-
ប្រធានាធិបតីប៉ាឡេស្ទីនលុបចោលកិច្ចប្រជុំកំពូលជាមួយលោក ចូ បៃដិន
រ៉ាម៉ាឡាហ៍៖ មេដឹកនាំប៉ាឡេស្ទីនបានសម្រេចចិត្តលុបចោលកិច្ចប្រជុំកំពូលជាមួយប្រធានាធិបតីអាមេរិក លោក ចូ បៃដិន បន្ទាប់ពីមីស៊ីលធ្លាក់ចំមន្ទីរពេទ្យមួយកន្លែងនៅតំបន់ហ្កាហ្សា ដែលបណ្តាលអោយមានមនុស្សស្លាប់និងរបួសរាប់រយនាក់។ ប្រធានាធិបតីប៉ាឡេស្ទីន លោក ម៉ាម៉ូដ អាបាស់ បានគូសបញ្ជាក់ថា រូបលោកបានឯកភាពជាមួយមេដឹកនាំអេហ្ស៊ីប និងហ្ស៊កដានី ក្នុងការលុបចោលកិច្ចប្រជុំកំពូលបួនភាគី ដែលក្នុងនោះរួមមានលោកផ្ទាល់ ព្រះអង្គម្ចាស់ហ្ស៊កដានី អាប់ឌុលឡា ២ និងប្រធានាធិបតីអេហ្ស៊ីប ជាមួយប្រធានាធិបតីអាមេរិក លោក ចូ បៃដិន។ ការលុបចោលកិច្ចប្រជុំកំពូលនេះ បានកើតមានឡើងបន្ទាប់ពីមានការវាយប្រហារដោយមីស៊ីលលើមន្ទីរពេទ្យមួយកន្លែងនៅតំបន់ហ្កាហ្សា ដែលបណ្តាលអោយមានមនុស្សស្លាប់ និងរបួសរាប់រយនាក់។ ទន្ទឹមគ្នា ក្រុមហាម៉ាស់បានចោទប្រកាន់អ៊ីស្រាអែលនៅពីក្រោយការវាយប្រហារនេះ ខណៈដែលអ៊ីស្រាអែលបាននិយាយថា នោះគឺជាការបាញ់ខុស ពីក្រុមសកម្មប្រយុទ្ធជីហាតអ៊ីស្លាមនៅតំបន់ហ្កាហ្សា (PIJ) ទៅវិញទេ។ជុំវិញបញ្ហានេះដែរ ប្រធានាធិបតីប៉ាឡេស្ទីន លោក ម៉ាម៉ូដ អាបាស់ បាននិយាយថា នៅចំពោះមុខសោកនាដកម្មដែលបានកើតឡើងនៅយប់មិញ ហើយដើម្បីការពារប្រជាជនរបស់យើង ខ្ញុំបានសម្រេចចិត្តលុបចោលដំណើរទស្សនកិច្ចរបស់ខ្ញុំទៅកាន់ទីក្រុងអាម៉ាន់ ហើយត្រលប់មកមាតុភូមិវិញ ដើម្បីនៅជាមួយប្រជាជនរបស់ខ្ញុំក្នុងអំឡុងពេលមានទុក្ខធំនេះ។ ប្រធានាធិបតីប៉ាឡេស្ទីនរូបនេះបានបន្ថែមថា ខ្ញុំបានយល់ព្រមជាមួយបងប្អូននៅហ្ស៊កដានី និងអេហ្ស៊ីប ក្នុងការលុបចោលកិច្ចប្រជុំកំពូលបួនភាគី ដែលគ្រោងធ្វើឡើងនៅក្នុងទីក្រុងអាម៉ាន់ នៅថ្ងៃពុធទី១៨ ខែតុលានេះ ជាមួយប្រធានាធិបតីអាមេរិក លោក ចូ…
-
យានយន្តល្មើសចំនួន ៧៧គ្រឿង ត្រូវបានត្រួតពិនិត្យ និងបានផាកពិន័យ នៅថ្ងៃទី១៧ ខែតុលា ម្សិលមិញនេះ
ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី១៧ ខែតុលា ឆ្នាំ២០២៣ ម្សិលមិញបានឱ្យដឹងថា មានគោលដៅសារុបចំនួន ៤២គោលដៅ មានយានយន្តចូលគោលដៅចំនួន ៤៤៦គ្រឿង រថយន្តធំ ០គ្រឿង រថយន្តតូច ៤៤គ្រឿង ម៉ូតូ ៤០២គ្រឿង ក្នុងនោះរកឃើញយានយន្តល្មើសសរុប ចំនួន ៧៧គ្រឿង មានរថយន្តធំ ០គ្រឿង រថយន្តតូច ១៦គ្រឿង និងម៉ូតូចំនួន ៦១គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ ៕ ដោយ ៖ ប៊ុនធី និង ភារ៉ា
-
រដ្ឋមន្រ្តីយុត្តិធម៌ណែនាំឱ្យមន្រ្តីអនុវត្តច្បាប់ទាំងអស់ត្រូវចាត់ទុកការកែទម្រង់ច្បាប់ និងប្រព័ន្ធយុត្តិធម៌ ជាការងារអាទិភាព
កណ្ដាល៖រដ្ឋមន្រ្តីក្រសួងយុត្តិធម៌ឯកឧត្តម កើត រិទ្ធ បានណែនាំដល់ថ្នាក់ដឹកនាំ និងមន្ត្រីរាជការនៃសាលាជម្រះក្តី និងអង្គការអយ្យការអមសាលាជម្រះក្តីគ្រប់ជាន់ថ្នាក់ រួមនឹងមន្ត្រីអនុវត្តច្បាប់ទាំងអស់ ត្រូវចាត់ទុក «ការកែទម្រង់ច្បាប់ និងប្រព័ន្ធយុត្តិធម៌» ជាការងារអាទិភាព ខណៈសង្គមស៊ីវិលគាំទ្រលើការណែនាំនេះផងដែរ។ ឯកឧត្តម កើត រិទ្ធ បានលើកឡើងដូចនេះ កាលពីថ្ងៃទី១៦ ខែតុលា ក្នុងពិធីប្រកាសផ្ទេរ និងចូលកាន់មុខតំណែងរបស់លោក ជឺ សុខ ជាប្រធានសាលាដំបូងខេត្តកណ្តាល ជំនួសលោក ហុក វ៉ាន់ធីណា ដែលត្រូវបានផ្ទេរភារកិច្ចទៅជាប្រធានសាលាដំបូងខេត្តសៀមរាប។ យោងតាមហ្វេសប៊ុកក្រសួងយុត្តិធម៌ ឆ្លៀតក្នុងឱកាសប្រកាសផ្ទេរតំណែងនេះ លោករដ្ឋមន្ត្រី បានថ្លែងបញ្ជាក់ដល់ថ្នាក់ដឹកនាំ មន្ត្រីរាជការនៃសាលាជម្រះក្តី ក៏ដូចជាមន្ត្រីអនុវត្តច្បាប់ដែលមានការពាក់ព័ន្ធទាំងអស់ ពីទិសដៅការងារកែទម្រង់វិស័យយុត្តិធម៌របស់រាជរដ្ឋាភិបាលនីតិកាលទី៧ ត្រូវបន្តចាត់ទុក ការកែទម្រង់ច្បាប់ និងប្រព័ន្ធយុត្តិធម៌ ជាការងារអាទិភាព។ លោកថា ត្រូវរៀបចំការងារកែទម្រង់នេះជាមុំមួយសំខាន់ក្នុងចំណោមមុំទាំង៥ ដែលបង្កើតបានជាស្នូលនៃយុទ្ធសាស្ត្របញ្ចកោណ-ដំណាក់កាលទី១ ដែលត្រូវបានប្រកាសដាក់ឱ្យអនុវត្តដោយប្រមុខរាជរដ្ឋាភិបាល នៅក្នុងកិច្ចប្រជុំពេញអង្គគណៈរដ្ឋមន្ត្រីលើកទី១ កាលពីថ្ងៃទី២៤ ខែសីហា ឆ្នាំ២០២៣ កន្លងទៅ។ លោក កើត រិទ្ធ បញ្ជាក់ថា ៖ «ការពង្រឹង និងលើកកម្ពស់គុណភាព និងប្រសិទ្ធភាពនៃប្រព័ន្ធយុត្តិធម៌…
-
ថ្នាក់ដឹកនាំក្រសួងការងារ ចុះពិនិត្យស្ថានភាពទឹកជំនន់តាមរោងចក្រ សហគ្រាស ក្នុងស្រុកគងពិសី ខេត្តកំពង់ស្ពឺ និងខណ្ឌកំបូល រាជធានីភ្នំពេញ
(ភ្នំពេញ)៖ ឯកឧត្តម គុយ រតនា រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ អមដំណើរដោយឯកឧត្តម អ៊ុក ចាន់ធូ អនុរដ្ឋលេខាធិការ ប្រធានមន្ទីរការងារ និងបណ្តុះបណ្តាលវិជ្ជាជីវៈ ខេត្តកំពង់ស្ពឺ និងមន្រ្តីអធិការកិច្ចការងារ នៅថ្ងៃទី១៧ ខែតុលា ឆ្នាំ២០២៣ បានអញ្ជើញចុះពិនិត្យដោយផ្ទាល់នៅតាមបណ្តារោងចក្រ សហគ្រាសចំនួន១០ នៅក្នុងស្រុកគងពិសី ខេត្តកំពង់ស្ពឺ តាមបណ្តោយផ្លូវជាតិលេខ៣ ចន្លោះគីឡូម៉ែត្រលេខ ៤៦-៤៨ ដែលមានកម្មករនិយោជិតសរុបចំនួន ៤៧៤៧នាក់ (ស្រី ២៧២៩នាក់) និងរោងចក្រចំនួន៤ នៅក្នុងតំបន់សេដ្ឋកិច្ចវីលស៊ុន ដែលស្ថិតនៅសង្កាត់កំបូល ខណ្ឌកំបូល រាជធានីភ្នំពេញ ដែលមានកម្មករនិយោជិតសរុបចំនួន ២២១៥នាក់ (ស្រី ១៧៥២នាក់) ដែលទទួលរងផលប៉ះពាល់ដោយជំនន់ទឹកភ្លៀង។ ក្នុងការអញ្ជើញចុះពិនិត្យទីតាំងខាងលើ ឯកឧត្តម គុយ រតនា បានជួបជាមួយតំណាងរោងចក្រ សហគ្រាស ដោយបានសំដែងការចូលរួមសោកស្តាយចំពោះផលប៉ះពាល់ដោយគ្រោះធម្មជាតិនេះ។ ឯកឧត្តមរដ្ឋលេខាធិការ បានទទួលយកសំណូមពររបស់រោងចក្រ សហគ្រាស ដែលបានស្នើសុំដល់អាជ្ញាធរក្នុងការជួយពន្លឿនបង្ហូរទឹកចេញ និងធ្វើការរាយការណ៍ជូនថ្នាក់ដឹកនាំក្រសួង។ ទន្ទឹមនេះ ឯកឧត្តមក៏បានស្នើសុំដល់រោងចក្រ សហគ្រាស បន្តយកចិត្តទុកដាក់ សម្របសម្រួល…
-
អភិបាលខេត្តប៉ៃលិន ផ្ដួចផ្ដើមបង្កើត «ផ្ទះបរិច្ចាគ» ដើម្បីជួយទៅដល់ពលរដ្ឋដែលខ្វះខាត
