(ភ្នំពេញ)៖ អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ កម្ពុជា កាលពីថ្ងៃទី០១ ខែកញ្ញា ឆ្នាំ២០២៣ រដ្ឋបាលរាជធានីភ្នំពេញនឹងរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈ រយៈពេល ០៥ថ្ងៃ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣ ដោយមិនបង់ប្រាក់ ដើម្បីជួយសម្រួលដល់ការចំណាយជូនបងប្អូនកម្មករ-និយោជិត និងប្រជាពលរដ្ឋក្នុង ការធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ ក្នុងពិធីបុណ្យភ្ជុំបិណ្ឌ ប្រពៃណីជាតិខ្មែរ ។ នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ចេញថ្ងៃទី០៥ ខែតុលា ឆ្នាំ២០២៣នេះ។ រដ្ឋបាលរាជធានីភ្នំពេញសូមអំពាវនាវដល់ម្ចាស់ក្រុមហ៊ុន និងម្ចាស់រថយន្តដឹកជញ្ជូន អ្នកដំណើរទាំងអស់មេត្តារក្សាតម្លៃដឹកជញ្ជូននៅដដែល ដោយពុំតម្លើងថ្លៃ ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ ខាងមុខនេះ ដើម្បីរួមចំណែកជាមួយរាជរដ្ឋាភិបាល និងរដ្ឋបាលរាជធានីភ្នំពេញក្នុងការជួយសម្រួលដល់ជីវភាព រស់នៅរបស់បងប្អូនប្រជាពលរដ្ឋ ។ សូមចូលទៅមើលខ្សែផ្លូវដែលមានគោលដៅ និងទីតាំង ដូចខាងក្រោម៖ ដោយ ហេង សម្បត្តិ+ថេត វិចិត្រ

(សៀមរាប)៖ ឯកឧត្តម នាយឧត្តមសេនីយ៍ ឃឹម ប៊ុនសុង រដ្ឋលលេខាធិការក្រសួងការពារជាតិ នៅព្រឹកថ្ងៃទី០៥ ខែតុលា ឆ្នាំ២០២៣ បាននាំប្រតិភូអញ្ជើញចុះសាកសួរសុខទុក្ខបងប្អូននាយទាហាន នាយទាហានរង និងពលទាហានក្នុងឱកាសដែលប្រជាពលរដ្ឋខ្មែរយើងកាន់សាសនា ព្រះពុទ្ធ ប្រារព្វធ្វើបុណ្យភ្ជុំបិណ្ឌប្រពៃណីខ្មែរ នៅមជ្ឈមណ្ឌលអភិវឌ្ឍយោធិនពិការ សម្ដេចតេជោ ហ៊ុន សែន គូលែន៣១៧ ខេត្តសៀមរាប ចំនួន ២៧៦គ្រួសារ ។ បន្ទាប់ពីកិច្ចស្វាគមន៍របស់ឯកឧត្តមឧត្តសេនីយ៍ឯក ពៅ ស៊ា នាយកមជ្ឈមណ្ឌលអភិវឌ្ឍយោធិនពិការ សម្ដេចតេជោ ហ៊ុន សែន គូលែន៣១៧សៀមរាបរួចមក ឯកឧត្តម ឃឹម ប៊ុនសុង បាននាំនូវការផ្តាំផ្ញើរសាកសួរសុខទុក្ខ ពីសំណាក់ ប្រមុខថ្នាក់ដឹកនំា ដែលជានិច្ចកាលតែងតែគិតគូរពីសុខទុក្ខ និង ជីវភាពរស់នៅរបស់យោធិន នាយទាហាន នាយទាហានរង និងពលទាហាននៃកងយោធពលខេមរភូមិន្ទ សំខាន់ក្នុងមជ្ឈមណ្ឌលអភិវឌ្ឍយោធិនពិការ សម្ដេចតេជោ ហ៊ុន សែន គូលែន៣១៧ ខេត្តសៀមរាបទាំងអស់ នៅក្នុងរដូវបុណ្យទានប្រពៃណីជាតិ ក៏ដូចពិធីបុណ្យជាតិ រាជរដ្ឋាភិបាលកម្ពុជា ក៏ដូចជាគណៈប្រតិភូក្រសួងការពារជាតិ និង អាជ្ញាធរគ្រប់លំដាប់ថ្នាក់តែងតែចុះមកសាកសួរសុខទុក្ខដល់បងប្អូនយោធិនពិការ…

