កំពង់ធំ៖ លោក ហាក់ ម៉ុងហួត អភិបាលស្រុកតាំងគោក បានដឹកនាំក្រុមការងារ និងមន្រ្តីជំនាញក្រោមឱវាទ ចុះពិនិត្យមើលស្ថានភាពរស់នៅការដាំដុះ របស់ប្រជាកសិករ ដែលកំពុងដាំដំណាំចំការ មានដូចជាដំឡូង ពោត  ស្វាយ ស្វាយចន្ទី នៅក្នុងឃុំអណ្តូងពោធិ៍ ស្រុកតាំងគោក ខេត្តកំពង់ធំ កាលពីថ្ងៃទី១៦ ខែតុលា ឆ្នាំ២០២៣។ នៅក្នុងការចុះសួរសុខទុក្ខ លោកអភិបាលស្រុកតាំងគោកបានលើកទឹកចិត្តដល់ប្រជាកសិករទាំងអស់ ឱ្យបន្តខិតខំប្រឹងប្រែង ដាំដុះដើម្បីតម្រូវការទីផ្សារ និងបង្កើនជីវភាពឱ្យកាន់តែល្អប្រសើរជាងមុន។ ជាក់ស្ដែងបងប្អូនប្រជាកសិករភាគច្រើនគឺប្រកបមុខរបរជាកសិកម្ម ព្រោះប្រភេទដីនៅតំបន់នេះគឺអំណោយផលលើដំណាំកសិកម្មគ្រប់ប្រភេទ ការនាំចេញទៅខេត្តផ្សេងក៏ងាយស្រួលដែរ មានផ្លូវប្រកបដោយសុវត្ថិភាពក្នុងការដឹកជញ្ជូន តាំងពីចម្ការរហូតដល់ផ្លូវធំក្នុងស្រុកទាំងមូល។ ជាមួយគ្នានេះដែរលោក ហាក់ ម៉ុងហួត ក៏បានណែនាំដល់មន្រ្តីជំនាញបច្ចេកទេសខាងកសិកម្ម និងចិញ្ចឹមសត្វទាំងអស់ ត្រូវខិតខំយកចិត្តទុកដាក់ចុះតាមមូលដ្ឋាន ឱ្យបានញឹកញាប់ ដើម្បីសួរសុខទុក្ខ និងតាមដានការដាំដុះរបស់ប្រជាកសិករ ប្រសិនបើមានបញ្ហាអ្វីមួយកើតឡើង ទៅលើដំណាំឬសត្វគ្រប់ប្រភេទ សូមផ្ដល់នូវដំណោះស្រាយជូនដល់ពួកគាត់ឱ្យទាន់ពេលវេលា។ ដើម្បីចូលរួមចំណែកក្នុងវិស័យកសិកម្មឱ្យមានការរីកចម្រើន និងជឿនលឿន សូមឱ្យប្រជាពលរដ្ឋទាំងអស់ យកចិត្តទុកដាក់ខិតខំបង្កបង្កើនផលដំណាំរបស់ខ្លួនកាន់តែច្រើន ក្រុមការងារស្រុកនិងជួយរកទីផ្សារជូន ប្រកបដោយភាពទទួលខុសត្រូវខ្ពស់។ ក្នុងនោះផងដែរចំណែកប្រជាកសិករ បានរីករាយសប្បាយចិត្តយ៉ាងខ្លាំង ពេលដែលឃើញថ្នាក់ដឹកនាំស្រុក ចុះសួរសុខទុក្ខ  រហូតដល់ចំការរបស់ពួកគាត់ និងថ្លែងអំណរគុណដល់ប្រមុខរាជរដ្ឋាភិបាលដែលមានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានរកសុខសន្តិភាពជូនពួកគាត់ឱ្យរហូតដល់សព្វថ្ងៃនេះ ៕…