ប៉ៃលិន៖អភិបាលខេត្តប៉ៃលិន បានផ្ដួចផ្ដើមបង្កើតផ្ទះបរិច្ចាគ ដើម្បីជួយផ្ដល់ជាស្បៀងអាហារ និងសម្ភារផ្សេងៗទៅដល់ពលរដ្ឋដែលខ្វះខាត និងជនចំណាកស្រុក ។ផ្ទះបរិច្ចាគនេះ ប្រកាសបើកទទួលពីសប្បុរសជននានាគ្រប់មជ្ឈដ្ឋានចាប់ពីថ្ងៃទី ១៦ ខែតុលា តទៅ។ លោកជំទាវ បាន ស្រីមុំ អភិបាលខេត្តប៉ៃលិន បានឱ្យដឹងនៅថ្ងៃទី១៧ ខែតុលាថា ផ្ទះបរិច្ចាគនេះ ផ្ដួចផ្ដើមបង្កើតឡើងក្នុងគោលបំណងដើម្បីឱ្យមនុស្សគ្រប់គ្នា មាននូវវប្បធម៌ចេះចែករំលែក និងធ្វើអំពើល្អតាមរយៈការធ្វើបុណ្យដាក់ទានជួយដល់អ្នកទន់ខ្សោយ ខ្វះខាត ហើយក៏បង្កើតឡើងដើម្បីទទួល និងផ្ដល់សម្ភារគ្រឿងឧបភោគ បរិភោគ ដល់ទុរគតជន និងជនចំណាកស្រុកផងដែរ។ លោកជំទាវបន្តថា ទោះបីអាជ្ញាធរខេត្តបានកំណត់ថា ការផ្ដល់អំណោយនេះបានតែពលរដ្ឋដែលខ្វះខាតក៏ដោយ ប៉ុន្តែផ្ទះបវិច្ចាគនេះបានផ្ដល់អត្ថប្រយោជន៍ដល់ប្រជាជនគ្រប់រូប មិនថាប្រជាពលរដ្ឋមានការខ្វះខាត ជនបរទេសជាចំណាកស្រុក ហើយដើរឆ្លងកាត់អាចចូលផ្ទះបរិច្ចាគ ដើម្បីយកស្បៀង សម្លៀកបំពាក់ សម្ភារប្រើប្រាស់ផ្សេងៗបាន ដែលមានទីតាំងនៅមុខសាលាខេត្តប៉ៃលិនតែម្តង។ លោកជំទាវ បាន ស្រីមុំ បញ្ជាក់ថា ៖ «សរុបមក ការបង្កើតផ្ទះបរិច្ចាគនេះឡើង មិនមែនមានន័យថា ប្រជាពលរដ្ឋនៅក្នុងខេត្តប៉ៃលិននេះមានជីវភាពខ្វះខាតមានចំនួនច្រើននោះទេ តែយើងមានបងប្អូនចំណាកស្រុកឆ្លងកាត់ មានអ្នកមកពីខេត្តផ្សេងៗមកសម្រាកព្យាបាលជំងឺ និងមានការខ្វះខាត យើងជួយទាំងអស់។ នេះគឺជាការបង្រៀនអ្នកមានលទ្ធភាព ឱ្យចេះចែករំលែកដល់អ្នកទន់ខ្សោយ តាមរយៈធ្វើបុណ្យដាក់ទាននេះ»។ លោកជំទាវបន្ថែមថា ការដាក់ឱ្យដំណើរសាកល្បងនៅផ្ទះបរិច្ចាគនេះ…
-
អាជ្ញាធរខេត្តកណ្ដាលប្រកាសឱ្យពលរដ្ឋរស់នៅបណ្តោយស្ទឹងព្រែកត្នោត ត្រូវបង្កើនការប្រុងប្រយ័ត្ន
