(ភ្នំពេញ)៖ លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការរណ៍កីឡានៃក្រសួងអប់រំ យុវជន និងកីឡាបានបង្ហាញពីការរីកចម្រើននៃវិស័យកីឡារបស់រាជធានីខេត្តទាំងអស់ ដែលសុទ្ធតែដណ្តើមបានមេដាយដូចៗគ្នា មិនដូចកាលពីព្រឹត្តិការណ៍មុនៗ ដែលមានខេត្តជាច្រើនមិនដណ្តើមបានមេដាយនោះឡើយ ខណ:រាជាធានីភ្នំពេញដណ្តើមបានច្រើនជាងគេ។ ការកត់សម្គាល់របស់លោកប្រធានបានធ្វើឡើង ក្នុងពិធីបិទការប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ ស្រប ពេលប្រតិភូកីឡាទាំង ២៥រាជធានី-ខេត្ត ដែលបញ្ជូនអត្តពលិកចូលរួមប្រកួត សុទ្ធ តែ ដណ្ដើម បាន មេដាយ។ ក្នុង១២ប្រភេទកីឡា ទាំង២៥រាជធានីខេត្ត គឺរាជធានីភ្នំពេញ ឈរលេខ១ ឈ្នះមេដាយសរុប ៥៨គ្រឿង, ខេត្តកណ្ដាល ឈរលេខ២ ឈ្នះមេដាយសរុប ៣២គ្រឿង និងខេត្តបាត់ដំបង ឈរលេខ៣ ឈ្នះមេដាយសរុប ៣៩គ្រឿង។ ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំបានកោតសរសើរ និងវាយតម្លៃខ្ពស់ ចំពោះ រាជធានី- ខេត្ត ដែលបានបញ្ជូនប្រតិភូ និងកីឡាករ-កីឡាការិនី ជា សិស្សានុសិស្ស ចូលរួម ប្រកួត កីឡា សិស្សមធ្យមសិក្សាថ្នាក់ជាតិឆ្នាំនេះ…

ភ្នំពេញ៖ នៅក្នុងកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាលើកទី៤ ស្តីពីការកំណត់ប្រាក់ឈ្នួលអប្បបរមាផ្នែកវាយនភណ្ឌ កា​ត់ដេរ និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៤ តំណាងភាគីកម្មករនិយោជិតនៅតែបន្តរក្សាជំហរតួលេខ២១៥ ដុល្លារ និងតំណាងភាគីនិយោជករក្សាជំហរ២០១ដុល្លារដដែល ។ភាគីទាំងអស់បានឯកភាពនឹងពន្លឿនបញ្ចប់ការពិភាក្សាចុងក្រោយត្រឹមថ្ងៃទី២៨ ខែកញ្ញាខាងមុខ។ ក្រោយកិច្ចប្រជុំនៅថ្ងៃទី១១ ខែកញ្ញា ឆ្នាំ២០២៣​ ឯកឧត្តម ហេង សួរ រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ បានថ្លែងប្រាប់អ្នកសារព័ត៌មានថា ភាគីនីមួយៗ នឹងធ្វើការសម្របសម្រួលផ្ទៃក្នុងរៀងខ្លួនម្តងទៀត ដើម្បីរកឱ្យបាននូវគោ​លជំហរផ្លូវការរបស់ខ្លួន ដោយនឹងពិនិត្យ និងលើកសំណូមពរ​ដាច់ដោយឡែករៀងខ្លួន ដើម្បីយកមកជូនក្រុមប្រឹក្សាជាតិប្រាក់ឈ្នួលអប្បបរមាដើម្បីដោះស្រាយ នៅថ្ងៃទី១៨ ខែកញ្ញាខាងមុខនេះ។ ចំពោះភាពខុសគ្នាច្រើន នៃកំណត់តួលេខរវាងតំណាងកម្មករនយោជិត និងតំណាងនិយោជកនេះដែរ ត្រូវបានឯកឧត្តម  ហេ​ង សួរ អះអាងថា ការលើកឡើងនៃតួលេខប្រាក់ឈ្នួលរបស់ភាគីទាំងពីរ ​អាស្រ័យលើលក្ខណៈវិនិច្ឆ័យទាំង៧ ស្តីពី​ស្ថានភា​ពសេដ្ឋកិច្ច និងសង្គម ដោយភាគីខាងកម្មករនិយោជិតផ្អែកបញ្ហាអតិផរណា ខណៈខាងនិយោជក គិតទៅលើភាពប្រកួតប្រ​ជែង តម្រូវការ និងបញ្ហាប្រឈម ក្នុងវិស័យនេះ។ ឯកឧត្តមបានបញ្ជាក់ថា ៖ «ឆ្នាំនេះមិនមានប្រទេសណាដែលដំឡើងប្រាក់ឈ្នួលអប្បបរមានោះទេ ។អ៊ីចឹងនៅពេលគេអត់ដំឡើងហើយយើងដំឡើង ភាគីនិយោជកគេបារម្ភថា អ្នកបញ្ជាទិញអាចបង្វែការបញ្ជាទិញទៅប្រទេសដទៃផ្សេងទៀត ពីព្រោះប្រ​ទេសយើងកំណត់ប្រាក់ឈ្នួលអប្បបរមាជាដុល្លារ»។ «ប្រទេសផ្សេងមិនបានពិចារណាលើការដំឡើងហើយ លុយរបស់គេចុះថោក ។ដូចនេះនៅពេលដែលលុយចុះថោក ធ្វើឱ្យប្រាក់ឈ្នួលគេជាដុល្លារកាន់តែទាបទៀត…

