ភ្នំពេញ៖ក្រសួងធនធានទឹក និងឧតុនិយម បាន​ប្រកាសឱ្យដឹងថា ​ចាប់ពីថ្ងៃទី២២ ដល់ថ្ងៃទី២៥ ខែតុលា ឆ្នាំ២០២៣ នៅតាមបណ្តាខេត្តមួយចំនួនដូចជា ខេត្តស្ទឹងតង ខេត្តព្រះវិហារ ខេត្តរតនគិរី និងខេត្តមណ្ឌលគិរី នៅតែមានភ្លៀងធ្លាក់ ។ក្រសួងក៏បានអំពាវនាវឱ្យ​ពលរដ្ឋបន្ត​​ប្រុងប្រយ័ត្នខ្ពស់ចំពោះ​ជំនន់ទឹកភ្លៀង​​។​ ក្នុងសេចក្តីជូនដំណឹង​នៅថ្ងៃទី​២២ ខែតុលា បានបញ្ជាក់ថា ប្រព័ន្ធសម្ពាធខ្ពស់កម្រិ​តមធ្យម ដែលលាតសន្ធឹងពីប្រទេសចិន អូសបន្លាយដល់ប្រទេស ថៃផ្នែកខាងលើ និងសមុទ្រចិនភាគខាងត្បូង បានរលាយបាត់។ ទន្ទឹមនឹងនេះ ខ្យល់មូសុង និរតី ដែលកំពុងមាននៅលើឈូងសមុទ្របេងកាល់ (Bay of Bengal) និងនៅលើសមុទ អាដាំមែន (Andaman Sea) នឹងគ្របដណ្តប់លើឈូងសមុទ្រថៃ បានកើនឥទ្ធិពលខ្លាំង។ ​​ ក្រសួងបានបញ្ជាក់ថា ៖ «​នៅរាជធានីភ្នំពេញ តំបន់មាត់សមុទ និងតំបន់ទំនាបកណ្តាល នឹងមានភ្លៀងធ្លាក់នៅក្នុងកម្រិតបង្គួរ លាយឡំនឹងផ្គររន្ទះជាមួយនឹងទំហំទឹកភ្លៀងធ្លាក់គ្របដណ្តប់លើផ្ទៃដីពី ៥០ភាគរយទៅ៦០ភាគរយ»។ សូមប្រជាពលរដ្ឋត្រូវប្រុងប្រយ័ត្នខ្ពស់ចំពោះស្ថានភាពនេះ ដែលអាចបង្កជាជំនន់ទឹកភ្លៀង​»​។​ ទាក់ទងនឹងជំនន់ទឹកភ្លៀងនេះដែរ កាល​ពី​រសៀលថ្ងៃទី​២១ ខែតុលាឯកឧត្តម ឃួង ស្រេង អភិបាលរាជធានីភ្នំ​ពេញបានដឹកនាំមន្ទីរជំនាញ និងអាជ្ញាធរ​ចុះពិនិត្យមើលស្ថានភាពទឹកជំនន់​តាមបណ្ដោយសណ្ត ស្ទឹ​ងព្រែកត្នោត…

ភ្នំពេញ៖គណៈ​ប្រតិភូ​មកពីចំនួន១០​ប្រទេសផ្សេងៗគ្នា​ បាន​មក​ទស្សន​កិច្ច​សិក្សា​ពី​គម្រោង​ស្រូវ​មិត្ត​ក្រៀល​នៅ​តំ​បន់​ការ​ពារ​ទេស​ភា​ព​អន្លង់​ព្រីង ដើម្បី​ស្វែង​យល់​ពី​កត្តា​ប្រឈម និង​កត្តា​ជោគជ័យ​ លើ​​ការ​អនុវត្ត​គម្រោងនេះ។  លោក ប៊ូ វរសក្ស នាយក​​អង្គការ​​ជីវិត​​ធម្មជាតិ​នៅ​កម្ពុជាបានប្រាប់​​​ឱ្យ​​ដឹងនៅ​​ថ្ងៃ​ទី​២២ ខែ​តុលា​ថា ក្នុង​នាម​ជា​ស្ថាប័ន​ដែល​អនុវត្ត​គម្រោងស្រូវមិត្តក្រៀល គណៈ​ប្រតិភូ​នៃ​គម្រោង Fair For All របស់​អង្គការអុកស្វាម (Oxfam) ​ចំនួន​៣០នាក់ មក​ពី​​១០​ប្រទេស