កណ្ដាល៖អាជ្ញាធរខេត្តកណ្ដាល បានប្រកាសឱ្យពលរដ្ឋរស់នៅបណ្តោយសណ្ដស្ទឹងព្រែកត្នោត និងព្រែកមួយចំនួនក្នុងក្រុងតាខ្មៅ ត្រូវបង្កើនការប្រុងប្រយ័ត្នដោយសារតែផ្ទៃខាងលើនៃស្ទឹងព្រែកត្នោត មានភ្លៀងធ្លាក់ខ្លាំងជាបន្តបន្ទាប់ ដែលអាចនឹងបង្កឱ្យមានទឹកជំនន់។ បើតាមមន្ទីរធនធានទឹក និងឧតុនិយមខេត្តកណ្តាលបានប្រកាសឱ្យដឹងនៅថ្ងៃទី១៧ ខែតុលាថា ប្រជាពលរដ្ឋដែលរស់នៅតាមតំបន់បណ្តោយសណ្ដរស្ទឹងព្រែកត្នោត និងព្រែកមួយចំនួន ក្នុងក្រុងតាខ្មៅ ខេត្តកណ្ដាល ត្រូវចូលរួមបង្កើនការយកចិត្តទុកដាក់ ប្រុងប្រយ័ត្នឱ្យបានខ្ពស់។ សេចក្តីប្រកាសបន្តថា ដោយសារផ្នែកខាងលើនៃស្ទឹងព្រែកត្នោត មានស្រុកភ្នំស្រួច ស្រុកសំរោងទង ស្រុកឱរ៉ាល់ នៃខេត្តកំពង់ស្ពឺ មានការធ្លាក់ភ្លៀងជាបន្តបន្ទាប់ ដែលកម្ពស់ទឹកភ្លៀងក្នុងតម្រងជាំ មានកម្រិត ១០៨មីលីម៉ែត្រ និងតម្រងស្រែខ្លុង មានកម្រិត ៨៥មីលីម៉ែត្រ និងតម្រងពាមឃ្ល មានកម្រិត ១០៨មីលីម៉ែត្រ។ មន្ទីរធនធានទឹកខេត្តកណ្តាកបញ្ជាក់ថា ក្នុងកម្រិតកម្ពស់ទឹកភ្លៀងបែបនេះ បានធ្វើឱ្យទំនប់តាសាល បានបើកទ្វារទឹកចំនួនបីទ្វារ ខណៈទំនប់រលាំងជ្រៃ បានបើកទ្វារទឹកចំនួនប្រាំទ្វារ ស្របពេលទំនប់៧មករា ក៏បានបើកទ្វារទឹកចំនួនបួនទ្វារផងដែរ»។ លោក នូវប៉េង ច័ន្ទតារា អភិបាលរងខេត្តកណ្ដាល បានថ្លែងឱ្យដឹងនៅរសៀលថ្ងៃទី១៧ ខែតុលាដែរថា មកដល់ពេលនេះ នៅតាមព្រែកមួយចំនួននៅក្រុងតាខ្មៅ មិនទាន់មានការប្រែប្រួលអ្វីនោះទេ ក៏ប៉ុន្តែទោះបីជាមិនមានការប្រែប្រួលក៏ដោយ លោកស្នើឱ្យប្រជាពលរដ្ឋនៅតាមបណ្ដោយស្ទឹង និងព្រែកទាំងនោះត្រូវបង្កើនការប្រុងប្រយ័ត្ន។ លោកបន្តថា ទន្ទឹមនេះអាជ្ញាធរខេត្ត តែងតែបានត្រៀមរៀបចំឆ្លើយតបទៅនឹងបញ្ហាការហក់ឡើងនៃកម្ពស់ទឹកនេះផងដែរ ដូចជាការត្រៀមកន្លែងដែលមានសុវត្ថិភាពសម្រាប់ជួយប្រជាពលរដ្ឋដែលរងផលប៉ះពាល់កុំឱ្យមានគ្រោះថ្នាក់…
-
អ្នកអភិរក្សប្រទះឃើញសត្វត្រយងចង្កំកសចំនួនបួនក្បាល នៅក្នុងតំបន់ការពារធម្មជាតិជាមួយហ្វូងសត្វស្លាបដទៃទៀត
