(ភ្នំពេញ)៖ ជនសង្ស័យម្នាក់បានក្លែងបន្លំជាអាវុធហត្ថ ដើរប្រមូលលុយតាមកន្លែងម៉ាស្សាកោសជប់ ត្រូវបានកម្លាំងអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការចាត់ការតាមនីតិវិធីច្បាប់ នាព្រឹកថ្ងៃទី២៨ ខែកញ្ញា ឆ្នាំ ២០២៣នេះ ។ គួបញ្ចាក់ថា កាលពីថ្ងៃទី០៥ ខែឧសភា ឆ្នាំ២០២៣ មានជនស៊ីវិល០២នាក់ ជិះម៉ូតូ ០១គ្រឿង គ្រឿងម៉ាក ណៃហត ដោយមានម្នាក់ដោះអាវ និងម្នាក់ទៀតស្លៀកខោខ្លី បានធ្វើការចុះឃាត់និងឆែកឆេរពលរដ្ឋ រកគ្រឿងញៀន នៅតាមដងផ្លូវ ដោយតាំងខ្លួនជាសមត្ថកិច្ច ថែមទាំងថ្លើមធំហ៊ានក្លែងរហូតដល់ លើកស្លាកមូលដ្ឋានកងរាជអាវុធហត្ថរាជធានីភ្នំពេញ នៅផ្ទះរបស់ខ្លួនទៀតផង ត្រូវបានកម្លាំងអាវុធហត្ថរាជធានីភ្នំពេញ ស្រាវជ្រាវរហូតឃាត់ខ្លួនបានបក្សពួកម្នាក់ បញ្ជូនទៅតុលាការចាត់ការតាមនីតិវិធីច្បាប់ កាលពីថ្ងៃទី០៦ ខែឧសភា ឆ្នាំ ២០២៣។ ករណីថ្មីទៀត មានជនសង្ស័យម្នាក់ទៀត មិនត្រឹមតែក្លែង បន្លំ ជា សមត្ថកិច្ចអាវុធហត្ថ ប៉ុណ្ណោះទេ ថែមទាំងក្លែងជានគរបាលផង និងមេធាវី ថែមទៀតផង ដើម្បីឆបោកប្រាក់ពីជនរងគ្រោះ ជាអាជីព តាមរយៈបណ្តាញសង្គម តេឡេក្រាម និងហ្វេសបុក ត្រូវបាន កម្លាំង ការិយាល័យ ប្រឆាំងបទល្មើស ព្រហ្ម…

ភ្នំពេញ ៖ យោងតាម របាយការណ៍ ពី នាយកដ្ឋាន នគរបាលចរាចរណ៍ និង សណ្តាប់ធ្នាប់ សាធារណៈ ស្តីពីការរឹតបន្ដឹង ច្បាប់ចរាចរណ៍ ផ្លូវគោក នៅថ្ងៃទី២៧ ខែកញ្ញា ឆ្នាំ២០២៣ ម្សិលមិញឱ្យដឹងថា មាន គោលដៅ ចំនួនសរុប ៨៤គោលដៅ មានយានយន្តចូលគោលដៅ ចំនួន ៨៦៩គ្រឿង រថយន្តធំ ២គ្រឿង រថយន្តតូច៩២គ្រឿង ម៉ូតូ ៧៧៥គ្រឿង ក្នុង នោះ រក ឃើញ យានយន្ត ល្មើស សរុប ចំនួន ៣៦៩គ្រឿង មាន រថយន្តធំ២គ្រឿង រថយន្តតូច២០គ្រឿង និងម៉ូតូចំនួន៣៤៧គ្រឿង ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃថា ការ អនុវត្តតាមអនុក្រឹត្យថ្មី ក្នុងការផាកពិន័យ យានយន្ត ល្មើស បានដំណើរការទៅយ៉ាងល្អ ប្រសើរ ទទួលបានការគាំទ្រ…