បាន​មក​ទស្សន​កិច្ច​សិក្សាគ​ម្រោង​ស្រូវ​មិត្ត​ក្រៀល​នៅ​តំបន់​ការ​ពារ​ទេសភាព​អន្លង់​ព្រីង​។ ​ប្រទេសទាំងនោះ​រួម​មាន​៖ វៀតណាម ថៃ ឥណ្ឌូនេស៊ី ភូមា ហូឡង់ ឥណ្ឌា និង​ប្រទេស​នេប៉ាល់ជាដើម។ ​លោក ប៊ូ វរសក្ស ​បន្ត​ថា ​​គោល​បំណង​នៃ​ដំណើរ​ទស្សនកិច្ច​នៅ​តំបន់​អន្លង់​ព្រីង​នេះ ​​ដោយ​សារ​តែ​តំបន់នេះ​ បាន​ផ្ដួច​ផ្ដើ​​ម​គម្រោង​ស្រូវ​មិត្ត​ក្រៀល ដែល​ទទួល​បាន​អត្ថ​ប្រយោជន៍​ទាំង​ការ​ងារ​អភិរក្ស ជីវៈ​​ចម្រុះ និ​ង​ជួយ​បង្កើន​ជីវ​ភាព​ទៅ​ដល់​ប្រជា​សហគមន៍​មូល​ដ្ឋាន​។ លោក​ថ្លែង​ថា​៖ «យើង​បាន​បង្ហាញ​អំពី​គំនិត​ផ្ដួច​ផ្ដើម​​ លក្ខណៈ​វិនិច្ឆ័យ និងនិ​តិវិធី ហើយ​នឹង​កត្តា​ប្រឈម និង​កត្តា​ជោគជ័យ​​​អ្វី​ខ្លះ​ដែល​គម្រោង​នេះ​បាន​អនុវត្ត ដើម្បី​ជា​ការ​សិក្សា​ស្វែង​យល់ និង​ទទួល​យក​នូវ​អនុសា​សាន៍​ផ្សេងៗ​ពី​គណៈ​ប្រតិភូ​ផង​ដែរ​»​​។ បើ​តាម​លោក ប៊ូ វរសក្ស​ ក្រៅ​ពី​ការ​បង្ហាញ​កត្តា​ប្រឈម និង​កត្តា​ជោគជ័យ​នៃ​ការ​អនុវត្ត​ន៍​គម្រោង​នេះ​ហើ​យ គណៈ​កម្មការ​សហគមន៍​ផលិត​ស្រូវ​មិត្ត​ក្រៀល ក៏​បាន​ចូល​រួម​ចែករំ​លែក​ពី​គុណ​សម្បត្តិ និង​កត្តា​ប្រឈ​ម​ដែល​ពួកគាត់​បាន​ជួប​ប្រទះផងដែរ​ ក្រោយ​ពេល​ចូល​រួម​ជា​មួយ​គម្រោង​ស្រូវ​មិត្ត​ក្រៀល​នេះ​​។…

(ភ្នំពេញ)៖ ឆ្លើយតបទៅនឹងសេចក្តីត្រូវការភ្លាមៗរបស់ប្រជាពលរដ្ឋរងគ្រោះដោយទឹកជំនន់ទឹកភ្លៀង តាមសណ្ដស្ទឹងព្រែកត្នោត នៅរសៀលថ្ងៃទី ២១ ខែតុលា ឆ្នាំ២០២៣ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា រួមជាមួយសាខាកាកបាទក្រហម កម្ពុជា រាជធានីភ្នំពេញ និងអនុសាខាកាកបាទក្រហមកម្ពុជា ខណ្ឌកំបូល ចុះសំណេះសំណាល សួរសុខទុក្ខ និងនាំយក អំណោយមនុស្សធម៌ជួយសម្រាលការលំបាកផ្ដល់ជូនប្រជាពលរដ្ឋរងគ្រោះចំនួន ១៦២គ្រួសារ រស់នៅខណ្ឌកំបូល រាជធានីភ្នំពេញ ដែលកំពុងស្នាក់នៅបណ្តោះអាសន្នលើទីទួលសុវត្ថិភាព ដែលពិធីនេះធ្វើឡើងនៅវត្តទ្រនំជ្រឹង ស្ថិតក្នុងខណ្ឌដង្កោ រាជធានីភ្នំពេញ។ លោកជំទាវ ម៉ែន នារីសោភ័គ បានគូសបញ្ជាក់ថា “បច្ចុប្បន្ននេះ រាជរដ្ឋាភិបាលកម្ពុជា ទាំងក្នុងនីតិកាលមុនៗ និងក្នុងនីតិកាលទី៧នេះ គឺមានក្រុមការងារស្បៀងបម្រុង ដែលធ្វើការងារជាមួយគណៈកម្មាធិការជាតិគ្រប់គ្រងគ្រោះមហន្តរាយ ដើម្បីពិនិត្យ វាយតម្ល ទៅលើផលប៉ះពាល់ និងការខ្វះខាតរបស់បងប្អូនប្រជាពលរដ្ឋ។ ដោយឡែក កាកបាទក្រហមកម្ពុជា ក្នុងនាមជាជំនួយការ ឱ្យអាជ្ញាធរសាធារណៈក្នុងវិស័យមនុស្សធម៌ ក្នុងចំណាត់ការភ្លាមៗគឺត្រូវចុះនាំយកអំណោយជួយសម្រាលការលំបាកជូន បងប្អូនប្រជាពលរដ្ឋរងគ្រោះ ដែលរងផលប៉ះពាល់ខ្លាំងជាងគេ។” ជាមួយគ្នានេះ…

(តាកែវ)៖ ឯកឧត្តម អ៊ូច ភា អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ បានថ្លែងអំណរគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែគិតគូរពីសុខទុក្ខរបស់ប្រជាពលរដ្ឋងាយរងគ្រោះ និងរងគ្រោះគ្រប់ប្រភេទ ដោយមិនប្រកាន់ជាតិសាសន៍ ពណ៌សម្បុរ សាសនា ឬនិន្នាការនយោបាយឡើយ ។ ឯកឧត្តម អ៊ូច ភា បានលើកឡើងបែបនេះ ក្នុងពិធីជួបសំណេះសំណាល សួរសុខទុក្ខ និងអប់រំផ្សព្វផ្សាយលើកកម្ពស់ការយល់ដឹងស្តីពី “ជំងឺអេដស៍ ស្វាយ និងកាមរោគអាហារូបត្ថម្ភការថែទាំ សុខភាពបឋមនិងការកាត់បន្ថយការប្រើប្រាស់ថង់ប្លាស្ទិក” ដល់អ្នកផ្ទុកមេរោគអេដស៍ ចាស់ឥតទីពឹង និងស្ត្រីទើប សម្រាលកូនរួច ចំនួន ១២៥គ្រួសារ ដែលពិធីនេះប្រព្រឹត្តទៅមន្ទីរពេទ្យបង្អែកអង្គរបូរី ខេត្តតាកែវ នៅថ្ងៃទី ២១ ខែតុលា ឆ្នាំ២០២៣ ។ ឯកឧត្តម ក៏បានអំពាវនាវដល់អាជ្ញាធរមូលដ្ឋាន សូមយកចិត្តទុកដាក់ចំពោះអ្នកជំងឺអេដស៍ ហើយត្រូវស្វែងរកអ្នកជំងឺអេដស៍ដទៃទៀត ឱ្យស្ម័គ្រចិត្តទៅធ្វើតេស្តឈាម និង ទទួលថ្នាំប្រឆាំងមេរោគអេដស៍ ដោយមិនត្រូវអៀនខ្មាស់អ្វីឡើយ ។ លោកជំទាវ ម៉ែន នារីសោភ័គ អគ្គលេខាធិការរងទី១…

(មណ្ឌលគិរី)៖ សាលារៀនថ្មី១ខ្នង មាន៤បន្ទប់ បានសាងសង់រួចរាល់និងដាក់សម្ភោធឱ្យប្រើប្រាស់ជាផ្លូវការ នៅព្រឹកថ្ងៃទី២១ ខែតុលាឆ្នាំ២០២៣ ក្រោមអធិបតីភាព លោកជំទាវ ម៉ាត់ ម៉ារ៉ា រដ្ឋលេខាធិការក្រសួងអភិវឌ្ឍជនបទ អភិបាលរងខេត្តមណ្ឌលគិរី លោកស្រី ទាវ ប៊ុនចិន្តា អនុប្រធាន មជ្ឈមណ្ឌលទេសចរណ៍វប្បធម៌ កម្ពុជា-ចិន នឹងជាប្រធានផ្នែក