-
ឆ្នាំ២០២៣នេះ អាជ្ញាធរមីនគ្រោងធ្វើការអប់រំប្រជាពលរដ្ឋឱ្យយល់ដឹងពីគ្រោះថ្នាក់ដោយសារមីនឱ្យបាន ១,៤លាននាក់
ភ្នំពេញ៖ មន្រ្តីជំនាញនៃអាជ្ញាធរមីនតែងតែចុះផ្សព្វផ្សាយអប់រំទៅដល់ប្រជាពលរដ្ឋសិស្សានុសិស្ស និងសហគមន៍នៅតាមតំបន់រងផលប៉ះពាល់ខ្ពស់ ឱ្យយល់ដឹងពីគ្រោះថ្នាក់ដោយសារមីន និងគ្រាប់មិនទាន់ផ្ទុះ ។ការផ្សព្វផ្សាយនេះគ្រោងធ្វើទៅដល់ប្រជាពលរដ្ឋឱ្យបានចំនួន ១,៤លាននាក់ ក្នុងឆ្នាំ២០២៣នេះ។ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានឱ្យដឹងនៅថ្ងៃទី១៩ខែវិច្ឆិកាថា នៅក្នុងឆ្នាំ២០២៣នេះ អាជ្ញាធរមីនបានកំណត់តំបន់សហគមន៍ដែលរងផលប៉ះពាល់ខ្ពស់ដែលត្រូវធ្វើការផ្សព្វផ្សាយអប់រំឱ្យយល់ដឹងអំពីគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាមនៅក្នុងខេត្តគោលដៅមួយចំនួនរួមមាន ព្រះវិហារ ប៉ៃលិន បាត់ដំបង បន្ទាយមានជ័យ និងខេត្តពោធិ៍សាត់ជាដើម។ ជាមួយគ្នាឯកឧត្តមក៏បានបញ្ជាក់ដែរថា កម្មវិធីអប់រំឱ្យយល់ដឹងពីមីន និងសំណល់ជាតិផ្ទុះពីសង្គ្រាម ក៏ត្រូវបានរៀបចំដាក់បញ្ជូលទៅក្នុងកម្មវិធីសិក្សារបស់សិស្សានុសិស្សចាប់ពីបឋមសិក្សារហូតទៅដល់អនុវិទ្យាល័ និងមហាវិទ្យាល័យផងដែរ។ ឯកឧត្តមបានមានប្រសាសន៍ថា ការអប់រំយល់ដឹងពីគ្រោះថ្នាក់ដោយសារមីននេះ គឺបានធ្វើជាប្រចាំ ហើយពីសំណាក់លោកគ្រូអ្នកគ្រូទៅតាមកម្មវិធីសិក្សាអប់រំរបស់គាត់ហ្នឹង ហើយដោយឡែកយើងក៏បានចុះផ្សព្វផ្សាយអប់រំនៅតាមភូមិបន្ថែមទៀត នៅពេលមានប្រតិបត្តិករចុះមកបោះសម្អាតមីនម្ដងៗ។ បើតាមឯកឧត្តម លី ធុជ បញ្ជាក់ថា ក្នុងឆ្នាំនេះ អាជ្ញាធរមីន គ្រោងផ្សព្វផ្សាយដល់ប្រជាពលរដ្ឋសិស្សានុសិស្ស និងសហគមន៍នៅតាមតំបន់គោលដៅដែលរងផលប៉ះពាល់ខ្ពស់ ឱ្យបានចំនួន ១,៤ លាននាក់។ការងារផ្សព្វផ្សាយយល់ដឹងអំពីមីន វាជាកិច្ចការចាំបាច់មួយ ដែលរួមចំណែកកាត់បន្ថយភាពក្រីក្រនៅកម្ពុជា តាមរយៈមិនឱ្យប្រជាពលរដ្ឋរងគ្រោះដោយសារមីនបន្តទៀត។ ទោះបីកម្ពុជាបញ្ចប់ការងារបោសសម្អាតមីនឱ្យអស់នៅត្រឹមឆ្នាំ២០២៥ក៏ដោយ ប៉ុន្តែការងារផ្សព្វផ្សាយ និងអប់រំ នៅតែជាការងារអាទិភាពមួយក្នុងការចូលរួមចំណែកទប់ស្កាត់កាត់បន្ថយជនរងគ្រោះ ដើម្បីឱ្យប្រជាពលរដ្ឋក្នុងតំបន់គោលដៅមានការប្រុងប្រយ័ត្នខ្ពស់ ពីគ្រោះថ្នាក់ដោយសារមីន និងគ្រាប់យុទ្ធភណ្ឌមិនទាន់ផ្ទុះគ្រប់ប្រភេទ។ នេះជាការអះអាងរបស់លោក…
-
ក្រសួងធនធានទឹកប្រកាសឱ្យពលរដ្ឋ នៅតំបន់ខ្ពង់រាប ប្រុងប្រយ័ត្នពីសុខភាព ពីធាតុអាកាសចុះត្រជាក់ និងតំបន់មាត់សមុទ្រនឹងមានខ្យល់បោកបក់
ភ្នំពេញ៖ ក្រសួងធនធានទឹក និងឧតុនិយមបានប្រកាសឱ្យពលរដ្ឋត្រូវប្រុងប្រយ័ត្ន ដោយសារកម្ពុជា ទទួលរងខ្យល់មូសុងឦសានបក់ពីបង្គួរទៅខ្លាំង ដែលធ្វើឱ្យតំបន់ខ្ពង់រាបបន្តចុះត្រជាក់ ខណៈតំបន់មាត់សមុទ្រ នឹងមានខ្យល់បក់បោកលើផ្ទៃសមុទ្រ និងរលកសមុទ្រ ក្នុងរយៈពេល ៣ថ្ងៃ។ បើតាមការព្យាកររបស់ក្រសួងធនធានទឹក និងឧតុនិយមចេញផ្សាយនៅថ្ងៃទី១៩ ខែវិច្ឆិកា ថា ចាប់ពីថ្ងៃទី១៩ ដល់ថ្ងៃទី២១ ខែវិច្ឆិកា ឆ្នាំ២០២៣ នៅតំបន់ខ្ពង់រាប មានសីតុណ្ហភាពអប្បបរមាពី ១៩-២២អង្សាសេ និងសីតុណ្ហភាពអតិបរមាពី ២៧-២៩អង្សាសេ ហើយខ្យល់បក់មកពីទិសឦសាន ក្នុងល្បឿនពី ៧-៩ម៉ែត្រ/វិនាទី។ ប្រភពដដែលបន្តថា ចំពោះតំបន់មាត់សមុទ្រ នឹងមានសីតុណ្ហភាពអប្បបរមាពី ២៤-២៦អង្សាសេ និងសីតុណ្ហភាពអតិបរមាពី ២៨-៣០អង្សាសេ ហើយខ្យល់បក់មកពីទិសឦសានក្នុងល្បឿនពី ៤-៦ម៉ែត្រ/វិនាទី។ ចំណែក តំបន់វាលទំនាប នឹងមានសីតុណ្ហភាពអប្បបរមាពី ២២-២៤អង្សាសេ និងសីតុណ្ហភាពអតិបរមាពី ២៨-៣១អង្សាសេ ហើយខ្យល់បក់មកពីទិសឦសាន ក្នុងល្បឿនពី ៣-៥ម៉ែត្រ/វិនាទី។ ក្រសួងធនធានទឹកបញ្ជាក់ថា ៖ «នៅតំបន់ខ្ពង់រាបរួមមាន ខេត្តឧត្តរមានជ័យ ព្រះវិហារ មណ្ឌលគិរី និងខេត្តរតនគិរី ធាតុអាកាសបន្តត្រជាក់នៅពេលព្រឹក ជាមួយនឹងសីតុណ្ហភាពអប្បបរមា ១៩-២០អង្សាសេ។ ចំណែកតំបន់មាត់សមុទ្រ…
-
