(ភ្នំពេញ)៖យោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៤៤នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន២៣ករណី ទូទាំងប្រទេស នៅថ្ងៃទី៦ ខែមករា ឆ្នាំ២០២៤។ ក្នុងចំណោមជនសង្ស័យចំនួន   ៤៤នាក់ រួមមាន ជួញដូរដឹកជញ្ជូន រក្សាទុក ២១ករណី ឃាត់ ៤០នាក់ស្រី ២នាក់ប្រើប្រាស់ ២ករណី ឃាត់ ៤នាក់វត្ថុតាងដែលចាប់យកសរុបក្នុងថ្ងៃទី០៦ ខែមករា រួមមាន មេតំហ្វេតាមីន(Ice) ស្មើ ១០១,១៤ក្រាម និង១២កញ្ចប់តូច ។ កញ្ឆាស្មើ ២០០០,០ក្រាម ។ លទ្ធផលខាងលើ ១២អង្គភាពបានចូលរួមបង្ក្រាប ៕ ដោយ ៖ ប៊ុនធី និង ភារ៉ា

(ភ្នំពេញ)៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី៦ ខែមករាធ្ឆ្នាំ២០២៤ បានឱ្យដឹងថាមានគោលដៅចំនួនសរុប ៧៩គោលដៅ មានយានយន្តចូលគោលដៅចំនួន៩៨៨គ្រឿង រថយន្តធំ៦គ្រឿង រថយន្តតូច១៥១គ្រឿង ម៉ូតូ ៨៣១គ្រឿង ក្នុងនោះរកឃើញយានយន្តល្មើសសរុបចំនួន៥៣៦ គ្រឿងមានរថយន្តធំ ០៦គ្រឿង រថយន្តតូច ៧៣គ្រឿង និងម៉ូតូចំនួន ៤៥៧គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ដោយ ៖ ប៊ុនធី និង ភារ៉ា

(ភ្នំពេញ)៖យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី៦ ខែមករា ឆ្នាំ២០២៤ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៩លើក បណ្ដាលឲ្យមនុស្សស្លាប់ ៥នាក់និងរងរបួសធ្ងន់ស្រចំនួន ១៣នាក់ ។ ប្រភពព័ត៌មានដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ០៤លើក ស្លាប់ ០៤នាក មិនគោរពសិទ្ធិ ០២លើក ស្លាប់ ០នាក់ មិនប្រកាន់ស្តាំ ០១លើក ស្លាប់ ០នាក់ ប្រជែងគ្រោះថ្នាក់ ០១លើក ស្លាប់ ០នាក់និងកត្តាយាន ០១លើក ស្លាប់ ០១នាក់៕ ដោយ ៖ ប៊ុនធី និង ភារ៉ា

( បន្ទាយមានជ័យ)៖ សាខាកាកបាទក្រហមខេត្តបន្ទាយមានជ័យ នៅរសៀល ថ្ងៃសៅរ៍ ទី៦ ខែមករា ឆ្នាំ២០២៤ សាខាកក្រក ខេត្តដែលមាន ឯកឧត្ដម អ៊ុ រាត្រី ជាប្រធានគណៈកម្មាធិការសាខាបានចាត់អោយ លោក ធូ ស៊ីភ័ណ្ឌ នាយកសាខា ជាតំណាងនិងមានការចូលរួមពីលោករ័ត្ន ដាស៊ីណង់ អនុសាខាស្រុកមង្គលបូរី ព្រមទាំងក្រុមកក្រកឃុំចំណោម បាននាំយកអំណោយមនុស្សធម៌ទៅចូលរួមរំលែក ទុក្ខ និងសួរសុខទុក្ខគ្រួសារសពក្មេងលង់ទឹកស្លាប់ចំនួន ៣នាក់ ។ សូមរំលឹកថា ករណីនេះគឺក្មេងៗបានចុះលេងទឹកក្នុងរដូវប្រាំងដែលស្មានថារាក់ដែរ តែបានលង់ស្លាប់កាលពីរសៀលថ្ងៃសុក្រទី៥ ខែមករា ឆ្នាំ២០២៤ ។ ឈ្មោះសពមានដូចខាងក្រោម÷ ១~ ឈ្មោះ ឃួន ស៊ីវ៉ា ភេទប្រុស អាយុ ៣ ឆ្នាំ ២~ ឈ្មោះ ឃួន ស៊ីវ៉ាយ ភេទប្រុស អាយុ ៣ឆ្នាំ(សព២នាក់ជាបងប្អូនភ្លោះនឹងគ្នា) ៣~ឈ្មោះឈុំ ឆៃរ៉ាត់ ភេទប្រុស អាយុ ២ ឆ្នាំ។…

(រតនគិរី )៖ ក្នុងឱកាសដឹកនាំប្រធាន អនុប្រធានមន្ទីរ អភិបាលក្រុង ស្រុក ពាក់ព័ន្ធមួយចំនួនអញ្ជើញចុះពិនិត្យផ្លូវមួយខ្សែប្រវែង ៣៨គីឡូម៉ែត្រនាព្រឹកថ្ងៃទី៦ ខែមករា ឆ្នាំ២០២៤ ឯកឧត្តម ញ៉ែម សំអឿន អភិបាលខេត្តរតនគិរី មានប្រសាសន៍ ថា ផ្លូវប្រវែង ៣៨គីឡូម៉ែត្រស្ថិតក្នុងភូមិសាស្រ្តក្រុងបានលុង ស្រុកអូរជុំ និងស្រុក វើនសៃ គឺស្ថិតក្នុងគម្រោងរបស់ក្រសួងអភិវឌ្ឍន៍ជនបទ ក្រោមជំនួយ ពីសាធារណៈ រដ្ឋ កូរ៉េ តែគម្រោងជំនួយនេះមានរយៈពេលយូរពេកជាហេតុធ្វើអោយ ប្រជាពលរដ្ឋ ពិបាកក្នុងការធ្វើដំណើរ និងចរាចរណ៍កសិផលទៅវិញទៅមក ។ ដូច្នេះហើយរាជរដ្ឋាភិបាលដែលមាន សម្តេចមហាបវរធិបតី ហ៊ុន ម៉ាណែត ជាប្រមុខ បានសម្រេច កសាងស្ថាបនា ផ្លូវនេះ ដោយក្រាលកៅស៊ូប្រភេទ DBST ដោយ មិន រង់ចាំគម្រោងជំនួយពីសាធារណៈកូរ៉េទៀតឡើយ ពោលគឺ រាជរដ្ឋាភិបាលនឹងចាប់ផ្តើមស្ថាបនាតែម្តង ។ ជាក់ស្តែងថ្ងៃនេះ គឺយើងសម្រេចបើកការដ្ឋាន ស្ថាបនាចំនួន ៥គីឡូ ៦០០ម៉ែត្រ ទទឹង ៧ម៉ែត្រ ពីចំណុចផ្លូវជាតិលេខ៧៨…