(សៀមរាប)៖ នៅព្រឹកថ្ងៃទី៤ ខែតុលា ឆ្នាំ២០២៣នេះ ក្រុមការងារ នៃនាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា កំពុងមមាញឹកខ្លាំងដើម្បីគ្រប់គ្រង និងបញ្ជៀសទឹកដែលកំពុងហូរពីផ្នែកខាងលើ មកដល់តំបន់រមណីយដ្ឋានអង្គរ ។ លោក ភឿន សុឃីម ប្រធាននាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ បានឱ្យដឹងថា គិតត្រឹមថ្ងៃទី៤ ខែតុលានេះ ស្ថានភាពទឹកនៅតំបន់រមណីយដ្ឋានអង្គរកំពុងហក់ឡើងខ្លាំង។ ដើម្បីបង្ការបញ្ហាជន់លិចតំបន់ប្រាសាទ តាមការណែនាំរបស់អគ្គនាយកអាជ្ញាធរជាតិអប្សរា បានឱ្យមន្រ្តីបើកទ្វារទឹក និងត្រៀមបញ្ជៀសឱ្យបានទាន់ពេលវេលា។ ជាក់ស្ដែងអាជ្ញាធរជាតិអប្សរាគ្រប់គ្រងទឹកបានទាំងស្រុង និងមិនមានហានិភ័យឡើយ។ លោក ភឿន សុឃីម បន្ថែមថា ទឹកទាំងនោះបានបញ្ជៀសទៅតាមទ្វារទឹកសំខាន់ៗដូចជា អូរខ្លូត អូររកាជាដើម ទម្លាក់ទៅស្ទឹងពួក ស្ទឹងព្រះស្រុក និងមួយចំនួនទៀតបញ្ចូលទៅតាមកសិន្ធុ និងបារាយណ៍ក្នុងតំបន់រមណីយដ្ឋានអង្គរ។ ស្ថានភាពទឹកនៅពេលនេះ លោក ភឿន សុឃីម បញ្ជាក់ថា មានស្ថានភាពខ្លាំងបើធៀបនឹងឆ្នាំ២០១៤ ។ យ៉ាងណាមិញលោកបញ្ជាក់ថា អាជ្ញាធរជាតិអប្សរាអាចគ្រប់គ្រងស្ថានការណ៍នេះបាន ដោយមិនបារម្ភពីការជន់លិចតំបន់ប្រាសាទ និងក្រុងសៀមរាបឡើយ ដ្បិតសមត្ថភាពទ្វារទឹកដែលបានសាងសង់ថ្មី និងស្ដារប្រព័ន្ធទឹកបុរាណមួយចំនួនធំឡើងវិញ បម្រើដល់ការងារគ្រប់គ្រងទឹកនេះ។ ប្រសិនគ្មានភ្លៀងធ្លាក់២ទៅ៣ថ្ងៃខាងមុខ…

(ភ្នំពេញ)៖ ក្រសួងអប់រំ យុវជន និងកីឡានៅថ្ងៃទី ០៤ ខែ តុលា ឆ្នាំ ២០២៣នេះបានចេញសេចក្តីបំភ្លឺ បន្ទាប់ពីរូបភាពមួយត្រូវបាន គេចែករំលែក តាមរយៈបណ្តាញសង្គមយ៉ាងព្រោងព្រាតពីករណី សិស្សកំពុងរៀនក្នុងរោងដោលនិងមានទឹកលិចត្រឹមជង្គង់រួចមក។ ក្រសួងអប់រំបានបញ្ជាក់ក្នុងសេចក្តីបំភ្លឺរបស់ខ្លួនថា៖ នាព្រឹកថ្ងៃទី០៣ ខែតុលា ឆ្នាំ២០២៣ នៅក្នុងបណ្ដាញសង្គមមានការចែករំលែករូបភាពគ្រូបង្រៀន និងសិស្សកំពុងបង្រៀននិងរៀនក្នុងរោងដោល និងមានទឹកលិចត្រឹមជង្គង់ ដែលករណីនេះបានកើតឡើងនៅសាលាបឋមសិក្សាដំណាក់ក្សាន្ត ស្ថិតក្នុងឃុំចក្រី ស្រុកភ្នំព្រឹក