ភ្នំពេញ៖សត្វត្រយងចង្កំកសចំនួនបួន ក្បាលត្រូវបានគេប្រទះឃើញ កំពុងរស់នៅលាយឡំជាមួយ ហ្វូងសត្វដទៃទៀតក្នុងតំបន់ការពារ ធម្មជាតិ នៅខេត្ត រតនគីរី។ ក្រសួងបរិស្ថានបានឱ្យដឹងថា ការរកឃើញសត្វដ៏កម្រមួយ ក្រុម នេះ បន្ទាប់ពី មន្រ្តីឧទ្យានុរក្សនៃមន្ទីរបរិស្ថានខេត្តរតនគីរី ប្រចាំ ស្នាក់ការ រងស្រែជ្រៃ កាលពីថ្ងៃទី១៦ ខែតុលា ឆ្នាំ២០២៣ បានចុះ ជំរឿន សត្វ ត្រយងចង្កំកស នៅចំណុចភូមិចំរើន ខេត្តរតនគិរី។ជាលទ្ធផល បាន ឃើញត្រយងចង្កំកសចំនួនបួនក្បាល នៅ លើទ្រនំដើមឈើក្នុង តំបន់ការពារធម្មជាតិ ជាមួយហ្វូងសត្វស្លាបជាច្រើន។ គួរបញ្ជាក់ថាសត្វត្រយងចង្កំកស មានឈ្មោះវិទ្យាសាស្ត្រថា Pseudibis davisoni ។ជាប្រភេទសត្វជិតផុតពូជបំផុត (CR) លើ ពិភពលោក ក្នុងបញ្ជីក្រហម IUCN ។វាមានវត្តមានពេញមួយឆ្នាំ នៅប្រទេសកម្ពុជា ដោយច្រើនរស់នៅ និងរកចំណីជាហ្វូង នៅតាម តំបន់ព្រៃល្បោះ តាមដងទន្លេ តំបន់ដីសើមក្នុងព្រៃល្បោះ និងតំបន់ ដីសើមតាមវាលទំនាប ភាគច្រើននៅភូមិភាគឧត្តរ និងភូមិភាគ ឦសានប្រទេស ដូចជា…
-
ក្រសួងបរិស្ថានដាក់ចេញនូវវិធានការទប់ស្កាត់បទល្មើសធនធានធម្មជាតិ
ភ្នំពេញ៖ក្រសួងបរិស្ថានបានបញ្ជាក់ពីការបានយកចិត្តទុកដាក់ជា អាទិភាព លើចីរភាពបរិស្ថាន ដែលមានចែងនៅក្នុងយុទ្ធសាស្រ្ត បញ្ចកោណ ដំណាក់កាលទី១ នៃរាជរដ្ឋាភិបាលកម្ពុជា ។ នៅថ្ងៃទី ១៧ ខែតុលា ឆ្នាំ ២០២៣នេះ ក្រសួងបរិស្ថានបាន ដាក់ ចេញវិធានការចម្បងចំនួន៤ ដើម្បីគ្រប់គ្រងធនធានធម្មជាតិ និង អភិរក្សជីវៈចម្រុះ ឲ្យមានប្រសិទ្ធភាព និងដើម្បីការអភិវឌ្ឍដោយចីរភាព រួមមានដូចជា៖១) ក្រសួងបរិស្ថានជំរុញការអនុវត្តច្បាប់១០០ភាគរយ និងបញ្ចប់ នូវវប្បធម៌អប់រំណែនាំ និងចុះកិច្ចសន្យា ហើយដោះលែងចំពោះអ្នក ប្រព្រឹត្តបទល្មើសធនធានធម្មជាតិ។២) ក្រសួងបរិស្ថាន សហការ ជាមួយ គណៈបញ្ជាការឯកភាពរដ្ឋបាលរាជធានី-ខេត្ត