ភ្នំពេញ៖ ឆ្លើយតបនឹងគេហទំព័រហ្វេសប៊ុកដើមអម្ពិល (DAP News) ដែលបានលើកឡើងនូវបញ្ហាប្រឈមរបស់ប្រជាពលរដ្ឋរស់នៅតាមបណ្តាខេត្តនានា ពាក់ព័ន្ធនឹងការកែតម្រូវសំបុត្រកំណើត និងអត្តសញ្ញាណប័ណ្ណសញ្ជាតិខ្មែរ ដែលជួបប្រទះការលំបាកក្នុងការមកដាក់ពាក្យស្នើសុំកែតម្រូវនៅអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ អគ្គនាយកដ្ឋានអត្តសញ្ញាណកម្ម បានចេញសេចក្តីបំភ្លឺចំពោះអង្គភាពសារព័ត៌មានដោយមានខ្លឹមសារដូចខាងក្រោម៖ ដោយ ៖ ជីម ភារ៉ា

ភ្នំពេញ: អង្គភាពប្រឆាំងអំពើពុករលួយ (ACU) នឹងរៀបចំក្រុមការងារប្រមាណ ៦០០នាក់ និងអ្នកសង្កេតការណ៍ស្ម័ គ្រចិត្តប្រមាណ ៣ ០០០ នាក់ សម្រាប់ឃ្លាំមើលដំណើរការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ក្នុងឆ្នាំ២០២៣ នេះនៅគ្រប់មណ្ឌលប្រឡងទូទាំងប្រទេសនាពេលខាងមុខ។ACU បានចូលរួម ជាមួយនឹង ក្រសួង អប់រំ យុវជន និងកីឡា អស់រយៈពេល ៩ឆ្នាំប្រកបដោយផ្លែផ្កា ដើម្បីធានា តម្លាភាព និងយុត្តិធម៌ក្នុងដំណើរការប្រឡងសញ្ញាបត្រមធ្យមសិក្សាទុតិយភូមិ នេះ។ នេះបើតាមការប្រាប់ ឱ្យ ដឹងពីលោក សយ ចន្ទវិចិត្ត អ្នកនាំពាក្យអង្គភាពប្រឆាំងអំពើពុករលួយ នៅថ្ងៃទី១ ខែតុលា ឆ្នាំ២ ០២៣។លោកបាន បញ្ជាក់ថា ACU បានចូលរួមសង្កេតការណ៍ប្រឡងសញ្ញាបត្រទុតិយភូមិនេះអស់រយៈពេល៩ ឆ្នាំ មកហើយ ហើយនឹងបន្តធ្វើនៅឆ្នាំ២០២៣ ជាការចូលរួមចំណែកបង្ការទប់ស្កាត់អំពើពុករលួយជារួម និ ងសង្កេតដំណើរប្រឡងនិយាយដោយឡែក។លោក សយ ចន្ទវិចិត្ត ថ្លែងថា ៖ «លទ្ធផលពីការសង្កេតការណ៍ក្នុងបណ្តាឆ្នាំកន្លងមកនេះ ACU ពិនិត្យឃើញថា កិច្ចដំណើរការប្រឡងសញ្ញាបត្រទុតិយភូមិ ឬបាក់ឌុបបានប្រព្រឹត្តិទៅយ៉ាងរលូន យុត្តិធម៌…

ភ្នំពេញ៖ សេចក្តីណែនាំដែលមាន ៩ចំណុច បានជំរុញអោយភាគីពាក់ព័ន្ធ មានការប្រុងប្រយ័ត្ន និងឆ្លើយតបគ្រោះមហន្តរាយដែលកើតឡើងជាយថាហេតុ ពិសេសត្រៀមកំលាំងដើម្បីធានានិរន្តរភាពចរាចរណ៍ ក្នុងករណីត្រូវកាត់ផ្តាច់ផ្លូវភ្លាមៗដោយសារជំនន់ទឹកភ្លៀង។ក្នុងរដូវវស្សាឆ្នាំ២០២៣នេះ ស្ថានភាពទឹកភ្លៀងបានចាប់ផ្តើមធ្លាក់ក្នុងកម្រិតពីមធ្យមទៅច្រើន ដែលតម្រូវឱ្យមានការប្រុងប្រយ័ត្នខ្ពស់ អំពីបរិមាណជំនន់ទឹកភ្លៀង និងជំនន់ទឹកទន្លេមេគង្គ ដែលកម្ពស់ទឹក អាចនឹងហក់ឡើងខ្ពស់ និងអាចបង្កឱ្យមានផលប៉ះពាល់ដល់អាយុជីវិតប្រជាពលរដ្ឋ ផលដំណាំផ្សេងៗ និង ហេដ្ឋារចនាសម្ព័ន្ធផ្លូវថ្នល់-ស្ពាន ដែលតម្រូវឱ្យមានវិធានការឆ្លើយតបឱ្យបានហ្មត់ចត់ និងទាន់ពេលវេលា ដើម្បីទប់ទល់ និងគ្រប់គ្រងហានិភ័យផ្សេងៗ ដែលអាចនឹងកើតមានឡើងជាយថាហេតុ។ដើម្បីឆ្លើយតបនឹងបញ្ហាខាងលើនេះ ក្រសួងសាធារណការ និងដឹកជញ្ជូន សូមធ្វើការណែនាំ ដល់ក្រុមការងារលេខាធិការដ្ឋានគ្រប់គ្រងគ្រោះមហន្តរាយរបស់ក្រសួង អគ្គនាយកដ្ឋានសាធារណការ អគ្គនាយកដ្ឋានបច្ចេកទេស អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ កំពង់ផែស្វយ័ត ក្រុងព្រះសីហនុ កំពង់ផែស្វយ័តភ្នំពេញ មន្ទីរសាធារណការនិងដឹកជញ្ជូនរាជធានី-ខេត្ត ព្រមទាំងអង្គភាព ពាក់ព័ន្ធ ត្រូវរៀបចំមធ្យោបាយ សម្ភារ និងធនធានមនុស្សឱ្យបានសមស្រប ដើម្បីត្រៀមបង្ការឆ្លើយតបទៅនឹង គ្រោះមហន្តរាយឱ្យបានទាន់ពេលវេលា និងមានប្រសិទ្ធភាព៕ ដោយ ថេត វិចិត្រ+ ហេង សម្បត្តិ

