កោះកុង៖ មន្ទីរ​បរិស្ថាន​ខេត្ត​កោះកុង និង​អង្គការ​សត្វ​ព្រៃ​ និង​រុក្ខជាតិ (FFI) បាន​ប្រគល់​សម្ភារៈ​សម្រាប់​ចុះ​ល្បាត​ទៅ​​ដល់​សហគមន៍​ការ​ពារ​ធម្មជាតិ និង​សហគមន៍​នេសាទ​ចំនួនប្រាំមួយ ដើម្បី​​​ប្រើ​ប្រាស់​សម្រាប់​ចូល​រួម​បង្រ្កាប និង​ទប់ស្កា​ត់​បទ​ល្មើស​ធន​ធាន​ធម្មជាតិ នៅ​ក្នុង​ដែន​សហគមន៍​​របស់​ពួក​គាត់​។ លោក ហ៊ុន ម៉ារ៉ាឌី ប្រធាន​មន្ទីរ​បរិស្ថាន​ខេត្ត​កោះកុង បាន​ឱ្យ​ដឹង​នៅ​ថ្ងៃ​ទី​១៣ ខែ​កញ្ញា​​ថា សម្ភារៈ​សម្រាប់​ចុះ​​ល្បាត​នេះ ​​ទទួល​បាន​ការ​​គាំ​ទ្រ​ពី​អង្គការ​សត្វ​ព្រៃ ​និង​រុក្ខជាតិ  ដែល​មាន​ការ​សហ​ការ​អនុវត្ត​ដោ​យ​មន្ទីរ​បរិស្ថាន និង​មន្ទីរ​កសិកម្ម រក្ខាប្រមាញ់ និង​នេសាទ​ខេត្ត​កោះកុង ដោយ​បាន​ប្រគល់​សម្ភារៈ​ដល់​ស​ហ​គមន៍​តំបន់​ការ​ពារ​ធម្មជាតិ​ចំនួនបីសហគមន៍ និង​សហគមន៍​នេសាទ​ចំនួនបី​សហគមន៍​។ក្នុង​នោះ​សហគមន៍​តំបន់​ការ​ពារ​ធម្មជាតិ បាន​ទទួល​អូប័រ​ចំនួនបី​គ្រឿង ដែល​ជា​មធ្យោយ​ក្នុង​ចុះ​ល្បាត​នៅ​តាម​សហគមន៍​តំបន់​ការ​ពារ​ធម្មជាតិ​កោះ​ស្រឡៅ សហគមន៍​តំបន់​ការ​ពារ​ធម្មជាតិ​កោះ​កាពិ និង​សហគមន៍​តំបន់​ការ​ពារ​ធម្មជាតិ​ពាម​ក្រសោប​។ ​​​សហគមន៍​នេសាទ​ បាន​ទទួល​សម្ភារៈ​ល្បាត​រួម​មាន​៖ វិទ្យុ​ទាក់​ទង​ចំនួន ១២​គ្រឿង អាគុយ ៧០អំពែរចំ​នួនបីគ្រាប់, ពិល​ចំនួនប្រាំមួយ​គ្រឿង និង​អាវ​សង្គ្រោះ​ចំនួនបួន​អាវ ដើម្បី​ប្រើ​ប្រាស់​សម្រាប់​ការ​ងារ​ចុះ​ល្បាត​នៅ​តាម​សហគមន៍​នេសាទ​ឃុំ​ពាម​ក្រសោប សហគមន៍​នេសាទ​ឃុំ​ព្រែក​ខ្សាច់ និង​សហគមន៍​នេ​សាទ​ឃុំ​ជ្រោ យ​ប្រស់​។ លោក ហ៊ុន ម៉ារ៉ាឌី បាន​ថ្លែង​ថា ​៖ «​គោល​បំណង​ដែល​យើងឱ្យ​​សម្ភារៈ​ចុះ​ល្បាត​នេះ​ទៅ​ដល់​សហគមន៍​ទាំង​អស់​ហ្នឹង គឺ​ដើម្បី​ជាម​ធ្យោបាយ​ជួយ​ឱ្យ​​ពួកគា​ត់​ចូល​រួម​ជា​មួយ​យើង​ក្នុង​ការ​ចុះ​ល្បាត​បង្រ្កាប និង​ទប់​ស្កាត់​បទ​ល្មើស​ធន​ធាន​ធម្មជាតិ បទ​ល្មើស​នេសាទ នៅ​ក្នុង​តំបន់​ការ​ពារ​របស់​ពួក​គាត់​»​។ លោកបាន​​បន្ថែមថា ក្រៅ​ពីនេះ​​ ការ​ផ្ដល់​សម្ភារៈ​ល្បាត​ទាំង​នេះ ​​ក៏​ជា​ឧបករណ៍​ជំនួយ​ដល់​សហគមន៍​នេ​សាទ…

