ភ្នំពេញ៖ ឯកឧត្តម ឃួង ស្រេង អភិបាល រាជធានីភ្នំពេញរួមជាមួយមន្ត្រីជាច្រើនរូបទៀត នាព្រឹកព្រលឹមថ្ងៃទី១២ តុលាឆ្នាំ២០២៣មុនថ្ងៃបុណ្យភ្ជុំបិណ្ឌ២ថ្ងៃបានអញ្ជើញជូនដំណើរ កម្មករ កម្មការិនី និងប្រជាពលរដ្ឋឡើងជិៈរថយន្តក្រុងទៅស្រុកកំណើតតាមខេត្តក្រុង នានា នៅទីលានប្រជាធិបតេយ្យ ទល់មុខអតីតឃ្លាំងសាំង ខណ្ឌឬស្សីកែវ រាជធានីភ្នំពេញ។ អនុវត្តតាមអនុសាសន៏ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលរាជធានីភ្នំពេញ បានបញ្ចេញរថយន្តក្រុងដឹកអ្នកដំណើរចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈ ដោយដឹកជញ្ជូនកម្មករ កម្មការិនី និងប្រជាពលរដ្ឋ រយៈពេល ០៥ថ្ងៃ មិនបង់ប្រាក់ ដោយចាប់ផ្តើមអនុវត្តពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣។ តាមសេចក្តីជូនដំណឹងរបស់រដ្ឋបាលរាជធានីភ្នំពេញបានអោយដឹងផងដែរថា៖ អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្ដេចមហាបថរធិបតី ហ៊ុន ម៉ាណែត នាយករដ្ឋមន្តី នៃព្រះរាជាណាចក្រកម្ពុជា កាលពីថ្ងៃទី០១ ខែកញ្ញា ឆ្នាំ២០២៣ រដ្ឋបាលរាជធានីភ្នំពេញនឹងរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈ រយៈពេល ០៥ថ្ងៃ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣ ដោយមិនបង់ប្រាក់ ដើម្បីជួយសម្រួលដល់ការចំណាយជូនបងប្អូនកម្មករ-និយោជិត…

សៀមរាប៖ គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប សហការជាមួយអង្គការមូលនិធិអេ២១ ប្រចាំនៅកម្ពុជា បានរៀបចំកម្មវិធីព្យុះហយាត្រាឆ្ពោះទៅបញ្ឈប់អំពើជួញដូរមនុស្សលើកទី២ ឆ្នាំ២០២៣ នៅក្នុងប្រទេសកម្ពុជា ដើម្បីផ្សព្វផ្សាយលើកកម្ពស់ការយល់ដឹងដល់ប្រជាពលរដ្ឋ សិស្សនិស្សិត មន្រ្តីរាជការ អង្គការសង្គមស៊ីវិល និងសាធារណជន អំពីអំពើជួញដូរមនុស្ស។ ការប្រារព្ធកម្មវិធីនេះឡើង ក្នុងគោលបំណង ដើម្បីបង្ហាញពីឆន្ទៈដ៏មុះមុតរបស់រាជរដ្ឋាភិបាលកម្ពុជា អង្គការមូលនិធិអេ២១ និងប្រជាពលរដ្ឋចម្រុះជាតិសាសន៍គ្រប់រូប ក្នុងការរួមសហការគ្នា ឆ្ពោះទៅបញ្ឈប់អំពើជួញដូរមនុស្ស។  រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ (គ.ជ.ប.