ភ្នំពេញ៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម ហេងសួរ បានជួបសំណេះសំណាលជាមួយសហភាព និង សហព័ន្ធ សហជីពចំនួន២០៥នៅទូទាំងប្រទេស ដើម្បីស្វែងយល់ពីគោលដៅរួម របស់ក្រសួងក្នុងការលើកកម្ពស់ជីវភាពរបស់កម្មករនិយោជិត។ ក្នុងជំនួបនេះត្រូវបានក្រសួងការងារ ឱ្យដឹងថា ធ្វើឡើងក្នុងន័យអនុវត្ត តាមការណែនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ក្រៅពីនេះ ជំនួបនេះក៏មាន គោលបំណងរឹតចំណងសាមគ្គីភាព និង កិច្ចសហប្រតិបត្តិការក្នុងភាព ជាដៃគូដែលមិនអាចខ្វះបានក្នុងការជួយជ្រោមជ្រែងនិងពង្រឹងទំនាក់ទំនងវិជ្ជាជីវៈនិងភាពសុខដុមនីយម្មក្នុងវិស័យការងារនៅកម្ពុជា។ ក្នុងជំនួបនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ កាលពី ថ្ងៃទី០៥ ខែតុលា ឆ្នាំ២០២៣ ឯកឧត្តម រដ្ឋមន្ត្រី បានបញ្ជាក់ ថាភាពសុខដុមនីយកម្មក្នុងវិជ្ជាជីវៈផ្នែកវាយនភណ្ឌ កាត់ដេរ ផលិត ស្បែក ជើង និងផលិតផលិតផលធ្វើដំណើរនិងកាបូបនេះទាមទារ ឱ្យគ្រប់ភាគីទាំងសហជីព ដែលតំណាងឱ្យកម្មករនិយោជិតយល់ពី ក្របខ័ណ្ឌ គតិយុត្តិនិង កាតព្វកិច្ចរបស់គ្រប់ភាគីដែលត្រូវបាន កំណត់ ដើម្បីរក្សាប្រយោជន៍ជាអតិបរមាសម្រាប់គ្រប់ភាគីពាក់ព័ន្ធក្នុងការធានាបាននូវនិរន្តរភាព។ គួរបញ្ជាក់ថា នេះគឺជាជំនួបទ្រង់ទ្រាយធំលើកទី១ រវាងសហជីព គ្រប់និន្នាការ និងក្រសួងការងារ និងបណ្តុះបណ្តាលវិជ្ជាជីវៈ ក្នុងដើម អាណត្តិទី៧នៃរាជរដ្ឋាភិបាល។ ឯកឧត្តម រដ្ឋមន្ត្រី…

ភ្នំពេញ៖ វេទិកាការងារដែលបានសហការរៀបចំដោយទី ភ្នាក់ងារជាតិ មុខរបរ និងការងារ (NEA) ជាមួយនឹង ស.ស.យ.ក. វិស័យការងារ និងបណ្តុះបណ្តាលវិជ្ជាជីវៈ ពេញមួយថ្ងៃទី ៥ ខែតុលា ឆ្នាំ២០២៣ បានបញ្ចប់ទៅដោយរលូន ដោយមានយុវជន សិស្ស/និស្សិត និង អ្នកស្វែងរកការងារធ្វើចំនួនជាង ២០០ នាក់ បានចូលរួមដាក់ពាក្យ និងសម្ភាសការងារភ្លាមៗ។ ជាលទ្ធផល អ្នកស្វែងរកការងារចំនួន ១៣១ នាក់បានសម្ភាសជាប់ ដោយក្នុងនោះអ្នកសម្ភាសជាប់ជា ស្ថាពរ មានចំនួន ១២ នាក់ និងអ្នកសម្ភាស ជាប់បឋមមានចំនួន ១១៩ នាក់ ហើយនឹងត្រូវសម្ភាសបន្តនៅតាមក្រុមហ៊ុននីមួយៗ នាពេល ឆាប់ៗខាងមុខ។ យុវជន គិត គឹមហេង មកពីសាកលវិទ្យាល័យគ្រប់គ្រង និងសេដ្ឋកិច្ច ដែលបានសម្ភាសការងារជាប់បឋម នៅក្រុមហ៊ុន SUMI (Cambodia ) Wiring System Co., Ltd ផ្នែកគ្រប់គ្រងធនធានមនុស្ស បាន…

