បន្ទាយមានជ័យ៖អ្នកបច្ចេកទេសនៃក្រសួងជំនាញ នឹងធ្វើការបោះបង្គោលព្រំកំណត់តំបន់៣នៃដែនព្រៃលិចទឹកនៅភូមិសាស្ត្រស្រុក ចំនួនពីរនៃខេត្តបន្ទាយមានជ័យ ។គឺស្រុកព្រះនេតព្រះ និងស្រុកមង្គលបូរី ។សកម្មភាពដែលនឹងធ្វើឡើងនេះត្រូវបានបញ្ជាក់នៅក្នុងកិច្ចប្រជុំផ្សព្វផ្សាយពីការបោះបង្គោលព្រំកំណត់តំបន់៣នៃដែនព្រៃលិចទឹកនៅសាលប្រជុំសាលាស្រុកទាំងពីរនេះកាលពីថ្ងៃសុក្រទី៨ ខែមីនា ឆ្នាំ២០២៤។ ឯកឧត្តម ស គឹមសាន្ត អគ្គលេខាធិការអាជ្ញាធរទន្លេសាបនៃក្រសួងធនធានទឹកនិងឧតុនិយមបានប្រាប់អង្គប្រជុំថាការបោះ បង្គោលព្រំកំណត់តំបន់៣ នៃដែនព្រៃលិចទឹកអនុវត្តនៅ ខេត្តទាំងប្រាំមួយ ស្ថិតជុំវិញបឹងទន្លេសាប។ក្នុងនោះមាន៖ខេត្តកំពង់ឆ្នាំង កំពង់ធំ ពោធិ៍សាត់ បាត់ដំបង បន្ទាយមានជ័យនិងខេត្តសៀមរាប។បង្គោលត្រូវបោះមានកម្ពស់ម៉ែត្រនិងដាំចន្លោះពីមួយទៅមួយ ចម្ងាយ៥០០ ម៉ែត្រ ។ការបោះបង្គោលនេះដើម្បីការពារ ការកាប់ទន្ទ្រានព្រៃលិចទឹកនិងការវាតយកដីព្រៃលិចទឹក ពីជនមួយចំនួនផង ហើយក៏ងាយ ស្រួលដល់អាជ្ញាធរទន្លេសាបក្នុងការគ្រប់គ្រងតំបន់៣ព្រៃលិចទឹកនៃបឹងទន្លេសាប ក្នុងគោលដៅការពារថែរក្សាធនធានធម្មជាតិ និងបរិស្ថាន តំបន់៣ រួមទាំងតំបន់ ១ និងតំបន់២ដែលជាតំបន់ រណបផងដែរ ។ ឯកឧត្តមបានរំលេចឱ្យឃើញពីសារសំខាន់នៃប្រព័ន្ធអេកូឡូស៊ី រួមមាន ជីវចម្រុះ មច្ឆាជាតិ សត្វ និងព្រៃលិចទឹក ជាដើមដែលជា សម្បត្តិធម្មជាតិរួមទាំងបរិស្ថានតំបន់បឹងទន្លេសាប។ប៉ុន្តែលោកក៏ បានលើកឡើងពីស្ថានភាពគ្រោះថ្នាក់យ៉ាងខ្លាំងលើធនធានទាំងនេះដែរតាមរយៈនៃការបំផ្លិចបំផ្លាញ,ការធ្វើអាជីវកម្មលើសម្បត្តិធម្មជាតិហួសកម្រិតនិងការបំផ្លាញបរិស្ថានតំបន់៣ព្រៃលិចទឹក។លោកបន្ថែមថាដោយសារសកម្មភាពទាំងអស់នេះហើយដែលយើងចាំបាច់បំផុតបោះបង្គោលព្រំកំណត់តំបន់៣ព្រៃលិចទឹកបឹងទន្លេសាប ។ឯកឧត្តម ស គឹមសាន្ត បានស្នើដល់រដ្ឋបាលស្រុក និងឃុំដែល ជា អាជ្ញាធរមូលដ្ឋាន ដោយឡែកសម្រាប់ស្រុកព្រះនេតព្រះ ស្រុកមង្គល បូរី ដែលស្ថិតក្នុងតំបន់៣ត្រូវធ្វើការផ្សព្វផ្សាយអប់រំណែនាំ…

(ភ្នំពេញ)៖ អនុវត្តតាមវិធានការដ៏ម៉ឺងម៉ាត់និងមុតស្រួច របស់សម្តេចមហាបវរធិបតី ហ៊ុន ម៉ា ណែត នាយករដ្ឋមន្ត្រី ក្នុងការប្រយុទ្ធប្រឆាំងគ្រឿងញៀន នៅតាមក្រសួង ស្ថាប័ន និង រដ្ឋបាលថ្នាក់ក្រោមជាតិ ពោលគឺបើរកឃើញមានមន្ត្រី ណាមានសារធាតុញៀនក្នុងខ្លួននឹងត្រូវ បណ្តេញ ចេញពីក្របខណ្ឌ ដោយគ្មានការលើកលែងនោះ។ នៅព្រឹកថ្ងៃទី០៧ មីនា ក្រោមការណែនាំពី ឯកឧត្តម ឃួង ស្រេង អភិបាលរាជធានីភ្នំពេញ ថ្នាក់ដឹកនាំនិងមន្ត្រីរាជការទាំងអស់ចំណុះអោយរដ្ឋបាលរាជធានី ត្រូវបានពិនិត្យទឹកនោម ដើម្បីស្វែងរកសារធាតុញៀនក្នុងខ្លួន។ ការពិនិត្យទឹកនោមស្វែងរកសារធាតុញៀននេះបានធ្វើឡើងនៅក្នុងបរិវេណសាលារាជធានីភ្នំពេញ ដោយពិនិត្យទាំងក្នុងជួរគណៈអភិបាល នាយករងរដ្ឋបាល អនុប្រធានការិយាល័យប្រជាពលរដ្ឋ នាយិកា-នាយិការងទីចាត់ការ-អង្គភាព ថ្នាក់ការិយាល័យ មន្ត្រីកិច្ចសន្យាផងដែរ ។ គួរបញ្ជាក់ថា៖ មន្ត្រីបំរើការងារនៅសាលារាជធានីភ្នំពេញ មានសរុបចំនួន ៥៤៧រូប ហើយក្នុងចំនួននេះ ក្រោយការពិនិត្យ គឺមិនមានមន្ត្រីណាម្នាក់ មានសារជាតិញៀននៅក្នុងខ្លួនឡើយពោលគឺល្អ១០០%។គួរំលឹកថា៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅថ្ងៃទី២០ ខែកុម្ភៈ ឆ្នាំ២០២៤កន្លែងមកនេះ បានចេញបទបញ្ជាមួយ ស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ។…

កំពត៖ ថ្លែងទៅកាន់មន្ត្រីគ្រប់ជាន់ថ្នាក់នៃសាលាខេត្តកំពត ក្នុងយុទ្ធនាការលើកទី១នៃការធ្វើតេស្តរកសារធាតុញៀនលើមន្រ្តីសាលាខេត្តជាង ២០០នាក់កាលពីចុងសប្ដាហ៍នេះ ឯកឧត្តម ម៉ៅ ធនិន អភិបាលខេត្តកំពត បានបញ្ជាក់ថា ដើម្បីឆ្លើយតប និងដាក់ឲ្យអនុវត្តបញ្ជាលេខ ០១ បប របស់រាជរដ្ឋាភិបាល ស្តីអំពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ  រដ្ឋបាលខេត្តកំពតបានរៀបចំធ្វើយុទ្ធនាការត្រួតពិនិត្យទឹកនោមស្វែងរកសាធាតុញៀនលើមន្ត្រីសាលាខេត្តមុនគេ បន្ទាប់មកនឹងណែនាំឲ្យគ្រប់មន្ទីរអង្គភាពជុំវិញខេត្តឳ្យធ្វើតេស្តដែរ ។ ឯកឧត្តមបន្តថា តទៅមុខ រាល់៦ខែម្តងនឹងធ្វើតេស្តរកសារធាតុញៀន  ដើម្បីធានាថាមន្ត្រីខេត្តកំពតស្អាតស្អំ គោរពក្រមសីធម៌ល្អ គ្មានប្រើប្រាស់ ឬជាប់ពាក់ព័ន្ធនឹងគ្រឿងញៀន តែបើក្នុងករណីពិនិត្យឃើញមានសារធាតុញៀន រដ្ឋបាលខេត្តនឹងចាត់ការតាមផ្លូវច្បាប់ ដោយគ្មានការលើកលែងឡើយ។ គួរំលឹកថានៅក្នុងបទបញ្ជា ០១ បប ត្រង់ចំណុចទី២ បានបញ្ជាក់ថា គ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវចាត់វិធានការបញ្ចប់មុខតំណែង និងបណ្តេញចេញពីក្របខ័ណ្ឌដោយគ្មានការលើកលែង ចំពោះមន្ត្រីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យាណាដែលត្រូវបានរកឃើញថា មានការប្រើប្រាស់គ្រឿងញៀនខុសច្បាប់ ឬមានការពាក់ព័ន្ធនឹងគ្រឿងញៀនខុសច្បាប់៕ដោយ ៖សិលា សារិន

