បាត់ដំបង៖សារមន្ទីរខេត្តបាត់ដំបងស្ថិតនៅផ្លូវលេខ១ទល់មុខ សួន ច្បារ ដងស្ទឹងសង្កែចំពីមុខ”វិមានឯករាជ្យ”ក្រុងបាត់ដំបង។ ដំបូង ឡើយសារមន្ទីរនេះត្រូវបានសម្ពោធដាក់ឱ្យដំណើរការទទួលភ្ញៀវទេសចរជាតិ-អន្តរជាតិនិងសាធារណជនទូទៅចូលទស្សនានៅក្នុង អំឡុងឆ្នាំ១៩៦៨ ក្រោមព្រះរាជាធិបតីភាពរបស់ករុណា ព្រះបរម រតនកោដ្ឋ (ព្រះករុណា ព្រះបាទសម្តេចព្រះនរោត្តម សីហនុ)។ក្រោយពេលប្រទេសកើតភាពវឹកវរដោយសារសង្គ្រាមនៅក្នុងចន្លោះឆ្នាំ១៩៧៥-១៩៧៩ សារមន្ទីរនេះត្រូវបានប្រែ ក្លាយជា”គុកដាក់អ្នក ទោស” នៃរបបពួកខ្មែរក្រហម។វត្ថុសមុច្ច័យមួយចំនួនធំ នៅទីនេះក៏ ត្រូវបានទុកចោលរាយប៉ាយ និង រប៉ាត់រប៉ាយនៅក្នុងអគារ។សមុច្ច័យ ខ្លះក៏ត្រូវបានគេបញ្ជូនទៅរក្សាទុកនៅឯក្នុងសារមន្ទីរជាតិភ្នំពេញមុនពេលសង្គ្រាមកើត ឡើង។ជាពិសេសសមុច្ច័យ ដែលធ្វើពីលោហៈ។ រហូតដល់ឆ្នាំ១៩៩៧ក្រសួងវប្បធម៌និងវិចិត្រសិល្បៈក្រោមជំនួយផ្នែកហិរញ្ញវត្ថុពីកម្មវិធីសីលា-ឃែរេរេក៏ត្រូវបានជួសជុលនូវ ផ្នែកខ្លះនៃអគារ និងបានសាងសង់ឃ្លាំងទុកដាក់ ថែរក្សាវត្ថុនូវសមុច្ច័យទាំងនេះឡើង វិញ។ នៅឆ្នាំ២០០៩រាជរដ្ឋាភិបាលកម្ពុជា បានខិតខំពង្រីកបន្ទប់ សម្រាប់ដាក់តាំងពិព័រណ៍បន្ថែមទៀតដោយបានសាងសង់ស្លាបថ្មីនូវផ្នែកទាំងសងខាងរបស់អគារនិងបានពង្រីកបន្ថែមនូវបន្ទប់ ទទឹងថ្ងៃ។ បន្ទាប់មក នៅក្នុងអំឡុងឆ្នាំ២០១៥ ក្រសួងវប្បធម៌ និងវិចិត្រសិល្បៈ បានសហការជាមួយអង្គការមិត្តវប្បធម៌ខ្មែរ(Friends of Khmer Culture) បានសម្រេចធ្វើការជួសជុល និង រៀបចំការតាំងពិព័រណ៍ឡើងវិញជាថ្មីម្តងទៀត។ពិព័រណ៍នេះ ត្រូវបាន រៀបចំឡើងវិញ ក្នុងបរិបទថ្មីមួយ ដោយបាបដាក់តាំងបង្ហាញនូវ “វត្ថុសមុច្ច័យ”ដែលមាន នៅក្នុងទឹកដី ខេត្តបាត់ដំបង ដែលបាន បន្សល់ ទុកពីអតីតកាលនិងនាពេលបច្ចុប្បន្ននេះ។ តាមរយៈនៃការផ្តល់កិច្ចសម្ភាសន៍…

