(ភ្នំពេញ)៖ ថវិកាមរណៈ សង្គ្រោះរបស់សមាគមអតីតយុទ្ធជនកម្ពុជា ខណ្ឌឬស្សីកែវ រាជធានីភ្នំពេញ ត្រូវបានប្រគល់ជូនដល់អតីតយុទ្ធជនចំនួន  ០២គ្រួសារ នៅព្រឹកទី ៧ ខែមីនា ឆ្នាំ២០២៤ ក្រោមវត្តមាន លោក វរៈសេនីយ៍ឯក ហ៊ាង  ថារ៉េត អធិការនគរបាលខណ្ឌឬស្សីកែវ, លោក អ៊ាម សុខឃី អភិបាលរងខណ្ឌ, លោក ថន ថេន អធិការរង ខណ្ឌ, លោកស្រី ឌុល. សុភី  ប្រធានសង្គមកិច្ចខណ្ឌ , លោក ព្រំ រដ្ឋា យោធាខណ្ឌ , លោក អន  សំអាត មេបញ្ជាការរងកងរាជអាវុធហាត់ខណ្ឌ, នាយប៉ុស្តិ៍ច្រាំងចំរេះ ។ លោក វរៈសេនីយ៍ឯក ហ៊ាង  ថារ៉េត បានឱ្យដឹងថា ថវិកាមរណៈ សង្គ្រោះ មានចំនួន  ០២គ្រួសារ ក្នុងមួយគ្រួសារទទួលបានថវិកា ៤លានរៀល   ក្នុងនោះមាន៖…

(ភ្នំពេញ)៖ ប្រជានេសាទរស់នៅ ស្រុកសៀមបូក បានប្រទះឃើញពងកន្ធាយក្បាលកង្កែប ដែល ជា សត្វ ដ៏កម្របំផុតនៅព្រំប្រទល់ខេត្តក្រចេះ-ស្ទឹងត្រែងកាលពីយប់ថ្ងៃទី០៤ ខែមីនា ឆ្នាំ២០២៤។ បច្ចុប្បន្នពងកន្ធាយក្បាលកង្កែបទាំងអស់នេះត្រូវបានយកទៅរក្សា និងភ្ញាស់ នៅកន្លែងសុវត្ថិភាព។ យោងតាមខណ្ឌរដ្ឋបាលជលផលស្ទឹងត្រែង បានឱ្យដឹងថាសម្បុកពងកន្ធាយក្បាលកង្កែប នេះ គឺត្រូវបានប្រជានេសាទរស់នៅភូមិកោះជ្រឹម ឃុំអូរម្រះ ស្រុកសៀមបូក ខេត្តស្ទឹងត្រែង បានឃើញ និងបានរាយការណ៍ទៅឆ្មាំទន្លេ និងសហគមន៍នេសាទកោះជ្រឹម ក្រោយ បាន ប្រទះឃើញកាលពីយប់ថ្ងៃទី០៤ ខែមិនា ឆ្នាំ២០២៤។ ប្រភពខាងលើ បានបញ្ជាក់បន្ថែមថា ក្រោយពីរកឃើញពងសត្វដ៏កម្រនេះគេបានឱ្យក្រុម កម្លាំងឆ្មាំទន្លេ និងសហគមន៍នេសាទ កោះជ្រឹម-ត្បូងខ្លា និងអ្នកភ្ញាស់ពង-ការពារសំបុក កន្ធាយ ក្បាលកង្កែប បាននាំគ្នាទៅប្រមូលយកពងកន្ធាយក្បាលកង្កែបទាំងចំនួន ៥៥គ្រាប់ ដើម្បីយកទៅការពារ និងភ្ញាស់ នៅកន្លែងសុវត្ថិភាពរួចរាល់ផងដែរ។ គួរបញ្ជាក់ថាកន្ធាយក្បាលកង្កែបគឺជាពូជអម្បូរសត្វអណ្តើក ប៉ុន្តែមិនយឺតដូចអណ្តើក នោះ ទេ វាអាចវាយប្រហារចំណីលឿនជាងពស់វែកចឹកទៅទៀត។ សត្វកន្ធាយ នេះគឺត្រូវបាន ចាត់ បញ្ចូលជាសត្វកម្រក្នុងបញ្ជីជិតផុតពូជរបស់អង្គការសហភាពអន្តរជាតិដើម្បីអភិរក្សធម្មជាតិ(IUCN)។ តាមការស្រាវជ្រាវផ្លូវការរបស់IUCN កន្ធាយក្បាលកង្កែបមាននៅ ប្រទេសកម្ពុជា ច្រើនជាងគេបំផុត…