(ភ្នំពេញ)៖ ថ្វីត្បិតតែកន្លងមកយើងទទួលបាននូវការកោតសសើរពីប្រជាពលរដ្ឋក្នុងការបំរើសេវ៉ាសាធារណៈផ្សេងៗជូនពួកគាត់យ៉ាណាក៍ដោយ សូមបន្តអនុវត្តការងារប្រកបដោយភាពទទួលខុសត្រូវ ប្រកាន់ខ្ជាប់នូវក្រមសីលធម៍ សុជីវធម៍ វិជ្ជាជីវៈ ក្នុងការបន្តបំរើសេវ៉ាសាធារណៈជូនប្រជាពលរដ្ឋអោយបានល្អប្រសើរឡើងថែមទៀតធ្វើអោយលឿន រហ័ស និងមានតម្លាភាព ។ ខាងលើនេះជាប្រសាសន៍លើកឡើងរបស់ លោក ចេង មុនីរ៉ា អភិបាលខណ្ឌច្បារអំពៅនៅគ្រាដែលលោកអភិបាលជួបសំណេះសំណាលជាមួយមន្ត្រីរាជការគ្រប់ការិយាល័យចំណុះអោយរដ្ឋបាលខណ្ឌសរុបជិត១០០នាក់ កាលពីព្រឹកថ្ងៃទី៥ ខែតុលា ឆ្នាំ២០២៣ នៅសាលប្រជុំសាលាខណ្ឌ ។ ក្នុងពិធីជួបសំណេះសំណាលមុនបុណ្យភ្ជុំបិណ្ឌនេះដែរលោកអភិបាលខណ្ឌបានថ្លែងកោតសសើរមន្ត្រីទទួលបន្ទុកអនុវត្តការងារគ្រប់ការិយាល័យទាំងអស់ដែលបានខិតខំបំពេញការងារបំរើសេវ៉ាសាធារណៈផ្សេងៗជូនបងប្អូនប្រជាពលរដ្ឋរហូតទទួលបានការកោតសសើរតបមកវិញ ។ នេះហើយបង្ហាញពីសមិទ្ធិផលការងាររបស់មន្ត្រីគ្រប់ការិយាល័យដែលបានរួមគ្នាក្នុងការអនុវត្តការងារតាមជំនាញប្រកបដោយភាពទទួលខុសត្រូវ មានគុណភាណ និងមានតម្លាភាព ។ ជាក់ស្តែងការិយាល័យច្រកចេញ-ចូលតែមួយ បានខិតខំបំរើសេវ៉ាសាធារណៈជូនប្រជាពលរដ្ឋបានលឿន រហ័ស និងមានតម្លាភាព រហូតដល់ប្រជាពលរដ្ឋលោកមានការកោតសរសើ ។ ដូច្នេះសូមមន្ត្រីគ្រប់ការិយាល័យទាំងអស់រួមគ្នាបន្តការអនុវត្តន៍អោយបានល្អប្រសើរឡើងថែមទៀត ក្នុងការបំរើសេវ៉ាសាធារណៈផ្សេងៗជូនប្រជាពលរដ្ឋ មានសាមគ្គីភាពផ្ទៃក្នុងល្អ រក្សាបាននូវក្រមសីលធម៍ សុជីវធម៍ វិជ្ជាជីវៈ នៅពេលដែលប្រជាពលរដ្ឋមកទទួលសេវ៉ាគ្រប់ការិយាល័យទាំងអស់ ។ ជាមួយគ្នានេះដែរលោកអភិបាលខណ្ឌបានឧបត្ថម្ភថវិកា និងភេសជ្ជៈ សម្រាប់ចូលរួមបពិធីបុណ្យភ្ជុំ ដល់មន្ត្រីរាជការចំណុះអោយរដ្ឋបាលខណ្ឌគ្រប់ៗគ្នា ៕ សណ្តោស

