(ខេត្តបាត់ដំបង)៖ ក្នុងឱកាសប្រារព្ធនូវទិវាមនុស្សចាស់កម្ពុជានិង មនុស្សចាស់អន្តរជាតិ ០១ តុលា ២០២៣ ក្រោមប្រធានបទ «ការជួយមនុស្សចាស់គឺជួយ យើងទាំងអស់គ្នា» ដែលរៀបចំដោយមន្ទីរសង្គមកិច្ច អតីតយុទ្ធជននិង យុវនីតិសម្បទា ខេត្តបាត់ដំបង លោក ផេង សិទ្ធី អភិបាលរងខេត្ត តំណាងឯកឧត្តម សុខ លូ អភិបាលខេត្តបាត់ដំបង បានថ្លែងថា ៖”មនុស្សចាស់គឺជាមរតករស់ ដែលយើងគ្រប់គ្នាអាចពឹងផ្អែក និងស្វែងរកជំនួយបាន ទាំងផ្នែកបញ្ញាស្មារតី ប្រវត្តិសាស្ត្រ នឹងបទពិសោធន៍នៃរបត់សង្គមនីមួយៗ ។ លោក បន្តទៀតថា៖ តាមរយៈនៃការផ្តល់នូវដំបូន្មាននិងការប្រៀនប្រដៅល្អប្រកបដោយគតិបណ្ឌិតរបស់ចាស់ព្រឹទ្ធាចារ្យក៏បានឆ្លុះបញ្ចាំងពីការយកចិត្តទុកដាក់ចូលរួមចំណែកក្នុងការអប់រំនូវសីលធម៌ គុណធម៌ វប្បធម៌និងវប្បធម៌ប្រកបដោយអហឹង្សានៅក្នុងសង្គមជាតិ ថែមទៀតផង។ ដែលនេះ គឺជាការរួមចំណែក ធ្វើឲ្យប្រជាជន ជាពិសេសយុវជនកម្ពុជា ក្លាយជាធនធានមនុស្សសម្រាប់ជាសសរទ្រូងនៃប្រទេសជាតិដ៏រឹងមាំ និងជាប្រជាជនគំរូ ប្រកបដោយភាពថ្លៃថ្នូរ មាមក្រមសីលធម៌ និងចរិយាធម៌យ៉ាងល្អប្រសើរ។ ហើយដែលកូនចៅគ្រប់ជំនាន់ គ្រប់ៗរូប ត្រូវខិតខំថែទាំ និងតបស្នងគុណ លោកយាយ លោកតា មាតា-បិតា របស់ខ្លួន ដើម្បីបង្ហាញពីកាយវិការដ៏ប្រពៃរ៍ទាំងនេះ សម្រាប់ឆ្លុះបញ្ចាំងនិងធ្វើជាគំរូដល់មនុស្សជំនាន់ក្រោយៗទៀត។ លោក…

(កំពង់ធំ)៖ គិតត្រឹមតែប៉ុន្មានថ្ងៃចុងក្រោយនេះខេត្តកំពង់ធំ ពិសេសស្រុកតាំងគោក បានទទួលរងជំនន់ទឹកភ្លៀងផ្ទួនៗ ធ្វើឲ្យស្រូវរបស់ប្រជាពលរដ្ឋ រងការគំរាមកំហែង ក្នុងនោះលោក ហាក់ ម៉ុងហួត អភិបាលស្រុកតាំងគោក ហាក់មិននៅស្ងៀមឡេីយ នឹងបានដឹកនាំក្រុមការងារ និងអាជ្ញាធរ ចុះធ្វើការពិនិត្យស្ថានភាពទឹកជំនន់នេះជាក់ស្តែងនាថ្ងៃទី០៦ ខែតុលា ឆ្នាំ២០២៣នេះ នៅចំណុចឃុំស្រឡៅ និងឃុំពង្រ ស្រុកតាំងគោក ខេត្តកំពង់ធំ។ លោក ហាក់ ម៉ុងហួត ក៏បានណែនាំមេឃុំឲ្យតាមដានជាប្រចាំនិងរាយការណ៍ពីស្ថានភាពទឹក