(ភ្នំពេញ)៖ កម្លាំងគណៈបញ្ជាការឯកភាពខណ្ឌមានជ័យ ដឹកនាំដោយ លោក ហែម ដារិទ្ធ អភិបាល នៃគណៈអភិបាលខណ្ឌមានជ័យ នាថ្ងៃទី១៤ ខែកញ្ញាឆ្នាំ២០២៣នេះ បានចុះរដ្ឋបាលក្នុងមូលដ្ឋាននៃតំបន់មិនរាបរយ ដោយប្រមូលក្រុមអ្នកចែកចាយនិងប្រើប្រាស់គ្រឿងញៀន ស្ថិតនៅតាមបណ្ដោយផ្លូវបេតុងប្រឡាយទឹកស្អុយ ភូមិបច្ឆា សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។ ក្នុងប្រត្តិបត្តិការណ៍ខាងលើនេះ កម្លាំងគណៈបញ្ចាការឯកភាពបានរុះរើខ្ទមមួយកន្លែងដោយមានក្រុមជនសង្ស័យជាច្រេីនបានប្រមូលផ្តុំគ្នាសង្ងំលាក់ខ្លូនចែកចាយនិងប្រើប្រាស់គ្រឿងញៀន ទេីបអាជ្ញាធរមានសមត្ថកិច្ចឃាត់ខ្លួនមនុស្សប្រុសស្រីជាច្រើននាក់ ខាងលេី ដែលពាក់ព័ន្ធករណីចែកចាយ និងប្រើប្រាស់ដោយខុសច្បាប់នូវសារធាតុញៀន រួមទាំងវត្ថុតាងមួយចំនួនផងដែរ ។ បច្ចុប្បន្ននេះ ជនសង្ស័យប្រុសស្រីជាច្រេីននាក់នោះ កំពុងតែឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌមានជ័យ ដើម្បីសាកសួរ និងកសាងសំណុំរឿងចាត់ការបន្តតាមនីតិវិធី ៕ ដោយ ៖ ជីម ភារ៉ា

(ភ្នំពេញ)៖ ប្រតិភូរាជរដ្ឋាភិបាលកម្ពុជា ដែលដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ បានអញ្ជើញចូលរួមដាក់កម្រងផ្កាគោរពវិញ្ញាណក្ខន្ធនៅស្តូបអនុស្សាវរីយ៍វីរបុរសចិន នៅមហាទីលានធានអានមិន (Tiananmen Square) រដ្ឋធានីប៉េកាំង សាធារណរដ្ឋប្រជាមានិតចិន នារសៀលថ្ងៃព្រហស្បតិ៍ ទី១៤ កញ្ញា ឆ្នាំ២០២៣ ។ សូមជម្រាបថា គណៈប្រតិភូរាជរដ្ឋាភិបាលកម្ពុជា បានអញ្ជើញដល់អាកាសយានដ្ឋានអន្តរជាតិរដ្ឋធានីប៉េកាំង សាធារណរដ្ឋប្រជាមានិតចិន ប្រកបដោយសុវត្ថិភាព និងទទួលស្វាគមន៍ដោយ ឯកឧត្តម ណុង រ៉ុង (Nong Rong) អនុរដ្ឋមន្ត្រីការបរទេស អមដំណើរដោយ លោកជំទាវ ឯកអគ្គរាជទូតកម្ពុជាប្រចាំប្រទេសចិន នារសៀលថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ ដើម្បីបំពេញទស្សនកិច្ចផ្លូវការ និងចូលរួមពិព័រអាស៊ាន-ចិន លើកទី២០ ពីថ្ងៃទី១៤ ដល់ថ្ងៃទី១៧ ខែកញ្ញា ឆ្នាំ២០២៣ ៕ ដោយ ៖ វណ្ណលុក