ខេត្តបាត់ដំបង។ ក្រសួងបានបន្តថានៅថ្ងៃនោះ មានធ្លាក់ភ្លៀងយ៉ាងគំហុក ដែលធ្វើឱ្យទឹកហូរចេញពីសាលាមិនទាន់ និងលិចរោងដោលស្របពេលដែលគ្រូ និងសិស្សកំពុងបង្រៀននិងរៀន។ ក្រោយពេលរាំងភ្លៀង សាលារៀនបានផ្អាកដំណើរការ និងអនុញ្ញាតឱ្យគ្រូនិងសិស្សត្រឡប់ទៅផ្ទះវិញ។ នៅព្រឹកថ្ងៃទី០៤ ខែតុលា ឆ្នាំ ២០២៣ ជំនន់ទឹកភ្លៀងបានស្រកអស់ និងសាលារៀនអាចដំណើរការបង្រៀន និងរៀនជាធម្មតា។ ក្រសួងបានបន្តឱ្យដឹងថាក្នុងឆ្នាំសិក្សា២០២២-២០២៣ សាលាបឋមសិក្សាដំណាក់ក្សាន្ត មានអគារសិក្សា ១ខ្នង ៥បន្ទប់ និង មានរោងដោល ១ខ្នង ១០បន្ទប់, គ្រូបង្រៀនសរុប ៧នាក់ ស្រី ២នាក់ និងមានសិស្សសរុប ៣៦៦នាក់ ស្រី…

(ភ្នំពេញ)៖ រដ្ឋបាលរាជធានីភ្នំពេញនឹងពង្រីកលូប្រឡាយបង្ហូរទឹកពីតូចទៅធំ តំឡើងស្ថានីយបូមទឹកឱ្យកាន់តែធំជាងមុននិងការតំឡើងស្ថានីយបូមទឹកថ្មីថែមទៀត ដើម្បីបញ្ចៀសការជន់លិច ដោយជំនន់ទឹកភ្លៀងនៅក្នុងភូមិសាស្រ្តរាជធានីភ្នំពេញ ស្របពេលដែលប្រជាពលរដ្ឋរស់នៅភ្នំពេញមានភាពស៊ីវីល័យ ។ នេះជាការលើកឡើងរបស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុងកិច្ចប្រជុំរៀបចំផែនការវិនិយោគហេដ្ឋារចនាសម័្ពន្ធប្រព័ន្ធលូ និងប្រព័ន្ធរំដោះទឹកសម្រាប់បញ្ចៀសការជន់លិចនៅភូមិសាស្រ្តរាជធានីភ្នំពេញ ជាមួយអភិបាលខណ្ឌទាំង ១៤និងមន្ទីរពាក់ព័ន្ធ នាព្រឹកថ្ងៃទី០៤ ខែតុលា ឆ្នាំ២០២៣នេះ នៅសាលារាជធានីភ្នំពេញ។ ឯកឧត្តម ឃួង ស្រេង បន្តថា៖ ការប្រជុំនេះ មានគោលបំណង ប្រមូលព័ត៌មាន ជុំវិញប្រព័ន្ធលូ ប្រឡាយ ឱ្យបានគ្រប់ជ្រុងជ្រោយ ដើម្បីរិះរកវិធានការថ្មីៗបន្ថែមទៀត ឈានទៅរកការរំដោះទឹកក្នុងរាជធានីភ្នំពេញឱ្យបានកាន់តែល្អប្រសើរ និងប្រើប្រាស់បាន យូរអង្វែង ពិសេសការបង្វែរផ្លូវទឹកពីខេត្តកំពង់ស្ពឺ កុំឱ្យចូលមករាជធានីភ្នំពេញ ។ ឯកឧត្តម ឃួង ស្រេង បានបន្ថែមទៀតថា តាមគោល ការណែនាំ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី រាជធានីភ្នំពេញ ក្នុងរយៈពេល៤ឆ្នាំ ត្រូវអភិវឌ្ឍន៍ហេដ្ឋារចនាសម្ព័ន្ធក្រោមដី អោយបានល្អ ដោយធ្វើយ៉ាងណា កុំអោយមានការគំរាមកំហែងពីជំនន់ទឹកភ្លៀង ។ ការងារនេះរដ្ឋបាលរាជធានីភ្នំពេញនឹងប្រជុំជាមួយក្រសួងសេដ្ឋកិច្ចនិងហិរញ្ញវត្ថុ…

(កំពង់ឆ្នាំង)៖ គម្រោងធ្វើឲ្យប្រសើរឡើង កំណាត់ផ្លូវជាតិលេខ៥ ពីព្រែកក្តាមរហូត ដល់សិរីសោភ័ណ បានរួមចំណែកកាត់បន្ថយបញ្ហាគ្រោះថ្នាក់ចរាចរណ៍បានប្រមាណ ៣០ភាគរយ ដោយសារស្ថានភាពផ្លូវធំទូលាយ សញ្ញាចរាចរណ៍គ្រប់កន្លែង និងរនាំងបែកចែកទ្រូងផ្លូវ។ នេះជាការបញ្ជាក់របស់លោកជំទាវ មឹន មាណវី រដ្ឋលេខាធិការក្រសួងសាធារណៈការ និងដឹកជញ្ជូន និងជាអគ្គលេខា ធិការគណៈកម្មាធិការជាតិសុវត្ថិភាពចរាចរណ៍ផ្លូវគោក ថ្លែងប្រាប់អ្នកសារព័ត៌មានចម្រុះស្ថាប័ន ក្នុងឱកាសទស្សនៈកិច្ចអ្នកសារពត៌មានស្តីពីហិរញ្ញប្បទានអភិវឌ្ឍផ្លូវការ (ODA Press Tour) នៅមន្ទីរសាធារណៈ ការ និងដឹកជញ្ជូនខេត្តកំពង់ឆ្នាំង កាលពីថ្ងៃទី៣ ខែតុលា ឆ្នាំ២០២៣ ។ លោកជំទាវ មឹន មាណវី បានបញ្ជាក់ថា គ្រោះថ្នាក់ ចរាចរណ៍នៅកម្ពុជា នៅតែជាក្តីបារម្ភសម្រាប់រាជរដ្ឋាភិបាលកម្ពុជា ដ្បិតតែអត្រាស្លាប់ និងរបួស នៅតែមានចំនួនច្រើនគួរព្រួយបារម្ភ។ តាមរយៈការសិក្សាពីមូលហេតុបណ្តាលមកពីគ្រោះថ្នាក់ចរាចរនាពេលបច្ចុប្បន្ន បណ្តាលមកពីកត្តាជាច្រើន ក្នុងនោះ ដោយសារល្បឿននៃការបើកបរ មានប្រមានជា ៣៨-៣៩ ភាគរយ , ការមិនគោរពសិទ្ធអាទិភាព ២៥ទៅ២៦ភាគរយ , ការវ៉ាជែង មានជាង ១០ភាគរយ និងការបើកបរស្ថិតនៅក្រោមឥទ្ធិពលនៃការប្រើប្រាស់គ្រឿងស្រវឹងក្រោម១០ភាគរយ ហើយអត្រាគ្រោះថ្នាក់ចរាចរ៨០ភាគជាអ្នកបើកបរម៉ូតូ។លោកជំទាវក៏បានអំពាវដល់ប្រជាពលរដ្ឋ…

ភ្នំពេញ: ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានឱ្យដឹងនៅថ្ងៃទី៣ ខែតុលា ថា ក្រសួង នឹងប្រគល់ម៉ាស៊ីនដាំគ្រាប់ស្រូវ ដល់សហគមន៍កសិកម្មដែលផលិតស្រូវនៅស្រុកជើងព្រៃ ខេត្តកំពង់ចាម នៅសប្តាហ៍ក្រោ យ ដើម្បីសាកល្បងពីប្រសិទ្ធភាព មុននឹងផ្សព្វផ្សាយឱ្យកសិករប្រើប្រាស់។ឯកឧត្តម យ៉ង សាំងកុមារ បញ្ជាក់ថា ការប្រគល់ជូនសហគមន៍កសិកម្មដែលផលិតស្រូវនៅស្រុកជើងព្រៃ ដើម្បីសាកល្បងនេះ ដោយ សា រតែកន្លងទៅសហគមន៍នេះ ត្រូវបានក្រសួងយកធ្វើជាគំរូក្នុងការអនុវត្តគោលនយោបាយកសិកម្មនានា ដូចជាការគោលន