ភ្នំពេញ៖ ការិយាល័យអ្នកនាំពាក្យក្រសួងការបរទេស និងសហប្រតិ បត្តិ ការអន្តរជាតិកម្ពុជានៅថ្ងៃពុធទី៦ ខែមីនា ឆ្នាំ២០២៤ សូម ជូនព័ត៌មាន ថា ស្ថានអគ្គកុងស៊ុលកម្ពុជានៅខេត្តស្រះកែវ ប្រទេសថៃ បានទទួលព័ត៌ មាន ពីអាជ្ញាធរមានសមត្ថកិច្ច របស់ថៃ នៅស្រុកណាឌី ខេត្តប្រាជីនបុរីថា កាលពីថ្ងៃទី៣  ខែមីនា មានពលករខ្មែរចំនួន២០នាក់ និងកុមារចំនួន ៥ នាក់ បានជួប គ្រោះថ្នាក់ចរាចរណ៍ ក្នុងអំឡុងពេលធ្វើដំណើរ ពីកន្លែង ស្នាក់នៅ ស្ថិតក្នុងភូមិខ្លងម៉ាហ្វៃ ដើម្បីទៅធ្វើការនៅ ស្រុកណាឌី ខេត្ត ប្រាជីនបុរីប្រទេសថៃ។ គ្រោះថ្នាក់នេះ បានបណ្តាលឱ្យពលករខ្មែររងរបួសធ្ងន់ចំនួន២នាក់ និងស្រាលចំនួន២៣នាក់។ ក្រោយពេលកើតហេតុ ពលករខ្មែរ ចំនួន២នាក់ ដែលរងរបួសធ្ងន់ ត្រូវបានរថយន្តសង្គ្រោះបន្ទាន់បញ្ជូន ទៅមន្ទីរពេទ្យស្រុកកាប៊ិនបុរី ខេត្តប្រាជីនបុរី។ ចំណែកអ្នករងរបួសស្រាល ក្រោយពីត្រូវបានសង្រ្គោះបឋមរួចហើយ ត្រូវបានថៅកែថៃទទួលយកទៅកន្លែងស្នាក់នៅវិញ។ ស្ថានអគ្គកុងស៊ុលកម្ពុជានៅខេត្ត ស្រះកែវក៏បានបញ្ជាក់ថា រាល់ការ ចំណាយផ្សេងៗក្នុងការព្យាបាលរបួសត្រូវបានថៅកែជនជាតិថៃទទួល បន្ទុកទាំងអស់ ៕ ដោយ៖ សួង ពិសិដ្ឋ

(បាត់ដំបង)៖ ថ្ងៃទី៥ ខែមីនា ឆ្នាំ២០២៤ នៅសាលាខេត្តបាត់ដំបង អគ្គលេខាធិការដ្ឋាននៃ គណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) បានរៀបចំកិច្ចប្រជុំពិភាក្សាស្តីពី “ការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ នៅខេត្តបាត់ដំបង” ក្រោមអធិបតីភាពរបស់ ឯកឧត្តម រស់ ភីរុណ អគ្គលេខា-ធិការ គ.ល.ក. តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) ដោយមានការអញ្ជើញចូលរួមពីសំណាក់ ឯកឧត្ដមប៉ុល លឹម សមាជិកព្រឹទ្ធសភាប្រចាំតំបន់ភូមិភាគ៤, ឯកឧត្ដម ងិន ឃន តំណាងរាស្ត្រមណ្ឌលខេត្តបាត់ដំបង, លោកជំទាវ លី គឹមលៀង តំណាងរាស្ត្រមណ្ឌលខេត្តបាត់ដំបង, ឯកឧត្ដម សុខ លូ អភិបាលនៃគណៈអភិបាលខេត្តបាត់ដំបង, ឯកឧត្ដមប្រធានសាលាដំបូងខេត្តបាត់ដំបង, ឯកឧត្ដមព្រះរាជអាជ្ញា នៃអយ្យការអមសាលាដំបូងខេត្ត, ស្នងការនៃស្នងការដ្ឋាននគរបាលខេត្ត, មេបញ្ជាការ នៃបញ្ជាការដ្ឋានកងរាជអាវុធហត្ថខេត្ត, គណៈមេបញ្ជាការឯកភាពខេត្ត-ក្រុង-ស្រុក-ឃុំ-សង្កាត់ទាំង១៤, មន្ទីសេដ្ឋកិច្ច និងហិរញ្ញវត្ថុ ក៏ដូចជាអាជ្ញាធរមានសមត្ថកិច្ចពាក់ព័ន្ធ ក្រោមឱវាទរដ្ឋបាលខេត្តបាត់ដំបង និងប្រតិបត្តិករល្បែងផ្សងសំណាង សរុបចំនួនប្រមាណ…