(បាភ្នំ-ព្រៃវែង)៖ ឯកឧត្តមទេសរដ្ឋមន្រ្តី ព្រុំ សុខា ប្រធានក្រុមការងារស្រុកបាភ្នំ និងសហការី កាលពីពេលថ្មីៗនេះ បានចុះជួបដោយផ្ទាល់តាមខ្នងផ្ទះប្រជាជនដើម្បីចូលរួមរំលែកទុក្ខគ្រួសារសពកម្មការិនី ៤នាក់ នៅឃុំរោងដំរី ស្រុកបាភ្នំ ខេត្តព្រៃវែង ដែលបានបាត់បង់ជីវិតក្នុងឧបទ្ទវហេតុ នៃគ្រោះថ្នាក់ចរាចរណ៍ក្រឡាប់ឡានដឹកកម្មករ នៅក្នុងភូមិសាស្រ្តឃុំធាយ កាលពីយប់ថ្ងៃអាទិត្យទី២៤ ខែកញ្ញា ឆ្នាំ២០២៣។ ក្នុងឱកាសនោះ ឯកឧត្តមទេសរដ្ឋមន្រ្តី និងក្រុមការងារបានសម្តែងនូវទឹកចិត្តក្តុកក្តួល សោកស្តាយចូលរួមរំលែកមរណទុក្ខយ៉ាងក្រៀមក្រំ ជាមួយក្រុមគ្រួសារនៃសពកម្មការិនីទាំង៤នាក់ចំពោះការបាត់បង់សមាជិក គ្រួសារជាទីស្រឡាញ់ ក្នុងគ្រោះថ្នាក់ចរាចរណ៍ ដែលនឹកស្មានមិនដល់នេះ។ ឯកឧត្តមទេសរដ្ឋមន្រ្តីប្រធានក្រុមការងារស្រុកបាភ្នំ បាននាំយកអំណោយជាទ័យវត្ថុ សម្ភារៈប្រើប្រាស់ ស្បៀង និងថវិកាចំនួន១លាន៦សែនរៀលផ្តល់ជូនគ្រួសារសពនិមួយៗដែលជួបការលំបាកក្នុងជីវភាពស្រាប់។ ចំពោះបងប្អូនកម្មការិនីរងរបួសស្រាល៥នាក់ផ្សេងទៀតបានទទួលការឧបត្ថម្ភប្រាក់៣០ម៉ឺនរៀលក្នុងម្នាក់ៗពីក្រុមការងារថ្នាក់ស្រុកផងដែរ ។បន្ទាប់មកឯកឧត្តមទេសរដ្ឋមន្រ្តី និងក្រុមការងារក៏បានចុះទៅពិនិត្យទីតាំងកើតហេតុផ្ទាល់ដោយបានសំណូមពរដល់អាជ្ញាធរមូលដ្ឋាន និងមន្ទីរសមត្ថកិច្ចជំនាញខាងលើត្រូវពិនិត្យស្រាវជ្រាវចាត់វិធានការជាក់ស្តែងដាក់ផ្លាក សញ្ញា ដើម្បីបង្ការទប់ស្កាត់គ្រោះថ្នាក់ចរាចរបែបនេះបន្តទៀត។កម្មការិនីទាំង៤នាក់ដែលបានបាត់បង់ជីវិតក្នុងគ្រោះថ្នាក់មានឈ្មោះ ហាយ រតនា អាយុ៣៥ឆ្នាំ ឈ្មោះសៀត សាម៉ៃ អាយុ៣២ឆ្នាំ ឈ្មោះ ហ៊ុន ស្រីណាត់ អាយុ២២ឆ្នាំ និងឈ្មោះម៉ើ អី អាយុ ២៦ឆ្នាំ។ អ្នកទាំង៤នាក់ជាកម្មការិនីធ្វើការនៅរោងចក្រជីផ្កាយ៥ស្ថិតនៅឃុំសំរោងធំ ស្រុកកៀនស្វាយ ខេត្តកណ្តាល។ នៅមុនថ្ងៃដែលកើតហេតុក្រុមកម្មការិនី៩នាក់បានស្រាក់គ្នាជួលរថយន្តមួយគ្រឿង…