ភ្នំពេញ៖​រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម ជា សុមេធី  បានលើកទឹកចិត្តអ្នកដែលកំពុងទទួលសេវាប​ន្សាបគ្រឿងញៀននៅមជ្ឈមណ្ឌលព្យាបាល និងស្ដារនីតិសម្បទា អ្នកញៀនគ្រឿងញៀនដោយស្ម័គ្រចិត្ត និងផ្អែកលើសហ​គមន៍នៅកែវផុស ខេត្តព្រះសីហនុ ឱ្យបំភ្លេចរឿងចាស់ខិតខំកសាងអនាគតឡើងវិញ។ ឯកឧត្តម ជា សុមេធី បានណែនាំ និង​លើកទឹកចិត្តដូចនេះ ក្នុង​ពេលលោក​​ចុះទស្សនកិច្ច និងពិនិត្យវឌ្ឍនភាពរបស់មជ្ឈ​ម​ណ្ឌលជាតិព្យាបាល និងស្ដារនីតិសម្បទា អ្នកញៀនគ្រឿងញៀនដោយស្ម័គ្រចិត្ត និងផ្អែកលើសហគមន៍នៅកែវផុស និងបាន​ជួប​សំណេះ​សំណាលជាមួយជនរងគ្រោះដែលទទួលសេវាបន្សាបគ្រឿងញៀននៅមជ្ឈមណ្ឌលផងដែរ កាលពីថ្ងៃទី២៥ ខែកញ្ញា ឆ្នាំ២០២៣។ ​ យោងតាមរយៈសេចក្តីប្រកាសព័ត៌មាន​របស់​ក្រសួង​​សង្គមកិច្ច ឯកឧត្តម ជា សុមេធី ​មានប្រសាសន៍លើកទឹកចិត្តដល់អ្នកដែលកំពុងទទួលសេវាបន្សាបគ្រឿងញៀននៅកែវផុសថា ៖ «ត្រូវ​​ប្រឹងប្រែងហាត់កីឡា ហាត់ពត់ លត់ដំខ្លួនឱ្យមានភាពអ​ត់ធ្មត់ និងត្រូវ​ជឿជាក់ថាសង្គមមិនមានការរើសអើងដល់​ទាំងអស់គ្នា​ដែលរងគ្រោះ ឬធ្លាប់ប្រើប្រាស់គ្រឿងញៀននោះទេ​»។ ឯកឧត្តមរដ្ឋមន្រ្តី​ ក៏​បានបង្ហាញក្តីសង្ឃឹមផងដែរថា ជនរងគ្រោះដែលកំពុងទទួលសេវាបន្សាបគ្រឿងញៀនក្នុងមជ្ឈមណ្ឌលជា​តិកែវផុសនេះ នឹងឆាប់ជាសះស្បើយឆាប់បានជួបជុំគ្រួសារ និងផ្តាំផ្ញើ​ឱ្យបំភ្លេចរឿងចាស់ចោល ខិតខំកសាងអនាគតឱ្យក្លា​យជាទំពាំងស្នងឬស្សី ក្លាយទៅជាមនុស្សល្អជាធនធានរបស់ប្រទេសជាតិ។ លោក សម សភា ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តព្រះសីហនុ បានប្រាប់ឱ្យដឹងនៅថ្ងៃទី២៦ ខែ​កញ្ញា​​​ថា នៅក្នុងដំណើរទស្សនកិច្ច និងចុះពិនិត្យមើល​វឌ្ឍនភាពរបស់មជ្ឈមណ្ឌលជាតិព្យាបាល…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី បានប្រកាសឧបត្ថម្ភ និងទំនុកបម្រុងដល់ពលរដ្ឋម្នាក់ដែលមានជំងឺរុំារ៉ៃ អស់រយ:ពេល ២ឆ្នាំ គ្មានលទ្ធភាពព្យាបាល ឱ្យទទួលបានការព្យាបាលនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ។ តាមរយៈបណ្ដាញសង្គមនៅថ្ងៃទី២៧កញ្ញា សម្ដេចធិបតី បានសរសេរថា អុំប្រុស ជឹម សាអ៊ែម