(ភ្នំពេញ)៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៨ ខែវិច្ឆិកា ឆ្នាំ២០២៣ ម្សិលមិញបានឱ្យដឹងថា មាន គោលដៅចំនួនសរុប ៣១គោលដៅ មានយានយន្តចូលគោលដៅចំនួន ២៤៥គ្រឿង រថយន្តធំ០គ្រឿង រថយន្តតូច ១៥០គ្រឿង ម៉ូតូ ៩៥គ្រឿង ក្នុងនោះរកឃើញយានយន្តល្មើសសរុប ចំនួន ៨៤គ្រឿង មាន រថយន្តធំ ០គ្រឿង រថយន្តតូច ២៦គ្រឿង និងម៉ូតូចំនួន ៥៨គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការអនុវត្តតាមអនុក្រឹត្យថ្មី ក្នុងការ ផាកពិន័យ យានយន្តល្មើស បានដំណើរការទៅយ៉ាងល្អប្រសើរ ទទួល បានការគាំទ្រពិសេស អ្នកប្រើប្រាស់ផ្លូវទាំងអស់ បានចូលរួមគោរព ច្បាប់ចរាចរណ៍យ៉ាងល្អប្រសើរ ៕ ដោយ ៖ ប៊ុនធី និង ភារ៉ា

(ភ្នំពេញ)៖យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៨ ខែវិច្ឆិកា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១៨លើក បណ្ដាលឲ្យមនុស្សស្លាប់ ១៤នាក់និងរងរបួសធ្ងន់ស្រចំនួន ៤២នាក់។ ប្រភពព័ត៌មានដដែលបញ្ជាក់ថា គ្រោះថ្នាក់ដែលបង្កឲ្យមនុស្សស្លាប់ ១៤នាក់, របួសធ្ងន់ ២២នាក់ និងរបួសស្រាល ២០នាក់ គឺកើតឡើងដោយសារការប៉ះទង្គិចគ្នាចំនួន ១៨លើក រួមមាន ៖ កត្តាល្បឿន ៧លើក ស្លាប់ ១០នាក់មិនគោរពសិទ្ធិ ៣លើក ស្លាប់ ២នាក់មិនប្រកាន់ស្តាំ ២លើក ស្លាប់ ១នាក់ ប្រជែងគ្រោះថ្នាក់ ២លើក ស្លាប់ ១នាក់ បត់គ្រោះថ្នាក់ ១លើក ស្រវឹង ១លើក កត្តាយាន ១លើក និងងងុយ ១លើក ៕ ដោយ ៖ ប៊ុនធី និង ភារ៉ា

(ភ្នំពេញ)៖យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៧ ខែវិច្ឆិកា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១១លើក បណ្ដាលឲ្យមនុស្សស្លាប់ ៣នាក់និងរងរបួសធ្ងន់ស្រចំនួន ១៨នាក់ ។ ប្រភពព័ត៌មានដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ល្មើសល្បឿន ៦លើក ស្លាប់ ២នាក់ មិនគោរពសិទ្ធិ ២លើក, មិនប្រកាន់ស្តាំ ១លើកបត់គ្រោះថ្នាក់ ២លើក ស្លាប់ ១នាក់៕ ដោយ៖ ប៊ុនធី និង ភារ៉ា