ជ) លោកជំទាវ ជូ ប៊ុនអេង បានថ្លែងបែបនេះ ក្នុងពិធីបើកយុទ្ធការឆ្ពោះទៅបញ្ឃប់ការជួញដូរមនុស្សនៅកម្ពុជា ដែលបានប្រព្រឹត្តិទៅកាលពីព្រឹកថ្ងៃទី១១ ខែតុលា ឆ្នាំ២០២៣នេះ។ លោកជំទាវ ជូ ប៊ុនអេង បានលើកឡើងថា កម្មវិធីព្យុះហយាត្រាឆ្ពោះទៅបញ្ឈប់អំពើជួញដូរមនុស្ស ក្នុងគោលបំណង បង្ហាញអំពីឆន្ទះមុះមុតរបស់រាជរដ្ឋាភិបាលកម្ពុជា និង ប្រជាពលរដ្ឋគ្រប់រូបក្នុងការរួមគ្នា បង្ការបង្រ្កាប ផ្តន្ទាទោស សង្រ្គោះ និង ការពារ ដើមី្បកម្ពុជាបញ្ឈប់អំពើជួញដូរមនុស្ស។ រាជរដ្ឋាភិបាលកម្ពុជា នៅតែបន្តខិតខំប្រឹងប្រែងជម្នះគ្រប់ឧបសគ្គ ការលំបាក ក្នុងការប្រយុទ្ធប្រឆាំងអំពើជួញដូរមនុស្សគ្រប់រូបភាព ដើមី្បឲ្យប្រជាជនកម្ពុជា និង មនុស្សជាតិ ទទួល បានការគោរពសិទ្ធិសេចក្តីថ្លៃថ្នូរ…

ភ្នំពេញ៖ កម្លាំងប៉ុស្តិ៍នគរបាលរដ្ឋបាលកាកាបទី១ ឃាត់ខ្លួនជនសង្ស័យម្នាក់ ក្នុងចំណោមបក្ខពួកចំនួន ០២នាក់ ជិះម៉ូតូចំនួន ០១គ្រឿង ធ្វើសកម្មភាពឆក់ខ្សែកមិនបានសម្រេច កាលពីវេលាម៉ោងប្រហែល ១៥និង៣០នាទី នៅថ្ងៃទី១០ ខែតុលា ឆ្នាំ២០២៣ ស្ថិតនៅចំណុចផ្លូវ ១០៥k ភូមិចំការឪឡឹក១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ជនសង្ស័យឃាត់ខ្លួនឈ្មោះ ម៉ី សុភា ភេទប្រុស មុខរបរ និងទីកន្លែងស្នាក់នៅមិនពិតប្រាកដ ។ បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួនបណ្តោះអាសន្ននៅកម្លាំងប៉ុស្តិ៍នគរបាលរដ្ឋបាលកាកាបទី១ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី ៕ ដោយ ៖ ភារ៉ា និងប៊ុនធី

ក្រចេះ៖ ឯកឧត្តមទេសរដ្ឋមន្រ្តី ព្រុំ សុខា រួមជាមួយឯកឧត្តម វ៉ា ថន អភិបាលខេត្តក្រចេះ និងក្រុមការងារខេត្តក្រចេះ នៅពេលថ្មីៗនេះ បានចុះទៅពិនិត្យមើលវឌ្ឍនភាពនៃដំណើរការសាងសង់អគារសិក្សាមួយខ្នងមាន៥បន្ទប់ នៅក្នុងសាលាបឋមសិក្សាភូមិល្អ ស្ថិតនៅភូមិល្អ ឃុំចង្រ្កង់ ស្រុកចិត្របុរី ខេត្តក្រចេះ។ អគារសិក្សាដែលកំពុងដំណើរការសាងសង់សម្រេចបានជាលទ្ធផលប្រមាណ ៣០ភាគរយហើយមកដល់ពេលនេះ។ ក្នុងឱកាសនោះឯកឧត្តមទេសរដ្ឋមន្រ្តី បានថ្លែងថា នៅក្នុងអំឡុងពេលនៃយុទ្ធនាការឃោសនាបោះឆ្នោតកាលពីខែកក្តដា ឆ្នាំ២០២៣នេះ រូបឯកឧត្តមទេសរដ្ឋមន្រ្តី និងក្រុមការងារខេត្តក្រចេះដែលធ្លាប់បានសន្យាជាមួយប្រជាពលរដ្ឋនៅតំបន់ក្រីក្រមួយនេះបានរួមគ្នាផ្តួចផ្តើមរៀបចំពិធីបុណ្យផ្ការស្មីសាមគ្គីមួយ ដែលកៀរគរប្រមូលបច្ច័យដោយសទ្ធាជ្រះថ្លាបានចំនួនប្រាំបីម៉ឺនប្រាំពាន់ដុល្លារអាមេរិកគ្រប់គ្រាន់សម្រាប់ការកសាងអគារសាលាមួយខ្នងទំហំ ១០ម៉ែត្រ x ៤០ម៉ែត្រ មាន ៥បន្ទប់ ។ ការរួមចំណែកជួយកសាងអគារសិក្សានេះឡើង គឺសំដៅបំពេញភាពខ្វះខាតអគារសិក្សាសម្រាប់សិស្សានុសិស្សនៅតំបន់ដាច់ស្រយាលមួយនេះ ក្រោយពេលឯកឧត្តម ព្រុំ សុខា