(ភ្នំពេញ)៖ លោកវរសេនីយ៍ឯកសែម រតនា ស្នងការរង នៃស្នងការដ្ឋាននគរបាលរាជធានីភ្នំពេញ បានបញ្ជាក់ថា កម្លាំងនគរបាលខណ្ឌដង្កោ ត្រូវពង្រឹងនិងយកចិត្តទុកដាក់បន្ថែមរួមគ្នាអនុវត្តតាមគោលនយោបាយរបស់ប្រមុខរាជរដ្ឋាភិបាល និងបទបញ្ជារបស់ថ្នាក់ដឹកនាំគ្រប់លំដាប់ថ្នាក់ បម្រើសេវាជូនប្រជាពលរដ្ឋលើគ្រប់រូបភាពនៅក្នុងមូលដ្ឋាន ចូលរួមរក្សាសុខសន្តិភាព សណ្តាប់ធ្នាប់សាធារណៈ បង្ក្រារ ការពារ ទប់ស្កាត់នូវរាល់បទល្មើសផ្សេងដែលកើតមានឡើង ដើម្បីទទួលបានការគោរពស្រលាញ់ និងការគាំទ្រពីប្រជាពលរដ្ឋ ។ នេះជាការលើកឡើងក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ដល់មន្រ្តីនគរបាលនៃអធិការដ្ឋាននគរបាលខណ្ឌដង្កោ ចំនួន៥៣នាក់ នាព្រឹកថ្ងៃទី១៤ ខែកញ្ញា ឆ្នាំ២០២៣ នៅសាលប្រជុំសាលាខណ្ឌដង្កោ ។ លោក ជឹម ស៊ីថា អធិការនគរបាលខណ្ឌដង្កោ បានឱ្យដឹងថា មន្រ្តីនគរបាលដែលត្រូវប្រកាសផ្ទេរភារកិច្ច តែងតាំងមុខតំណែង នាពេលនេះ មានចំនួន១០នាក់ និងបំពាក់ឋានន្តរសក្តិ មានចំនួន៤៣នាក់ ។ លោកអធិការបានបន្តថា កន្លងមកកម្លាំងនៃអធិការដ្ឋាននគរបាលខណ្ឌដង្កោ បានបំពេញការងារបានយ៉ាងល្អក្នុងនាមជាសេនាធិការរបស់ស្នងការដ្ឋាននគរបាលរាជធានីភ្នំពេញ ដោយគោរពអនុវត្តបទបញ្ជាយ៉ាងម៉ឺងម៉ាត់ ដើម្បីសម្រេចភារកិច្ចការងារដែលថ្នាក់ដឹកនាំប្រគល់ឱ្យ ក្នុងការស្មារតីទទួលខុសត្រូវខ្ពស់ ។ លោកជឹម ស៊ីថា បន្តថា កងកម្លាំងនគរបាលខណ្ឌដង្កោនឹងខិតខំបង្កើននូវសមត្ថភាពឲ្យកាន់តែខ្លាំងក្លាបន្ថែមទៀតក្នុងកិច្ច ការពាររក្សាសន្តិសុខ សុវត្ថិភាព សណ្តាប់ធ្នាប់សង្គម ឲ្យកាន់តែប្រសើរថែមទៀត…

(ភ្នំពេញ)៖ នាព្រឹកថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ អគ្គស្នងការដ្ឋាននគរបាលជាតិ បានបើកកិច្ចប្រជុំស្តីពីការបន្តអនុវត្តវិធានការរឹតបន្តឹងអនុវត្តច្បាប់ចរាចរណ៍ផ្លូវគោក ក្នុងក្របខណ្ឌទូទាំងប្រទេស នៅទីស្ដីការក្រសួងមហាផ្ទៃ ក្រោមអធិបតីភាព នាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ ដោយមានការអញ្ជើញចូលរួមពី លោក លោកស្រី អគ្គស្នងការរង ប្រធាននាយកដ្ឋាន អនុប្រធាននាយកដ្ឋាន ស្នងការដ្ឋាននគរបាលរាជធានី-ខេត្ត និងនាយការិយាល័យចំណុះអង្គភាព ព្រមទាំងមន្ត្រីជំនាញពាក់ព័ន្ធប្រមាណ ៩៥រូប។ នាយឧត្តមសេនីយ៍ ស ថេត បានមានប្រសាសន៍ថា យោងតាមរបាយការណ៍អំពីស្ថានភាពគ្រោះថ្នាក់ចរាចរណ៍ពីមន្ត្រីជំនាញ ក្នុងរយៈពេល ០៩ខែ នៃឆ្នាំ២០២៣ និងរយៈពេល ០៩ខែ ក្នុងឆ្នាំ២០២២ បើប្រៀបធៀបទៅមានការថយចុះគួរឱ្យកត់សំគាល់ ប៉ុន្តែកិច្ចការងារពង្រឹងច្បាប់ចរាចរណ៍នេះនៅតែបន្ត ដើម្បីកុំឱ្យបងប្អូនប្រជាពលរដ្ឋ នៅតាមបណ្តារាជធានី-ខេត្ត មានការស្រពិចស្រពិល យល់ច្រឡំ ហើយអនុវត្តខុស ព្រោះថាការរៀបចំច្បាប់ចរាចរណ៍ គឺក្នុងន័យដើម្បីលុបបំបាត់នូវគ្រោះថ្នាក់ចរាចរណ៍ បង្កើននូវសណ្តាប់ធ្នាប់គ្រប់ពេលធ្វើដំណើរក្នុងក្របខណ្ឌទូទាំងប្រទេស។ នាយឧត្តមសេនីយ៍ បានបន្តថា ដើម្បីអនុវត្តច្បាប់ចរាចរណ៍ផ្លូវគោក ក្នុងក្របខណ្ឌទូទាំងប្រទេសឱ្យកាន់តែល្អ និងមានប្រសិទ្ធភាពនោះ ក្រុមការងារត្រូវធ្វើការអប់រំផ្សព្វផ្សាយដល់ប្រជាពលរដ្ឋក្នុងមូលដ្ឋាន ឱ្យបានទូលំទូលាយ ហើយគ្រប់មន្ត្រីនគរបាលចរាចរណ៍ត្រូវអនុវត្តវិន័យ បំពេញការងារប្រកបដោយតម្លាភាព…

(ភ្នំពេញ)៖ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេច៖ប្រការ១ : ដកហូតមុខតំណែងចំពោះវរសេនីយ៍ទោ ហេង ហាប់ អត្តលេខ ៧៦២៩៥ ពីស្នងការរងនៃស្នងការដ្ឋាន នគរបាលខេត្តកំពតឱ្យមកជាមន្ត្រី ។ មូលហេតុ៖ ល្មើសវិន័យរបស់កងកម្លាំងនគរបាលជាតិ ។ ប្រការ ២ : បទប្បញ្ញត្តិទាំងឡាយណាដែលផ្ទុយនឹងប្រកាសនេះត្រូវទុកជានិរាករណ៍។ ប្រការ ៣ : អគ្គលេខាធិការ នៃអគ្គលេខាធិការដ្ឋាន អគ្គស្នងការនៃអគ្គស្នងការដ្ឋាននគរបាលជាតិ អគ្គនាយកនៃអគ្គនាយកដ្ឋានធនធានមនុស្ស អគ្គនាយកនៃអគ្គនាយកដ្ឋានភស្តុភារនិងហិរញ្ញវត្ថុ អភិបាលនៃគណៈអភិបាលខេត្តកំពត ប្រធាននាយកដ្ឋាន-អង្គភាពពាក់ព័ន្ធ ស្នងការនៃស្នងការដ្ឋាននគរបាលខេត្តកំពត និងសាមីខ្លួនដែលមានឈ្មោះក្នុងប្រការ១ត្រូវអនុវត្តតាមប្រកាសនេះ ចាប់ពីថ្ងៃចុះហត្ថលេខាតទៅ ។ គួររំលឹកថា កន្លងទៅថ្មីៗនេះ មុន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជាបច្ចុប្បន្នមិនទាន់ ឡើងកាន់តំណែងនាយករដ្ឋមន្ត្រី ក៏មានករណីតែងតាំងស្នងការរងនគរបាលខេត្តកំពតមួយរូបដែលមានប្រវត្តិលួចអាយផេតពីអាជីវករកន្លែងវេរប្រាក់វីង រហូតដល់ទៅមានការបង្ហោះតាមបណ្ដាញទំនាក់ទំនងសង្គមហ្វេសប៊ុក និងជាចម្រៀងក្នុងន័យស្ថាបនាកែលម្អថា “ចោរហើយថាមិនមែនចោរទៀត”។ facebook ខ្លះបានបង្ហោះថា ( ប្លែកៗ !…