អាយុ ៦៥ឆ្នាំ រស់នៅភូមិប្រសាទ ឃុំឈ្វាំង ស្រុកពញាឮ ខេត្តកណ្ដាល មានអាការហើមដៃជើង ហើមមុខ ឈឺតាមសន្លាក់រុំារ៉ៃ និងលើសសម្ពាធឈាម អស់រយ:ពេល ២ឆ្នាំកន្លងមក ហើយពុំមានលទ្ធភាពព្យាបាលដោយសារបញ្ហាជីវភាព ។ ដោយទឹកចិត្តសប្បុរសដ៏ខ្ពង់ខ្ពស់ពីសំណាក់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្នមុន្នី, លោកទាំងពីរ បានចាត់ឱ្យក្រុមគ្រូពេទ្យយុវជនស្ម័គ្រចិត្តសម្តេចតេជោ (TYDA) បញ្ជូនអ៊ំប្រុសទៅព្យាបាលនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ កាលពីថ្ងៃទី៩ ខែកញ្ញា ឆ្នាំ២០២៣ ។ បច្ចុប្បន្ន អ៊ំប្រុស កំពុងតែទទួលការ ពិនិត្យ…

(ភ្នំពេញ)៖ មន្រ្តីជំនាញ ក.ប.ប. សាខារាជធានី-ខេត្ត កាលពីថ្ងៃទី ២៦ កញ្ញា ២០២៣ ម្សិលមិញ បានចុះអនុវត្តការស៊ើបអង្កេត ត្រួតពិនិត្យ និងស្វែករកភាពមិនមានអនុលោមលើទំនិញនៅតាមបណ្ដាឃ្លាំងស្ដុកចែកចាយ ម៉ាត ផ្ទះលក់ទំនិញ និងតាមផ្សារដើម្បីទប់ស្កាត់អំពើមិនសុចរិតតាមរយៈការលក់ និងចែកចាយទំនិញដែលខូចគុណភាព និងមិនមានអនុលោមភាពដែលប៉ះពាល់ដល់អ្នកប្រើប្រាស់ និងយោងទៅតាមបណ្ដឹងរបស់អ្នកប្រើប្រាស់មួយចំនួនផងដែរ។ ក្នុងប្រតិបត្តិការនោះ ជាក់ស្ដែង តាមលទ្ធផលត្រួតពិនិត្យមន្រ្តីជំនាញ បា ន រកឃើញ និងដកហូតទំនិញមិនមានអនុលោមភាពក្នុងការប្រើប្រាស់ក៏ដូច ជាការបរិភោគចំនួន ២០គីឡូក្រាម និងពិន័យទៅតាមនីតិវិធីផងដែរ ។ មន្ត្រីជំនាញ ក.ប.ប. សាខាខេត្តបន្ទាយមានជ័យ បាន បន្ត អនុវត្ត យន្ត ការ ចែករំលែកចំណេះដឹងដល់ទំពាំងស្នងឬស្សីនៅតាមសាលារៀនស្របតាមអនុសាសន៍ណែនាំរបស់លោក ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប.។ យន្តការមួយនេះនឹងនាំចំណេះដឹងជាច្រើនដល់សិស្សានុសិស្សនៅតាមសាលារៀនឱ្យពួកកាត់បានស្វែងយល់អំពីសុវត្ថិភាពចំណីអាហារ ផលិតផលប្រើប្រាស់ដែលមានហានិភ័យ អាហារដែលងាយរងគ្រោះ និងទំនិញដែលពុំអនុលោមភាពតាមបទប្បញ្ញត្តិ ។ ជាក់ស្ដែងនៅក្នុងវិទ្យាល័យស្វាយចេក ស្រុកស្វាយចេក ខេត្តបន្ទាយមានជ័យ មន្រ្តីជំនាញ ក.ប.ប. បានបើកការបង្រៀន…