ភ្នំពេញ៖ ក្រសួងសង្គមកិច្ច អតីតយុទ្ធជន និង​យុវនីតិសម្បទា បានសម្រេចឱ្យ​​អង្គការ​​ជួយកុមារកំព្រា ចាស់ជរា និងជន​មរណៈ​​សង្គ្រោះ នៅខេត្តកំពង់ចាម​ បញ្ឈប់សកម្មភាពមួយរយៈ បន្ទាប់ពីរកឃើញភា​ពមិនប្រក្រតីជាច្រើ​​នកើតមានឡើង​។ក្រសួង​​​បានសម្រេចទុកពេលពីរខែ​ឱ្យអង្គការនេះ រៀបចំនីតិវិធីដំណើរការ​អង្គការនេះ​ឱ្យស្របតាមលិខិតប​ទដ្ឋានគតិយុត្តរបស់ក្រសួងឡើងវិញ។ យោងតាមសេចក្តីប្រកាសព័ត៌មាន​របស់អង្គភាព​អ្នកនាំពាក្យ​ក្រសួង​សង្គមកិច្ចស្តី​ពីករណីអង្គការជួយកុមារកំព្រា ចាស់ជរា និងជនមរណៈសង្គ្រោះ ស្ថិតនៅភូមិថ្មកែវ ឃុំត្រប់ ស្រុកបាធាយ ខេត្តកំពង់ចាម ​កាលពីថ្ងៃទី១១ ខែកញ្ញា ឆ្នាំ២០២៣។ អង្គភាព​អ្នកនាំពាក្យលើកឡើងថា​ ​៖ «​ក្រសួង​​សម្រេច​ឈប់ឱ្យអង្គការនេះ ផ្តល់កន្លែងស្នាក់នៅ​ស​ម្រាប់កុ​មារកំព្រា​តទៅទៀត​ ប៉ុន្តែ​អង្គការ​អាចបន្ត​ផ្តល់កន្លែងស្នាក់នៅជូន​ចាស់ជរា​​ដដែល​ គ្រាន់តែតម្រូវឱ្យ​រៀបចំ​នី​តិវិធីដំណើរការ កន្លែង​ថែទាំមនុស្សចាស់ឱ្យស្របតាមលិខិតបទដ្ឋានគតិយុត្តរបស់ក្រសួងឡើងវិញ»​។ ​សូមបញ្ជាក់ថា កាលពីទី១១ ខែកញ្ញា ឆ្នាំ២០២៣ អគ្គនាយកនៃអគ្គនាយកដ្ឋានសេវាសង្គមកិច្ច នៃក្រសួ​ងសង្គមកិច្ច ​រដ្ឋបាលស្រុកបាធាយ រដ្ឋបាលឃុំត្រប់ និងការិយាល័យសង្គមកិច្ច និងសុខុ​មាលភាព​សង្គមស្រុកបាធាយ បានចុះត្រួតពិនិត្យ និងវាយតម្លៃ​ករណី​មិនប្រក្រតីនៃការអនុវត្តកម្មវិធីថែទាំ របស់អង្គការ​។ តាម​ការចុះពិនិត្យ​បានរកឃើញថា អង្គការ​នេះ បានការចុះបញ្ជី​ជាមួយក្រសួងមហាផ្ទៃ តាំងពី​ខែសីហា ឆ្នាំ២០០៦ ប៉ុន្តែក្រោយពីច្បាប់ស្តីពីសមាគម និងអង្គការមិនមែនរដ្ឋាភិបាលបានចូលជាធរមាន អង្គការនេះ​ពុំបានដាក់ពាក្យស្នើសុំចុះបញ្ជីឈ្មោះអង្គការស្របតាមច្បាប់កំណត់នោះទេ។ ជាមួយគ្នានេះ អង្គការក៏ពុំមានលិ​ខិតអនុញ្ញាតទទួលស្គាល់ជាមណ្ឌលថែទាំកុមារពីក្រសួងសង្គមកិច្ចដែរ​។ ក្រសួងបាន​​បញ្ជាក់​ឱ្យដឹងដែរថា​ អង្គការនេះ​ពុំបានរៀបចំបែងចែកបន្ទប់តាមភេទ និងវ័យ ហើយចំនួនប​​ន្ទ​ប់​មិនសមស្របនឹង​ចំនួនអ្នកស្នាក់នៅ…