ដែលជារដ្ឋមន្រ្តីក្រសួងមុខងារសាធារណ:និងក្រុមការងារបានមកដល់ទីនេះនៅចុងឆ្នាំ២០២០ ហើយពេលនោះភូមិល្អនេះក៏នៅមិនទាន់បានរៀបចំបង្កើតជាភូមិផ្លូវការសម្រាប់ការគ្រប់គ្រងរដ្ឋបាលនៅឡើយដែរ។ ពាក់ព័ន្ធនិងសាងសង់អគារសិក្សានេះ ឯកឧត្តមទេសរដ្ឋមន្រ្តីបានជម្រុញដល់ក្រុមជាង ដែលកំពុងតែធ្វើការសាងសង់អគារសិក្សានេះទាំងអស់ ត្រូវយកចិត្តទុកដាក់ក្នុងការសាងសង់ដោយការទទួលខុសត្រូវខ្ពស់ ទាំងបទដ្ឋានបច្ចេកទេស ទាំងគុណភាពល្អ និងរឹងមាំ តាមកម្រិតស្តង់ដារបច្ចេកទេសឲ្យបានត្រឹមត្រូវ មុននិងឈានដល់ការសម្ពោធដាក់ឲ្យប្រើប្រាស់ជាផ្លូវការនៅថ្ងៃខាងមុខ។ សូមជម្រាបថាអគារសិក្សាមួយខ្នងនៅភូមិល្អនេះ បានរៀបចំពិធីបញ្ចុះបឋមសិលាសាងសង់ពីខែកក្តដា ដោយប្រើរយៈពេលកសាង៦ខែ ដែលគ្រោងនឹងបញ្ចប់ការសាងសង់នៅខែកុម្ភៈឆ្នាំ២០២៤ខាងមុខ ហើយការសាងសង់គឺអនុលោមតាមស្តង់ដាវិទ្យាល័យព្រះស៊ីសុវត្ថិរាជធានីភ្នំពេញដែលត្រូវចំណាយទឹកប្រាក់សម្រាប់ ការសាងសង់សរុបចំនួនប្រាំបីម៉ឺនប្រាំពាន់ដុល្លារអាមេរិក។ ក្នុងដំណើរចុះពិនិត្យការសាងសង់អគាសិក្សានៅសាលាបឋមសិក្សាភូមិល្អនេះ ឯកឧត្តមទេសរដ្ឋមន្រ្តី…

សៀមរាប៖ កូនឈើចម្រុះជិត ២ពាន់ដើម និងស្មៅប្រមាណ ៥ពាន់ម៉ែត្រក្រឡា ត្រូវបានបន្ដដាំលើផ្ទៃដីជាង ១ហិកតា នៅទកិ្សណអង្គរខាងត្បូង ដើម្បីលើកសោភ័ណ្ឌភាពនិងទេសភាពរមណីដ្ឋានអង្គរ និងទាក់ទាញអ្នកទេសចរ ។ ក្នុងពិធីដាំកូនឈើ នារសៀលថ្ងៃទី១០ ខែតុលាឆ្នាំ២០២៣ លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសីល្បៈ មានប្រសាសន៍ថា អាជ្ញាធរជាតិអប្សរា និង ក្រុមប្រឹក្សាភិបាលថ្នាក់តំបន់ ថ្នាក់ដឹកនាំ បុគ្គលិក នៃធនាគារ CIMB មកពីប្រទេសក្នុងតំបន់អាស៊ាន ដូចជា កម្ពុជា ម៉ាឡេស៊ី ឥណ្ឌូណេស៊ី សឹង្ហបុរី វៀតណាម ថៃ ហ្វីលីពីន ដែលបានចូលរួមសហការក្នុងយុទ្ធនាការដាំដើមឈើ និង ស្មៅ ក្រោមប្រធានបទ (អភិរក្សរមណីយដ្ឋានអង្គរបេតិកភ័ណពិភពលោក ) ។ លោកជំទាវបណ្ឌិតសភាចារ្យ ភឿង សកុណា បានវាយតម្លៃខ្ពស់ក្នុងភាពជាដៃគូរវាងស្ថាប័នរដ្ឋនិងវិស័យឯកជន ក្នុងការចូលរួមដាំកូនឈើនៅតំបន់អង្គរក៏ដូចជាតំបន់ដ៏ទៃទៀត។ ដើមឈើផ្តល់សារៈប្រយោជន៍ជាច្រើនមិនអាចនឹងគណនាបាននោះទេ ជារួមការដាំកូនឈើ ធ្វើឲ្យបរិយាកាសបរិស្ថានធម្មជាតិ កាន់តែល្អប្រសើរឡើង និងរក្សាលំនឹងគ្រឺះប្រាង្គប្រាសាទ ព្រមទាំងជួយកាត់បន្ថយឥទ្ធិពលជាអវិជ្ជមានពីការប្រែប្រួលអាកាសធាតុ និងការសិករីចរិលថ្មប្រាសាទផងដែ។ ប្រធាននាយកប្រតិបត្តិធនាគារ CIMB លោក…