បន្ទាយមានជ័យ៖ មិនយូរប៉ុន្មានស្នងការដ្ឋាននគរបាលខេត្តបន្ទាយ មានជ័យនឹងមានអគារថ្មីមួយខ្នង កម្ពស់ប្រាំជាន់ក្នុងទីតាំង ស្នងការ ដ្ឋានដដែល បន្ទាប់ពីពិធី បញ្ចុះបឋមសិលាសាងសង់ នៅព្រឹកថ្ងៃទី១ ខែមីនា ឆ្នាំ២០២៤ក្រោមអធិបតីភាពនាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការនគរបាលជាតិ ប្រចាំទិសភូមិភាគទី៣-៤-៥ តំណាងដ៏ខ្ពង់ខ្ពស់ នាយឧត្តមសេនីយ៍ ស ថេត អគ្គស្នងការនគរបាលជាតិ ឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តឯកឧត្តម អ៊ុ រាត្រី អភិបាលខេត្ត បន្ទាយមានជ័យ ព្រមទាំងមន្រ្តីអ្នកមុខអ្នកការជាច្រើនរូប។ សូមជម្រាបថា អគារដែលត្រូវសាងសង់នេះមានទំហំ១៨មែត្រ គុណនឹង៣៦ម៉ែត្រ មានប១២បន្ទប់ និងជាន់ខាងលើជាសាលប្រជុំ៕ដោយ៖ឃិន គន្ធា

ខេត្តត្បូងឃ្មុំ៖ ប្រើរយៈពេលត្រឹមតែ១សប្តាហ៍ប៉ុណ្ណោះ ដែលវាប្រៀបដូចជាទេវតាបានជប់ទន្លេកំពុងស្ថិតនៅសភាពស្ងួតហួតហែងនារដូវប្រាំងឱ្យ ទៅជាទីកម្សាន្តកុមារអមដោយផ្កាស្បៃរឿងចម្រុះពណ៌ គួរជាទីមនោរម្យរបស់ប្រជាពលរដ្ឋរស់នៅក្នុងភូមិថ្នល់កែង ឃុំព្រះធាតុ ស្រុកអូររាំងឪ ខេត្តត្បូងឃ្មុំ ។ គួរបញ្ជាក់ទន្លេស្ងួតជាតំបន់ប្រវត្តិសាស្ត្រស្ថិតនៅប្រមាណ ១០គីឡូម៉ែត្រពីទីប្រជុំជននៃផ្សារអូររាំងឪ ហើយតំបន់នេះមានលក្ខណៈស្ងាត់ជ្រងំ មិនសូវមានការឆ្លងកាត់ពីប្រជាពលរដ្ឋនៅស្រុកជិតខាងឡើយ ប៉ុន្តែបន្ទាប់ពីមានវត្តមានទេវតាឆ្នាំថ្មី នាព្រឹត្តិការណ៍សង្ក្រានប្រចាំឆ្នាំមក តំបន់ប្រវត្តិសាស្រ្តនេះ បានវិវត្តន៍ ខ្លួនទំនើបជាងមុន មានសួនឧទ្យានទន្លេស្ងួតសម្រាប់កុមារលេងកម្សាន្ត និងមានកន្លែងសម្រាប់ប្រជាពលរដ្ឋលំហែកម្សាន្ត ស្ទូចត្រី ពីព្រោះទេវតាបានជប់ទន្លេស្ងួតលែងជាទន្លេស្ងួតហួតហែងនារដូវប្រាំងទៀតហើយ ឆាប់ៗ ខាងមុខនេះ ទន្លេស្ងួតនឹងមានទឹកពេញប្រៀប ដែលសម្បូរទៅដោយត្រី ជាប្រភពប្រូតេអ៊ីនសម្រាប់ប្រជាពលរដ្ឋក្នុងតំបន់នេះផង និងភ្ញៀវទេសចរមកកម្សាន្តផង ។ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ បានផ្តាំផ្ញើជូនចំពោះប្រជាពលរដ្ឋនៅក្នុងតំបន់ទន្លេស្ងួតនេះថា ដើម្បីធ្វើឱ្យសួនឧទ្យានទន្លេស្ងួត កាន់តែមានភាពទាក់ទាញពីអ្នកទេសចរ គឺមានតែការរួមចំណែកថែរក្សាការពារពីសិស្សានុសិស្ស និងប្រជាពលរដ្ឋធ្វើយ៉ាងណាឱ្យផ្ទះរបស់យើងស្អាត គ្មានសំណល់ប្លាស្ទិក ហើយមិនត្រឹមតែស្អាតលើគោកទេ ក្នុងទឹកក៏ស្អាត អាកាសក៏ស្អាតដែរ។ លើសពីភាពស្អាតចេញពីចិត្តប្រកបដោយធម៌ ដែលជាអំណោយផលពីធម្មជាតិ និងជាស្នាមញញឹមដ៏ទាក់ទាញឱ្យភ្ញៀវទេសចរ មកលេងតំបន់យើង ហើយយើងអាចរកចំណូលបានពីភ្ញៀវទេសចរដោយសុចរិត ហើយភ្ញៀវទេសចរនឹងចូលរួមជួយផ្សព្វផ្សាយសួនឧទ្យានទន្លេស្ងួតរបស់យើង។ ពីពេលនេះទៅ លែងស្ងួតហួតហែង និងស្ងប់ស្ងាត់ទៀតហើយ ព្រោះយើងមានកន្លែងកម្សាន្ត មានផ្លូវរលោង ទាំងអស់នេះគឺជាសមិទ្ធផលរបស់រាជរដ្ឋាភិបាលកម្ពុជាអាណត្តិទី៧…

ភ្នំពេញ៖ យ៉ាងហោចណាស់មានសត្វស្លាបព្រៃកម្រៗចំនួន ២៣ប្រភេទ ត្រូវបានគេរកឃើញ ក្នុងនោះរួមមានទាំងប្រភេទ ជិតរងការគំរាមគំហែង (Near Threatened) ចំនួន ២ ប្រភេទគឺចាបពូកទ្រូងលឿង Asian Golden Weaver អកត្រីក្បាលប្រផេះ Grey-headed Fish Eagle ដែលកំពុងរស់នៅសហគមន៍តំបន់ការពារធម្មជាតិទួលនាងសាវផ្លូវហ្លួង។ បើតាមអង្គការជីវិតធម្មជាតិនៅកម្ពុជា(NatureLife Cambodia)បានឱ្យដឹងថា៖បន្ទាប់ពីបានបង្កើតនិងទទួលបានការបណ្តុះបណ្តាលបឋមពីអង្គការជីវិតធម្មជាតិនៅកម្ពុជារួចមក ក្រុមល្បាតស្រ្តីនៃសហគមន៍តំបន់ការពារធម្មជាតិទួលនាងសាវផ្លូវហ្លួង នាតំបន់រ៉ាមសារស្ទឹងសែនក្នុងបឹងទន្លេសាប ខេត្តកំពង់ធំបានចាប់ផ្តើមចុះល្បាតជាលើកទី១។ ប្រភពខាងលើនេះបានបញ្ជាក់បន្ថែមថា៖ការល្បាតធ្វើឡើងដោយមានការចូលរួមជាមួយក្រុមល្បាតរបស់សហគមន៍ដើម្បីកត់ត្រាពីជីវចម្រុះ អប់រំផ្សព្វផ្សាយ និងទប់ស្កាត់បទល្មើស។សហគមន៍ទួលនាងសាវផ្លូវហ្លូងជាផ្នែកមួយនៃតំបន់រ៉ាមសារស្ទឹងសែនដែលមានទីតាំងក្នុងទន្លេសាប។ សម្រាប់ លទ្ធផលនៃខែកុម្ភៈ ឆ្នាំ២០២៤គេបានរកឃើញថា ក្រុមល្បាតបានទៅដល់ចំនួន ៤ចំណុចស្ថិតក្នុងតំបន់សហគមន៍រួមមាន ចំណុច ទង់ចងក ចាន់ច្រកែង បត់ដៃ និង ប៉ាហាល។អំឡុងពេលល្បាតក៏បានអប់រំដល់ប្រជាសហគមន័ចំនួន២ ករណីនៅចំណុចទង់ចក ពួកគាត់ចូលតំបន់សហគមន៍ដើម្បីរើសខ្យង (សកម្មភាពប្រមូលអនុផលព្រៃលិចទឹក)។ លើសពីនេះយើងបានកត់ត្រាសត្វស្លាបចំនួន ២៣ ប្រភេ ទ អំឡុងពេលល្បាតទៀតផង។ អង្គការជីវិតធម្មជាតិនៅកម្ពុជាបានឱ្យដឹងថាចំពោះបញ្ហាប្រឈមសម្រាប់ការល្បាតគឺការធ្វើដំណើរដោយថ្មើរជើង ព្រោះទីតាំងសហគមន៍ត្រូវបានរីងទឹកអស់ទៅហើយមិនអាចជិះទូកបានទៅដល់ទីតាំងហសគមន៍នោះទេ។ ស្រ្តីគឺជាសមាជិកដ៏សំខាន់របស់សហគមន័ ការចូលរបស់ស្ត្រីក្នុងការគ្រប់គ្រងធនធានក្នុងសហគមន័គឺកត្តាចាំបាច់។ គួរបញ្ជាក់ថា នៅដើមខែកុម្ភៈ ឆ្នាំ២០២៤កន្លងមក ក្រុមល្បាតស្រី្ដស្ម័គចិត្ដចំនួន ៧…

បាត់ដំបង៖ ដោយសារសកម្មភាពខ្នះខ្នែងរបស់អាជ្ញាធរគ្រប់ថ្នាក់ នៃស្រុកថ្មគោលនិងមន្រ្តីពាក់ព័ន្ធ ស្រូវប្រាំងជិត៣០០ ហិកតា របស់កសិករឃុំរូងជ្រៃ ស្រុកថ្មគោលត្រូវបានសង្រ្គោះឱ្យរួចផុតពីការ ខូចខាតដោយកង្វះទឹក។ ក្រុមកសិករបានថ្លែងអំណរគុណដល់អាជ្ញាធរស្រុក-ឃុំ ដែលបានជួយ អន្តរាគមន៍ទាន់ពេលវេលា។ទន្ទឹមនេះលោក ជា សម្បត្តិ អភិបាល ស្រុកថ្មគោលនិងមន្រ្តីជំនាញធនធានទឹកចុះពិនិត្យមើលអំពីស្ថានភាពបង្កបង្កើនផលនិងការជួយអន្តរាគមន៍នាំយកទឹកពីប្រភពផ្សេងៗដើម្បីមកជួយសង្រ្គោះស្រូវជាបន្តបន្ទាប់កន្លងមក។ បើតាមការលើកឡើងពីលោក អេង សារ៉ា ជំទប់ទី១ឃុំរូងជ្រៃ ស្រុកថ្ម គោលបាននិយាយថា ផ្ទៃដីស្រូវប្រាំងចំនួន២៩៦ហិកតា ជួបប្រទះ បញ្ហាខ្វះទឹក ក៏ប៉ុន្តែដោយសារការខិតខំប្រឹងប្រែង របស់អាជ្ញាធរស្រុក ឃុំភូមិនិងមន្រ្តីជំនាញធនធានទឹកបាននាំយកទឹកមកជួយសង្រ្គោះស្រូវប្រាំងពួកគាត់ទាន់ពេលវេលានិងធ្វើឱ្យស្រូវទាំងនោះ មានការលូតលាស់ល្អ ។ ដោយឡែកប្រជាកសិករដែលទទួលបាននូវការជួយអន្តរាគមន៍និងសង្គ្រោះស្រូវពីអាជ្ញាធរពាក៎ព័ន្ធបានទាន់ពេលវេលា បានថ្លែង អំណរគុណដល់អាជ្ញាធរស្រុកថ្មគោល ជាពិសេសលោក ជាសម្បត្តិ អភិបាលស្រុកថ្មគោល ដែលបានខិតខំក្នុងការចុះជួយ អន្តរា គមន៍ បានទាន់វេលា។ កសិករអះអាងថាប្រសិនបើគ្មានការជួយពីអាជ្ញាធរនាំយកទឹកមកជួយសង្រ្គោះបានទាន់ពេលវេលានោះទេគឺស្រូវពួកគាត់នឹងត្រូវខូចខាតទាំងស្រុង។ ព្រមជាមួយគ្នានេះប្រជាកសិករទាំងនោះ ក៏បានបង្ហាញពីការព្រួយបារម្ភ បញ្ហាតម្លៃស្រូវចេះតែធ្លាក់ចុះថោក ដោយសារតម្លៃនៅលើមាត់ របស់ ឈ្មួញ៕អត្ថបទ-រូបភាព៖ អ៊ុក សំអាន បប

សៀមរាប៖ បន្ទាប់ពីទទួលជោគជ័យក្នុងការប្រកួតប្រជែង ថ្នាក់ ជាតិ រដ្ឋបាលខេត្តសៀមរាបកាលពីរសៀលថ្ងៃព្រហស្បតិ៍ទី ២៩ ខែកុម្ភៈ បានរៀបចំក្បួនដង្ហែដើម្បីអបអរសាទដល់អង្គភាពសាធារណៈរបស់រដ្ឋចំនួនបួន ក្នុងនោះមានបីអង្គភាពមកពីវិស័យអប់រំ និងមួយទៀតមក ពីវិស័យសុខាភិបាលទទួលបានជ័យលាភីជាអង្គភាពផ្តល់សេវាសាធារណៈគំរូប្រចាំឆ្នាំ២០២៣។ការប្រារព្ធពិធីយ៉ាងធំប្រចាំខេត្ត ដូចនេះក្នុង លើកទឹកចិត្ត និងជំរុញដល់អង្គភាពដទៃ ខិតខំបញ្ចេញស្នាដៃដើម្បី ទទួលជ័យលាភី។ អង្គភាពទាំងបួន ដែលទទួលបានជ័យលាភីនេះ មាន៖ មណ្ឌល សុខភាពគោកចក ក្នុងសង្កាត់គោកចកទទួលបានជ័យ លាភីលេខ២, អនុវិទ្យាល័យមិត្តភាពកម្ពុជា ជប៉ុន ព្រះឥន្ទកោសា ទទួលបាន ជ័យ លាភី លេខ២ ,សាលាបឋមសិក្សាវត្តបូព៌ ក្នុងសង្កាត់សាលាកំរើក ទទួល បានចំណាត់ថ្នាក់លេខ៣ និងសាលាបឋមសិក្សា ក្រវ៉ាន់ ក្នុងសង្កាត់ នគរធំ ទទួលបានចំណាត់ថ្នាក់លេខ៦ ។ លោកស្រី ម៉ននី រង្សី អភិបាលរងខេត្តសៀមរាបដែលអញ្ជើញចូលរួម អបអរក្នុងពិធីនេះបញ្ជាក់ថា បើទោះបីជាអង្គភាពទាំង បួននេះ មិនមាន អង្គភាពណាទទួលបានជ័យលាភីលេខ១ក៏ពិតមែនប៉ុន្តែវាក៏ជាមោទនភាពដ៏ធំធេងសម្រាប់ខេត្តសៀមរាប ព្រោះយើងអាចទទួល បាន៤ ជ័យលាភី ក្នុងចំណោមជ័យលាភីចំនួន១០។ លោកស្រីចាត់ទុកថា នេះ…