(ភ្នំពេញ)៖ យោងតាមបណ្ដាញសង្គមរបស់មន្ទីរសាធារណការ និងដឹកជញ្ជូនរាជធានីភ្នំពេញ បានប្រកាសថា ដោយសារមានកំណើនយានយន្តនៅលើស្ពានកោះពេជ្រ-កោះនរា រដ្ឋបាលរាជធានីភ្នំពេញ បានប្រកាសបើកឱ្យចរាចរទាំងសងខាងស្ពាននេះ ចាប់ពីម៉ោង ១៨ល្ងាច ថ្ងៃទី២៣ តុលា ឆ្នាំ២០២៣ តទៅ ។ សូមជម្រាបថា ស្ពានតភ្ជាប់កោះពេជ្រ-កោះនរា បានបើកការដ្ឋានសាងសង់កាលពីថ្ងៃទី២៦ ខែតុលា ឆ្នាំ២០២០ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា នីតិកាលទី៦ នៃរដ្ឋសភា។ ស្ពាននេះចំណាយការសាងសង់ ៣៨លានដុល្លាអាមេរិក សាងសង់ដោយក្រុមហ៊ុនវិនិយោគទុនអណិកជនកម្ពុជា OCIC ។ ដើម្បីភ្ជាប់ការធ្វើដំណើរឡើងទៅផ្លូវជាតិលេខ១ ក្រុមហ៊ុនបានសាងសង់ស្ពានបេតុងអារមេតភ្ជាប់ពីកោះនរា មួយខ្សែផងដែរ មានបណ្តោយស្ពាន ៦០ម៉ែត្រ ទទឹងស្ពាន ២១ម៉ែត្រ បណ្តោយស្ពានបេតុង៤៥ម៉ែត្រ ផ្លូវគល់ស្ពានសងខាង ១៥ម៉ែត្រ ចំណាយថវិកា ១,៦០៦,៣៥៣ដុល្លាអាមេរិក ដើម្បីដោះស្រាយបញ្ហាកកស្ទះចរាចរណ៍ នៅចំណុចស្ពានព្រះមុនីវង្ស បើទោះបីរដ្ឋបាលរាជធានីភ្នំពេញ កន្លងមក បានដាក់ឲ្យដំណើរការសាឡាងដឹកអ្នកដំណើរ រវាងតំបន់ខណ្ឌច្បារអំពៅ និងតំបន់ខណ្ឌចំការមនក្តី ក៏នៅមិនទាន់ឆ្លើយតបនឹងតម្រូវការ និងកំណើនមធ្យោបាយដឹកជញ្ជូននៅឡើយ គ្រាន់តែធ្វើឱ្យស្ថានភាពចរាចរណ៍មានភាពធូរស្រាលបន្តិចប៉ុណ្ណោះ ។ គម្រោងសាងសង់ស្ពានខ្សែកាបតភ្ជាប់ពីទីក្រុងរណបកោះពេជ្រ ទៅកាន់គម្រោងអភិវឌ្ឍន៍កោះនរានេះ…

ភ្នំពេញ៖មជ្ឈ​មណ្ឌល​សកម្មភាព​កំចាត់​មីន​កម្ពុជា(CMAC) បាន​បង្កើត​ក្រុម​ការ​ងារ​ផ្តល់​សេវា​ជួយ​គាំ​ទ្រ​សេដ្ឋកិច្ច​សង្គម​ដល់​ជន​ពិការ​ដោយ​សារ​មីន និង​សំណល់​ជាតិ​ផ្ទុះ​សង្រ្គាម ក្នុង​គោល​ដៅ​ចូល​រួម​ចំណែក​លើក​កម្ពស់​ជីវភាព​រស់​នៅ និងសុ​ខុមាល​ភាព​របស់​របស់​ជន​ពិការ​។ ​ឯកឧត្តម ហេង រតនា អគ្គ​នាយក​មជ្ឈមណ្ឌល​សកម្មភាព​កំចាត់​មីន​​កម្ពុជា (CMAC) បាន​បញ្ជាក់តាម​រយៈ​​​ហ្វេស​ប៊ុក​របស់លោក​​កាលពី​ចុងសប្តាហ៍​មុនថា​ ស្រប​តាម​គោល​នយោបាយ​របស់​រាជ​រដ្ឋាភិបាល​អា ណត្តិ​ទី​៧​នេះ មជ្ឈ​មណ្ឌល​សកម្មភាព​កំចាត់​មីន​កម្ពុជា បាន​បង្កើត «ក្រុម​ការ​ងារ គម្រោង​ផ្តល់​សេវា​ជួយ​គាំទ្រ​សេដ្ឋកិច្ច​សង្គម​ដល់​ជន​ពិការ​ដោយ​សារ​មីន និង​សំណល់​ជាតិ​ផ្ទុះ​សង្រ្គាម​»។ការបង្កើតនេះ​ ក្នុង​គោល​ដៅ​ចូល​រួម​ចំ​ណែ​ក​លើក​កម្ពស់​ជីវភាព​រស់​នៅ និង​សុខុមាល​ភាព​របស់​ជន​មាន​ពិការ​ភាព​ដោយ​សារ​មីន និង​សំណល់​ជាតិ​ផ្ទុះ​សង្គ្រាម​​។ បើតាម​ឯកឧត្តម ហេង រតនា ​ខេត្ត​គោល​ដៅ​សម្រាប់​ការ​អនុវត្ត​គម្រោង​នេះ​ដំណាក់កាលទី១​មាន​ខេត្ត​ពោ​ធិ៍សាត់ បាត់ដំបង ប៉ៃលិន និង​ខេត្ត​បន្ទាយ​មាន​ជ័យ ខណៈ​ដែល​មន្ត្រី​ជំនាញ បាន​ទទួល​ការ​ហ្វឹក​ហ្វឺន​ និង​បំពាក់​សម្ភារ​បច្ចេក​ទេស​រួច​ជា​ស្រេច ដើម្បី​ចាប់​ផ្តើម​ដំណើរ​ការ​ប្រតិបត្តិ​ការ​តាម​គោលដៅ​ក្នុង​ផែន​ការ​គម្រោ​ង​។ ដោយ​ឡែកកាលពី​​​ថ្ងៃ​ទី​២០ ដល់​ថ្ងៃ​ទី​២៣ ខែ​តុលាកន្លងទៅ​នេះ អាជ្ញាធរ​មីនមជ្ឈ​មណ្ឌល​សកម្មភាព​កំចាត់​មីន​កម្ពុជា និង​កម្មវិធីអភិវឌ្ឍន៍សហប្រជាជាតិ( UNDP) បាន​​​សម្របសម្រួលរៀបចំទស្សនកិច្ចសិក្សាស្វែងយល់ និងផ្លាស់ប្តូរបទពិសោធន៍លើវិស័យសកម្មភាពមីនជូនគណៈ​ប្រតិភូប្រទេសអាមេនីផងដែរ​។ យោងតាម​អាជ្ញាធរមីន ​ក្នុង​ដំណើរ​ទស្សន​កិច្ច​នេះ គណៈ​ប្រតិភូ​បាន​​​ទៅ​ទស្សនា​ការ​ហ្វឹក​​ហ្វឺន​បោស​សម្អាត​មីន​នៅ​វិទ្យាស្ថាន​បច្ចេក​ទេស​សកម្មភាព​មី​ន​នៅ​ខេត្តកំ​ពង់ឆ្នាំង ​​នៅ​មជ្ឈ​មណ្ឌល​ស្តារ​កាយ​សម្បទា និង​ការ​បោស​សម្អាត​មីន​នៅ​ខេត្ត​បាត់ដំបងផងដែរ​។​ នាព្រឹកថ្ងៃទី​២៣ ខែតុលាឯកឧត្តម ហេង រតនា បានទទួលស្វាគមន៍ និង​ពិភាក្សាការងារជាមួយនឹង​គណៈ​ប្រតិភូប្រទេសអាមេនី​ ដែលដឹកនាំ​ដោយ​លោកVaghinak Sargsyan នាយកមជ្ឈមណ្ឌលបោសសម្អាតមីនមនុស្សធម៌ប្រទេសអាមេនី ​ដើម្បី​​ផ្លាស់ប្តូរបទពិសោធន៍…

