ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី១១ ខែមករាធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៨៣គោលដៅ មានយានយន្តចូលគោលដៅចំនួន៦១៤គ្រឿង រថយន្តធំ០២គ្រឿង រថយន្តតូច ៦៥គ្រឿង ម៉ូតូ ៥៤៧គ្រឿង ក្នុងនោះរកឃើញយានយន្តល្មើសសរុបចំនួន៥៥៦ គ្រឿងមានរថយន្តធំ០២គ្រឿង រថយន្តតូច ៤២គ្រឿង និងម៉ូតូចំនួន ៥១២គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ដោយ ៖ ប៊ុនធី និង ភារ៉ា

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី១១ ខែមករា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រ ទេស កើតឡើងចំនួន៧លើក បណ្ដាលឲ្យមនុស្សស្លាប់ ០៤នាក់និងរងរបួសធ្ងន់ ស្រចំនួន១៣នាក់។ ប្រភពព័ត៌មានដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ០៤លើក ស្លាប់ ០១នាក មិនគោរពសិទ្ធិ ០១លើក ស្លាប់ ០២នាក់ មិនប្រកាន់ស្តាំ ០១លើក ស្លាប់ ០នាក់ និងងងុយ ០១លើក ស្លាប់ ០១នាក់៕ ដោយ៖ ប៊ុនធី និង ភារ៉ា

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគបាលជាតិបាន ឲ្យដឹងថា ជនសង្ស័យចំនួន ៦៧នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន១៨ករណី ទូទាំងប្រទេស នៅថ្ងៃទី១១ ខែមករា ឆ្នាំ២០២៤។ ក្នុងចំណោមជនសង្ស័យចំនួន ៦៧នាក់ រួមមាន ជួញដូរ ៣ករណី ឃាត់ ៤នាក់ស្រី ១នាក់ ដឹកជញ្ជូន រក្សាទុក ៨ករណី ឃាត់ ២៥នាក់ស្រី ២នាក់ ប្រើប្រាស់ ៧ករណី ឃាត់ ៣៨នាក់ស្រី ៦នាក់ វត្ថុតាងដែលចាប់យកសរុបក្នុងថ្ងៃទី១១ ខែមករា រួមមាន មេតំហ្វេតាមីន(Ice) ស្មើ ៤៣៥៦,០៣ក្រាម និង៣៧កញ្ចប់តូច។ កេតាមីន(Ke) ស្មើ៤០០,៧៦ក្រាម។ លទ្ធផលខាងលើ ១៣អង្គភាពបានចូលរួមបង្ក្រាប ៕ ដោយ ៖ ប៊ុនធី និង ភារ៉ា

