដាប់ឮ ជិត៨០ភាគរយ…

ភ្នំពេញ៖កម្ពុជាមានកាកសំណល់រឹងដែលបង្កើតពីសកម្មភាពមនុស្ស និងអាជីវកម្ម ប្រមាណ៤លានតោនក្នុង១ឆ្នាំ។ ក្នុងនេះ៦០ភាគរយជាសំណល់សិរីរាង្គដែលងាយរលាយ ហើយក្នុងចំណោម៦០ភាករយនៃសំណល់សរីរាង្គនេះ មានកាកសំណល់អាហារប្រមាណ៥០ភាគរយ ឬស្មើនឹងជាង១លានតោន។ នេះបើយោងតាមក្រសួងបរិស្ថាន។ បើគ្រប់គ្រងមិនបានល្អ សំណល់អាហារដ៏ច្រើនសន្ធឹកនេះអាចបង្កើតឱ្យទៅជាឧស្ម័នមេតាន ដែលបំពុលបរិយាកាសធ្ងន់ធ្ងរ និងអាចបង្កជាឧស្ម័នផ្ទះកញ្ចក់ដែលជំរុញឲ្យភពផែនដីឡើងកម្តៅ។ លោក ង៉ែត បុល អនុប្រធាននាយកដ្ឋានគ្រប់គ្រងសំណល់រឹង នៃក្រសួងបរិស្ថានលើកឡើងថា កាកសំណល់អាហារក៏អាចបំពុលទឹកផងដែរ ដែលបង្កគ្រោះថ្នាក់ដោយប្រយោលដល់មនុស្សនិងសត្វ។ ក្រៅពីសំណល់អាហារដែលជាក្តីព្រួយបារម្ភ កាកសំណល់ផ្សេងទៀតដែលបំពុលបរិស្ថានយ៉ាងធ្ងន់ធ្ងរដែឬនោះ មានដូចជាសំណល់ក្នុង វិស័យឧស្សាហកម្ម វិស័យសំណង់ និងវិស័យផ្សេងៗទៀត។ លោក ង៉ែត បុល សម្គាល់ឃើញពីកង្វះការយល់ដឹងជាសាធារណៈ និងការខ្វះខាតការអនុវត្តការគ្រប់គ្រងសំណល់ដែលនាំឲ្យបញ្ហាសំណល់រឹងដែលរួមទាំងសំណល់អាហារនៅតែជាបញ្ហាចោទដល់បរិស្ថាន។ លោកបន្តថា ការព្យាយាមកែច្នៃសំណល់ឲ្យអស់លទ្ធភាពជាដំណោះស្រាយមួយ ដូចជាច្នៃជាអាហារសម្រាប់ចិញ្ចឹមសត្វ និងបំប្លែងទៅជាជីកំប៉ុសជាដើម។ គួរសម្គាល់ថា កំណើនប្រជាជន និងសន្ទុះការអភិវឌ្ឍន៍ក្នុងវិស័យនានា បានធ្វើឲ្យសំណល់រឹងកើនឡើងគុណនឹង២បើធៀបទៅនឹងឆ្នាំ២០១៩ដែលមានតែពីរលានតោន។ សំណល់រឹងភាគច្រើនមានប្រភពពីលំនៅឋាន សណ្ឋាគារនិងផ្ទះសំណាក់ ភោជនីយដ្ឋាន និងតាមផ្សារនានា។ ប៉ុន្តែ ការទុកដាក់ និងបែងចែកសំរាមនៅមិនទាន់បានត្រឹមត្រូវទៅតាមប្រភេទនៅឡើយ។ ចំណែក ទីលានទុកដាក់សំរាមសំណង់រឹងមានជាង១០០កន្លែងនៅទូទាំងប្រទេស ប៉ុន្តែ សំណល់តែ ២០% ប៉ុណ្ណោះដែលត្រូវបានកែច្នៃឡើងវិញ។ បទបញ្ញត្តិជាច្រើនត្រូវបានបង្តើតឡើងដើម្បីគ្រប់គ្រងសំរាម។ គោលនយោបាយចុងក្រោយគឺគោលនយោបាយគ្រប់គ្រងសំរាម សំណល់រឹងទីប្រជុំជន ឆ្នាំ…

ភ្នំពេញ: ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអំពាវនាវ និងលើកទឹកចិត្តដល់ជនានុជន នៅទូទាំងប្រទេស មេត្តាប្ដូរពីការរើសអើងចំពោះជនមានពិការភាព ទៅជាការយល់ដឹងអំពីពួកគាត់វិញ ។ រាជរដ្ឋាភិបាលកម្ពុជា ចាប់តាំងពីក្រោមការដឹកនាំដោយសម្តេចតេជោ ហ៊ុន សែន រហូតដល់ដឹកនាំដោយសម្ដេចមហាបវរធិបតី ហ៊ុន ម៉ាណែត តែងតែបានយកចិត្តទុកដាក់គ្រប់ទិដ្ឋភាពទៅលើបងប្អូនជនមានពិការភាពគ្រប់ប្រភេទ ជាក់ស្ដែងការអនុវត្តច្បាប់ស្ដីពីកិច្ចការពារ និងលើកកម្ពស់សិទ្ធិជនពិការ ជាដើម បានជ្រើសរើសជនមានពិការភាពចូលធ្វើការទាំងក្នុងស្ថាប័នរដ្ឋ និងឯកជន ។ នេះជាប្រសាសន៍របស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅក្នុងពិធីសំណេះសំណាលជាមួយជនមានពិការភាព នៅឯសមាគមតន្ត្រីសំនៀងជនពិការ នៅរសៀលថ្ងៃទី៨ ខែមីនា ឆ្នាំ២០២៤ ។ ឯកឧត្តម ចាប តូ អនុរដ្ឋលេខាធិការក្រសួងសង្គមកិច្ច និងជាប្រធានសមាគមតន្ត្រីសំនៀងជនពិការ បានឱ្យដឹងថា សមាគមតន្ត្រីសំនៀងជនពិការ បង្កើតឡើងកាលពីថ្ងៃទី១៧ ខែសីហា ឆ្នាំ២០១២ ដែលកាលណោះ មានសមាជិកត្រឹមតែ ១៥នាក់ប៉ុណ្ណោះ ។ បច្ចុប្បន្ននេះ មានសមាជិក…