យោបាយដាក់ពង្រាយមន្រ្តីកសិកម្មតាមឃុំជាដើម ដែលទទួលបានជោគជ័យនាពេលកន្លងមក។លោកបញ្ជាក់ថា ៖ «ការគាំទ្ររបស់ក្រសួងនេះ គឺយើងយកម៉ាស៊ីននេះឱ្យសហគមន៍នៅស្រុកជើងព្រៃសាកល្បងប្រើប្រាស់សិ ន ដោយសារយើងពិនិត្យឃើញថា ម៉ាស៊ីននេះអាចដាំគ្រាប់ស្រូវបានជាគុម្ព និងអាចសម្រួលចន្លោះគុម្ពនិងចំនួនគ្រាប់ក្នុ ង មួយគុម្ពបានដូចជា ១ ឬ២ ឬ៣ ឬច្រើនគ្រាប់ក្នុង១ គុម្ព។ យើងកំពុងផ្តល់គាំទ្រដល់កសិករក្នុងការបង្កើនប្រសិទ្ធភាពផ លិតកម្មស្រូវ ហើយម៉ាស៊ីនដាំគ្រាប់ស្រូវជាការចូលរួមចំណែកសំខាន់មួយ»។«ការគាំទ្ររបស់ក្រសួង មិនមែនមានន័យថា ក្រសួងនឹងចែកម៉ាស៊ីនដល់សហគមន៍នោះទេ ប៉ុន្តែនៅពេលដែលយើងសាកល្ប ងទៅឃើញថា វាមានគុណភាពល្អក្នុងការប្រើប្រាស់ហើយ យើងលើកទឹកចិត្តឱ្យសហគមន៍កសិកម្មទិញប្រើ ឬក៏ព លរ…

(ខេត្តកណ្តាល)៖ នៅព្រឹកថ្ងៃទី៤ ខែតុលា ឆ្នាំ២០២៣ មន្ទីររៀបចំដែនដី នគររូបនីយកម្ម សំណង់ និងសុរិយោដី ខេត្តកណ្តាល បានរៀបចំពិធីបើកវគ្គបំពាក់បំប៉ន ស្តីពីការងារចុះបញ្ជីដីធ្លី ជូនដល់ក្រុមចុះបញ្ជីដីធ្លីមានលក្ខណះជាប្រព័ន្ធ ក្រុងអរិយក្សត្រ និងស្រុកពញាឮ ក្នុងភូមិសាស្ដ្រខេត្តកណ្ដាល ក្រោមអធិបតីភាព ឯកឧត្តម ឡោ ដាវុធ រដ្ឋលេខាធិការ ក្រសួងរៀបចំដែនដីនគររូបនីយកម្មសំណង់ និងសុរិយោដី និង លោក គ្រុយ ម៉ាឡែន អភិបាលរងខេត្តកណ្ដាល ។ លោក គ្រុយ ម៉ាឡែន អភិបាលរងខេត្ត បានបញ្ជាក់ថា៖ ពិធីបើកវគ្គបំពាក់បំប៉ន ស្តីពីការងារចុះបញ្ជីដីធ្លី ជូនដល់ក្រុមចុះបញ្ជីដីធ្លី មានលក្ខណៈជាប្រព័ន្ធ ក្រុងអរិយក្សត្រ និងស្រុកពញាឮ នាពេលនេះ ពិតជាមានសារៈសំខាន់ណាស់ សម្រាប់ពន្លឿនដល់ការចុះបញ្ជីដីធ្លីជាលក្ខណះប្រព័ន្ធ និងចេញប័ណ្ណកម្មសិទ្ធិជូនប្រជាពលរដ្ឋ ។ ទន្ទឹមនឹងនេះ ក្នុងនាមរដ្ឋបាលខេត្តកណ្តាល លោកសូមសំដែងនូវការអបអរសាទរ ចំពោះការរៀបចំឱ្យមានការបើកវគ្គបំប៉នបន្ថែមពីការងារបច្ចេកទេស និងច្បាប់ពាក់ព័ន្ធនានា ជូនដល់មន្ត្រីចុះបញ្ជីដីធ្លីមានលក្ខណៈជាប្រព័ន្ធ នៅក្រុងអរិយក្សត្រ និងស្រុកពញាឮ ដើម្បីអនុវត្តលើការងារចុះបញ្ជីដីធ្លីមានលក្ខណៈជាប្រព័ន្ធ ឱ្យមានប្រសិទ្ធភាព និងដើម្បីជំរុញការចុះបញ្ជីឱ្យបានតាមផែនការ…