ជាពិសេសជា មួយអាជ្ញាធរដែនដី ឱ្យបានស្អិតរមួត ដើម្បីទប់ស្កាត់បទល្មើសធនធាន ធម្មជាតិ នៅតាមតំបន់ការពារធម្មជាតិ។៣) សហការជាមួយ អង្គភាព ប្រឆាំងនឹងអំពើពុករលួយ និងបញ្ជាការដ្ឋានកងរាជអាវុធហត្ថលើផ្ទៃ ប្រទេស ធ្វើការបង្រ្កាបនិងទប់ស្កាត់បទល្មើសធនធានធម្មជាតិ បន្ថែម លើកិច្ចសហការជាមួយអាជ្ញាធរមូលដ្ឋាន ដែលបានអនុវត្តកន្លងមកនិង៤)ការដាំដើមឈើឱ្យច្រើនជាងការកាប់ដើម្បីរក្សានូវកំណើន ជាពិសេសការជំរុញការដាំស្តាព្រៃឈើ ជាទិសដៅអាទិភាព បង្កើនគម្របព្រៃឈើឲ្យបាន៦០ភាគរយ នៅឆ្នាំ២០៥០ ស្របតាម យុទ្ធសាស្ត្របញ្ចកោណ របស់រាជរដ្ឋាភិបាលកម្ពុជា និងលើកកម្ពស់…
-
ក្នុងឆ្នាំ២០២៣ សត្វចាបព្រៃវែងជិត ៥ពាន់ក្បាលត្រូវបានកត់ត្រា ឃើញ នៅ តំបន់ ការពារទេសភាព បឹងព្រែកល្ពៅ
(ភ្នំពេញ)៖សត្វចាបព្រៃវែងស្ថិតក្នុងបញ្ជីក្រហម (IUCN) ជិតផុតពូជបំផុត នៅលើពិភពលោក ។បក្សីប្រភេទនេះបង្កកំណើតនៅអ៊ឺរ៉ុប និងទ្វីបអាស៊ីខាងជើង។កម្ពុជាផ្តល់ទីជម្រកដ៏សំខាន់ក្នុងពេលដែលសត្វនេះធ្វើបំលាស់ទីមកតំបន់អាស៊ី។ អង្គការជីវិតធម្មជាតិនៅកម្ពុជា (Naturelife Cambodia) បានឱ្យដឹងថា៖ក្នុងឆ្នាំ២០២៣សត្វចាបព្រៃជាង ៤៨០០ក្បាល ត្រូវបានកត់ត្រាឃើញវត្តមាននៅតំបន់ការពារទេសភាពបឹងព្រែកល្ពៅ ដែលចំនួននេះត្រូវបានគេចាត់ទុកថាជាចំនួនមួយដ៏ច្រើន។ ដោយឡែក លោក ឈឿន សុជាតិ មន្រ្តីឧទ្យានុរក្ស និង ជាអ្នកថតរូបសត្វស្លាបប្រចាំនៅតំបន់ការពារទេសភាពបឹងព្រែកល្ពៅ ខេត្តតាកែវ បានឱ្យដឹងនៅថ្ងៃទី ១៧ ខែតុលា ឆ្នាំ ២០២៣នេះថា៖ក្នុងការធ្វើកំណត់ត្រាខាងលើនេះគឺជាចំនួនសត្វចាបព្រៃវែងដែលរកឃើញច្រើនបំផុតនៅបឹងព្រែកល្ពៅ ហើយលោករំពឹងថាចំនួនេះនឹងកើនឡើងបន្ថែមទៀតដោយសារតែនៅតំបន់ការពារទេសភាពបឹងព្រែកល្ពៅ អំណោយផលល្អសម្រាប់ពួកវារស់នៅ។ លោកបានបញ្ជាក់បន្ថែមថា៖ចំពោះវត្តមានសត្វចាបព្រៃវែងនេះដែរគឺនៅអំឡុងចុងខែធ្នូ រហូតដល់ខែមេសា។ ខែដែលសំបូរជាងគេគឺខែមីនា ហើយចាកចេញទៅវិញនៅអំឡុងចុងខែមេសា និងដើមខែឧសភា។ គួរបញ្ជាក់ថា ចាបព្រៃវែង ជាសត្វរស់នៅជាហ្វូង កម្ពស់ ១៥ សង់ទីម៉ែត្រ។ សត្វប្រភេទនេះ បើជាឈ្មោល ក្នុងរដូវបន្តពូជ មានមុខ និងបំពង់ ក ពណ៌ខ្មៅ ផ្នែកពោះពណ៌លឿង វ័ណ្ឌទ្រូងត្នោត និងមានឆ្នូតស្លាប ស នៅដើមស្លាប។ ចំណែកសត្វឈ្មោលរដូវមិន បន្តពូជវិញ មានបំពង់ក និងផ្នែកពោះ…
-
សំណើរនិងសំណូមពរដោយផ្ទាល់មាត់ពីសំណាក់ប្រជាពលរដ្ឋ ក្នុងវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សារាជធានីភ្នំពេញ នៅសង្កាត់បឹងកេងកងទី៣ ត្រូវបានអាជ្ញាធររាជធានីភ្នំពេញ ដោះស្រាយបញ្ចប់ស្ទើរទាំងស្រុង
(ភ្នំពេញ)៖ រាល់សំណើរ និងសំណូមពរដោយផ្ទាល់មាត់ ពីសំណាក់ប្រជាពលរដ្ឋ ជាង ១០សំណើរ និងសំណូមពរ នៅក្នុងវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៣ ឆ្នាំ២០២៣ នាព្រឹកថ្ងៃទី១៧ ខែតុលា ឆ្នាំ២០២៣ នៅសាកលវិទ្យាល័យប៊ែលធីអន្តរជាតិ ផ្លូវ៣៦០ សង្កាត់បឹងកេងកងទី៣ ត្រូវបានអាជ្ញាធររាជធានីភ្នំពេញ ដោះស្រាយបញ្ចប់ស្ទើរទាំងស្រុង ដែលរាល់សំណើរទាំងនោះ ភាគច្រើនលើសលប់ គឺពាក់ព័ន្ធនឹងការងាររបស់មន្ទីរសាធារណការ និងដឹកជញ្ជូនរាជធានីភ្នំពេញ។ វេទិកានេះធ្វើឡើងក្រោមវត្តមាន ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និងឯកឧត្តម ហួត ហៃអភិបាលរងរាជធានី តំណាងអោយឯកឧត្តម ឃួង ស្រេង អភិបាលរាជធានីភ្នំពេញ។ ឯកឧត្តម ហួត ហៃ លើកឡើងថា វេទិកានេះ ប្រជាពលរដ្ឋបានស្នើ និងសំណូមពរឡើងដោយផ្ទាល់មាត់ចំនួន ១១នាក់ស្មើនិង ១៤បញ្ហា និងសំណើរជាលាយលក្ខណ៍អក្សរចំនួន ១៩បញ្ហា ហើយរាល់សំណើរ និងសំណូមទាំងនោះរួមមាន៖ ការសូមអោយអាជ្ញាធរជួយ កាត់ខ្សែភ្លើងធ្លាក់ ជួសជុលផ្លូវ ដាក់លូ ដាក់ភ្លើងស្តុបថ្មី ដាក់ស្លាកសញ្ញាហាមចតនៅមុខសាលា ដាក់ភ្លើងបំភ្លឺសាធារណៈ ការសូមកាត់លះមែកឈើ…