(ភ្នំពេញ)៖ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានឱ្យដឹងថា អនុវត្តតាមបទបញ្ជារបស់ស្នងការនគរបាលរាជធានីភ្នំពេញ អធិការដ្ឋាននគរបាលខណ្ឌឫស្សីកែវ បានដាក់កម្លាំងការពារសន្តិសុខ សណ្តាប់ធ្នាប់ និងសុវត្ថិភាព ជូនប្រជាពលរដ្ឋ ដែកអញ្ជើញធ្វើបុណ្យតាមវត្តអារាមចំនួន ៥វត្ត នៅក្នុងខណ្ឌឫស្សីកែវ ។ លោកអធិការនគរបាលខណ្ឌឫស្សីកែវ បានបន្តថា សភាពការណ៍តាមវត្តអារាម ក្នុងពិធីបុណ្យកាន់បិណ្ឌ-ភ្ជុំបិណ្ឌ ឆ្នាំ២០២៣ រួមមាន៖ កម្លាំងនគរបាលខណ្ឌ បានដាក់ការពារសន្តិសុខ សណ្តាប់ធ្នាប់ និងសុវត្ថិភាព ជូនប្រជាពលរដ្ឋអញ្ជើញធ្វើបុណ្យតាមវត្តអារាមចំនួន ០៥វត្ត ក្នុងខណ្ឌឫស្សីកែវ ដោយប្រើប្រាស់កម្លាំងការពារសរុប ២៥នាក់ ដោយក្នុងមួយវត្តប្រើប្រាស់កម្លាំង ០៥នាក់ សហការជាមួយកម្លាំងប្រជាការពារសង្កាត់ ក្នុងនោះមានវត្តទួលសុវណ្ណរាម ក្នុងសង្កាត់ទួលសង្កែទី១, វត្តញាណរង្សី ក្នុងសង្កាត់ទួលសង្កែទី១, វត្តកោះពោធិ៍វង្ស ក្នុងសង្កាត់ទួលសង្កែទី២, វត្តឧត្តរ៉ាវត្តី ក្នុងសង្កាត់ឫស្សីកែវ និងវត្តទួលសន្តិវ័ន្ត ក្នុងសង្កាត់គីឡូម៉ែត្រលេខ៦ ។ លោកអធិការបានបញ្ជាក់ថា តាមទីវត្តអារាមទាំង ០៥វត្ត ក្នុងខណ្ឌឫស្សីកែវ មានប្រជាពលរដ្ឋ អញ្ជើញធ្វើបុណ្យជាបន្តបន្ទាប់ ដោយពុំមានការកកស្ទះ និងមានសភាពការណ៍សន្តិសុខ សុវត្ថិភាពល្អប្រសើរ ៕ ដោយ…

(ភ្នំពេញ)៖ ឯកឧត្តម នាយឧត្តមសេនីយ៍ ប៉ោ ភក្តិ រដ្ឋលេខាធិការក្រសួងមហាផ្ទៃ និងជាប្រធានក្រុមការងារ SOMTC-កម្ពុជា បានអញ្ជើញចូលរួមធ្វើជាវាគ្មិន នៅក្នុងសិក្ខាសាលាថ្នាក់តំបន់ ស្តីពី Connecting the Dots: Advancing the implementation of the Women, Peace, & Security (WPS) Agenda by enhancing parliamentary capacity and action in Asia តាមរយៈប្រព័ន្ធវិដេអូសន្និសីទ ដែលសហការរៀបចំដោយ មហាសន្និបាតអន្តរសភាអាស៊ាន (AIPA) និងវេទិកាសភា ស្តីពីអាវុធធុនតូច និងអាវុធធុនស្រាល (PFSALW) កាលពីរសៀលថ្ងៃទី០៤ ខែតុលា ឆ្នាំ២០២៣នេះ ។ ឯកឧត្តម នាយឧត្តមសេនីយ៍ រដ្ឋលេខាធិការ បានបង្ហាញពីស្ថានភាពទូទៅនៅប្រទេសកម្ពុជា ពាក់ព័ន្ធនឹងបទល្មើស និងអំពើហិង្សា ដែលបង្ករឡើងដោយការប្រើប្រាស់អាវុធធុនតូច ព្រមទាំងបានបង្ហាញពីកិច្ចខិតខំប្រឹងប្រែង និងការប្តេជ្ញាចិត្តរបស់ SOMTC-កម្ពុជា…