បន្ទាយមានជ័យ៖ “សួនប៉ោយប៉ែតតេជោឈ្នះឈ្នះ”ដែលស្ថិតនៅផ្លូវជាតិលេខ៥-ផ្លូវដែកភូមិគីឡូម៉ែត្រលេខ៤ នៃ សង្កាត់ផ្សារ កណ្តាល ក្រុងប៉ោយប៉ែត ខេត្តបន្ទាយមានជ័យត្រូវបាន សម្ពោធ កាលពីថ្ងៃទី១០ ខែមករា ឆ្នាំ២០២៤ក្រោមអធិបតីភាព ឯកឧត្ដមបណ្ឌិត ប៉ាន់ខែម ប៊ុនថន រដ្ឋលេខាធិការទីស្ដីការ គណៈរដ្ឋមន្ត្រី-នាយរងខុទ្ទកាល័យសម្តេចធិបតីហ៊ុន ម៉ាណែត នាយករដ្ឋមន្ត្រី ឯកឧត្ដម ចាយ សាមិត រដ្ឋលេខាធិការ ក្រសួង បរិស្ថាន ឯកឧត្ដម អ៊ុ រាត្រី អភិបាលខេត្តបន្ទាយ មានជ័យ។ លោក គាត ហ៊ុល អភិបាលក្រុងប៉ោយប៉ែតបានឱ្យដឹងថា ទីតាំងសួននេះជាអតីតដីដែលពលរដ្ឋចូលមករស់នៅក្នុងលក្ខណៈធ្វើ សំណង់មិនមានរបៀបរៀបរយលើដីចំណីផ្លូវជាតិ លេខ៥និងផ្លូវដែកដែលជាហេតុធ្វើឱ្យអាជ្ញាធរមិនអាចចេញបណ្ណកម្មសិទ្ធ ជូនពួកគេបាន។បន្ទាប់មកពលរដ្ឋ៤៧គ្រួសារ បានស្ម័គ្រចិត្តចាកចេញពីទីតាំងហើយត្រូវអាជ្ញាធរផ្តល់នូវដីដោះដូរគោលនយោបាយដីពីអាជ្ញាធរសង់លំនៅឋានទំហំ១៥ម៉ែត្រ គុណ៥០ម៉ែត្រ នៅតំបន់អភិវឌ្ឍន៍តេជោឈ្នះ ឈ្នះ បឹងជង្រុក ឃុំទួលពង្រ ស្រុកម៉ាឡៃ ។ លោកបន្តថា អាជ្ញាធរបានកែលម្អទីតាំងជាសួនសាធារណ :ដែលប្រសិទ្ធនាម “សួនប៉ោយប៉ែតតេជោឈ្នះឈ្នះ “។ជាសួនថ្មី ភ្ជាប់នឹងសួនចាស់មានទំហំដី៣.៥៦០ម៉ែត្រក្រឡា ក្នុងនោះផ្ទៃសួន៩៦០ម៉ែត្រក្រឡា ការ៉ូឡា ៥៦០ម៉ែត្រ ក្រឡា ប្រឡាយ…

បាត់ដំបង៖ ក្រុមមន្រ្តីអនុវត្តកម្មវិធីនៅតាមឃុំ-សង្កាត់ទូទាំង ខេត្តបាត់ដំបងបានទទួលការបណ្តុះបណ្តាលស្តីពី៖ការបើក ផ្តល់ប្រាក់ឧបត្ថម្ភសម្រាប់កម្មវិធីជាតិជំនួយសង្គមផ្នែកបណ្តុះបណ្តាលជំនាញវិជ្ជាជីវៈនិងបច្ចេកទេស(TVET)សម្រាប់យុវជនមកពីគ្រួសារក្រីក្រនិងគ្រួសារងាយរងហានិភ័យនៅមុនពេលដែលមន្រ្តីទាំងនេះនឹងត្រូវចុះអនុវត្តការងារផ្ទាល់នៅតាមមូល ដ្ឋាន ។ ថ្លែងក្នុងពិធីបើកវគ្គបណ្ដុះបណ្ដាលកាលពីព្រឹកថ្ងៃទី១០ ខែ មករា ឆ្នាំ២០២៤ លោក ភួង សិទ្ធិប្រធានមន្ទីរសង្គមកិច្ចអតីត យុទ្ធជន និងយុវនីតិសម្បទាខេត្តបាត់ដំបងបានបញ្ជាក់ថា វគ្គបណ្តុះបណ្តាលថ្ងៃនេះគឺរៀបចំឡើងក្នុងគោលបំណងដើម្បី ពង្រឹងនូវសមត្ថភាពនិងបញ្ជ្រាបពីនីតិវិធីដល់មន្ត្រីចុះអនុវត្តកម្មវិធីនៅតាមឃុំសង្កាត់។កម្មវិធីនេះនឹងដាក់ឱ្យដំណើរការនៅ ក្នុងពេលឆាប់ៗខាងមុខនេះ។ នៅក្នុងឱកាសនោះលោកស្រី កែវ ដាណា អភិបាលរងខេត្ត បាត់ដំបងបានកោតសរសើរចំពោះថ្នាក់ដឹកនាំមន្ទីរសង្គមកិច្ច និងសហការីនិងមន្ទីរជំនាញពាក់ព័ន្ធមួយចំនួនពិសេសរដ្ឋបាលឃុំ សង្កាត់ដែលជាប្រតិបត្តិករផ្ទាល់នៅថ្នាក់មូលដ្ឋាន ដែលកន្លងមកពិតជាបានអនុវត្តប្រកបដោយការទទួលខុសត្រូវខ្ពស់ក្នុងដែនសមត្ថកិច្ចរបស់ខ្លួនទាំងការផ្តល់សេវាសាធារណៈនិងទាំងការអនុវត្តនូវកម្មវិធីជំនួយសង្គមនានារបស់រាជរដ្ឋាភិបាល។ លោកស្រីអភិបាលរងខេត្តបាត់ដំបង បានគូសរំលេចថា រាជរដ្ឋាភិបាលកម្ពុជា នីតិកាលទី៧ និងក្រោមការដឹកនាំ ប្រកបដោយ គតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាបានបន្ត ខិតខំផ្តោតនូវការយក ចិត្តទុកដាក់ លើការកសាង និង ពង្រឹងប្រព័ន្ធគាំពារសង្គមឱ្យមានលក្ខណៈប្រមូលផ្តុំ សង្គតិភាព និងប្រសិទ្ធភាពដោយឈរលើ ស្មារតី« មិនបោះបង់ពលរដ្ឋ ណាម្នាក់ » នោះឡើយ។ លោកស្រីអភិបាលរងខេត្តបាត់ដំបង បានជំរុញដល់មន្ទីរ សង្គមកិច្ច មន្ទីរពាក់ព័ន្ធ និងរដ្ឋបាល ឃុំ សង្កាត់…