ភ្នំពេញ៖ បេីតាមសេចក្ដីប្រកាសរបស់ក្រសួងធនធានទឹក និងឧតុនិយម នៃព្រះរាជាណាចក្រកម្ពុជា ស្ដីអំពីស្ថានភាពធាតុអាកាសនៅថ្ងៃទី១៧ ខែតុលា ឆ្នាំ២០២៣នេះ ដោយបញ្ជាក់ថា ៖ ប្រព័ន្ធសម្ពាធទាប (ITCZ) នៅតែបន្តអូសបន្លាយកាត់លើភាគខាងត្បូងប្រទេសកម្ពុជា។ ខណៈសម្ពាធទាបសកម្មដែលភ្ជាប់នៅចុងប្រព័ន្ធសម្ពាធទាបនេះ បានចូលដល់ភាគកណ្តាលនៃប្រទេសវៀតណាម ហើយនឹងបន្តរំកិលដើរឆ្ពោះចូលចន្លោះរវាងខ្ពង់រាបភាគឦសាន និងខេត្តប៉ាក់សេ ប្រទេសឡាវ។ រីឯទិសដៅខ្យល់បន្តបក់ប្រែប្រួល ប្តូរមកពីទិសខាងកើតនិងអាគ្នេយ៍ (Variable winds)។ ស្ថានភាពបែបនេះនឹងធ្វើឱ្យ ៖ សូមបងប្អូនជនរួមជាតិ មេត្តាមានការប្រុងប្រយ័ត្នឱ្យបានខ្ពស់ ដើម្បីសុវត្ថិភាពជាចម្បង ៕ ដោយ ៖ ភារ៉ា និងប៊ុនធី

ភ្នំពេញ៖ យោងតាមរបាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី១៦ ខែតុលា ឆ្នាំ២០២៣ ម្សិលមិញបានឱ្យដឹងថា មាន គោលដៅសារុបចំនួន១៥គោលដៅ មានយានយន្តចូលគោលដៅចំនួន ១៨២គ្រឿង រថយន្តធំ ០១គ្រឿង រថយន្តតូច ៧គ្រឿង ម៉ូតូ ១៧៤គ្រឿង ក្នុងនោះរកឃើញយានយន្តល្មើសសរុប ចំនួន ៣០គ្រឿង មានរថយន្តធំ ០១គ្រឿង រថយន្តតូច ៧គ្រឿង និងម៉ូតូចំនួន ២២គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ ៕ ដោយ៖ ប៊ុនធី និង ភារ៉ា

ភ្នំពេញ៖ គ្រឿងញៀនបំផ្លាញអនាគតអ្នកយោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៣០នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន ១២ករណី ទូទាំងប្រទេស នៅថ្ងៃទី១៦ ខែតុលា ឆ្នាំ២០២៣ ។ ក្នុងចំណោមជនសង្ស័យចំនួន   ៣០នាក់ រួមមាន រក្សាទុក ដឹកជញ្ជូន ៧ករណី ឃាត់ខ្លួន ១១នាក់ស្រី ០នាក់បើកបរក្រោមឥទ្ធិពល ១ករណី ឃាត់ខ្លួន ២នាក់ស្រី ០នាក់ប្រើប្រាស់ ៤ករណី ឃាត់ខ្លួន ១៧នាក់ស្រី ១នាក់ វត្ថុតាងដែលចាប់យកសរុបក្នុងថ្ងៃទី១៦ ខែតុលា រួមមាន មេតំហ្វេតាមីន(Ice) ស្មើ ៤,៤៥ក្រាម និង៣៩កញ្ចប់តូច។ លទ្ធផលខាងលើ ០៨អង្គភាព បានចូលរួមបង្ក្រាប នគរបាល ៖ ០៨អង្គភាព ៕ ដោយ ៖ ប៊ុនធី និង ភារ៉ា

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី១៦ ខែតុលា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៨លើក បណ្ដាលឲ្យមនុស្សស្លាប់ ៥នាក់និងរងរបួសធ្ងន់ស្រាលចំនួន ១១នាក់។ ប្រភពព័ត៌មានដដែលបញ្ជាក់ថា មូលហេតុដែលបង្កអោយមានគ្រោះថ្នាក់រួមមានៈ ៖ ល្មើសល្បឿន ៣លើក ស្លាប់ ៣នាក់ មិនគោរពសិទ្ធិ ២លើក ស្លាប់ ០១នាក់ ប្រជែងគ្រោះថ្នាក់ ២លើក ស្លាប់ ១នាក់ កត្តាយាន ១លើក ៕ ដោយ ៖ ប៊ុនធី និង ភារ៉ា