ភ្នំពេញ៖អ្នកនាំពាក្យនិងជាសមាជិកគណៈកម្មាធិការជាតិរៀបចំការបោះឆ្នោត (គ.ជ.ប)ឯកឧត្តម ហង្ស ពុទ្ធា បានប្រាប់ឱ្យដឹងថា​​ ក្នុងរយៈពេល ១៩ថ្ងៃ នៃការពិនិត្យបញ្ជីឈ្មោះ និងការចុះឈ្មោះបោះឆ្នោត ប្រព្រឹត្តទៅដោយរលូន គ្មានអំពើហិង្សា មានសន្តិសុខ សុវត្តិ​ភាព និងមានសណ្តាប់ធ្នាប់ល្អ ។គ.ជ.បក៏​ត្រៀម​ការបិទផ្សាយបញ្ជីបោះឆ្នោតបឋម ​នៅថ្ងៃទី​២៤ ខែវិច្ឆិកាខាងមុខនេះដែរ​។ ឯកឧត្តម ហង្ស ពុទ្ធា បានថ្លែងបែបនេះនៅថ្ងៃទី២៣ ខែតុលានេះ​ ​ក្រោយពេល គ.ជ.ប បានប្រកាស​បិទបញ្ចប់ដំណើរការចុះឈ្មោះបោះឆ្នោតនៅតាមឃុំ សង្កាត់ សម្រាប់ការពិនិត្យបញ្ជីឈ្មោះ និងកា​រចុះឈ្មោះបោះឆ្នោត​ឆ្នាំ២០២៣ កាលពីថ្ងៃទី១៩ ខែតុលា ឆ្នាំ​២០២៣។ ឯកឧត្តម  ហង្ស ពុទ្ធា មានប្រសាសន៍ថា ៖ «នៅក្នុងដំណើរការចុះឈ្មោះ និងពិនិត្យបញ្ជីឈ្មោះបោះឆ្នោតឆ្នាំ២០២៣ នេះ ខ្ញុំសង្កេតឃើញថា បងប្អូនប្រជាពលរដ្ឋ​ភាគច្រើនបានចាប់អារម្មណ៍នៅក្នុងវិស័យបោះឆ្នោត​នេះ ដោយបានត្រៀមល​ក្ខណៈ និងបានជំរុញឱ្យសាច់ញាតិរបស់ខ្លួន​​ទៅចុះឈ្មោះ ដើម្បីឆ្ពោះទៅរកការបោះឆ្នោតនៅពេលខាងមុខ។ ជាមួយគ្នា​នេះ ទោះបីមានការលំបាក​អាកាសធាតុក៏ដោយ ខ្ញុំសង្កេតឃើញថា ក្រុមការងារ​បានអនុវត្តការងាររបស់ខ្លួនបានល្អ ដោ​យ​មានសណ្តាប់ធ្នាប់ សន្តិសុខ សុវត្ថិភាព និងមិនមានបញ្ហានោះទេ»។ លោកបន្តថា ក្រោយពេលបិទបញ្ចប់ការពិនិត្យបញ្ជីឈ្មោះ និងការចុះឈ្មោះបោះឆ្នោត…

បាត់ដំបង៖យុវជនអ្នកញៀនគ្រឿងញៀន​ចំនួន៧៩នាក់ ដែលស្នាក់នៅក្នុងមជ្ឈមណ្ឌលបន្សាបព្យាបាល និងស្តារនីតិស​ម្បទាអ្នកញៀនគ្រឿងញៀន កែ ស៊ីនួន ខេត្តបាត់ដំបង ស្ថិតនៅក្នុង​ស្រុករតនៈមណ្ឌល​ បានបញ្ចប់​វគ្គបណ្តុះបណ្តាល​​វិជ្ជាជីវៈ​​ដោយជោគជ័យ និង​ទទួល​បាន​វិញ្ញាបនបត្រ​​កាលពី​ថ្ងៃទី​២២ ខែតុលា ឆ្នាំ​២០២៣។​ ប្រភពហ្វេសប៊ុក​​រដ្ឋបាលខេត្តបាត់ដំបង​ លោក កែ ស៊ីនួន ប្រធានមជ្ឈមណ្ឌលបន្សាបព្យាបាលនិងស្តារនីតិសម្បទាអ្នកញៀនគ្រឿងញៀន