(កំពង់ស្ពឺ)៖ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចធិបតីនាយរដ្ឋមន្ត្រី ជាអគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការបញ្ជាការដ្ឋានអង្គរក្ស បានថ្លែងចាត់ទុកអគារសិក្សាថ្មី ២ខ្នង ដែលអំណោយដ៏ថ្លៃថ្លារបស់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៉ុនរ៉ានី ហ៊ុនសែន ស្ថិតក្នុងសាលា បឋម សិក្សាវត្តត្រពាំងវែង ជាការបង្ខិតសាលារៀនឲ្យមកនៅជិតផ្ទះ បងប្អូនប្រជាពលរដ្ឋ និងជាការលើកកំពស់វិស័យអប់រំនៅកម្ពុជា ផងដែរ ។ ឯកឧត្តម ហ៊ីង ប៊ុនហៀង បានបញ្ជាក់ថា នេះគឺជាសមិទ្ធផល ថ្មីមួយទៀត ដែលផ្តល់ជូនក្មួយៗសិស្សានុសិស្ស លោកគ្រូអ្នកគ្រូ និងបងប្អូនប្រជាពលរដ្ឋ នៅក្នុងស្រុងគងពិសី ខេត្តកំពង់ស្ពឺ ស្របទៅនឹងស្ថានភាពរួមនៃការអភិវឌ្ឍរីកចម្រើនរបស់ប្រទេសជាតិទាំងមូល ជាពិសេស ជីវភាពរស់នៅរបស់ប្រជាពលរដ្ឋ ត្រូវបាន លើកកំពស់ជាលំដាប់ ។ ជាក់ស្តែង នៅក្រោយគំនរផេះផង់បន្សល់ ទុកដោយរបបប៉ុលពត រហូតមកដល់បច្ចុប្បន្ន កម្ពុជាមានវត្តអារាម សាលារៀន មន្ទីរពេទ្យ ប្រព័ន្ធធារាសាស្ត្រ ហេដ្ឋារចនាសម្ព័ន្ធ ស្ពាន…

ភ្នំពេញ៖ក្រសួងពាណិជ្ជកម្ម បាននិងកំពុងសហការជាមួយដៃគូអភិវឌ្ឍន៍និងដៃគូពាក់ព័ន្ធក្នុងការត្រៀមរៀបចំទិវាស្វាយចន្ទី ដែលគ្រោងនឹងប្រព្រឹត្តទៅនៅសប្ដាហ៍ទី២ ខែធ្នូខាងមុខ​ ក្នុងគោលបំណងប្រមូលផ្តុំតួអង្គពាក់ព័ន្ធក្នុងវិស័យស្វា​យ​ចន្ទី រៀបចំការដាក់តាំងបង្ហាញ ប្រកួតប្រជែងគុណភាព ស្នាដៃផលិត និងការកែច្នៃ សំដៅលើកកម្ពស់វិស័យស្វាយចន្ទី កម្ពុជា។ ក្រសួងពាណិជ្ជកម្ម កាលពីថ្ងៃទី​៣១ ខែតុលា ឆ្នាំ២០២៣ បានរៀបចំកិច្ចប្រជុំដែលដឹកនាំដោយឯកឧត្តម រាជ រ៉ា រដ្ឋលេ​ខាធិការក្រសួងពាណិជ្ជកម្ម​ ​រួមនឹង​ការ​ចូលរួមពីមន្រ្តីជំនា​ញនៃក្រសួងពាណិជ្ជកម្ម និងក្រសួងកសិកម្ម រុក្ខាប្រមាញ់ និងនេសាទ តំណាងសហព័ន្ធស្វាយចន្ទីកម្ពុជា សមាគមស្វាយចន្ទីកម្ពុជា និងតំណាងដៃគូអភិវឌ្ឍន៍ពាក់ព័ន្ធ រួមមាន ប្រតិភូសហភាពអឺរ៉ុប អង្គការ GIZ អង្គការ FAO អង្គការ CIRD និងអង្គការ HEKS ផងដែរ។ ក្រសួងពាណិជ្ជកម្មបានបញ្ជាក់ថា កិច្ចប្រជុំនេះ មានគោលបំណងពិនិត្យ និងពិភាក្សាលើការរៀបចំសេចក្តីព្រាងកម្មវិធីស​ម្រាប់ទិវាស្វាយចន្ទីដើម្បីឱ្យមានភាពទាក់ទាញ និងលើកកម្ពស់កេរ្តិ៍ឈ្មោះស្វាយចន្ទីកម្ពុជា ស្របតាមគោ​លនយោបាយជា​តិស្តីពីស្វាយចន្ទីឆ្នាំ២០២២-២០២៧ ដែលទទួលបានការអនុម័តពីកិច្ចប្រជុំពេញអង្គគណៈរដ្ឋមន្រ្តីកា​ល​ពីថ្ងៃទី១៣ ខែមករា ឆ្នាំ២០២៣ កន្លងទៅ។​ ទាក់ទងនឹង​ការងារនេះដែរ ឯកឧត្តម ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានប្រាប់ឱ្យដឹងបន្ថែមថា ទិវាស្វាយចន្ទីនេះ គ្រោងនឹងរៀបចំឡើងនៅ​ខែធ្នូនាខេត្តកំពង់ធំ…

(ខេត្តព្រះវិហារ)៖ លោកឧត្តមសេនីយ៍ត្រី ច័ន្ទ សុខុន មេបញ្ជាការ កងពលតូចអន្តរាគមន៍លេខ៨ បានដឹកនាំកម្លាំងចំនួន ២២នាក់ ណាត់ជួបទំនាក់ទំនង ជាមួយកងទ័ពថៃ ចំនួន ២០នាក់ ដឹកនាំដោយលោកវរសេនីយ៍ឯក សូរៈឆៃ មីហម មេបញ្ជាការទិសទី១ ប្រាសាទព្រះវិហារ ។ ពិធីនេះ ធ្វើឡើងកាលពីរសៀល ថ្ងៃទី៣១ ខែតុលា ឆ្នាំ២០២៣ ម្សិលមិញ ត្រង់ចំណុចកើតហេតុ ស្ថិតក្នុងភូមិសាស្ត្រភ្នំ ៣៣៣ គោលបំណងចុះពិនិត្យជាក់ស្តែង រួមជាមួយគ្នា ទាំងកងទ័ពកម្ពុជា និងកងទ័ពថៃ ។ លោកវរសេនីយ៍ឯក សូរៈឆៃ មីហម មេបញ្ជាការទិសទី១ បានយល់ព្រម និងឯកភាពតាមសំណើររបស់មេទ័ពកម្ពុជា ដោយឈប់ដើរ នៅលើផ្លូវល្បាតខាងកម្ពុជាទៀតហើយ ក្រោយពីបានចុះពិនិត្យជាក់ស្តែង នៅត្រង់ចំណុចកើតហេតុ ដោយផ្ទាល់រួមជាមួយកងទ័ពកម្ពុជា ។ ចំពោះការណាត់ជួបខាងលើនេះ ក៏បានបញ្ចប់ទៅវិញ ក្រោម បរិយាកាសសប្បាយរីករាយ ប្រកបដោយភាពស្និតស្នាល ឯកភាព សាមគ្គីភាព និងកិច្ចសហប្រតិបត្តិការល្អ រវាងកងទ័ព នៃប្រទេស ទាំងពីរ…

កែប៖​អាជ្ញាធរខេត្តកែបបានដាំដើម​កូនកោងកាងចំនួន​ ៦ ០០០ ដើម​ នៅឆ្នេរសហគមន៍នេសាទ​ភូមិថ្មី​ ស្ថិតនៅក្រុងកែប​ ដើម្បីអប​អរសាទរ​ទិវា​អនាម័យ​បរិស្ថាន​ជាតិ​២៣​ វិច្ឆិកា​ ឆ្នាំ​២០២៣​ ក្រោម​ប្រធានបទ​ «ភូមិឋាន​ស្អាត​ បរិស្ថាន​ស្អាត​ សង្គមសន្តិភា​ព​ សេដ្ឋកិច្ច​រីកចម្រើន​» និងការការពារជីវៈចម្រុះ និងការពារប្រព័ន្ធអេកូឡូស៊ី។ ឯកឧត្តម សោម ពិសិដ្ឋ អភិបាលខេត្តកែបបានប្រាប់ឱ្យដឹងនៅថ្ងៃទី១ ខែវិច្ឆិកា​ថា ការដាំកូនកោងកាងចំនួន ៦ ០០០ដើមនេះ​ គឺជាការដាំបន្ថែមនៅតាមបណ្តោយមាត់សមុទ្រនៃសហគមន៍នេសាទភូមិថ្មី តាមរយៈមន្ទីរបរិស្ថានខេត្ត ហើយនេះគឺជាការដាំលើកទី៤ របស់មន្ទីរ ក្នុងការបន្ថែមជម្រកបៃតងនៅសហគមន៍អេកូទេសចរណ៍មួយនេះ។ ឯកឧត្តមបានថ្លែងថា ព្រៃកោងកាងបានដើរតួនាទីយ៉ាងសំខាន់ក្នុងការរក្សាតុល្យភាពប្រព័ន្ធអេកូឡូស៊ីតំបន់ឆ្នេរ ដោយស្រូ​បយកនូវឧស្ម័នកាបូនិច និងជាតិពុលផ្សេងៗ ជួយការពារខ្យល់ព្យុះ ការពារភាពសឹករិចរិល