បន្ទាយមានជ័យ៖ ក្នុងពិធីប្រកាសចូលកាន់តំណែងជាអភិបាល រងក្រុងស្រុកចំនួន៩រូប កាលពីថ្ងៃអង្គារទី៥ ខែមីនាឆ្នាំ២០២៤ ឯកឧត្តមអភិបាលខេត្តបន្ទាយមានជ័យ អ៊ុ រាត្រី បានរំលឹក ដល់ មន្ត្រីរាជការស៊ីវិលចំណុះរដ្ឋបាលខេត្តត្រូវធ្វើតេស្តគ្រឿងញៀន ឱ្យ ខាងតែបាននិងឱ្យបានគ្រប់ៗគ្នា ។ ឯកឧត្តមអភិបាលខេត្តបន្ទាយមានជ័យបានបញ្ជាក់បន្ថែមថា ការ ធ្វើតេស្តគ្រឿងញៀនថ្នាក់ដឹកនាំ មន្ត្រីរាជការស៊ីវិលសំដៅ បន្តពង្រឹង លើការអនុវត្តវិធានការទប់ស្កាត់ និងបង្ក្រាបគ្រឿងញៀននៅកម្ពុជា ។សូមបញ្ជាក់មន្ត្រីរាជការស៊ីវិលទូទាំងខេត្តបន្ទាយមានជ័យមានជាងមួយម៉ឺននាក់ហើយខេត្តបន្ទាយមានជ័យក៏ជាខេត្តគំរូ ក្នុងការទប់ស្កាត់ និង បង្ក្រាបគ្រឿងញៀនផងដែរ ៕ អត្ថបទនិងរូបភាព៖ គៀន ច័ន្ទហ៊ីន

បាត់ដំបង៖អាជ្ញាធរខេត្តបាត់ដំបង និងគណៈកម្មការគ្រប់គ្រងល្បែង ពាណិជ្ជកម្មកម្ពុជា ហៅកាត់ថា គ.ល.កកាលពីអង្គារទី៥ ខែមីនា ឆ្នាំ២០២៤ បានបើកកិច្ចប្រជុំពិភាក្សាស្ដីពីការគ្រប់គ្រងល្បែង ផ្សង សំណាង និងគ្រប់គ្រងផលប៉ះពាល់ពីល្បែងស៊ីសងខុសច្បាប់ គ្រប់ ប្រភេទនៅក្នុងភូមិសាស្រ្តខេត្តបាត់ដំបងខណៈដែលអាជ្ញាធរខេត្តបានរកឃើញទីតាំងបើកលេងល្បែងអនឡាញខុសច្បាប់ ចំនួន៣២៤ទី តាំង និងត្រូវបានបិទរួចរាល់ហើយនោះ។ ក្នុងកិច្ចប្រជុំឯកឧត្តម រស់ ភីរុណ អគ្គលេខាធិការគណៈកម្មការគ្រប់ គ្រង ល្បែងពាណិជ្ជកម្មកម្ពុជាបានបញ្ជាក់ថាជំនួបនេះពេល នេះក្នុង គោលដៅលើកកម្ពស់ការយល់ដឹងផ្នែកច្បាប់និងលិខិតបទដ្ឋានគតិយុត្តិពាក់ព័ន្ធក្នុងវិស័យល្បែងពាណិជ្ជកម្មដើម្បីស្វែងយល់និងកំណត់ពីបញ្ហាប្រឈមដែលបានកើតមាននៅក្នុងមូលដ្ឋាន។បង្កើនកិច្ចសហការ ប្រទាក់ក្រឡាគ្នាលើការងារដែលជាសមត្ថកិច្ចរបស់គណៈកម្មការគ្រប់គ្រងល្បែងពាណិជ្ជកម្មកម្ពុជា និងអាជ្ញាធរមានសមត្ថកិច្ចពាក់ព័ន្ធ ដើម្បី ចាត់វិធានការបង្រ្កាបនិង ទប់ស្កាត់នូវរាល់ការប្រព្រឹត្តល្បែង ស៊ី សងខុសច្បាប់គ្រប់ប្រភេទ ឱ្យបានទាន់ពេលវេលា ប្រកបដោយ ប្រសិទ្ធភាព។ គួរបញ្ជាក់ថា បន្ទាប់ពីមានបទបញ្ជារបស់សម្ដេចធិបតី ប្រមុខរាជ រដ្ឋាភិបាលទាក់ទងនឹងការចាត់វិធានការបង្រ្កាបល្បែងស៊ីសងតាមអនឡាញ រដ្ឋបាលរាជធានី ខេត្តទូទាំងប្រទេសបានចាត់វិធានការ ភ្លាមៗប៉ុន្តែក៏មានបញ្ហាមួយចំនួនបានកើតឡើង ពីភាពមិនច្បាស់ លាស់ រវាងល្បែងអនឡាញដែលមានអាជ្ញាបណ្ណ។ បញ្ជាក់លើចំណុចនេះ ឯកឧត្តម រស់ ភីរុណ សង្កត់ធ្ងន់ថា ប្រភេទ ល្បែងផ្សងសំណាងដែលត្រូវបានអនុញ្ញាតឱ្យដំណើរការនៅ កម្ពុជា រួមមាន ឆ្នោតកោស ឆ្នោតសន្លឹក…