ភ្នំពេញ៖ក្រសួងបរិស្ថាន បាន​​លើកទឹកចិត្តដល់ប្រជាពលរដ្ឋ ភ្ញៀវទេ​សចរ អ្នកមកកម្សាន្ត ក្នុងព្រះរាជពិធីបុណ្យអុំទូកចូលរួមថែរក្សាអនាម័យបរិស្ថាន ដើម្បីធ្វើឱ្យ​កម្ពុជា ដែលជាផ្ទះ​ទាំងអស់គ្នា មានភាពស្អាត ដោយប្រកាន់ខ្ជាប់នូវអនាម័យ សុខភាព និងបរិស្ថាន។ ​​​នាព្រះរាជពិធីបុណ្យអុំទូកឆ្នាំ២០២៣នេះ ​ក្រសួងបរិស្ថាន បាន​សហការជាមួយអាជ្ញាធររាជធានីភ្នំពេញ ក្រុ​មការងារយុវជន សមាគមកសិករដើម្បីអភិវឌ្ឍន៍ជី​វភាព, អង្គការ COMPED, សមាគមស្រឡាញ់បរិស្ថាន និងសង្គម ព្រមទាំងវិស័យឯកជន បានចុះអប់រំ ណែនាំប្រជាពលរដ្ឋពីការទុកដាក់សំរាម សំណល់រឹង ការកាត់បន្ថយប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» រយៈពេលបីថ្ងៃ នៅតាមទីតាំងកន្លែងប្រារព្ធពិធី នៅរាជធានីភ្នំពេញ។ ក្រសួងបរិស្ថាន​​សរសេរលើបណ្ដាញសង្គមរយៈហ្វេសប៊ុក​ថា ៖ «ក្រសួងបរិស្ថាន សូមលើកទឹកចិត្តដល់ប្រជាពល​រដ្ឋ ភ្ញៀវទេសចរ អ្នកមកកម្សាន្ត ក្នុងព្រះរាជពិធីបុណ្យអុំទូក ចូលរួមថែរក្សាអនាម័យបរិស្ថាន ដើម្បីធ្វើឱ្យក​ម្ពុជា ដែលជាផ្ទះរបស់យើងទាំងអស់គ្នា មានភាពស្អាត ដោយប្រកាន់ខ្ជាប់នូវអនាម័យសុខភាព និងបរិស្ថាន»​។ សូម​ជម្រាប​​ថា ជាមួយនឹងយុទ្ធសាស្រ្តចក្រា ក្រសួងបរិស្ថាន បាននិងកំពុងរៀបចំយុទ្ធនាការកាត់បន្ថយកា​រប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» នៅទូទាំងប្រទេស ដោយមានកា​រចូលរួមពីសិស្សានុសិស្ស ចំនួនជាងបីលាននាក់។ យុទ្ធនាការនេះមិនត្រឹមតែមានការគាំទ្រ…

ភ្នំពេញ៖ នៅលើទំព័រហ្វេសប៊ុក និងតេលេក្រាមផ្លូវការ នាព្រលប់ថ្ងៃទី២៦ ខែ វិច្ឆិកា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានលើកឡើងថា បងប្អូនប្រជាពលរដ្ឋសប្បាយរីករាយ នៃព្រះរាជពិធីបុណ្យអុំទូកថ្ងៃទី១ បន្ទាប់ពីខកខានប្រារព្ធព្រះរាជពិធីបុណ្យនេះ អស់រយៈពេល៣ឆ្នាំមក។ សម្ដេចតេជោ ហ៊ុន សែន បានសរសេរថា បងប្អូនប្រជាពលរដ្ឋសប្បាយរីករាយនៃព្រះរាជពិធីបុណ្យអុំទូកថ្ងៃទី១។ ថ្ងៃដំបូង នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣ បន្ទាប់ពីខកខានប្រារព្ធព្រះរាជពិធីបុណ្យនេះអស់រយៈពេល៣ឆ្នាំមក។ ទិដ្ឋភាពនៅមាត់ទន្លេមុខព្រះបរមរាជវាំង នៅទីតាំងចំណុះទូកជ្រោយចង្វារត្រើយខាងកើត ពេលនេះ គឺមានវត្តមានបងប្អូនប្រជាពលរដ្ឋជាច្រើនកុះករមកពីគ្រប់ទិសទីមកកម្សាន្តនៅក្នុងព្រះរាជពិធីបុណ្យ រួមទាំងកីឡាករប្រណាំងទូកប្រកបដោយភាពសប្បាយរីករាយ ។ សម្ដេចតេជោបានបន្តថា ក្រៅពីការទស្សនាការប្រណាំងទូក ង នៅមាត់ទន្លេ បងប្អូនប្រជាពលរដ្ឋក៏អាចទស្សនា និងទិញទំនិញតាមស្តង់តាំងពិព័រណ៍ទំនិញជាច្រើននៅតាមទីតាំងនីមួយៗផងដែរ។ ទន្ទឹមនឹងការកម្សាន្តប្បាយរីករាយ របស់ប្រជាពលរដ្ឋនៅក្នុងទីក្រុងភ្នំពេញ បងប្អូនប្រជាពលរដ្ឋនៅតាមបណ្ដាខេត្តទូទាំងប្រទេស ក៏ទទួលបាននូវភាពរីករាយតាមរយៈព្រះរាជពិធីបុណ្យនេះក្រោមម្លប់សុខសន្តិភាពផងដែរ។ សម្ដេចតេជោ ហ៊ុន សែន បានសង្កត់ធ្ងន់ថា៖ ប្រទេសជាតិយើងមានសុខសន្តិភាពពេញលេញ ទើបយើងអាចប្រារព្ធពិធីបុណ្យជាតិធំបែបនេះបាន ៕ ដោយ ៖…