ទំនាក់ទំនងអន្តរជាតិ ព្រមទាំងអាជ្ញាធរពាក់ព័ន្ធ លោកគ្រូអ្នកគ្រូ សិស្សានុសិស្ស នៅភូមិចុងថាងជេអេ ឃុំពូជ្រៃ ស្រុកពេជ្រដា ខេត្តមណ្ឌលគីរី ។ លោកស្រី ទាវ ប៊ុនចិន្តា អនុប្រធាន មជ្ឈមណ្ឌលទេសចរណ៍វប្បធម៌ កម្ពុជា-ចិន បានថ្លែងថា ដោយមើលឃើញពីកង្វះខាតរបស់លោកគ្រូអ្នកគ្រូ និងសម្ភារសិក្សាក្មេងៗសិស្សានុសិស្សដែលមានជីវភាពខ្វះខាត នៅតំបន់ដាច់ស្រយាល សមាគមទេសចរណ៍វប្បធម៍ កម្ពុជា-ចិន បានសម្រេចផ្តល់ជំនួយការសាងសង់ សាលារៀនថ្មី ដែលជំនួសឱ្យសាលារៀនដែលមានសភាពចាស់ទ្រុឌទ្រោម និងលិចទឹកក្នុងថ្នាក់រៀន ដើម្បីចូលរួមចំណែកជួយដល់កុមារក្រីក្រ អោយទទួលបាន ការសិក្សាអប់រំនិងរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍធនធានមនុស្ស ជំរញការអប់រំនៅតាមជនបទ ។ សាលារៀនថ្មីដែលសាងសង់នេះ បានចំណាយថវិការសាងសង់អស់ប្រមាណ ៦មឺនដុល្លារសហរដ្ឋអាមេរិក ។ ថ្លែងក្នុងឱកាសនោះ…

(ភ្នំពេញ)៖ បេីតាមការបញ្ចាក់ពីអាជ្ញាធរខណ្ឌដង្កោ បានឱ្យដឹងនាព្រឹកថ្ងៃទី២១ ខែតុលា ឆ្នាំ ២០២៣នេះ ថា នៅលើកំណាត់ផ្លូវលេខ១០៤ គិតចាប់ពីកែងផ្លូវក្រវាត់ក្រុងទី៣ រហូតដល់ព្រុំប្រទល់ នៃខេត្តកណ្តាល បានសម្រេចបិទលំហូរចរាចរណ៍បណ្ដោះអាសន្ន ដោយសារតែស្ថានភាពផ្លូវត្រូវទឹកស្ទឹងព្រែក ត្នោតហូរកាត់កាន់តែខ្លាំង ។ អាជ្ញាធរបានឱ្យដឹងថា ផ្លូវខាងលើនេះស្ថិតនៅក្បែរប្របនឹងសណ្តរស្ទឹង ដោយអាជ្ញាធរបិទលំហូរចរាចរណ៍ប្រមាណ២ជាង គីឡូម៉ែត្រ ក្នុងនោះក៏មានការអនុញ្ញាត្តិឱ្យឆ្លងកាត់តែសម្រាប់ម៉ូតូតែប៉ុណ្ណោះ ក្រៅពីនោះគ្រប់យានយន្តគ្រប់ប្រភេទ គឺត្រូវបានហាមឃាត់ ដោយតម្រូវឱ្យធ្វើដំណើរវៀងទៅផ្លូវផ្សេង លើក លែងតែម្ចាស់យានយន្តទាំងឡាយណាដែលជាពលរដ្ឋរស់នៅក្បែរ តំបន់រងគ្រោះនោះប៉ុណ្ណោះដែលត្រូវបានអនុញ្ញាតឱ្យធ្វើដំណើរចូល ។ គួរបញ្ជាក់ថា គិតត្រឹមថ្ងៃទី២១ ខែតុលា ឆ្នាំ២០២៣នេះ លំនៅ ឋានពលរដ្ឋជាង ១៦០០ខ្នងផ្ទះហើយ ក្នុងមូលដ្ឋានខណ្ឌដង្កោ ត្រូវទទួលរងនូវការជន់លិចពីទឹកស្ទឹងព្រែកត្នោត ។ ដោយក្នុងនោះទឹកស្ទឹងបានបង្កផលប៉ះពាល់ដល់ភូមិចំនួន៣៣ភូមិ ក្នុងសង្កាត់ចំនួន០៩ ដោយមានពលរដ្ឋរងគ្រោះ សរុប ៦៩៣៣នាក់ និងមាន ផ្លូវ១៩ខ្សែ , សាលារៀនចំនួន០៤ , វត្តអារាមចំនួន០៤ , សាលាសង្កាត់ចំនួន០៤ , ប៉ុស្តិ៍នគរបាលចំនួន០៣ និង មណ្ឌលសុខភាពចំនួន០២ ក៏ត្រូវបានទទួលរងនូវការជន់លិច…