ពលរដ្ឋជិត ២០ម៉ឺននាក់ ទទួលបានការផ្សព្វផ្សាយពីអត្ថប្រយោជន៍ពេលក្លាយជាសមាជិក ប.ស.ស
ភ្នំពេញ៖ បេឡាជាតិរបបសន្តិសុខសង្គម(ប.ស.ស)នៃក្រសួងការងារ និងបណ្តុះបណ្តាលវិជ្ជាជីវៈបានចុះផ្សព្វផ្សាយស្តីពីលក្ខខណ្ឌ និងនីតិវិធីនៃការស្នើសុំចុះឈ្មោះចូលជាសមាជិកប.ស.ស តាមរបបភាគទានដោយស្ម័គ្រចិត្តជូនពលរដ្ឋប្រមាណ២០ម៉ឺននាក់ ក្នុងគោលបំណងផ្សព្វផ្សាយអំពីអត្ថប្រយោជន៍ដែលពលរដ្ឋត្រូវទទួលបានពេលក្លាយជាសមាជិក ប.ស.ស។ ការចុះផ្សាយនេះ ធ្វើឡើងតាមរយៈ «យុទ្ធនាការផ្សព្វផ្សាយ៣០ថ្ងៃ» ដែលយុទ្ធនាការនេះបានចាប់ផ្តើមកាលពីថ្ងៃទី១៥ ខែវិច្ឆិកាបន្ទាប់ពីសម្ដេចធិបតី ហ៊ុន សែន នាយករដ្ឋមន្រ្តីកម្ពុជាបានប្រកាសដាក់ឱ្យអនុវត្តជាផ្លូវការនូវការអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តកាលពីថ្ងៃទី១៤ ខែវិច្ឆិកា ឆ្នាំ២០២៣។ ដោយគិតមកដល់ថ្ងៃទី១៩ ខែវិច្ឆិកា ឆ្នាំ២០២៣ ប្រជាពលរដ្ឋ ពិសេសអ្នកប្រកបរបរផ្ទាល់ខ្លួន (បុគ្គលស្វ័យនិយោជន៍) សរុបប្រមាណជា ១៩៧ ៤០៨នាក់ហើយ ទទួលបានការផ្សព្វផ្សាយនេះ។ នេះបើយោងតាមរបាយការណ៍របស់បេឡាជាតិរបបសន្តិសុខសង្គម។ លោក ហេង សុផាន់ណារិទ្ធ អគ្គនាយករង ប.ស.ស. បានឱ្យដឹងថា ការផ្សព្វផ្សាយនេះ គឺជារឿងសំខាន់ណាស់ ដែលអាចឱ្យប្រជាពលរដ្ឋ ពិសេសសមាជិក ប.ស.ស. បានយល់ដឹងកាន់តែច្បាស់ស្តីពីរបបសន្តិសុខសង្គម។ លោកបានបន្តថា ៖ «នៅក្នុងយុទ្ធនាការ ៣០ថ្ងៃទៀតសោត គឺកាន់តែសំខាន់ និងចាំបាច់បំផុត ដែលថ្នាក់ដឹកនាំ ប.ស.ស. ទាំងអស់ ទាំងថ្នាក់កណ្តាល និងតាមបណ្តាសាខាខេត្ត-ខណ្ឌ ត្រូវយកចិត្តទុកដាក់ និងពង្រីកការផ្សព្វផ្សាយឱ្យកាន់តែទូលំទូលាយបន្ថែមទៀត។ គឺត្រូវផ្សព្វផ្សាយឱ្យបានគ្រប់ទម្រង់ គ្រប់រូបភាព…
-
អណ្ដើកភ្នំ ឬអណ្ដើកព្រិចមួយក្បាលដែលជាសត្វជិតផុតពូជ ត្រូវបានប្រទះឃើញនៅក្នុងដែនជម្រកសត្វព្រៃសៀមប៉ាង