ភ្នំពេញ៖ ការបង្កើតសំណល់ប្លាស្ទិក បានបង្កបញ្ហាបរិស្ថាន ជាច្រើនដូចជា ការបំពុលខ្យល់ ការបំភាយឧស្ម័នផ្ទះកញ្ចក់ ដោយ ការដុតសំណល់ប្លាស្ទិក ការប៉ះពាល់សុខភាពមនុស្ស-សត្វ ដោយកំណើនវត្តមានពពួកមីក្រូប្លាស្ទិកក្នុងប្រភពទឹក។សំណល់ ប្លាស្ទិកនៅក្នុងសមុទ្រក៏បង្កគ្រោះថ្នាក់ដល់ ជីវៈចម្រុះ នៅក្នុងសមុទ្រនិងមហាសមុទ្រផងដែរ។ ប្រភពក្រសួងបរិស្ថានបានបន្តថា ក្រៅពីថង់ប្លាស្ទិក នៅមាន សម្ភារប្លាស្ទិកប្រើក្នុងសេវាអាហារនិងភេសជ្ជៈ ដូចជា ចាន ប្រអប់ស្នោរ កែវ ស្លាបព្រា សម កាំបិត បំពង់បឺត ប្រអប់ជ័រ ដែលកំពុងពេញនិយមប្រើប្រាស់កាន់តែច្រើនឡើងៗ។ តាមការស្រាវជ្រាវរបស់បណ្ឌិត្យសភាវិទ្យាសាស្ត្រអាមេរិកចេញផ្សាយកាលពីពេលថ្មីៗនេះការប្រើប្រាស់ដបប្លាស្ទិកសម្រាប់ ពិសា ទឹក អាចប៉ះពាល់ដល់សុខភាព។ អ្នកជំនាញបាន បង្ហាញ ថា មានប៉ះពាល់ដោយសារភាគល្អិតនៃប្លាស្ទិកនៅក្នុងទឹកមាន រហូតរាប់ពាន់ភាគល្អិតក្នុងទឹកមួយលីត្រ ដែលច្រកនៅក្នុង ដបប្លាស្ទិក។ ភាគល្អិតនៃប្លាស្ទិក អាចបង្កហានិភ័យដល់ សុខភាព (បញ្ហាសសៃឈាមបេះដូង និងខួរក្បាល)និងជា កត្តាបង្កឱ្យមានជំងឺមហារីក ជាដើម។ ប្រភពដដែលបានរំលឹកថា ដូចគ្នាដែរចំពោះការ ប្រើប្រាស់ ប្លាស្ទិក សម្រាប់ច្រកម្ហូបអាហារ ដែលច្រកអាហារក្តៅអាចមាន បញ្ហាប្រឈមជំងឺមួយចំនួន ជាពិសេសជំងឺមហារីក ជំងឺទឹក នោមផ្អែម…