(ភ្នំពេញ)៖ ចំពោះបងប្អូនប្រជាពលរដ្ឋ នៅក្នុងរាជធានីភ្នំពេញ បានជួបហេតុការណ៍បន្ទាន់ត្រូវការ ជំនួយអន្តរាគមន៍ សូមហៅទូរស័ព្ទមកកាន់លេខ 1291 អាចតេបានពីគ្រប់ប្រព័ន្ធដោយឥតគិតប្រាក់ ដែលមានកងរាជអាវុធហត្ថរាជធានីភ្នំពេញ រងចាំបម្រើ 24h/24h។ ឬ អាចទាក់ទងមកតាមបណ្តាញ Telegram, WhatsApp របស់កងរាជអាវុធហត្ថរាជធានីភ្នំពេញ តាមរយៈលេខ 031 5555 669 ឬឆាតមកកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie ។ អាវុធហត្ថរាជធានីភ្នំពេញ ក៏សូមអភ័យទោសផងដែរ ប្រសិនបើបងប្អូនពុំមានការអ្វីទេ សូមមេត្តាកុំហៅទូរស័ព្ទមករំខានក្រុមការងារ ដើម្បីទុកពេលវេលាឲ្យពួកយើងខ្ញុំ បម្រើពលរដ្ឋផ្សេងទៀតដែលត្រូវការជំនួយបន្ទាន់ពិតប្រាកដ ៕ សូមអរគុណ!

(ភ្នំពេញ)៖ កុមារី អាត ស្រីនុ អាយុ ៣ឆ្នាំ រស់នៅភូមិត្រពាំងគង ឃុំត្រគៀត ស្រុកសំរោងទង ខេត្តកំពង់ស្ពឺ មានបញ្ហាក្នុងការបន្ទោបង់ឧច្ចារៈ(លាមក) ហើយកាលពីអាយុ ១ខែកន្លះកន្លងទៅ ក្មួយស្រីមានអាការហើមពោះ បន្ទោបង់មិនចេញ និងបានទទួលការព្យាបាលដោយវះកាត់ចំនួន ២លើក ប៉ុន្តែដោយសារមាតាបិតាមានជីវភាពខ្វះខាត ពុំអាចធ្វើការព្យាបាលបន្តបាន។ ដោយក្តីមេត្តាករុណាដ៏ខ្ពង់ខ្ពស់ពីសំណាក់សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ក៏បានចាត់សមាគមក្រុមគ្រូពេទ្យស្ម័គ្រចិត្តយុវជនសម្ដេចតេជោ (TYDA) និងមន្ទីរសុខាភិបាលខេត្តកំពង់ស្ពឺ ធ្វើការសម្របសម្រួលបញ្ជូនក្មួយស្រីមកព្យាបាលនៅមន្ទីរពេទ្យគន្ធបុប្ផា រាជធានីភ្នំពេញ កាលពីថ្ងៃសៅរ៍ ទី៩ កញ្ញា ២០២៣។ បច្ចុប្បន្ន ក្រុមគ្រូពេទ្យឯកទេសកំពុងពិនិត្យ និងព្យាបាលជូនក្មួយស្រីយ៉ាងយកចិត្តទុកដាក់បំផុត។ ការព្យាបាលត្រូវបានជួយឧបត្ថម្ភគាំទ្រដោយមូលនិធិរបស់មន្ទីរពេទ្យគន្ធបុប្ផា រីឯការចំណាយលើការស្នាក់នៅ និងហូបចុកផ្សេងៗ ត្រូវបានឧបត្ថម្ភទំនុកបម្រុងដោយ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ៕ ដោយ ៖ ង៉ាន ទិត្យ