(ភ្នំពេញ)៖ ក្រសួងធនធានទឹក និងឧតុនិយម នៅព្រឹក ថ្ងៃទី១១ ខែកញ្ញា ឆ្នាំ២០២៣នេះ បានបញ្ជាក់ថា ៖ ចាប់ពីថ្ងៃទី១១ ដល់ថ្ងៃទី១៧ ខែកញ្ញា ឆ្នាំ២០២៣) ព្រះរាជាណាចក្រកម្ពុជាទទួលឥទ្ធិពលខ្សោយពីប្រព័ន្ធសម្ពាធទាប Intertropical Convergence Zone (ITCZ) អូសបន្លាយលើភាគខាងជើង ប្រទេសឡាវ និងវៀតណាម ជាមួយនឹងខ្យល់មូសុងនិរតីមធ្យមទៅបង្គួរ។ ស្ថានភាពបែបនេះនឹងធ្វើឱ្យ៖ ១ -តំបន់ទំនាបកណ្តាល ៖ ដោយ ៖ ភារ៉ា និង ប៊ុនធី

(កំពង់ចាម)៖ ឯកឧត្តម ឡូវ ហ៊ឺង ទីប្រឹក្សាសម្តេចតេជោ ហ៊ុន សែន និងជាប្រធានក្រុមការងារចុះមូលដ្ឋានឃុំទងត្រឡាច បានជំរុញឱ្យអាជ្ញាធរមូលដ្ឋាន ត្រូវបន្តខិតខំបម្រើសេវាជូនប្រជាពលរដ្ឋ អនុវត្តនូវគោលនយោបាយភូមិ-ឃុំ ឲ្យបានល្អប្រសើរ ក៏ដូចជាត្រូវខិតខំប្រឹងប្រែងដោះស្រាយនូវទុក្ខកង្វល់ និងសំណូមពរ ពលរដ្ឋរបស់ពួកគាត់ ឲ្យបានទាន់ពេលវេលា ទៅតាមលទ្ធភាពជាក់ស្ដែង ។ ឯកឧត្តម ឡូវ ហ៊ឺង បានលើកឡើងបែបនេះ ក្នុងពិធីថ្លែងអំណរគុណ និងនាំនូវអំណោយ សម្តេចមហាបវរធិបតី ហ៊ុន ម៉ាណែត និងលោកជំទាវ ផ្តល់ជូនប្រជាពលរដ្ឋ ២២០គ្រួសារ នៅវត្តទងត្រឡាច ស្រុកស្រីសន្ធរ ខេត្តកំពង់ចាម កាលពីថ្ងៃទី១០ ខែកញ្ញា ឆ្នាំ២០២៣ ។ លោក ពូន វណ្ណា អនុប្រធានក្រុមការងារចុះជួយមូលដ្ឋានឃុំទងត្រឡាច មានប្រសាសន៍ថា ភាពរឹងមាំ និង ការដាក់ចេញនូវគោលនយោបាយច្បាស់លាស់ របស់គណបក្សប្រជាជនកម្ពុជា បានធ្វើឲ្យពលរដ្ឋបោះឆ្នោតជូន ហើយឈ្នះឆ្នោតជាថ្មីម្ដងទៀត នៃការបោះឆ្នោត ជ្រើស តាំងតំណាងរាស្ត្រ នីតិកាលទី៧ ជាពិសេសឃុំទងត្រឡាច ដែរបានទទួលលទ្ធផលយ៉ាងល្អប្រសើរ ដោយបានជាប់ចំណាត់ថ្នាក់លេខ២…