(ភ្នំពេញ)៖ គ្រឿងញៀនបំផ្លាញអនាគតអ្នកយោងតាមរបាយការណ៍ របស់អគ្គស្នងការដ្ឋាននគបាលជាតិបានឲ្យដឹងថា ជនសង្ស័យចំនួន ៦២នាក់ ត្រូវបានសមត្ថកិច្ចជំនាញធ្វេីការឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ២០ករណី ទូទាំងប្រទេស នៅថ្ងៃទី១៧ ខែសីហា ឆ្នាំ២០២៣។ ក្នុងចំណោមជនសង្ស័យចំនួន៦២នាក់ រួមមាន ៖ +ជួញដូរ ៣ករណី ឃាត់ ១១នាក់ (ស្រី ២នាក់)។+ដឹកជញ្ជូន រក្សាទុក ១៣ករណី ឃាត់ ២០នាក់ (ស្រី ១នាក់)។+ចាត់ចែង សម្រួល ១ករណី ឃាត់ ៣នាក់ (ស្រី ០នាក់)។+ប្រើប្រាស់ ៣ករណី ឃាត់ ២៨នាក់ (ស្រី ៧នាក់)។វត្ថុតាងដែលចាប់យកសរុបក្នុងថ្ងៃទី១៧ ខែសីហា រួមមាន ៖ -មេតំហ្វេតាមីន (Ice) = ១០៦២,០៩ក្រាមនិង ៤កញ្ចប់តូច។-កេតាមីន (Ke) = ១៩៤៨,៩៥ក្រាម។-អុិចស្តាសុី (mdma) = ១៣៣២,៧៧ក្រាម។លទ្ធផលខាងលើ ១៤អង្គភាព បានចូលរួមបង្ក្រាប ៖នគរបាល ៖ ១១អង្គភាព ៕…

(ភ្នំពេញ)៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី១៧ខែសីហា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៥លើក បណ្ដាលឲ្យមនុស្ស២ស្លាប់និងរបួសធ្ងន់ស្រាល៧នាក់។ ប្រភពព័ត៌មានដដែលបញ្ជាក់ថា មូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍ រួមមាន៖ ល្បឿន, មិនគោរពសិទ្ធិ, បត់គ្រោះថ្នាក់ និងកត្ដាយាន៕ ដោយ៖ ប៊ុនធី ភារ៉ា