ភ្នំពេញ៖ ក្រុមអ្នកអភិរក្ស អង្គការ USAID មរតកបៃតង បានប្រទះឃើញអណ្ដើកភ្នំ ឬអណ្ដើកព្រិចដែលជាសត្វផុតពូជមួយក្បាលនៅក្នុងដែនជម្រកសត្វព្រៃសៀមប៉ាង ខេត្តស្ទឹងត្រែង កាលពីខែកញ្ញា ឆ្នាំ២០២៣ ខណៈមន្ត្រីជំនាញ និងអង្គការដៃគូកំពុងយកចិត្តទុកដាក់ថែរក្សាការពារ និងអភិរក្ស។ យោងតាមហ្វេសប៊ុកនៃអង្គការ USAID Morodok Baitang-មរតកបៃតងកាលពីថ្ងៃទី១៧ ខែវិច្ឆិកា បានផ្សព្វផ្សាយឱ្យដឹងថា ការប្រទះឃើញអណ្ដើកនេះ គឺជាដំណឹងដ៏ភ្ញាក់ផ្អើល និងរំភើបដោយសារតែសត្វនេះ ជាប្រភេទសត្វជិតផុតពូជបំផុត។ អណ្ដើកភ្នំ ឬអណ្ដើកព្រិច គឺជាប្រភេទសត្វអណ្តើកដែលរស់នៅក្នុងផ្នែកខ្លះនៃអាស៊ីអាគ្នេយ៍។ អង្គការដដែលបានបន្តថា ៖ «សត្វនេះ ត្រូវបានចាត់ថ្នាក់ជាសត្វជិតផុតពូជបំផុត ដោយសារការថយចុះចំនួនរបស់វាជាច្រើនដែលបណ្តាលមកពីការបាត់បង់ទីជម្រក និងការប្រមូលអណ្ដើកនេះ ធ្វើជាឱសថបុរាណ ពាណិជ្ជកម្មសត្វចិញ្ចឹម និងជាអាហារជាដើម»។ បើតាម អង្គការ USAID មរតកបៃតង អណ្ដើកភ្នំ ឬអណ្តើកព្រិច ជាប្រភេទសត្វស៊ីសាច់ និងរុក្ខជាតិ ជាអាហារ។ ដោយឡែក អាហារចម្បងរបស់សត្វអណ្តើកនេះ រួមមានដូចជា ស្លឹកឈើ ផ្លែឈើ ផ្សិត និងសត្វឥតឆ្អឹងខ្នងជាដើម។ អណ្ដើកភ្នំ ឬអណ្តើកព្រិច ភាគច្រើនចំណាយពេលសម្រាកនៅក្នុងគំនរស្លឹកឈើ និងកម្រនឹងចេញត្រូវពន្លឺព្រះអាទិត្យដោយផ្ទាល់។ អណ្តើកប្រភេទនេះភាគច្រើនធ្វើសកម្មភាពនៅពេលព្រឹកព្រលឹមឬពេលព្រលប់ ហើយក្នុងរដូវវស្សា…
-
រដ្ឋមន្រ្តីក្រសួងបរិស្ថាន៖ ពលរដ្ឋកម្ពុជាម្នាក់ប្រើថង់ប្លាស្ទិក ជាមធ្យម ចំនួន បួនក្នុងមួយថ្ងៃ ឬប្រមាណ ៥៥ លានថង់ ទូទាំងប្រទេសក្នុងមួយថ្ងៃ
ភ្នំពេញ៖ ក្នុងពិធីបើកយុទ្ធនាការកាត់បន្ថយការប្រើប្រាស់ថង់ ប្លាស្ទិក ក្រោម ប្រធានបទ «ថ្ងៃនេះខ្ញុំមិនប្រើថង់ប្លាស្ទិកទេ» នៅខេត្តកំពត នៅ ថ្ងៃទី១៩ ខែវិច្ឆិកា ឆ្នាំ២០២៣ ឯកឧត្តមបណ្ឌិត អ៊ាង សុផល្លែត រដ្ឋមន្ត្រី ក្រសួងបរិស្ថានបានថ្លែងថា នៅកម្ពុជាប្រជាជន ម្នាក់បាន ប្រើប្រាស់ ថង់ ប្លាស្ទិកជាមធ្យមចំនួនបួនក្នុងមួយថ្ងៃ ឬប្រមាណ៥៥លានថង់ប្លាស្ទិក ទូទាំងប្រទេសក្នុងមួយថ្ងៃ។ ឯកឧត្តមរដ្ឋមន្ត្រីបន្តថា ក្រោយពីការប្រើប្រាស់សំណល់ប្លាស្ទិកប្រមាណ ៩ភាគរយ នៃបរិមាណសំណល់ប្លាស្ទិកសរុប ដែលបានយក មក កែច្នៃ ផលិត ឡើងវិញ ។រីឯសំណល់ប្លាស្ទិក ៩១ភាគរយទៀត ត្រូវបានយក ទៅ ទីលានទុកដាក់សំរាម ឬដុតចោល និងចោលរាយប៉ាយ តាម ទីវាល រួចបន្តធ្លាក់ចូលទៅក្នុងប្រភពទឹកហូរចាក់ចូលទៅក្នុងសមុទ្រប្រមាណជាង៨លានតោនក្នុងមួយឆ្នាំ។ ឯកឧត្តមបានបញ្ជាក់ថា ការបង្កើតសំណល់ប្លាស្ទិកក្នុងបរិមាណដ៏ច្រើន គួបផ្សំនឹងវិធានការគ្រប់គ្រងនៅមានកម្រិត បានបង្កបញ្ហា បរិស្ថាន ជា ច្រើន ដូចជា ការបំពុលខ្យល់ ការបំភាយឧស្ម័នផ្ទះកញ្ចក់ ដោយការដុត សំណល់ប្លាស្ទិក ការប៉ះពាល់សុខភាពមនុស្ស-សត្វ…
-
សិស្ស គ្រូ និង មន្រ្តីមូលដ្ឋាននៃស្រុកកំពង់ត្រាច ចូលរួម យុទ្ធនាការ កាត់ បន្ថយប្លាស្ទិកដើម្បីបរិស្ថានស្រស់ស្អាត និង ទាក់ទាញភ្ញៀវទេសចរ
កំពត៖ សិស្សានុសិស្ស គ្រូបង្រៀន សមត្ថកិច្ច និងមន្រ្តីមូលដ្ឋាន យ៉ាង ច្រើនកុះករបានប្តេជ្ញាចិត្តថា នឹងចូលរួមកាត់បន្ថយការប្រើ ប្រាស់ថង់ ប្លាស្ទិក ដើម្បីធ្វើយ៉ាងណាធ្វើឱ្យកម្ពុជាស្រស់ស្អាត គ្មានការបំពុល បរិស្ថាន និងពិសេសនោះកាន់តែទាក់ទាញភ្ញៀវទេសចរ ចូល មក កម្សាន្តប្រទេសកម្ពុជាកាន់តែច្រើនឡើងថែមទៀត។ ការតាំងចិត្តនេះបានធ្វើឡើងនាវិទ្យាល័យ ព្រះបិតាជាតិ ស្ថិតនៅ ភូមិ អូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្ត កំពតនា ព្រឹកថ្ងៃទី១៩ ខែ វិច្ឆិកា ឆ្នាំ២០២៣ក្នុងឱកាសប្រកាសយុទ្ធនាការកាត់ បន្ថយការប្រើប្រាស់ថង់ប្លាស្ទិក។ អ្នកចូលរួមបានបញ្ចេញសំឡេងអឺងកងព្រមៗគ្នាថា៖ «ថ្ងៃនេះ ខ្ញុំមិន ប្រើ ថង់ប្លាស្ទិកទេ» «យើងរួមកម្លាំងគ្នា ការពារបរិស្ថានកម្ពុជា និង «លាហើយប្លាស្ទិក» ។ ថ្លែងក្នុងពិធីនេះ ឯកឧត្តម ជួប ប៉ារីស៍ រដ្ឋលេខាធិការក្រសួង បរិស្ថានបានអំពាវនាវដល់សាលារៀន សហគមន៍ រោងចក្រ សហគ្រាស អាជ្ញាធរគ្រប់លំដាប់ថ្នាក់ និងប្រជាពលរដ្ឋ ចូលរួម និងបន្តចូលរួមអនុវត្ត យុទ្ធនាការនេះឱ្យបានច្រើនកុះករ…
