ភ្នំពេញ៖ រដ្ឋមន្រ្តីក្រសួង​ការងារ និង​បណ្តុះបណ្តាលវិជ្ជាជីវៈ ឯកឧត្តម ហេង សួរ បានថ្លែង​ឱ្យដឹងថា រដ្ឋាភិបាលនៃ​ប្រទេ​ស​​ថៃបាន​សម្រេច​បញ្ចុះតម្លៃទិដ្ឋាការការងារ​សម្រាប់​ពលករកម្ពុជាពី ១ ៩០០បាត ដែល​ប្រហែល ៥៤ ដុល្លារអាមេរិក មកត្រឹម ៥០០បាត ឬ​ប្រមាណ ១៤ ដុល្លារអាមេរិក ។ឯកឧត្តមរដ្ឋមន្រ្តីបានបញ្ជាក់ដូចនេះកាលពីថ្ងៃទី​២៥ ខែតុលា ឆ្នាំ​២០២៣ ក្នុង​ពិធី​ជួបសំណេះសំណាលជាមួយកម្មករនិយោជិតជាងមួយ​ម៉ឺននាក់ នៅខេត្តកំពង់ចាម ក្រោមអធិបតីភាព​សម្ដេចធិបតីនាយករដ្ឋមន្រ្តី ហ៊ុន ម៉ាណែត​។ ឯកឧត្តមមានប្រសាសន៍ថា  តាមរយ:លទ្ធផលនៃជំនួបទ្វេភាគី សម្តេចធិបតី ជាមួយលោកនាយករដ្ឋមន្ត្រីថៃក្នុងឱកាសមកបំពេញទស្សនកិច្ចផ្លូវការនៅកម្ពុជាកា​ល​​ពីចុងខែកញ្ញា កន្លងទៅនេះ រដ្ឋាភិបាលថៃទើបបាន​ឯកភាពតាមសំណើ និងការលើកឡើង​របស់​សម្តេច​ធិបតីស្នើឱ្យ​ភាគីថៃសម្របសម្រួល និង​បន្ទុកចំណាយ​ផ្សេងៗ​ ។ឥឡូវនេះរាជរដ្ឋាភិបាលថៃ​សម្រេ​ចបញ្ចុះតម្លៃទិ​ដ្ឋាការ​ការងារដល់​បងប្អូនកម្មករនិយាជិក​កម្ពុជា ដែលពីមុនមានពី ១ ៩០០បាត មកត្រឹម ៥០០បាត​»។អត្រាថ្មីនេះ នឹងចាប់​ផ្តើម​អនុវត្តនៅក្នុង​ខែធ្នូខាងមុខនេះ៕ ដោយ៖ជា សុខនី

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៥ ខែតុលា ឆ្នាំ២០២៣ ម្សិលមិញបានឱ្យដឹងថា មាន គោលដៅសារុបចំនួន៧៥គោលដៅ មានយានយន្តចូលគោលដៅចំនួន ៤១២គ្រឿង រថយន្តធំ ០៣គ្រឿង រថយន្តតូច២៨គ្រឿង ម៉ូតូ ៣៨១គ្រឿង ក្នុងនោះរកឃើញយានយន្តល្មើសសរុប ចំនួន ៤១២គ្រឿង មានរថយន្តធំ ០៣គ្រឿង រថយន្តតូច ២៨គ្រឿង និងម៉ូតូចំនួន ៣៨១គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការ ផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើ ប្រាស់ផ្លូវទាំងអស់ បានចូលរួមគោរព ចរាចរណ៍ យ៉ាងល្អប្រសើរ ៕ ដោយ៖ ប៊ុនធី និង ភារ៉ា

ភ្នំពេញ៖ គ្រឿងញៀនបំផ្លាញអនាគតអ្នកយោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៤៥នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន ១៦ករណី ទូទាំងប្រទេស នៅថ្ងៃទី២៥ ខែតុលា ឆ្នាំ២០២៣។ ក្នុងចំណោមជនសង្ស័យចំនួន ៤៥នាក់ រួមមាន ៖ ជួញដូរ ១ករណី ឃាត់ ២នាក់ ស្រី ០នាក់ រក្សាទុក ដឹកជញ្ជូន ៦ករណី ឃាត់ ៩នាក់ ស្រី ០នាក់ ប្រើប្រាស់ ៩ករណី ឃាត់ ៣៤នាក់ ស្រី០នាក់។ វត្ថុតាងដែលចាប់យកសរុបក្នុងថ្ងៃទី២៥ ខែតុលា រួមមាន មេតំហ្វេតាមីន(Ice) ស្មើ ៥០៩,៤៩ក្រាម និង១២កញ្ចប់តូច។ លទ្ធផលខាងលើ ៩អង្គភាព បានចូលរួមបង្ក្រាប ៕ដោយ ៖ ប៊ុនធី និង ភារ៉ា

ភ្នំពេញ៖យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៥ ខែតុលា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន០១លើក បណ្ដាលឲ្យមនុស្សស្លាប់៣នាក់និងរងរបួសធ្ងន់ស្រាចំនួន៨នាក់។ ប្រភពព័ត៌មានដដែលបញ្ជាក់ថា គ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិបានបញ្ជាក់ថា មូលហេតុដែលបង្កអោយមានគ្រោះថ្នាក់រួមមាន ៖ ល្មើសល្បឿន ០៥លើក ស្លាប់ ០១នាក់ មិនប្រកាន់ស្តាំ ០១លើក៕ ដោយ៖ ប៊ុនធី និង ភារ៉ា