បាត់ដំបង៖យុវជនដែលមកពីគ្រួសារក្រីក្រ និងគ្រួសារងាយ រង ហានិភ័យ ដែលកំពុងទទួលការបណ្តុះបណ្តាលមុខជំនាញវិជ្ជាជីវៈនៅវិទ្យាស្ថានជាតិវិជ្ជាជីវៈបាត់ដំបងបានថ្លែងនូវអំណរគុណចំពោះក្រសួងាការងារបណ្ដុះបណ្ដាលវិជ្ជាជីវៈពិសេសជូនចំពោះ សម្ដេច ធិបតី ហ៊ុន ម៉ាណែត នាយករដ្ឋមន្រ្តីកម្ពុជា ដែលបានផ្ដល់ឱកាស ឱ្យពួកគេបានរៀនមុខជំនាញបច្ចេកទេសនិងវិជ្ជាជីវៈ ដោយឥតបង់ ថ្លៃថែមទាំងទទួលបាននូវប្រាក់ឧបត្ថម្ភប្រចាំខែ២៨ម៉ឺនរៀលក្នុងមួយខែរយៈពេល៤ខែអំលុងពួកគេសិក្សា។ ប្រាប់ទូរទស្សន៍អប្សរាយុវជនទាំងនោះបានចាត់ទុកការផ្ដល់ឱកាសនេះមានសារៈសំខាន់ខ្លាំងណាស់។ពួកគេអាចទទួលបាននូវ មុខជំនាញមួយយ៉ាងច្បាស់លាស់ប្រចាំជីវិតនិងអាចរកប្រាក់ចំណូលបានសមរម្យទៅថ្ងៃអនាគត។អ្វីដែលពួកគេពេញចិត្ត គឺបានរៀន ទាំងទ្រឹស្តីក្នុងថ្នាក់និងការអនុវត្តផ្ទាល់ជាក់ស្ដែងជាមួយសម្ភារៈដ៏សំបូរបែប។ ជាពិសេសមានកន្លែងស្នាក់នៅ និងប្រើប្រាស់ទឹក ភ្លើងដោយមិនបង់ប្រាក់ថែមទៀត។ ចំណែក លោក អាន ចាន់សង នាយករងវិទ្យាស្ថានជាតិ វិជ្ជាជីវៈ បាត់ដំបង បានប្រាប់ទូរទស្សន៍អប្សរាថា បច្ចុប្បន្នវិទ្យាស្ថាន បាននិងកំពុងបណ្ដុះបណ្ដាលដល់ក្មួយៗយុវជន មកពីគ្រួសារ ក្រីក្រ និងគ្រួសារដែលងាយរងហានិភ័យជាង៦០០នាក់ ។ការ សិក្សាផ្តោតលើ១០មុខជំនាញសម្រាប់វគ្គទី១។វិទ្យាស្ថាន នឹងបន្ត ជ្រើសរើសសិស្សគោលដៅខាងលើឱ្យចូលរៀនវគ្គបន្តបន្ទាប់បន្ថែមទៀត ដើម្បីឆ្លើយតបគោលដៅបណ្ដុះបណ្ដាល១,៥លាននាក់ របស់រាជរដ្ឋាភិបាលកម្ពុជាអាណត្តិទី៧។ ពាក់ព័ន្ធនឹងការបណ្ដុះបណ្ដាលនេះដែរ លោក មាស ដារ៉ា ប្រធានមន្ទីរការងារ និងបណ្ដុះបណ្ដាលវិជ្ជាជីវៈ ខេត្តបាត់ដំបង បានបញ្ជាក់ថាបន្ទាប់ពីរាជរដ្ឋាភិបាលប្រកាសដាក់ចេញគោលនយោបាយផ្ដល់ការបណ្ដុះបណ្ដាលជំនាញបច្ចេកទេសវិជ្ជាជីវៈដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ចំនួន ១,៥លាននាក់ រហូតមកដល់ពេលនេះខេត្តបាត់ដំបង មាន សិក្ខាកាមជាងពីរពាន់នាក់ហើយបាននិងកំពុងតែទទួលបាននូវការបណ្ដុះបណ្ដាលមុខជំនាញទាំងទ្រឹស្តីនិងការអនុវត្តជាក់ស្ដែងដែលបង្ហាត់បង្រៀនដោយគ្រូឯកទេសមានបទពិសោធន៍ខ្ពស់ នៅតាម…