(ភ្នំពេញ)៖ អគ្គិសនីកម្ពុជា បានចេញសេចក្តីជូនដំណឹងមួយនៅថ្ងៃទី១១ ខែកញ្ញា ឆ្នាំ២០២៣ម្សិលមិញ ដោយបានបញ្ចាក់ថា អគ្គិសនីកម្ពុជា បានទទួលព័ត៌មានជាបន្តបន្ទាប់ពីអតិថិជនរបស់អគ្គិសនីកម្ពុជាថា មានករណីជនខិលខូចបានក្លែងបន្លំជានិយោជិតរបស់អគ្គិសនីកម្ពុជា បានឆបោកអតិថិជនតាមរយៈទូរស័ព្ទ បណ្តាញទំនាក់ទំនងសង្គម និងមធ្យោបាយនានា ដើម្បីឱ្យបង់ប្រាក់ ឬផ្ទេរប្រាក់សម្រាប់ការទូទាត់ថ្លៃប្រើប្រាស់អគ្គិសនីប្រចាំខែ ថ្លៃប្តូរនាឡិកាស្ទង់ ប្តូរឌីស្យុងទ័រ និងប្តូរបរិក្ខារអគ្គិសនីមួយចំនួន តាមរយៈទីភ្នាក់ងារវីង និងទ្រូម៉ាន់នី ដើម្បីជៀសវាងការកាត់ផ្តាច់ចរន្តអគ្គិសនីជាបណ្តោះអាសន្ន។ ពាក់ព័ន្ធនឹងបញ្ហានេះ អគ្គិសនីកម្ពុជា បានប្រកាសអំពាវនាវដល់អតិថិជនទាំងអស់ ប្រសិនបើមានបុគ្គលមិនស្គាល់អត្តសញ្ញាណទំនាក់ទំនងទៅ ឱ្យធ្វើការបង់ប្រាក់ ឬផ្ទេរប្រាក់ ពាក់ព័ន្ធនឹងករណីដូចមានជម្រាបជូនខាងលើ សូមអតិថិជនទាំងអស់ មេត្តាកុំបង់ប្រាក់ ឬផ្ទេរប្រាក់ទៅបុគ្គលនោះឱ្យសោះ ហើយត្រូវជូនដំណឹងមកអគ្គិសនីកម្ពុជា ដើម្បីចាត់វិធានការតាមផ្លូវច្បាប់៕ ដោយ ៖ ជីម ភារ៉ា

(រតនគិរី)៖ ប្រជាពលរដ្ឋដែលរស់នៅភូមិ១ (ភូមិទុស) សង្កាត់កាចាញក្រុងបានលុង ខេត្តរតនគិរី បានសម្ដែងការសប្បាយរីករាយក្នុងចិត្ដជាពន់ពេក ក្រោយពីលោកចៅសង្កាត់កាចាញ បានសហការជាមួយអាជ្ញាធរខេត្ត អាជ្ញាធរក្រុងរួមនិងសម្បុរសជនមួយចំនួនបានចំណាយប្រាក់ផ្ទាល់ខ្លួនចាក់ដីបំពេញផ្លូវលំមួយខ្សែសម្រួលឲ្យប្រជាពលរដ្ឋបានប្រើប្រាស់។ ផ្លូវលំនោះមានទទឹង ៨ម៉ែត្រ និងបណ្ដោយប្រវែង ៤គីឡូម៉ែត្រស្ថិតនៅភូមិ១ ស្ថិតនៅក្នុងសង្កាត់កាចាញក្រុងបានលុងខេត្តរតនគិរី ដោយតភ្ជាប់ពីចំណុចរង្វង់មូលយាយទូលចេកឆ្ពោះទៅភូមិទុសច្រិច។ ផ្លូវនេះមានសារប្រយោជន៍សំខាន់ដល់ប្រជាពលរដ្ឋជាង ៣០០គ្រួសារ ក្នុងនោះក៍អាចសម្រួលដល់សិស្សានុសិស្សមួយចំនួនក្នុងការ ធ្វើដំណើរទៅសាលារៀន និងងាយស្រួលដល់ប្រជាពលរដ្ឋដែលជាកសិករដឹកកសិផលផ្សេងៗមានដំឡូងមី សណ្ដែក ស្វាយចន្ទី ជ័រកៅស៊ូ ជាដើមទៅកាន់ទីផ្សារ និងការដឹកអ្នកជំងឺទៅកាន់មណ្ឌសុខភាព ។ លោក ទន់ ពៅ ចៅសង្កាត់កាចាញ បានប្រាប់ឲ្យដឹងថា ផ្លូវនោះបានបម្រើផលប្រយោជន៍ប្រជាពលរដ្ឋជាង ៣០០គ្រួសារគឺឃុំតាអងនិងសង្កាត់កាចាញក្រុងបានលុងខេត្តរតនគិរី ។ លោកចៅសង្កាត់បានបន្ដទៀតថា កន្លងមកផ្លូវមួយនេះមានកាខូចខាត់យ៉ាងដំណំគឺមានក្រឡុកធំៗជារណ្ដៅនៅខែភ្លៀង មានសភាពលំបាកក្នុងកាធ្វើដំណើរតាមម៉ូតូនិងឡានហើយសូមី្បតែថ្មើជើងក៏ដើរមិនកើតដែរ។ ដោយមើលឃើញ ពីទុក្ខលំបាក់របស់បងប្អូនប្រជាពលរដ្ឋយើង ទើបរូបលោកដែលជាចៅសង្កាត់បានសហការណ៍ជាមួយអាជ្ញាធរខេត្ដ ក្រុង រួមនិងសប្បុរសជនមួយចំនួន បានចំណាយប្រាក់ផ្ទាល់ខ្លួនជាង១០លានរៀលនិងអ្នកខ្លះជួយទិញជាអាចម៌ដីដើម្បីចាក់បំពេញផ្លូវនោះឲ្យបានល្អប្រសេីរ សម្រួលជូនដល់ប្រជាពលរដ្ឋ ដើម្បីធ្វើដំណើរបានប្រសើជាងមុន។ ក្រៅពីនេះលោកទន់ ពៅ រួមនិងសម្បុរស់ជននៅបានចំណាយប្រាក់ផ្ទាល់ខ្លួនប្រមាណជាង១០លានរៀលបន្ថែមទៀតដើម្បីជួសជុលនិងសម្រួលផ្លវចាស់ៗមួយចំនួនទៀត ដូចជាផ្លូវនៅភូមិ១ ភូមិ២ វិឡាកាត់ ភូមិ៣ ភូមិ៤ដោះក្រមុំនិងភូមិតាស៊ុយជាដើម ដែលបានខូចខាត ក៏ត្រូវបានធ្វើឲ្យល្អឡើងវិញផងដែរ។…

(ភ្នំពេញ)៖ កម្មវិធីកុមាររីករាយផ្តោតលើការជំរុញលើកទឹកចិត្តកុមារក្រោមប្រធានបទ“រួមគ្នាដើម្បីការរីកចម្រើនរបស់កុមារ” នៅសាលាបឋមសិក្សាព្រែកប្រាក្រោម។ ជាកម្មវិធីដែល ផ្តួចផ្តើមដោយ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ ឈីវ ភិរម្យ ។ កម្មវិធីកុមាររីករាយ លើកទី១ នេះ មានការចូលរួមពី ព្រះគ្រូចៅអធិការវត្តព្រែកប្រា និង ពុទ្ធបរិស័ទចំណុះជើងវត្ត ពីគណៈអភិបាលខណ្ឌច្បារអំពៅ និង គណៈគ្រប់គ្រងសាលាបឋមសិក្សាព្រែកប្រាក្រោម កុមារាកុមារី លោកគ្រូអ្នកគ្រូ អាណាព្យាបាលជាច្រើនរូប។ ឯកឧត្តម លី ច័ន្ទតុលា មានប្រសាសន៍លើកឡើងថា កម្មវិធីកុមាររីករាយនេះត្រូវបានក្រុមការងាររៀបចំឡើងជាច្រើនឆ្នាំមកហើយសម្រាប់សិស្សសាលាបឋមសិក្សាទាំង៩ នៅសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ និង សាលាបឋមសិក្សាទាំងបី នៅឃុំតាំងយ៉ាប ស្រុកព្រៃកប្បាស ខេត្តតាកែវ។ ឯកឧត្តម បន្ថែមថា ការរៀបចំកម្មវិធីនេះឡើង គឺមានទិសដៅទី១ ចង់ឱ្យកុមារ ដែលគាត់កំពុងតែរៀននៅក្នុង ថ្នាក់បឋមសិក្សានេះ គាត់ទទួលបាននូវភាពសប្បាយរីករាយ ទី២ ចង់ធ្វើការបណ្តុះគំនិតដល់ពួកគាត់ ដែលជាគំនិតក្នុងការ ខិតខំប្រឹងប្រែងរៀនសូត្រ គំនិតនៅក្នុងការចេះសាមគ្គីភាពគ្នា ហើយក៏ដូចជាការរៀបចំខ្លួន ការអនាម័យខ្លួនប្រាណជាដើម ។…