ដើម្បីធ្វើការអន្តរាគមន៍ជៀសវាងការខូចខាតស្រូវប្រជាជនដោយពុំមានការអើពើពីអាជ្ញាធរដែនដី និងមន្ត្រីជំនាញជាដើម ស្របពេលដែលរាជរដ្ឋាភិបាលកំពុងយកចិត្តទុកដាក់លើវិស័យកសិកម្ម។ សូមបញ្ជាក់ថា ទឹកជំនន់នេះបណ្តាលឱ្យប៉ះពាល់ស្រូវពង្រោះសរុបចំនួន ២៦០ ហិកតា ស្មើនឹង ៣៣គ្រួសារ លើ២ឃុំ មានឃុំពង្រ ប៉ះពាល់ចំនួន ១៩ហិកតា ស្មើនឹង ៩គ្រួសារ លើ៤ ភូមិ ។ ឃុំស្រឡៅ ប៉ះពាល់ ២៤១ ហិកតា លើ២ភូមិ។ បើសិនមិនមានភ្លៀងធ្លាក់ចំនួន ២ ឬ៣ថ្ងៃខាងមុខទៀត អាជ្ញាធរនិងធ្វេីការអន្តរាគមន៍បូមទឹកចេញ ពីស្រូវពង្រោះនោះ កុំឱ្យស្រូវមានការខូចខាតធ្ងន់ធ្ងរ។ ទោះយ៉ាងណា អាជ្ញាធរស្រុក និងឃុំ…

(ហាន់ចូវ)៖ កីឡាការិនី ថាត់ ឆេងហ័ង, អូន ស្រីដា និង ពុទ្ធា ស្រីណុច បានដណ្ដើមមេដាយសំរឹទ្ធ ១គ្រឿង លើវិញ្ញាសាសម្ដែងមេគុននារីជាក្រុម ក្នុងព្រឹត្តិការណ៍កីឡាអាស៊ី (Asian Games) លើកទី១៩ នៅទីក្រុង Hangzhou ប្រទេសចិន នៅរសៀលថ្ងៃទី០៦ ខែតុលានេះ ឆ្នាំ២០២៣។ នេះគឺជាមេដាយដំបូង ដែលអត្តពលិកកម្ពុជា ដណ្ដើមបានក្នុងព្រឹត្តិការណ៍កីឡាអាស៊ី ៤ឆ្នាំម្ដងនេះ ស្របពេលកីឡាជាច្រើនបានអស់ឱកាស។ យ៉ាងណាមិញ កម្ពុជានៅសល់អត្តពលិកមួយចំនួនទៀត ដែលត្រូវបន្ដការប្រកួត ដូចជាកីឡាចំបាប់ជាដើម ។ គួរដឹងថា កម្ពុជា បានបញ្ជូនអត្តពលិក ១៧ប្រភេទកីឡា ទៅចូលរួមការប្រកួតកីឡាអាស៊ី លើកទី១៩ នៅចិន ចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា ឆ្នាំ២០២៣ រួមមានកីឡាអត្តពលកម្ម, ហែលទឹក, បាល់ទះ, បាល់បោះ, ជឺជីតស៊ូ, តេក្វាន់ដូ WT, គ្រិកឃីត, យូដូ, ចំបាប់, វាយសី,…

(ខេត្តព្រះវិហារ)៖ លោក ហូ សិទ្ធីគុណ នាយករងខុទ្ទកាល័យសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា តំណាងលោក ហូ សិទ្ធី នាយកខុទ្ទកាល័យ បានដឹកនាំប្រតិភូចុះជួបសំណេះសំណាលសួរសុខទុក្ខ និងនាំអំណោយមកចែកជូននាយទាហាន នាយទាហានរង និងពលទាហាន