ទប់ស្កាត់ការហូរច្រោះបាក់ដីច្រាំងសមុទ្រ និងផ្តល់ជម្រកយ៉ាងរឹងមាំដល់ពពួកមច្ឆសមុទ្របន្តពូជ។ លោកបានសម្តែងការព្រួយបារម្ភថា ការបាត់បង់នូវធនធានទាំងនេះនឹងនាំមកនូវការបាត់បង់ទីជម្រកសត្វពង ប្រភពអា​ហារសមុទ្រ ដែលធ្វើឱ្យថយចុះទិន្នផលនេសាទ និងរុក្ខជាតិសមុទ្រ និងធ្វើឱ្យប៉ះពាល់ខ្លាំងដល់សុខុមាលរបស់មនុស្ស និងសេ​ដ្ឋកិច្ចជាតិ។ការដាំកូនកោងកាងនេះ ក៏ជាការពញ្ញាក់ស្មារតីប្រជាពលរដ្ឋឱ្យចូលរួមថែរក្សាបរិស្ថាន និងជីវៈចម្រុះ នៅតំបន់សមុទ្រ ឱ្យមានភាពស្រស់បំព្រងសម្រាប់ធ្វើការទាក់ទាញភ្ញៀវទេសចរ ឱ្យមកកម្សាន្ត ។ ប្រភព​ហ្វេសប៊ុកមន្ទីរបរិស្ថានខេត្តកែបក្នុងឱកាសនៃការ​ដំាកូនកោងកាង កាលពីថ្ងៃទី ៣១ ខែតុលា ​លោក…

(ភ្នំពេញ)៖ មន្រ្តីជាន់ខ្ពស់នៃក្រសួងអប់រំយុវជន និងកីឡាបាន ឱ្យដឹងថា គិតមកដល់ពេលនេះក្រសួងបានត្រៀមរួចរាល់ហើយ និងបានធ្វើការផ្តាំផ្ញើជូនដល់បេក្ខជន ដែលត្រូវប្រឡង សញ្ញាបត្រ មធ្យមសិក្សាទុតិយភូមិឬហៅថាបាក់ឌុបដែលនឹងប្រព្រឹត្តិទៅនៅថ្ងៃទី ០៦ ,០៧ខែវិច្ឆិកា ឆ្នាំ២០២៣នេះត្រូវចេះ ថែទាំ សុខភាព និង ពិសេសត្រូវរំលឹកមេរៀនឱ្យបានច្បាស់លាស់ ដើម្បី ទទួលជោគ ជ័យក្នុងការប្រឡងដែលកាន់តែខិតជិតមកដល់នេះ។ ថ្លែងបញ្ជាក់ប្រាប់ AMS នារសៀលថ្ងៃទី ១ខែវិច្ឆិកា ឆ្នាំ២០២៣ នេះ លោកជំទាវ បណ្ឌិត ឃួន វិច្ឆិកា មន្រ្តីនាំពាក្យ ក្រសួងអប់រំយុវជន និង កីឡាបានឱ្យដឹងថា៖”ពេលនេះនៅសល់ត្រឹមតែ ៥ថ្ងៃ ទៀត ទេការប្រឡងសញ្ញាបត្រមធ្យមសិក្សាទុតិយភូមិនឹងមកដល់ បេក្ខជនត្រូវតែចេះត្រៀមខ្លួនឱ្យរួចរាល់ក្នុងចៀសវាងដល់ពេលថ្ងៃប្រឡងមានបញ្ហាសុខភាព ឬមានអ្វីមួយដែលនាំរំខានដល់ការ ប្រឡងដ៏មានសារៈសំខាន់បំផុតក្នុងជីវិតមួយនេះ។ បេក្ខជនត្រូវទៅមើលឈ្មោះដែលបានបិទផ្សាយកន្លងមក(ថ្ងៃទី៣០ ខែតុលា) និងពិសេសថ្ងៃទី ០៥ ខែ វិច្ឆិកា ឆ្នាំ២០២៣ ដែលមានបិទតាមមណ្ឌលប្រឡងក្នុងនេះមានបញ្ជាក់ពីបន្ទប់ប្រឡង និងលេខតុជាដើមដើម្បីចៀសវាងមិនបានស្គាល់បន្ទប់ប្រឡង លេខតុរបស់ខ្លួនដែលធ្វើឱ្យជួបបញ្ហាហើយមិនអាចប្រឡងបាននាំឱ្យត្រូវធ្លាក់ដែលជាការមួយគួឱ្យសោកស្តាយបំផុត។ មន្រ្តីនាំពាក្យរូបនេះបានលើកឡើងដោយបញ្ជាក់ដែរថា៖ចំពោះ មណ្ឌល ប្រឡងមួយចំនួនដែលប្រឈមនឹងទឹកជំនន់ក៏ត្រូវបាន ក្រសួងធ្វើការផ្លាស់ប្តូរដើម្បីរកទីសុវត្តិភាពសំដៅឱ្យការប្រឡងប្រព្រឹត្តិទៅរលូន និង ទទួលជោគជ័យនៅថ្ងៃខាងមុខ។…