-
ឯកឧត្តម ហ៊ុន ម៉ានី ជូនដំណឹងថា ៖ ទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ត្រូវបានជនអនាមិក ចូលកាន់កាប់
(ភ្នំពេញ)៖ យោងតាមបណ្ដាញសង្គមតេលេក្រាមនៅព្រឹកថ្ងៃទី១៩ ខែវិច្ឆិកា ឆ្នាំ២០២៣ បានប្រកាដជូនដំណឹងថា៖ សហភាពសហព័ន្ធយុវជនកម្ពុជា (ស.ស.យ.ក.) សូមជម្រាបជូនដំណឹងដល់សមាជិក សមាជិកា និងសាធារណជនទាំងអស់មេត្តាជ្រាបថា៖ ទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ត្រូវបានជនអនាមិកចូលកាន់កាប់ កាលពីវេលាម៉ោង ៨:៣០ នាទីព្រឹក ថ្ងៃទី១៩ ខែវិច្ឆិកា ឆ្នាំ២០២៣នេះ។ ក្រុមការងារកំពុងធ្វើការសហការជាមួយអាជ្ញាធរមានសមត្ថកិច្ចដើម្បីទាមទារយកទំព័រមកវិញ និងរកជនល្មើសទទួលខុសត្រូវចំពោះមុខច្បាប់។ អាស្រ័យហេតុនេះ សូមសមាជិក សមាជិកា និងសាធារណជនទាំងអស់មេត្តាជ្រាបជាព័ត៌មាន និងមានការប្រុងប្រយ័ត្នខ្ពស់ចំពោះសកម្មភាពលើបណ្តាញសង្គមដែលចេញពីទំព័រខាងលើ៕ ដោយ ៖ វណ្ណលុក
-
ក្រុម អ្នកអភិរក្សបានប្រទះ ឃើញអណ្ដើកភ្នំ ដែលជាសត្វដ៏កម្រ នៅសៀមប៉ាង ខេត្តស្ទឹងត្រែង
(ភ្នំពេញ)៖ អង្គការ USAID មរតកបៃតងបានបង្ហាញពីរូបភាព ដែល ក្រុម អ្នកអភិរក្សបានប្រទះឃើញសត្វអណ្ដើកភ្នំ ឬអណ្ដើកព្រិចកំពុង រស់នៅ ដែន ជម្រកសត្វព្រៃសៀមប៉ាង ស្ថិតនៅក្នុង ខេត្ត ស្ទឹងត្រែង។ គួរបញ្ជាក់ថាអណ្ដើកភ្នំ ឬអណ្ដើកព្រិច គឺជាប្រភេទសត្វអណ្តើក ដែលរស់នៅក្នុងផ្នែកខ្លះនៃអាស៊ីអាគ្នេយ៍។ អណ្តើកព្រិចគឺជាប្រភេទ សត្វដែលស៊ីសាច់ និងរុក្ខជាតិជាអាហារ។ របបអាហារចម្បងរបស់ពួកវា រួមមានដូចជាស្លឹកឈើ ផ្លែឈើ ផ្សិត និងសត្វឥតឆ្អឹងខ្នង ។ អណ្ដើកព្រិចភាគច្រើនចំណាយពេលសម្រាកនៅក្នុងគំនរស្លឹកឈើ ហើយកម្រនឹងចេញត្រូវពន្លឺព្រះអាទិត្យដោយផ្ទាល់ណាស់ ដូច្នេះពួក វាភាគច្រើនធ្វើសកម្មភាពផ្សេងៗនៅពេលព្រឹកព្រលឹម ឬពេលព្រលប់។ ក្នុងរដូវវស្សា សត្វប្រភេទនេះតែងតែសកម្មជាងធម្មតា។ អណ្ដើកព្រិចត្រូវបានចាត់ថ្នាក់ជាសត្វជិតផុតពូជបំផុតដោយសារតែការថយចុះចំនួនរបស់វាជាច្រើនដែលបណ្តាលមកពីការបាត់បង់ទីជម្រក និងការប្រមូលអណ្ដើកព្រិចធ្វើឱសថបុរាណ ពាណិជ្ជកម្មសត្វចិញ្ចឹម និងជាអាហារ។ USAIDមរតកបៃតងបានបញ្ជាក់ដែរថា៖”ការបង្ហាញខ្លួននៃប្រភេទសត្វជិតផុតពូជបំផុតនេះតែងតែធ្វើឱ្យយើងភ្ញាក់ផ្អើល និងរំភើបណាស់។ ចូលរួមជាមួយយើង! ការពារជម្រករបស់ពួកវា និងបញ្ឈប់ការជួញ ដូរ សត្វព្រៃខុសច្បាប់”៕ ដោយ៖ម៉ាដេប៉ូ
-
អាជ្ញាធរជាតិអប្សរាកំពុងជួសជុលកំណាត់វិថីឆ្ពោះទៅតំបន់អង្គរ ដែលទឹកហូរច្រោះផ្ដាច់
ភ្នំពេញ៖កម្លាំងជំនាញរបស់អាជ្ញាធរជាតិអប្សរាកំពុងសម្រុក ជួស ជុលកំណាត់វិថីព្រះនរោត្ដមសីហមុនី ឬអតីតផ្លូវ កូម៉ៃ ជាផ្លូវចេញ ពីវត្តក្បាលខ្មោចឆ្ពោះទៅក្នុងតំបន់អង្គរជាបណ្ដោះអាសន្ន បន្ទាប់ពីទឹក ហូរច្រោះដាច់ប្រវែងជាងបីម៉ែត្រ ស្ថិតនៅខាងត្បូង កសិន្ធុអង្គរ ក្នុង សង្កាត់គោកចក ក្រុង សៀមរាប កាលពីល្ងាចថ្ងៃទី១៦ ខែវិច្ឆិកា ឆ្នាំ២០២៣។នេះបើយោងតាមប្រភពAKP។ លោក ឡៃ ប៉ូទី អនុប្រធាននាយកដ្ឋានទឹកព្រៃឈើនៃ អាជ្ញាធរ ជាតិ អប្សរា បាន ប្រាប់ប្រភពដដែលនៅថ្ងៃទី១៧ ខែវិច្ឆិកា ឆ្នាំ២០២៣ នេះថា ផ្លូវមួយខ្សែនេះបានសាងសង់ឡើងតាំង ពីសម័យបារាំង ដែលមកដល់ ពេលនេះ មានអាយុវកាលពីជា ច្រើនឆ្នាំមកហើយ ដែលធ្វើឱ្យ លូទឹក មានអាយុកាលទ្រុឌទ្រោមទើបធ្វើឱ្យទឹកហូរច្រោះដីបណ្ដាលឱ្យដាច់ផ្លូវប្រវែងប្រមាណបីម៉ែត្រ។ លោកបន្ដថា ក្រោយពីផ្លូវបានបាក់ដាច់ភ្លាមៗ ក្រុមការងារអាជ្ញាធរជាតិ អប្សរា បានទប់ស្កាត់មិនឱ្យទឹកហូរបន្ថែមទៀត ដើម្បីរក្សាទុកទឹកក្នុង បារាយណ៍ និងមិនឱ្យទឹកហូរ សង្កត់លើស្រូវប្រជាពលរដ្ឋនៅក្នុង បារាយណ៍ ផ្នែកខាងលិចផ្លូវនោះទេ។ ប្រភពដដែលបន្ដថា ក្រុមការងារកំពុងជុសជុលបណ្ដោះអាសន្ន ដោយចាក់ដីថ្មបំពេញ កន្លែង បាក់ដាច់…