កំពត៖ គម្រោងទាំងមូលនឹងប្រើពេលសាងសង់ពី៣ទៅ៤ឆ្នាំ ទើបរួចរាល់ ប្រជាពលរដ្ឋនឹងទទួលបានសមិទ្ធផលនៃវិស័យព្រះពុទ្ធសាសនា ចំណែកភ្ញៀវទេសចរណ៍ក៏រំពឹងថានឹងមកលេងច្រើនផងដែរ។ស្ថាបត្យករក្រុមហ៊ុនសុខាគ្រុបបានបញ្ជាក់ថា គម្រោងកសាងព្រះពុទ្ធប្បដិមាកម្ពស់១០៨ម៉ែត្រនៅលើខ្នងភ្នំបូកគោត្រង់ចំណុចវាលស្រែ៥០០ត្រូវបានពង្រីកដោយគ្រោងកសាងព្រះពុទ្ធប្បដិមាអង្គតូៗចំនួន៨ម៉ឺន៤ពាន់អង្គបន្ថែមទៀត សម្រាប់តម្កល់នៅលើជញ្ជាំងផ្នែកខាងក្នុងនៃខឿនក្រោមបល្ល័ង្កព្រះពុទ្ធប្បដិមាអង្គធំកម្ពស់១០៨ម៉ែត្រ។នៅដើមខែតុលា ឆ្នាំ២០២៣ ព្រះសង្ឃ ពុទ្ធបរិស័ទ និងភ្ញៀវទេសចរ ជាច្រើន អង្គ/នាក់ បាននិមន្តនិងអញ្ជើញមកពី ២៥ រាជធានី-ខេត្ត ជាហូរហែរ ដើម្បីប្រារព្ធពិធីបុណ្យផ្សេងៗតាមប្រពៃណី ទៅលើកំពូលភ្នំបូកគោ នាចំណុចវាលស្រែ៥០០ ដើម្បីប្រមូលបច្ច័យចូលរួមកសាងព្រះពុទ្ធប្បដិមាករ ម្ពស់១០៨ម៉ែត្រដែលកំពុងបន្តសាងសង់នៅលើខ្នងភ្នំបូកគោ។បើតាម លោក អ៊ុន ចាន់ណារើន ស្ថានបត្យករ បញ្ជាក់ថា បច្ចុប្បន្នក្រុមហ៊ុនសុខាគ្រុប បានយកចិត្តទុកដាក់ និង ពង្រីកគម្រោងកសាងព្រះពុទ្ធបដិមារនេះ ឲ្យកាន់តែទាក់ទាញ និងមានអត្ថន័យគ្រប់ជ្រុងជ្រោយតាមប្រវត្តិ និងខ្លឹមសាររបស់សាសនាព្រះពុទ្ធ។ បច្ចុប្បន្ន ក្រុមហ៊ុនផ្ដួចផ្ដើមកសាងព្រះពុទ្ធបដិមាអង្គតូចៗចំនួន ៨៤០០០អង្គ ដោយយោងទៅតាមព្រះធម៌របស់ព្រះសម្មាសម្ពុទ្ធ ទាំង៨៤០០០ព្រះធម្មក្ខន្ធ សម្រាប់តម្កល់នៅលើជញ្ជាំងផ្នែកខាងក្នុងនៃខឿនក្រោមបល្ល័ង្កព្រះពុទ្ធប្បដិមាអង្គធំកម្ពស់១០៨ម៉ែត្រ។គម្រោងនេះ មានចក្ខុវិស័យ ធ្វើអោយព្រះពុទ្ធប្បដិមាដ៏ធំនេះ ខ្ពស់ជាងគេនៅក្នុងព្រះរាជាណាចក្រកម្ពុជា និងស្ថិតក្នុងចំណោមព្រះពុទ្ធប្បដិមាខ្ពស់ៗនៅលើពិភពលោក និង រក្សានូវអត្តសញ្ញាណ និងសាសនាជាតិ ព្រោះព្រះពុទ្ធប្បដិមាទាំងនោះនឹងគង់នៅជាសម្បត្តិវប្បធម៌ជាតិ ជាទីសក្ការ:ដ៏ឧត្តុងឧត្តមរបស់ពុទ្ធសាសនិកជនទាំងអស់គ្នា និងទុកជាស្នាដៃនៃកេរ្តិ៍មរកត ដល់កូនចៅជំនាន់ក្រោយ។ព្រះពុទ្ធបដិមាកម្ពស់១០៨ម៉ែត្រមានទម្រង់ជាព្រះពុទ្ធមារវិជ័យ ឬផ្ចាញ់មារ ទៅតាមរចនាប័ទ្មបាយ័នជា រចនាប័ទ្មកំពូល នៃព្រះពុទ្ធសាសនាក្នុងរជ្ជកាលព្រះបាទជ័យវ័រ្មនទី៧…