ភ្នំពេញ៖ យោងតាមរបាយការណ៍ ពីនាយកដ្ឋាន នគរបាលចរាចរណ៍ និង សណ្តាប់ធ្នាប់សាធារណៈ ស្តីពី ការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី៩ ខែតុលា ឆ្នាំ២០២៣ ម្សិលមិញបានឱ្យដឹងថា មានគោលដៅចំនួនសរុបគោលដៅ៧៨ មានយានយន្តចូលគោលដៅចំនួន ៣០៨គ្រឿង រថយន្តធំ៤គ្រឿង រថយន្តតូច២៨គ្រឿង ម៉ូតូ ២៧៦គ្រឿង ក្នុងនោះរកឃើញយានយន្តល្មើសសរុប ចំនួន៣០៨គ្រឿង មាន រថយន្តធំ ៤គ្រឿង រថយន្តតូច ២៨គ្រឿង និងម៉ូតូចំនួន ២៧៦គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែល បានវាយតម្លៃថាការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្ចរាចរណ៍យ៉ាងល្អប្រសើរ ៕ ដោយ៖ ប៊ុនធី និង ភារ៉ា

ភ្នំពេញ៖ គ្រឿងញៀនបំផ្លាញអនាគតអ្នកយោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៤១នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការ បង្ក្រាបបទល្មើសគ្រឿងញៀនចំនួន ១៤ករណី ទូទាំងប្រទេស នៅថ្ងៃទី៩ ខែតុលា ឆ្នាំ២០២៣ ។ ក្នុងចំណោមជនសង្ស័យចំនួន ៤១នាក់ រួមមាន ដឹកជញ្ជូន រក្សាទុក ៨ករណី ឃាត់ ១៧នាក់(ស្រី ១នាក់) ប្រើប្រាស់ ៦ករណី ឃាត់ ២៤នាក់(ស្រី ០នាក់) វត្ថុតាងដែលចាប់យកសរុបក្នុងថ្ងៃទី០៦ ខែតុលា រួមមាន មេតំហ្វេតាមីន(Ice) ស្មើ ៣០,៦៦ក្រាម និង២៧កញ្ចប់តូច។ លទ្ធផលខាងលើ ០៨អង្គភាព បានចូលរួមបង្ក្រាប នគរបាល ៖ ០៨អង្គភាព៕ ដោយ ៖ ប៊ុនធី និង ភារ៉ា

ភ្នំពេញ៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី៩ ខែតុលា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៧លើក បណ្ដាលឲ្យមនុស្សស្លាប់ ៣និងរងរបួសធ្ងន់ស្រាល ១៦នាក់។ ប្រភពព័ត៌មានដដែលបញ្ជាក់ថា គ្រោះថ្នាក់ដែលបង្កឲ្យមនុស្ស ស្លាប់ ០៣នាក់(ស្រី ០១នាក់), របួសធ្ងន់ ០៩នាក់(ស្រី ០៣នាក់),  និងរបួសស្រាល ០៧នាក់(ស្រី ០៣នាក់),  គឺកើតឡើងដោយសារការប៉ះទង្គិចគ្នាចំនួន ០៧លើក (យប់ ០៤លើក), មាន ៖ កត្តាល្បឿន ០៣លើក (ស្លាប់ ០១នាក់), មិនប្រកាន់ស្តាំ ០២លើក (ស្លាប់ ០១នាក់), ប្រជែងគ្រោះថ្នាក់ ០១លើក (ស្លាប់ ០១នាក់) និងបត់គ្រោះថ្នាក់ ០១លើក៕ ដោយ៖ ប៊ុនធី និង ភារ៉ា

ភ្នំពេញ៖ រដ្ឋបាលរាជធានីភ្នំពេញ នៅថ្ងៃទី០៩ ខែតុលា ឆ្នាំ២០២៣ បានចេញសេចក្ដីណែនាំ ស្តីពីការត្រៀមវិធានការទប់ទល់នឹងគ្រោះទឹកជំនន់ ក្នុងភូមិសាស្ដ្ររាជធានីភ្នំពេញ។ អនុវត្តតាមសេចក្ដីណែនាំលេខ ០៤៧ សណន ចុះថ្ងៃទី០៣ ខែតុលា ឆ្នាំ២០២៣ របស់ក្រសួងមហាផ្ទៃ ដើម្បីចូលរួមបង្ការ និងត្រៀមជួយសង្គ្រោះប្រជាពលរដ្ឋដែលងាយរងគ្រោះ និងមានហានិភ័យខ្ពស់ដោយ គ្រោះទឹកជំនន់នៃទន្លេ ស្ទឹង និងទឹកជំនន់ដោយទឹកភ្លៀងនៅតំបន់មួយចំនួនក្នុងភូមិសាស្ត្ររាជធានីភ្នំពេញ ព្រមទាំង ធានាបាននូវសុខុមាលភាពល្អប្រសើរជូនប្រជាពលរដ្ឋ រដ្ឋបាលរាជធានីភ្នំពេញ ក្នុងនាមគណៈកម្មាធិការ គ្រប់គ្រងគ្រោះមហន្តរាយរាជធានីភ្នំពេញសូមធ្វើការណែនាំដូចខាងក្រោម៖ ដោយ ហេង សម្បត្តិ+ ថេត វិចិត្រ