(ភ្នំពេញ)៖ អនុប្រធានអចិន្ត្រៃយ៍ នៃគណៈកម្មាធិការជាតិរៀបចំបុណ្យជាតិ-អន្តរជាតិ បញ្ជាក់ថា បើគ្មានសន្តិភាព និងការអភិវឌ្ឍន៍ ហើយបើជីវភាពរបស់ប្រជាពលរដ្ឋមិនបានល្អប្រសើរទេនោះ ប្រជាពលរដ្ឋក៏មិនអាចរៀបចំពិធី និងធ្វើបុណ្យទានផ្សេងៗ បានដូចសព្វថ្ងៃនោះឡើយ ។ ឯកឧត្តម ឈិន កេតនា ទីប្រឹក្សារាជរដ្ឋាភិបាល អនុប្រធានអចិន្ត្រៃយ៍ និងជាអគ្គលេខាធិការនៃគណៈកម្មាធិការជាតិរៀបចំបុណ្យជាតិ-អន្តរជាតិ បានលើកឡើងបែបនេះ ខណៈអញ្ជើញជួបសំណេះសំណាលសួរសុខទុក្ខជាមួយអាជ្ញាធរ កងកម្លាំងប្រជាការពារ និវត្តន៍ជន និងប្រជាពលរដ្ឋ ក្នុងមូលដ្ឋានដែលអញ្ជើញមកពីសង្កាត់ចំនួន១១ ក្នុងខណ្ឌដូនពេញ រាជធានីភ្នំពេញជាង ២០០នាក់ នាព្រឹកថ្ងៃ ទី៤ ខែតុលា ។ សូមបញ្ជាក់ជូនថា គណៈកម្មាធិការជាតិរៀបចំបុណ្យជាតិ-អន្តរជាតិ បាននាំមកនូវអំណោយរបស់អន្តរក្រសួងចែកជូន អាជ្ញាធរ កងកម្លាំងប្រជាការពារ និវត្តន៍ជន និងប្រជាពលរដ្ឋក្នុងមូលដ្ឋាន ដែលមកពី ១១សង្កាត់ ក្នុងខណ្ឌដូនពេញ រាជធានីភ្នំពេញ ជាង ២០០នាក់ ក្នុងម្នាក់ទទួលបាន មី ទឹកដោះគោ ស្ករស ត្រីខកំប៉ុង នំក្រៀម សារុង ក្រមា និងថវិកាមួយចំនួនផងដែរ ៕ រូបភាព ងីម…

(ខេត្តព្រះវិហារ)÷ កងកម្លាំងសង្រ្គោះគ្រោះមហន្តរាយកងពលតូចអន្តរាគមន៍៧ បានត្រៀមរួចជាស្រេច ២៤ម៉ោងលើ២៤ម៉ោង ក្នុងការចុះជួយប្រជាពលរដ្ឋដែលរងគ្រោះដោយទឹកជំនន់ និងគ្រោះមហន្តរាយផ្សេងៗដែលកើតមានឡើងជាយ:ថាហេតុ ។ ជាក់ស្តែងនាព្រឹកថ្ងៃទី០៣ ខែតុលា ឆ្នាំ ២០២៣ វេលាម៉ោង៦.៣០.នាទី យោង តាមបទបញ្ជារបស់លោកឧត្តមសេនីយ៍ទោ ដួង សំនៀង មេបញ្ជាការកងពលតូចអន្តរាគមន៍លេខ៧ បានចាត់តាំងលោក វរសេនីយ៍ឯក សែប រ៉ាវី មេបញ្ជាការរងកងពលតូចអន្ត្តរាគមន៍លេខ៧ ទទួលបន្ទុកការរិយាល័យ ហ្វឹកហ្វឺន បានដឹកនាំកងកម្លាំងសង្រ្គោះគ្រោះមហន្តរាយមួយផ្នែកចុះជួយចម្លង និងជម្លៀសប្រជាពលរដ្ឋ គ្រួសារកងទ័ព ទៅកាន់ទីទួលមានសុវត្ថិភាព ដោយសារជំនន់ទឹកភ្លៀងហូរជន់លិចផ្លូវ និងលិចផ្ទះសំបែង  ស្ថិតនៅភូមិសែនជ័យ ឃុំស្រអែម ស្រុកជាំក្សាន្ត ខេត្តព្រះវិហារ ៕ សួន លីណា