កំពង់ឆ្នាំង៖ លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង បានអំពាវនាវដល់គ្រប់ស្ថាបនរដ្ឋ ទីវត្តអារាមនិង ឯកជន ប្រជាពលរដ្ឋក្នុងក្រុងកំពង់ឆ្នាំង ត្រូវយកចិត្តទុកដាក់វេចខ្ចប់ ក៏ដូចជាការពង្រឹង ប្រមូលសំរាមនៅតាមផ្ទះរបស់ខ្លួនក្នុងការគ្រប់គ្រងសំរាមដើម្បីលើកកម្ពស់បរិស្ថាន សោភណភាពទាក់ទាញភ្ញៀវទេសចរជាតិ និង អន្តរជាតិ ស្របទៅនឺងចលនាប្រលងប្រណាំងទីក្រុងស្អាត និងអបអរសាទរទិវាទីក្រុងស្អាតលើកទី១២ ឆ្នាំ២០២៤ ក្រោមប្រធានបទ«ទីក្រុងស្អាតដើម្បីទេសចរណ៍»។ លោកអំពាវនាវបែបនេះកាលព្រឹកថ្ងៃទី៧ ខែមីនានៅក្នុងការប្រារព្ធពិធីអបអរ សាទរទិវាជាតិទីក្រុងស្អាតលើកទី១២ ក្រោមប្រធានបទ«ទីក្រុងស្អាតដើម្បីទេសចរណ៍»ដោយមានការចូលរួមពី មន្រ្តីរាជការនៃមន្ទីរ អង្គភាពជុំវិញខេត្ត កងកម្លាំងប្រដាប់អាវុធទាំងបី អភិបាលក្រុង ស្រុក លោកគ្រូ អ្នកគ្រូ សិស្សានុសិស្សជាង៥០០នាក់ដោយធ្វើសកម្មភាពប្រមូលសំរាមនៅតាមដងផ្លូវ និងមាត់ទន្លេផ្សារក្រោម ក្នុងក្រុងកំពង់ឆ្នាំងផង។ លោក សេង សាលី បានបញ្ជាក់ថា ការប្រារព្ធទិវាជាតិនេះធ្វើឡើងដើម្បីបំផុសដល់ប្រជាពលរដ្ឋទាំងអស់ ពិសេសយុវជន ឱ្យបន្តយកចិត្តទុកដាក់បន្ថែមទៀតក្នុងការលើកកម្ពស់ការអភិវឌ្ឍបៃតង ការផ្តល់នូវបដិសណ្ឋារកិច្ចល្អ និងភាពកក់ក្តៅ សំដៅរួមចំណែកដល់ការអភិវឌ្ឍវិស័យទេសចរណ៍និងការរីកចម្រើននៃសង្គមជាតិ។ជាពិសេសទីក្រុងស្អាត គឺជាផលិតផលទេសចរណ៍ដ៏ទាក់ទាញមួយសម្រាប់ភ្ញៀវទេសចរជាតិនិងអន្តរជាតិ ដែលអាចផ្តល់នូវបទពិសោធន៍និងការចងចាំ៕ដោយៈសុខ គឹមសៀន

កំពង់ធំ៖ កាលពីរសៀលថ្ងៃទី៧ ខែមីនា ឆ្នាំ២០២៤ នៅទីបញ្ជាការតំបន់ប្រតិបត្តិការសឹករងកំពង់ធំ យោធភូមិភាគទី៤ បានរៀបចំពិធីអបអរសាទរខួបលើកទី ១១៣ ទិវាអន្តរជាតិនារី ៨មីនា ឆ្នាំ២០២៤ ក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ យោធភូមិភាគទី៤ ។ ក្នុងឳកាសនេះលោកស្រីវរសេនីយ៍ត្រី  អ៊ុត លក្ខិណា អនុប្រធានក្រុមការងារយេនឌ័របានឡើងអានរបាយការណ៍បូកសរុបលទ្ធផលការងារសំខាន់ៗ របស់នារី ក្នុងឆ្នាំ២០២៣កន្លងទៅ ។លោកស្រីវរសេនីយ៍ទោ យូ មុន្នីរ័ត្ន នាយសេនាធិការរង និងជាប្រធានក្រុមការងារយេនឌ័រ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ  បានឡើងអានព្រះរាជសាររបស់សម្ដេចព្រះមហាក្សត្រី នរោតត្តមមុនីនាថ សីហនុ ព្រះវររាជជាតិ មាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងទិវានារីអន្តរជាតិខួបលើកទី១១៣ ឆ្នាំ២០២៤ ក្រោមប្រធានបទ ស្ត្រី  និងក្មេងស្រីក្នុងបរិវត្តកម្ម ឌីជីថលជូនអង្គពិធី ។ ក្នុងឳកាសនេះដែរឧត្តមសេនីយ៍ទោ សោម ស៊ុន បានប្រគល់ប័ណ្ណសរសើររបស់ឯកឧត្តម អគ្គបញ្ជាការ នៃកងយោធពលខេមរភូមិន្ទ ជូនដល់លោកស្រីវរសេនីយ៍ទោ យូ មុន្នីរ័ត្ន នាយសេនាធិការរង…