ខេត្តបាត់ដំបង៖ ឯកឧត្តម សុខ លូ អភិបាលខេត្តបាត់ដំបង កាលពីថ្ងៃទី៨ ខែតុលា ឆ្នាំ២០២៣ បានដឹកនាំក្រុមការងារចុះសួរសួរសុខទុក្ខ និងនាំយកនូវអំណោយជាស្បៀងមួយចំនួន ដើម្បីផ្ដល់ជូនដល់ក្រុមគ្រួសារក្រីក្រ និងខ្វះខាតជីវភាព កំពុងតែរងគ្រោះដោយសារតែជំនន់ទឹកភ្លៀង ចំនួន ៣០០គ្រួសារ ក្នុងស្រុកឯកភ្នំ ខេត្តបាត់ដំបង ។ ឯកឧត្តម សុខ លូ ណែនាំដល់គ្រប់អាជ្ញាធរស្រុកក៏ដូចជាគ្រប់មន្ទីរជំនាញពាក់ព័ន្ធទាំងអស់ត្រូវយកចិត្តទុកដាក់ក្នុងការចុះដោះស្រាយនូវបញ្ហាដែលជាកង្វល់របស់ប្រជាពលរដ្ឋ និង ត្រូវឆ្លើយតបជូនប្រជាពលរដ្ឋ ដែលប្រឈមខ្លាំង ឱ្យបានទាន់ពេលវេលា។ ជាពិសេសត្រូវយកចិត្តទុកដាក់ឲ្យបានម៉ត់ចត់ ប្រមូលទិន្នន័យនៃការខូចខាតនានា និងផលប៉ះពាល់ទៅលើផលដំណាំហេដ្ឋារចនាសម្ព័ន្ធរូបវន្តមូលដ្ឋាន ដែលខូចខាតដោយសារតែគ្រោះទឹកជំនន់នេះ ឱ្យបានច្បាស់លាស់ ធ្វើរបាយការណ៍ឱ្យបានជាក់លាក់ឆាប់រហ័សមករដ្ឋបាលខេត្តដើម្បីអាជ្ញាធរខេត្តធ្វើការស្នើសុំទៅប្រមុខរាជរដ្ឋាភិបាល ដើម្បីជួយដោះស្រាយ ក្នុងការផ្ដល់ជាគ្រាប់ពូជស្រូវ ឬពូជដំណាំ និងជំនួយផ្សេងៗតាមលទ្ធភាពជាក់ស្ដែង ដើម្បីឆ្លើយតបក្នុងការស្ដារលទ្ធភាព ជីវភាពប្រជាពលរដ្ឋឱ្យបានទាន់ពេលវេលានិងចៀសសវាងភាពយឺតយ៉ាវ និងកង្វល់បញ្ហាប្រឈមរបស់បងប្អូន ។ ឯកឧត្ដម សុខ លូ ក៏បានក្រើនរំលឹកដល់អាជ្ញាធរ និងកងកម្លាំងទាំងអស់ត្រូវត្រៀមកម្លាំងចុះអន្តរាគមន៍ និងជួយសង្គ្រោះ ដល់បងប្អូនប្រជាពលរដ្ឋឱ្យបានទាន់ពេលវេលាក្នុងករណីកេីតមានគ្រោះមហន្តរាយជាយថាហេតុណាមួយកើតឡើង។ក្នុងនោះដែរ ឯកឧត្ដមអភិបាលខេត្តបាត់ដំបង ក៏បានអំពាវនាវណែនាំដល់បងប្អូនប្រជាពលរដ្ឋ ត្រូវថែរក្សាសុខភាពខ្លួនឲ្យបានល្អ ជាប់ជាប្រចាំ ដេីម្បីបង្ការនិងទប់ស្កាត់ជំងឺដម្កាត់ផ្សេងៗ នៅក្នុងអំឡុងពេលនៃគ្រោះទឹកជំនន់៕ ( អត្ថបទ-រូបភាព៖…