តាកែវ៖ ឯកឧត្តម រដ្ឋមន្រ្តី ជា វ៉ាន់ដេត បានជំរុញដល់ថ្នាក់ដឹកនាំឃុំ ប៉ុស្តន៍នគរបាល ត្រូវចូលរួមជួយផ្សព្វផ្សាយឱ្យបានទូលំទូលាយនូវបទល្មើសបច្ចេកវិទ្យាបោកប្រាស់គ្រប់រូបភាព មានតាមបណ្តាញសង្គមតេឡេក្រាម (Telegram) និងនៅតាមបណ្តាញសង្គមមួយចំនួន ដោយមានក្រុមជនខិលខូច ទាំងនៅក្នុងប្រទេស និងក្រៅប្រទេស បានល្បួង ប្រជាជនឱ្យវិនិយោគ ហើយថា បានការប្រាក់ចំណេញ ។ បងប្អូនយើងស្លូតត្រង់ខ្លះខ្វះការយល់ដឹង ខ្វះការពិចារណា បានចាញ់បោកជនខិលខូចជាបន្តបន្ទាប់ ។ ការលើកឡើងរបស់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ ក្នុងឱកាសបិទសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់រដ្ឋបាលខេត្តតាកែវ ។ ឯកឧត្តម រដ្ឋមន្រ្តីបានគូសបញ្ជាក់ថា ក្រសួងប្រៃយសណីយ៍ និងទូរគមនាគមន៍ មិនបានប្រងើយកន្តើយទៅនិងបញ្ហាទាំងអស់នេះទេ ដោយក្រសួងបានចេញសេចក្តីផ្សព្វផ្សាយព័ត៌មាន ក៏ដូចដំណឹងជាច្រើន។ គួរបញ្ជាក់ថា រយៈពេលប៉ុន្មានឆ្នាំចុងក្រោយនេះ គេឃើញមានការបោកប្រាក់នៅតាមគ្រប់រូបភាពនៅលើបណ្តាញសង្គមនិងបណ្តាញតេឡេក្រាមពីជនខិលខូច ដោយបង្កើតឱកាស ការបណ្តាក់ទុនវិនិយោគមានទាំងក្នុង និងក្រៅប្រទេស ដោយបានល្បូងប្រជាជននៅគ្រប់រូបភាព មានទាំងឆាតមកផ្ទាល់ មានទាំងការប្រើប្រាស់រូបភាព អាជីវកម្មផ្សេងៗ ដើម្បីទាក់ទាញចិត្តឱ្យមានការផ្ញើរលុយចូលរួមធ្វើអាជីវកម្ម ហើយមានប្រជាជនជាច្រើន បានលង់ខ្លួនចាញ់បោក ដែលបានចូលរួមវិនិយោគជាសាច់ប្រាក់ផ្ញើលុយតាមប្រព័ន្ធធនាគារជាដើម…

ខេត្តរតនគិរី៖ សត្វត្រយងចង្កំកសគឺជាសត្វមួយប្រភេទដែលកំពុងរងគ្រោះ ជិតផុត ពូជ បំផុតនៅលើពិភពលោក ហើយពួកវាកំពុងមានវត្តមាននៅក្នុងដែន ជម្រ កសត្វព្រៃលំផាត់ក្នុង ខេត្ត រតនគិរី ក្នុងប្រទេសកម្ពុជា។ ចាប់ពីខែធ្នូរហូត ដល់ខែមេសាគឺជាពេលវេលាបន្តពូជ របស់សត្វត្រយងចង្កំកស ។ យោងតាមអង្គការជីវិតធម្មជាតិបានឱ្យដឹងថាក្រុមការងារជីវៈចម្រុះរបស់អង្គការជីវិតធម្មជាតិនិងមន្រ្តីឧទ្យានុរក្សក្រសួងបរិស្ថានបានកំពុងធ្វើការយ៉ាងសកម្មក្នុងការពិនិត្យតាមដាន និង អង្កេតស្វែងរកសំបុកពងកូនរបស់ពួកវាក្នុងគោល បំណង កាត់បន្ថយផលរំខានផ្សេងៗ និងបង្កើនអត្រាកំណើតទទួលបានជោគជ័យ។សកម្មភាពនេះចូលរួមរក្សារស្ថេរភាពនៃការថយចុះចំនួនសត្វប្រភេទនេះនៅក្នុងប្រទេសកម្ពុជាយើងផងដែរ។ បើតាមប្រភពខាងលើនេះបានឱ្យដឹងថា ៖ នារដូវបន្តពូជ ឆ្នាំ២០២៣-២០២៤ គិតមកត្រឹម ថ្ងៃទី២៨ ខែធ្នូនេះគេបានកត់ត្រាសំបុករបស់សត្វត្រយ៉ងចង្កំកស ចំនួន ៥សំបុកនាដែនជម្រកសត្វព្រៃលំផាត់។ ទាំងនេះបានបញ្ជាក់ថា ដែនជម្រក សត្វព្រៃលំផាត់គឺជាទីជម្រកដ៏សំខាន់មួយក្នុងការគាំទ្រដល់ការរស់រានមានជីវិតនិងការបន្តពូជរបស់សត្វត្រយ៉ង៕ ដោយ៖ម៉ាដេប៉ូ

ភ្នំពេញ៖ នារដូវរងារនេះផ្សិតដើមផ្ចឹកបានដុះច្រើននៅតាមសហគមន៍ ដែនជម្រកសត្វព្រៃ សង្ឃរុក្ខវ័ន្ដ ស្ថិតក្នុងភូមិសាស្ត្រក្រុងសំរោង ស្រុកចុងកាល់ និងស្រុកអន្លង់វែង ខេត្តឧត្តរមានជ័យ ។ រូបភាព ឃ្លីបវីដេអូ និងរូបសន្លឹកជាច្រើនពីផ្សឹតផ្ចឹកនៅថ្ងៃទី ២៨ ខែធ្នូ ឆ្នាំ ២០២៣នេះ ត្រូវបានបង្ហាញដោយព្រះសង្ឃដែលកំពុងគង់នៅសហគមន៍ ដែនជម្រកសត្វព្រៃ សង្ឃរុក្ខវ័ន្ដ ដែលបាននិមន្តបេះផ្សិតផ្ចឹក សម្រាប់ធ្វើ ម្ហូប ចង្ហាន់ ។ បើតាមព្រះសង្ឃដែលមានសង្ឃដីកាក្នុងវីដេអូឃ្លីប ត្រូវបានគេដឹងថា ការប្រមូល ផ្សឹតទាំងនេះ ដើម្បីយកទៅធ្វើជាម្ហូបសម្រាប់ចង្ហាន់ដល់ព្រះសង្ឃ។ផ្សិតទាំងនេះ មានរសជាតឆ្ងាញ់ពិសារ ហើយក៏ជាប្រភេទផ្សិតគេកម្របានឆាន់ និង បរិភោគផងដែរ ។ ផ្សិតទាំងនេះគេនឹងយកទៅធ្វើសម្លរម្ជូរ, ម្ជូរស្លឹកអំពិលជាដើម។ គួរបញ្ជាក់ថា ផ្សិតធម្មជាតិមានច្រើនប្រភេទដូចជា៖ផ្សិតដំបូក ផ្សិតក្ងោក ផ្សិតកញ្ចូ ផ្សិតទន្សោង ផ្សិតប៉ក់ ផ្សិតតុកកែ ផ្សិតត្រចៀកកណ្តុរ និងផ្សិតផ្ចឹកជាដើម។ សូមបញ្ជាក់ដែរថាដើមផ្ចឹកឈ្មោះអង់គ្លេស ឬ សាមញ្ញ៖ Burma Sal , Thitya , Teangwood ជាប្រភេទដើមមានជ័រ…