(ភ្នំពេញ)៖កូនសត្វត្រយងយក្ស២ក្បាលដែលជាប្រភេទជិតផុតពូជ និងកូនសត្វក្រៀលចំនួន២ក្បាលដែលជាប្រភេទកំពុងទទួលរងការគំរាមកំហែង ត្រូវបានគេប្រទះឃើញនៅក្នុងដែនជម្រកសត្វព្រៃកែវសីមា ខេត្តមណ្ឌលគិរី។ អង្គការUSAID មរតកបៃតងបានឱ្យដឹងថា ការរកឃើញកូនសត្វដ៏កម្រទាំង២ប្រភេទនេះគឹធ្វើឡើងកាលពីពេលថ្មីៗនេះ ដោយក្រុមត្រួតពិនិត្យ និងតាមដានសត្វព្រៃមកពីអង្គការសមាគមអភិរក្សសត្វព្រៃប្រចាំកម្ពុជា (WCS Cambodia)។ ប្រភពខាងលើនេះបានបញ្ជាក់ថា៖នៅក្នុងសំបុករបស់សត្វត្រយងយក្ស គឺជាកូនសត្វត្រយងយក្ស ២ ក្បាលដែលទំនងជាមានសុខភាពល្អញាស់ធំធាត់ និងអាចហើរចេញពីសំបុកបាននាពេលឆាប់ៗខាងមុខនេះ ។ខណៈកូនសត្វក្រៀលដែលទើបនឹងញាស់ចំនួន ២ ក្បាល បានហើរចេញពីសំបុករបស់ពួកវាដោយសុវត្ថិភាព។ អង្គការ USAID មរតកបៃតងកំពុងធ្វើការជាមួយដៃគូអភិរក្សរបស់យើង អង្គការ WCS ដើម្បីគាំទ្រកម្មវិធីការពារសំបុកសត្វព្រៃដែលការពារសត្វស្លាប និងជម្រករបស់ពួកគេ។ ការរកឃើញកូនសត្វទាំង២ប្រភេទត្រូវបានអង្គការUSAID មរតកបៃតងចាត់ទុកថាជារឿងគួរឱ្យរំភើបនិងបានជំរុញទឹកចិត្ត ក៏ដូចជាធ្វើឱ្យគេមានសង្ឃឹមយ៉ាងមុតមាំថា គេអាចការពារ និងរង់ចាំមើលការកើនឡើងនៃចំនួនសត្វព្រៃដែលរងការគំរាមកំហែងទាំងនេះ៕ ដោយ៖ម៉ាដេប៉ូ

(ភ្នំពេញ )៖ អគ្គនាយក ដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ក.ប.ប បានឱ្យដឹងថា រយៈពេល ពីរ ថ្ងៃ នាថ្ងៃទី១១ និង១២ ខែកញ្ញា ឆ្នាំ២០២៣ មន្ត្រីអធិការកិច្ចម្ហូបអាហារ នៃសាខា ក.ប.ប. ខេត្តតាកែវ កំពង់ចាម កំពង់ឆ្នាំង ឧត្តរមានជ័យ ព្រះវិហារ មណ្ឌលគិរី ស្ទឹងត្រែង និងរាជធានីភ្នំពេញ បានបន្តចុះត្រួតពិនិត្យទំនិញចម្រុះគ្រប់ប្រភេទដែលដាក់លក់លើទីផ្សារ និងកន្លែងលក់ទំនិញនានា ក្នុងភូមិសាស្ត្ររបស់ខ្លួន។ បេីតាមការបញ្ជាក់របស់មន្ត្រីជំនាញ ទំនិញចម្រុះរួមមាន គ្រឿងទេសចិន មីចិន ភេសជ្ជៈ គ្រៀងសមុទ្រ។ល។ ត្រូវបានត្រួតពិនិត្យ ហើយពពុះសណ្តែក សរសៃគុយទាវ និងអំបិលអ៊ីយ៉ូដ ត្រូវបានមន្ត្រីជំនាញធ្វើតេស្តបឋមស្វែងរកសារធាតុគីមីហាមឃាត់ និងភាពអនុលោមតាមបទដ្ឋានបច្ចេកទេសផងដេរ។ ក្នុងនោះ មន្រ្តីជំនាញ បានបញ្ជាក់បន្ថែមថា ជាលទ្ធផល បានរកឃើញ៖ ដោយ ៖ ជីម ភារ៉ា