បាត់ដំបង៖ កាកបាទក្រហមកម្ពុជា ដែលមាន ហ្លួងម៉ែ នរោត្តម មុនិនាថ សីហនុ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នាថ្ងៃទី ២៤ ខែតុលា ឆ្នាំ២០២៣នេះ បានបន្តចុះសួរសុខទុក្ខ និងផ្តល់អំណោយមនុស្សធម៌ជួយសម្រាលការលំបាកផ្តល់ជូនប្រជាពលរដ្ឋរងគ្រោះដោយជំនន់ទឹកភ្លៀងរហ័សចំនួន ៤៧២គ្រួសារ រស់នៅក្រុងស្រុកចំនួន៤គឺ ក្រុងបាត់ដំបង ស្រុកឯកភ្នំ ស្រុកសង្កែ និងស្រុកបាណន់ ខេត្តបាត់ដំបង។ ក្នុងឱកាសជួបសំណេះសំណាល និងផ្តល់អំណោយមនុស្សធម៌នាពេលនេះក្រោមអធិបតីភាព លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងឯកឧត្តម សុខ លូ ប្រធានគណៈកម្មាធិការសាខាកាកបាទ ក្រហមកម្ពុជា ខេត្តបាត់ដំបង សមាជិក សមាជិកា គណៈកម្មាធិការសាខា ក្រុមប្រតិបត្តិសាខា អនុសាខា ដែលមានចំនួន៤ទីតាំងគឺ៖ទីតាំងទី១ នៅវត្តក្តាំងងារ ភូមិខ្វិត ឃុំព្រែកខ្ពប់ ស្រុកឯកភ្នំ សម្រាប់ប្រជាពលរដ្ឋ ១៣០គ្រួសារ មកពី៦ភូមិ ២ឃុំ ស្រុកឯកភ្នំ។ ទីតាំងទី២ នៅវត្តស្លាកែត…

ភ្នំពេញ៖ មន្រ្តីជាន់ខ្ពស់នៃក្រសួងកសិកម្ម រុក្ខាប្រមាញ់ និង​នេសាទ រួមនឹង​​តំណាងអង្គការមូលនិធិសកលសម្រាប់អភិរក្សធម្មជាតិ (WWF) ប្រចាំនៅកម្ពុជាបាន​ចូលរួមកិច្ចប្រជុំអន្តរជាតិដើម្បីអនុម័តលើសេចក្តីថ្លែងកា​រណ៍ជាសកលស្តីពីការអភិរក្សសត្វផ្សោតទន្លេ នា​ទីក្រុងបូហ្កូតា ប្រទេសកូឡំប៊ី។ គេហទំព័រ​របស់​ក្រសួង​កសិកម្មនៅថ្ងៃទី​២៥ ខែតុលា បាន​​ឱ្យដឹងថា ឯកឧត្តម  ប្រាក់ ដាវីដ រដ្ឋលេខាធិការក្រសួ​ងកសិកម្ម រុក្ខាប្រមាញ់ និងនេសាទ បានដឹកនាំប្រតិភូក្រសួង និងតំណាងអង្គការ WWF ប្រចាំនៅកម្ពុជា ចូលរួមក្នុងកិច្ចប្រជុំអន្តរជាតិរយៈពេលពីរថ្ងៃ ដើម្បីរៀបចំ និងអនុម័តសេចក្តីថ្លែងការណ៍ជាសកល ស្តីពីការអភិរក្សសត្វផ្សោតទន្លេ។ នៅ​ថ្ងៃទី២៤ ខែតុលា ​ដែល​​ជាថ្ងៃទិវាសត្វផ្សោតទន្លេពិភពលោក ឯកឧត្តម ប្រាក់ ដាវីដ ដែល​ជា​ប្រធានប្រតិភូកម្ពុជា និងមន្រ្តីជំនាញ បានចូលរួមពិភាក្សា និងកែសម្រួលសេចក្តីថ្លែងការណ៍ជាសកល ស្តីពីការអភិរក្សស​ត្វផ្សោតទន្លេ។ ក្រោយទទួលបានការឯកភាពជារួម ឯកឧត្តម ប្រាក់ ដាវីដ ​រួមជាមួយនឹងប្រធានប្រតិភូនៃបណ្តាប្រទេសផ្សេង​ៗទៀតបានចុះហត្ថលេខាលើសេចក្តីថ្លែងការណ៍ជាសកល ដើម្បីទទួលស្គាល់សេចក្ដីថ្លែងការណ៍រួម និងដា​ក់ឱ្យអនុវត្តជាផ្លូវការ។​ ក្រសួងកសិកម្ម​ រុក្ខាប្រមាញ់ និង​នេសាទ បានបញ្ជាក់ថា ៖ «សេចក្តីថ្លែងការណ៍នេះ គឺជាឯកសារតម្រង់ទិសសម្រាប់ប្រទេសទាំង១៤ ដែលមានសត្វផ្សោតទន្លេ ប្តេជ្ញាអនុវត្តរួមគ្នាក្នុងកិច្ចការពារសត្វផ្សោតទឹកសាបប្រកបដោយការទទួលខុសត្រូវ»​។ ​ ក្រសួងបន្តថា សេចក្តីថ្លែងការណ៍នេះ…