ភ្នំពេញ៖ គណៈ​ប្រតិភូនៃគណៈកម្មការអធិការកិច្ចវិន័យនៃបក្សកុម្មុយនីស្តចិនប្រចាំខេត្តហឺណាន និងគណៈកម្មការត្រួតពិនិត្យកិច្ចការខេត្តហឺណានមកសិក្សាស្វែងយល់ ពិភាក្សា និងផ្លាស់ប្តូរបទពិសោធន៍ ព្រមទាំងពង្រឹងកិ​ច្ចសហប្រតិបត្តិការជាមួយអង្គភាពប្រឆាំងអំពើពុករលួយ(​​អ.ប.ព.) របស់កម្ពុជា ពាក់ព័ន្ធការប្រយុទ្ធប្រឆាំ​ង​អំពើពុករលួយអន្តរជាតិ។​ យោងតាមការ​ផ្សព្វផ្សាយ​របស់អ.ប.ព. តាមបណ្តាញសង្គមហ្វេសប៊ុកនាយប់ថ្ងៃទី​១០ ខែកញ្ញា បាន​ឱ្យដឹងថា ​ការពិភាក្សា និងពង្រឹងកិច្ចសហប្រតិបត្តិការនេះនៃស្ថាប័នទាំងពីរ ធ្វើឡើងតាមរយៈដំណើរទស្សនកិច្ចផ្លូវការរបស់មន្ត្រីគណបក្សកុម្មុយនីស្តចិន និងគណៈកម្មការត្រួតពិនិត្យកិច្ចការប្រចាំខេត្តហឺណាននៅកម្ពុជារយៈពេល ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែកញ្ញា ឆ្នាំ២០២៣។ ​​លោក សយ ច័ន្ទវិចិត្រ អ្នកនាំពាក្យអង្គភាពប្រឆាំងអំពើពុករលួយ បាន​ប្រាប់​ឱ្យដឹង​ថា ដំណើរទស្សនកិច្ចពីគណៈប្រតិភូចិនមកកាន់អ.ប.ព. លើកនេះ មានគោលដៅពង្រីកកិច្ចសហប្រតិបត្តិការរវាងប្រទេសទាំង២ និ​ងរវាងខេត្តហឺណាន និងអ.ប.ព.។ លោកបន្តថា ប្រតិភូចិនមកស្វែងយល់ពីចំណុចសំខាន់ៗ ក្នុងនោះមាន​ ច្បាប់ប្រឆាំងអំពើរលួយរបស់កម្ពុជា និង​ពិសេសការប្រកាសទ្រព្យសម្បត្តិ និងបំណុល ព្រមទាំងពិភាក្សាលើកិច្ចសហប្រតិបត្តិការលើការប្រ​មូលត្រឡប់វិញនូវទ្រព្យជាផលនៃបទល្មើស និងការជួយគ្នាទៅវិញទៅមក លើទិដ្ឋភាពច្បាប់។​ លោក សយ ច័​ន្ទវិចិត្រ សង្កត់ធ្ងន់ថា ៖ «ទស្សកិច្ចរបស់គណៈប្រតិភូចិនក្នុងពេលនេះ មានសារៈសំខាន់ក្នុងការពង្រឹង និងពង្រីកបន្ថែមលើការងារប្រឆាំងអំពើពុករលួយ ខណៈកន្លងមកប្រទេសទាំង២ បានសហការគ្នាបានល្អតាមរយៈការជួយគ្នាលើផ្នែកច្បាប់ ការផ្លាស់ប្តូរទស្សនៈតាមអង្គភាពជំនាញ ការចែករំលែកបទពិសោធន៍ ការជួយស៊ើបអង្កេតមុខសញ្ញាជាដើម​»​។​ ​បើតាម​អង្គភាពប្រឆាំងអំពើពុករលួយបាន​ឱ្យដឹងដែរថា ​នៅថ្ងៃទី​១១…