-
ផ្ទាំងគំនូរនៅតាមជញ្ជាំងបង្ហាញជាសិល្បៈមួយដើម្បីបំផុងផ្នត់គំនិតដល់សាធារណៈចូលរួមថែរក្សាការពារ អភិរក្សព្រៃឈើសត្វព្រៃនៅតំបន់ជួរភ្នំក្រវាញ
(ភ្នំពេញ) សិល្បៈគំនូរនៅលើជញ្ជាំង ដែលបង្កប់ពីអត្ថន័យអភិរក្សព្រៃឈើនៅតំបន់ជួរភ្នំក្រវាញ ត្រូវបានដាក់តាំងបង្ហាញដល់មហាជនជាសាធារណៈ ដើម្បីស្វែងរកការចូលរួមការពារ និងអភិរក្សឱ្យបានគង់វង់ ដើម្បីជាប្រយោជន៍ដល់មនុស្សជាតិ និងសត្វព្រៃ។សិល្បៈគំនូរនៅលើជញ្ជាំង ដែលជាស្នាដៃរបស់វិចិត្រករ និងសិល្បករល្បីៗមកពីបរទេស ក្រោមការគាំទ្រពីអង្គការសម្ព័ន្ធមិត្តសត្វព្រៃ ហៅកាត់ WA (Wildlife Alliance ) មានការផាត់ពណ៍ដ៏រស់រវើកដែលបានចែករំលែកពីក្តីស្រឡាញ់ ភាពរីករាយ និងសុភមង្គលនៅក្នុងសហគមន៍ ក្នុងស្រុកជីផាត នៃខេត្តកោះកុង។កញ្ញាបណ្ឌិត ស៊ូវណ្ណា ហ្គោនឡែត នាយិកាប្រតិបត្តិអង្គការសម្ព័ន្ធមិត្តសត្វព្រៃ ហៅកាត់ WA (Wildlife Alliance ) បានថ្លែងនៅក្នុងសន្និសីទសារព័ត៌មានកាលពីរសៀលថ្ងៃទី១៦ ខែវិច្ឆិកា ឆ្នាំ២០២៣ នេះថា ការដាក់តាំងពិព័រណ៍នូវផ្ទាំងគំនូរទាំងនោះ ធ្វើឡើងនៅសាលពិព័រណ៍ FACTORY PHNOM PENH តាមបណ្តោយផ្លូវជាតិលេខ២ ខណ្ឌមានជ័យ រាជធានីភ្នំពេញ ចាប់ពីថ្ងៃទី១៧ ដល់ថ្ងៃទី១៩ ខែវិច្ឆិកា ឆ្នាំ២០២៣។ ផ្ទាំងគំនូរដោយដៃទាំងនេះ បង្កប់នូវអត្ថន័យពីធនធានជីវៈចម្រុះនៅតំបន់ជួរភ្នំក្រវាញ ជីវភាពសហគមន៍នៅតំបន់នោះ ដើម្បីលើកកម្ពស់ការយល់ដឹងអំពីសារប្រយោជន៍នៃព្រៃឈើតំបន់ជួរភ្នំក្រវាញ ខណៈកំពុងគ្រប់ទៅដោយព្រៃស្រោងក្រាស់មានពណ៌បៃតងគ្រប់រដូវកាល និងជាជួរព្រៃធំជាងគេនៅតំបន់អាស៊ីអាគ្នេយ៍ ដែលបានផ្តល់សារៈសំខាន់ចំពោះការរក្សាតុល្យភាពអាកាសធាតុរបស់សកលលោកទាំងមូល និងជាប្រភពទាញទឹកភ្លៀង និងថាមពលអគ្គិសនីដ៏សំខាន់សម្រាប់កម្ពុជា។លោក ហ្វុនគី(Fonki…