ភ្នំពេញ៖គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ(គ.ជ.អ.ប) បានរៀបចំកិច្ចប្រជុំនិងពិភាក្សាលើសេចក្តីព្រាងផែនការសកម្មភាព និងថវិកាឆ្នាំ២០២៤ ដើម្បីសម្របសម្រួលការងារកែទម្រង់រដ្ឋាភិបាល សំដៅលើកកម្ពស់អភិបាលកិច្ច ពង្រឹងការផ្តល់សេវាសាធារណៈ និងការអភិវឌ្ឍតាមមូលដ្ឋានសម្រាប់រដ្ឋបាលថ្នាក់ក្រោមជាតិ ក្នុងគោលដៅប្រែក្លាយកម្ពុជាជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០។ កិច្ចប្រជុំនិងពិភាក្សានេះរបស់គ.ជ.អ.ប នេះ ធ្វើឡើងកាលពីថ្ងៃទី៥ ខែតុលា ឆ្នាំ២០២៣ ក្រោមអធិបតិភាពឯកឧត្តម ចាន់ សុធា អនុរដ្ឋលេខាធិការ ក្រសួងមហាផ្ទៃ និងជាអនុប្រធានលេខាធិការដ្ឋាន គ.ជ.អ.ប ព្រមទាំងមានការចូលរួមពីមន្ត្រីពាក់ពព័ន្ធអភិបាលរងរាជធានី-ខេត្ត ព្រមទាំងមន្ត្រីបច្ចេកទេសរបស់រដ្ឋបាលរាជធានី-ខេត្ត។ នេះបើយោងតាមសេចក្តីប្រកាសរបស់ក្រសួងមហាផ្ទៃ។ នៅក្នុងកិច្ចប្រជុំនេះឯកឧត្តម ចាន់ សុធា លើកឡើងថា សេចក្តីព្រាងផែនការសកម្មភាព និងថវិកា សម្រាប់ឆ្នាំក្រោយមានសារៈសំខាន់ណាស់ ជាចក្ខុវិស័យសម្រាប់ដឹកនាំកំណែទម្រង់ និងគាំទ្រសកម្មភាពនៅថ្នាក់ជាតិ និងថ្នាក់ក្រោមជាតិ ក្នុងន័យលើកកម្ពស់ការទទួលខុសត្រូវរបស់ក្រសួង ស្ថាប័ន ហើយផ្នែកពាក់ព័ន្ធត្រូវចូលរួមផ្តល់យោបល់ជាធាតុចូលសំខាន់ឱ្យផែនការនេះកាន់តែល្អប្រសើរ។ ជាមួយគ្នានេះ លោក ឈុន ប៊ុនណារ៉ា អគ្គនាយករង នៃអគ្គនាយកដ្ឋានរដ្ឋបាល ក្រសួងមហាផ្ទៃ និងជាប្រធានអង្គភាពគ្រប់គ្រង និងគាំទ្រកម្មវិធី នៃលេខាធិការដ្ឋាន គ.ជ.អ.ប លើកឡើងថា ផែនការនេះ មានចក្ខុវិស័យបម្រើពលរដ្ឋផ្នែកសេវាសាធារណៈ និងផលប្រយោជន៍អភិវឌ្ឍមូលដ្ឋាន នៅរដ្ឋបាលថ្នាក់ក្រោមជាតិ ដើម្បីចូលរួមចំណែកអភិវឌ្ឍន៍សង្គម-សេដ្ឋកិច្ច ក្នុងគោលដៅប្រែក្លាយកម្ពុជាជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ ខាងមុខ។…

(ភ្នំពេញ)៖ ឯកឧត្ដម ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម កាលពីរសៀលថ្ងៃព្រហស្បតិ៍ ៦រោច ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៥ ខែតុលា ឆ្នាំ២០២៣ បានដឹកនាំកិច្ចប្រជុំពិនិត្យការងារវិភាគមុខងារ និងកំណត់ចំនួនក្របខ័ណ្ឌមន្រ្តីនគរបាលជាតិ និងមន្រ្តីរាជការស៊ីវិល របស់ការិយាល័យនីមួយៗ នៃនាយកដ្ឋានអត្រានុកូលដ្ឋាន។ ក្នុងកិច្ចប្រជុំនេះក៏មានការអញ្ជើញចូលរួមពី លោកស្រីអនុប្រធាននាយកដ្ឋាន និងលោកប្រធានការិយាល័យ ចំណុះនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្មផងដែរ៕ ដោយ ៖ ជីម ភារ៉ា

(ខេត្តបាត់ដំបង)៖ នៅក្នុងឱកាសបុណ្យភ្ជុំបិណ្ឌនេះ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ កាលពីថ្ងៃទី៥ ខែតុលា ឆ្នាំ២០២៣ អញ្ជើញសាកសួរសុខទុក្ខសំណេះសំណាលជាមួយ នាយទាហាន នាយទាហានរង និងពលទាហាន ចំណុះទីបញ្ជាការកងពលតូចថ្មើជើងលេខ៥២ ស្ថិតនៅក្នុងស្រុករតនមណ្ឌល ខេត្តបាត់ដំបង ដើម្បីផ្សារភ្ជាប់រវាងសមរភូមិមុខ និងសមរភូមិជួរក្រោយ ។ ឯកឧត្ដម ឆាយ ប្ញទ្ធិសែន បានលើកឡើងថា ៖ កងយោធពលខេមរភូមិន្ទគឺជាគ្រឹះយ៉ាងរឹងមាំក្នុងការការពារ និងថែរក្សានូវបូរណភាពទឹកដី អធិបតេយ្យភាពជាតិ ការពាររដ្ឋធម្មនុញ្ញ និងការពាររាជរដ្ឋាភិបាលស្របច្បាប់ដែលកើតឡើងពីការបោះឆ្នោត ការពារនូវរាល់សមិទ្ធផលរបស់រាជរដ្ឋាភិបាល និងថែរក្សាសុខសន្តិភាព ឲ្យគង់វង្ស ។ ឯកឧត្ដមរដ្ឋមន្រ្ដី និងប្រតិភូរួមដំណើ ទទួលយកការជួយសាងសង់អគារស្នាក់នៅ បង្គន់អនាម័យ និងអាងស្តុកទឹក ជូនដល់កងពលតូចថ្មើរជើងលេខ៥២ ព្រមទាំបាននាំយកអំណោយផ្តល់ជូន នាយទាហាន នាយទាហានរង ពលទាហាន និង អង្គភាពកងពលតូចថ្មើរជើងលេខ៥២ រួមមាន ៖ ថវិកា ចំនួន ២៣ ៧០០ដុល្លារអាមេរិក, អង្ករ ចំនួន ៣តោននិងគ្រឿងឧបភោគ-បរិភោគ ជាច្រើនទៀត…