កែ ស៊ីនួន ខេត្តបាត់ដំបង បានថ្លែងនាឱកាសនោះថា យុវជនអ្នកញៀ​នគ្រឿងញៀនចំនួន៧៩នាក់ ​បានទទួលវិញ្ញាបនបត្រដែលមានការទទួលស្គាល់ពីមន្ទីរការងារ និង​បណ្តុះបណ្តា​លវិជ្ជាជីវៈខេត្តបាត់ដំបង។​ ថ្លែងក្នុងពិធីនោះដែរ ឯកឧត្តម សុខ លូ ​អភិបាលខេត្តបាត់ដំបង បានបង្ហាញនូវភាពរីករាយចំពោះយុវជនទាំង​អស់ ដែលបានមកទទួលយកការបន្សាប និងព្យាបាលសារធាតុគ្រឿងញៀននៅមជ្ឈមណ្ឌល កែ ស៊ីនួ​ន ខេត្តបាត់ដំបង នាពេលនេះ និងទទួលបាននូវចំណេះជំនាញបច្ចេកទេស។ ​ លោកមានប្រសាសន៍ថា ៖ «បច្ចុប្បន្ន ជំនាញវិជ្ជាជីវៈដែលប្អូនៗ​បានរៀនសូត្រ គឺយើងកំពុងត្រូវការខ្លាំងណា​ស់ ខណៈដែលយើងកំពុងមានការខ្វះខាតកម្មករជំនាញយ៉ាងច្រើនផងដែរ ដូចជាជំនាញតបណ្តាញអគ្គិសនី ជួសជុលទូរសព្ទ ជួសជុលម៉ូតូ និងម៉ាស៊ីនត្រជាក់ជាដើម»។ ឯកឧត្តមបានបន្តថា  ​សូមយុវជន យុវនារីទាំងអស់ ដែ​លទទួលបានការបន្សាបសារធាតុញៀនហើយ មិនត្រូ​វទៅ​ប្រព្រឹត្តម្តងទៀតឡើយ ក្នុងនោះពេលបានជំនាញវិជ្ជាជីវៈនេះហើយ ក៏សូមយកទៅប្រើប្រាស់ឱ្យចំគោលដៅ ដើម្បីបម្រើនូវជីវភាពរស់នៅរបស់ខ្លួន…

(ភ្នំពេញ)៖ អគ្គស្នងការដ្ឋាននគរបាលជាតិកម្ពុជា និងនគរបាលបច្ចេកទេស នៃសាធារណរដ្ឋបារាំង បានរៀបចំពិធីបើកវគ្គបំប៉នជំនាញបច្ចេកទេស ត្រួតពិនិត្យកន្លែងកើតហេតុ ក្រោមវត្តមាន ឯកឧត្តម ឧត្តមសេនីយ៍ឯក មួង សុធា អគ្គស្នងការរងនគរបាលជាតិ ទទួលបន្ទុកដឹកនាំនាយកដ្ឋានកណ្ដាលនគរបាលយុត្តិធម៌ និងជាតំណាង ឯកឧត្តម នាយឧត្តម ស ថេត អគ្គស្នងការនគរបាលជាតិ និងលោកស្រី ណាតាលី កាលីយ៉េ (Nathalie CARLIER) មេបញ្ជាការនគរបាលបារាំង និងជាអនុព័ន្ធសន្ដិសុខផ្ទៃក្នុងទទួលបន្ទុកប្រទេសកម្ពុជា នៃនាយកដ្ឋានកិច្ចសហប្រតិបត្តិការសន្តិសុខអន្តរជាតិ នៃក្រសួងមហាផ្ទៃបារំាងនៅព្រឹកថ្ងៃទី២៣ ខែតុលា ឆ្នាំ២០២៣នេះ។ ពិធីបើកវគ្គបំប៉ននេះ ក៏មានការអញ្ជើញចូលរួមពី ប្រធាន និងអនុប្រធាននាយកដ្ឋាននគរបាលបច្ចេកទេស និងវិទ្យាសាស្ដ្រ នៃអគ្គស្នងការដ្ឋាននគរបាលជាតិ, គ្រូឧទ្ទេសនាម នៃការិយាល័យនគរបាលបច្ចេកទេស និងវិទ្យាសាស្ដ្រ ប្រចាំទីក្រុងប៉ារីស ព្រមទាំងសិក្ខាកាមចំនួន ២០រូបទៀត មកពីនាយកដ្ឋាននគរបាលបច្ចេកទេស និងវិទ្យាសាស្ដ្រ នៃស្នងការដ្ឋាននគរបាលរាជធានី-ខេត្ត មួយចំនួន ដែលពិធីនេះរៀបចំធ្វើឡើងនៅទីស្ដីការក្រសួងមហាផ្ទៃ។ លោកស្រី ណាតាលី កាលីយ៉េ (Nathalie CARLIER) បានលើកឡើងថា វគ្គបណ្ដុះបណ្ដាលនេះ មានរយៈពេល…

(ខេត្តកណ្តាល)៖ ឯកឧត្តម ជាប ដាវុធ សមាជិកគណៈកម្មការ កណ្ដាល គណបក្សប្រជាជនកម្ពុជា អនុប្រធានក្រុម ការងារ ទទួលបន្ទុកយុវជនគណបក្ស ស្រុកល្វាឯម និង ក្រុងអរិយក្សត្រ តំណាង ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមការងារថ្នាក់ជាតិចុះជួយខេត្តកណ្តាលបានថ្លែងថា ក្រោមម្លប់ដ៏ត្រជាក់ នៃសន្តិភាព ទើបបានធ្វើយើងមានលទ្ធភាពក្នុងកសាង និងអភិវឌ្ឍន៍ប្រទេសជាតិ ឱ្យមានការរីកចម្រើនលើគ្រប់វិស័យ នៅទូទាំងប្រទេស នៅសព្វថ្ងៃនេះ។ ឯកឧត្តម ជាប ដាវុធ បានថ្លែងដូចនេះក្នុងខណៈអញ្ជើញ ជួបសំណេះ សំណាលជាមួយសិក្សានុសិស្សបេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣ ក្នុងស្រុកល្វាឯមខេត្ត កណ្តាល នាព្រឹកថ្ងៃទី២៣ តុលា ២០២៣។ ឯកឧត្តមជាបដាវុធ បានបន្តថា ក្រោមការដឹកនាំដ៏ត្រឹមត្រូវរបស់ គណបក្ស ប្រជាជន និងរាជរដ្ឋាភិបាល ដែលមានសម្ដេចធិបតី ហ៊ុន ម៉ាណែត ជានាយករដ្ឋមន្ត្រីនៃកម្ពុជា នាអាណត្តិទី៧នេះ បានធ្វើឱ្យប្រទេសជាតិមានសុខសន្តិភាព និងការអភិវឌ្ឍលើគ្រប់វិស័យ ក្នុងនោះប្រជាពលរដ្ឋរស់នៅយ៉ាងសុខសាន្តប្រកបមុខរបរចិញ្ចឹមជីវិតដោយសេរី មានការសាមគ្គីគ្នាជាធ្លុងមួយឯកភាពជាតិ ខ្មែរជួយខ្មែរយ៉ាងសុខដុមរមនាផ្ដល់តែភាពញញឹមមានសុភមង្គលគ្រប់ក្រុមគ្រួសារក្រោមម្លប់សន្តិភាពសម្ដេចតេជោសែន។ ឯកឧត្តម បានរំលឹកថា ទីណាមានការលំបាក…