ភ្នំពេញ៖កាកបាទក្រហមកម្ពុជាបានបន្តសកម្មភាពចុះផ្សព្វផ្សាយបង្កើនការយល់ដឹងពី បញ្ហាមេរោគអេដស៍ ​និងកាមរោគ ជូនពលរដ្ឋក្នុងខេត្តតាកែវ និងបានផ្តល់អំណោយជូនពលរដ្ឋងាយរងគ្រោះជាង១២០គ្រួសារនៅថ្ងៃទី ២១ ខែតុលា ឆ្នាំ២០២៣ ក្រោមអធិបតីភាពលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ និងឯកឧត្តម អ៊ូច ភា អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តតាកែវ។  ពិធីជួបសំណេះសំណាល សួរសុខទុក្ខ និងអប់រំផ្សព្វផ្សាយនេះ ដើម្បីលើកកម្ពស់ការយល់ដឹងស្តីពី «មេរោគអេដស៍ ជំងឺអេដស៍ ស្វាយ និងកាមរោគ, អាហារូបត្ថម្ភ, ការថែទាំសុខភាពបឋម, និងការកាត់បន្ថយការប្រើប្រាស់ថង់ប្លាស្ទិក» ដល់អ្នកផ្ទុកមេរោគអេដស៍ ចាស់ឥតទីពឹង និងស្ត្រីទើបសម្រាលផងដែរ ។ ពិធីនេះប្រព្រឹត្តទៅនៅមន្ទីរពេទ្យបង្អែកអង្គរបូរី ខេត្តតាកែវ ដែលមានការចូលរួមពីភាគីពាក់ព័ន្ធ និងពលរដ្ឋរងគ្រោះដោយសារមេរោគអេដស៍ជាច្រើននាក់ផងដែរ។កាកបាទក្រហមកម្ពុជា បានឱ្យដឹងថា អ្នកផ្ទុកមេរោគអេដស៍ ចាស់ឥតទីពឹង និងស្ត្រីទើបសម្រាលកូនរួច ចំនួន ១២៥គ្រួសារ ទទួលបានអំណោយ ដោយគ្រួសារនិមួយៗទទួលបាន  អង្ករ ២៥គីឡូក្រាម, មី ១កេស, ត្រីខ ១០កំប៉ុង, ឃីត (មុង…

កណ្ដាល៖អភិបាលរងខេត្តកណ្ដាលលោកស្រី ហ៊ុន កុសនី  ស្នើដល់មន្ទីរវប្បធម៌ និងវិចិត្រសិល្បៈខេត្ត ត្រូវមានការសហការយ៉ាងជិតស្និទ្ធ ជាមួយអាជ្ញាធរដែនដី និងមន្ទីរពាក់ព័ន្ធ បន្តកិច្ចការពារបុរាណដ្ឋានសំណង់និងបេតិកភណ្ឌវត្ថុបុរាណ ឱ្យកាន់តែសកម្មថែមទៀត ដើម្បីរក្សានិងលើកស្ទួយវប្បធម៌ខ្មែរ។ ការស្នើរបស់លោកស្រី ហ៊ុន កុសនី បានធ្វើឡើងនៅឱកាសដែលមន្ទីរវប្បធម៌ និងវិចិត្រសិល្បៈខេត្តកណ្ដាល បានរៀបចំពិធីបិទមហោស្រពសិល្បៈមហាជន ខេត្តកណ្ដាល លើកទី៥ ឆ្នាំ២០២៣ កាលពី ទី២០ ខែតុលា ឆ្នាំ២០២៣។ មហោស្រពសិល្បៈមហាជននេះត្រូវបានប្រារព្ធប្រារព្វឡើងរយៈពេល ២ថ្ងៃ គឺថ្ងៃទី១៩-២០ ខែតុលា ឆ្នាំ២០២៣ ក្នុងគោលបំណងលើកស្ទួយសិល្បៈ វប្បធម៌ជាតិ ការចែករំលែកចំណេះ និងជំនាញសិល្បះ រវាងក្រុមសិល្បៈនិមួយៗ ដែលជាទូទៅ មានភាពខុសប្លែកគ្នាពីតំបន់មួយទៅតំបន់មួយទៀត អាស្រ័យលើជីវភាព ស្ថានភាព និងទំនៀមទម្លាប់ប្រពៃណី នៃការរស់នៅរបស់ប្រជាពលរដ្ឋក្នុងតំបន់នោះ។នេះបើតាមរដ្ឋបាលខេត្តកណ្តាល។  ក្នុងឱកាសនោះលោកស្រី ហ៊ុន កុសនី បានស្នើដល់មន្ទីរវប្បធម៌ និងវិចិត្រសិល្បៈខេត្ត ត្រូវមានការសហការយ៉ាងជិតស្និទ្ធ ជាមួយអាជ្ញាធរដែនដី និងមន្ទីរពាក់ព័ន្ធបន្តកិច្ចការពារបុរាណដ្ឋានសំណង់បេតិកភណ្ឌវត្ថុបុរាណ ស្ថានីយ បុរាណ ប្រពៃណីទំនៀមទម្លាប់ កិច្ចប្រតិបត្តិសង្គម សីលធម៌ និងគុណតម្លៃរបស់ខ្មែរ ឱ្យកាន់តែសកម្មថែម…

(ភ្នំពេញ)៖ ក្នុងឱកាសចុះពិនិត្យស្ថានភាពទឹកជំនន់ នៅតាមបណ្ដោយសន្តរស្ទឹងព្រែកត្នោត ក្នុងភូមិសាស្រ្តខណ្ឌដង្កោ រាជធានីភ្នំពេញ នាព្រឹកថ្ងៃទី២១ ខែតុលា ឆ្នាំ២០២៣នេះ ឯកឧត្តម ឃួង ស្រេង អភិបាលរាជធានីភ្នំពេញ បានបញ្ជាក់ឲ្យដឹងថា ស្ថានភាពទឹកស្ទឹងព្រែកត្នោត គិតត្រឹមព្រឹកថ្ងៃទី២១ តុលានេះ មានសភាពហ្នឹងងនរ ហើយកន្លែងខ្លះក៏បានស្រកចុះខ្លះៗហើយដែរ ប៉ុន្តែទោះជាយ៉ាងណា ឯកឧត្តម អំពាវឲ្យបងប្អូនប្រជាពលរដ្ឋទាំងអស់មានការប្រុងប្រយ័ត្នខ្ពស់ ។ ឯកឧត្តម ឃួង ស្រេង បន្តថា ស្ថានភាពជំនន់ទឹកភ្លៀងនៅព្រៃកត្នោត គិតមកដល់ពេលនេះ មានសភាពនៅទ្រឹង ទោះជាយ៉ាងក្តី ឯកឧត្តម សូមឱ្យបងប្អូនប្រជាពលរដ្ឋទាំងអស់ដែលទទួលរងការលិចលង់នេះមានការប្រុងប្រយ័ត្នខ្ពស់ ពិសេសក្មេងតូចៗ ។ ឯកឧត្តម ឃួង ស្រេង ក៏បានបញ្ជាក់ដែរថា មានសង្កាត់ចំនួន១០ នៅតាមបណ្ដោយស្ទឹងព្រែកត្នោត ក្នុងខណ្ឌដង្កោបានទទួលរងការលិចលង់ ប៉ះពាល់ប្រជាពលរដ្ឋ ២០៧៥គ្រួសារ ។ ចំពោះបងប្អូនប្រជាពលរដ្ឋរងគ្រោះ រដ្ឋបាលរាជធានីភ្នំពេញនឹងនាំយកអំណោយរបស់កាកបាទក្រហមលម្ពុជា និង អំណោយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ កម្ពុជាមកចែកជូន នៅពេលខាងមុខនេះ ។…