ក្នុងអង្គភាពវរសេនាតូចលេខ៣៨៥ ឈរជើងតាមបន្ទាត់ព្រំដែន កម្ពុជា-ថៃ សមូរភូមិមុខទិសទី១ប្រាសាទព្រះវិហារ ដែលជាអង្គភាពសម្ព័ន្ធមេត្រីភាព នាឱកាសបុណ្យភ្ជុំបិណ្ឌប្រពៃណីជាតិខ្មែរ។ នាយករងខុទ្ទកាល័យសម្តេចមហាបវរធិបតី ហ៊ុន ម៉ាណែត លោក ហូ សិទ្ធីគុណ បានថ្លែងនាំនូវការផ្តាំផ្ញើសាកសួរសុខទុក្ខដោយក្តីនឹករលឹក ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ជូននាយទាហាន នាយទាហានរង ពលទាហាន និងគ្រួសារ ចំណុះវរសេនាតូច៣៨៥ទាំងអស់ ពិសេសសូមជូនពរ នាយទាហាន នាយទាហាន ពលទាហាន និងគ្រួសារ ក្នុងឱកាសនៃពិធីបុណ្យភ្ជុំបិណ្ឌនេះ ជួបតែសេចក្តីសុខ និងសុខភាពល្អគ្រប់ៗគ្នា ។ លោក ហូ សិទ្ធីគុណ ក៏បានថ្លែងប្រាប់នាយទាហាន នាយទាហានរង…

(កំពង់ស្ពឺ)៖ នៅក្នុងរដូវបុណ្យភ្ជុំបិណ្ណប្រពៃណីជាតិ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្រ្តីក្រសួងរៀបចំដែនដីនគររូបនីយកម្ម និងសំណង់ កាលពីថ្ងៃទី៦ ខែតុលា ឆ្នាំ២០២៣ បានអញ្ជើញជួបសំណេះសំណាល សួរសុខទុក្ខ នាយទាហាន នាយទាហានរង និងពលទាហាន នៅបញ្ជាការដ្ឋានយោធភូមិភាគទី៣។ ឯកឧត្តម ឧបនាយករដ្ឋមន្ត្រី សាយ សំអាល់ បានលើកឡើងថា នេះគឺជាប្រពៃណីដ៏ល្អមួយរវាងសមរភូមិក្រោយជួយឧបត្ថម្ភដល់សមរភូមិមុខ ហើយវាក៏ជាវប្បធម៌ចែករំលែកផងដែរ ដែលក្រសួងរៀបចំដែនដីនគររូបនីយកម្ម និងសំណង់ រួមជាមួយវិស័យឯកជន បានចងសម្ព័ន្ធមេត្រីភាពរជាមួយកងកម្លាំងបញ្ជាការដ្ឋានយោធភូមិភាគទី៣។ ឯកឧត្តម ឧបនាយករដ្ឋមន្ត្រី សាយ សំអាល់ បានថ្លែងអំណរគុណ ដល់នាយទាហាន នាយទាហានរង ពលទាហាន ទាំងអស់ដែល បានលះបង់ គ្រប់បែបយ៉ាង ដើម្បីការពារបូរណៈភាពទឹកដី ឲ្យបានគង់វង្ស និងផ្តល់នូវសុខសន្តិភាព ជូនប្រទេសជាតិមាតុភូមិ។ ឯកឧត្តម សាយ សំអាល់ និង ប្រតិភូអំដំណើរ បានលើកទឹកចិត្តផ្តល់ជូនដល់កងទ័ព រួមមានរថយន្ត គ្រឿងឧបភោគបរិភោគ សម្ភារប្រើប្រាស និងថវិកាមួយចំនួនបន្ថែមទៀត ។ សូមបញ្ជាក់ថា…