បាត់ដំបង៖ មជ្ឈមណ្ឌលសកម្មភាពកំចាត់មីនកម្ពុជា(​ស៊ី​ម៉ាក់,CMAC) ​និង​អង្គ​ការ​ជប៉ុន បាន​​ចុះ​អនុ​ស្ស​រ​ណៈ​យោគ​យល់​គ្នា​លើ​គម្រោង «​បោស​សម្អាត​មីន​តោ​ន​​តាម​សហគមន៍​» ក្នុង​ខេត្ត​បាត់​ដំបង ដែល​មាន​ទំហំ​ទឹក​ប្រាក់​​ជាង៤៣ម៉ឺន​ដុល្លារ​ ។ពិធីចុះហត្ថលេខាបាន​ធ្វើ​ឡើង​ កាលពី​​ថ្ងៃ​ទី​១៥ ខែ​សីហា​ ដែល​មាន​ឯកឧត្តម ​ ហេង  រតនា អគ្គ​នាយក​ស៊ី​ម៉ាក់ រួម​ជា​មួយ​លោក តាកាអ៊៊ិយ៉ាម៉ា រីអូ(Takayama Ryoj) ប្រធាន​អង្គ​ការ​ IMCCD ។ ប្រភពអង្គភាពស៊ីម៉ាក់ បាន​ឱ្យដឹងថា គម្រោង​ «​បោស​សម្អាត​មីន​តោន​តាម​សហគមន៍​» នេះ ​មាន​រយៈ​​ពេលមួយ​ឆ្នាំ ដោយ​ចាប់​ផ្ដើម​អនុ​វត្ត​ពី​ថ្ងៃ​ទី​១៦ ខែ​សីហា ឆ្នាំ​២០២៣ ដល់​ថ្ងៃ​ទី​១៥ ខែ​សីហា ឆ្នាំ​២០​២៤ ខណៈ​ដែល​គម្រោង​នេះ មាន​ផែន​ការ​បោស​សម្អាត​ផ្ទៃ​ដី​ចម្ការ​មីន​តោន​ស្ថិត​ក្នុង​ខេត្ត​បាត់​ដំបង​។ ​គម្រោង​នេះ មាន​ការ​គាំ​ទ្រ​ដោយ​អង្គ​ការ​មិន​រក​ប្រាក់​ចំណូល​របស់​ជប៉ុន (Japan Non-Profit Organization (NPO) ដែល​មាន​ទំហំ​ទឹក​ប្រាក់​ចំនួន ៤៣ ៧១៤ ដុល្លារ​អាមេរិក ។គម្រោង​ដើម្បី​លើក​កម្ពស់​សកម្ម​ភាព​សេដ្ឋ​កិច្ច​សង្គម​ឱ្យ​កាន់​តែ​ប្រសើរ​ឡើង​ក្រោយ​បោស​សម្អាត​មីន​ក្នុង​ខេ​ត្ត​បាត់​ដំបង​។ អង្គ​ភាព​ស៊ី​ម៉ាក់ បាន​បញ្ជាក់​ថា ៖ «គម្រោង​នេះ​ដែរ គឺ​បាន​ផ្ដោត​សំខាន់​លើ​ការ​បោស​សម្អាត​គ្រាប់​មីន​ប្រ​ឆាំង​មនុស្ស និង​សំណល់​យុទ្ធ​ភណ្ឌ​មិន​ទាន់​ផ្ទុះ​គ្រប់​ប្រភេទ ជា​ពិសេស​ការ​បោស​សម្អាត​គ្រាប់​មីន​ប្រឆាំង​រថ​​ក្រោះ​​»។ ​ឯកឧត្តម…

ភ្នំពេញ៖ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានប្រកាសបិទសិប្បកម្ម លីង កិន និងវេចខ្ចប់តែ «ហ៊ឹបខ្មែរ Herb Khmer» និងបានប្រកាស​មិនអនុញ្ញាតឱ្យប្រជាពលរដ្ឋ​ប្រើប្រាស់ផលិតផលឈ្មោះម្សៅកន្ទួតព្រៃអាយុវែង (AMLA GINGER & CURCUMIN) ឡើយដោយសារវា​មានផ្ទុកសារធាតុ Betamethasone និងMeloxicam ព្រោះវា​បណ្តាល​ឱ្យ​ប៉ះពាល់ដល់សុខភាព។ យោងតាមសេចក្តីប្រកាសព័ត៌មានរបស់​ក្រសួង​សុខាភិបាល​ ដែលចុះហត្ថលេខា ដោយឯកឧត្តម ម៉ម ប៊ុនហេង​ នៅថ្ងៃទី ១៥ ខែសីហា បាន​ឱ្យដឹងថា ​តាមការវិភាគគុណភាពនៅមជ្ឈមណ្ឌលជាតិពិសោធន៍សុខាភិបាលនៃក្រសួងសុខាភិបាល បានបញ្ជាក់លទ្ធផលថា ផលិតផល​ម្សៅកន្ទួតព្រៃអាយុវែង (AMLA GINGER & CURCUMIN) មានទម្ងន់១២០ក្រាម ក្នុងមួយដបកែវ ដែលបានផ្សព្វផ្សាយលក់តាមរយៈបណ្តាញទំនាក់ទំនងសង្គមហ្វេសប៊ុកឈ្មោះ «កន្ទួតព្រៃសុខភាព»​ មានដាក់​សារធាតុ Betamethasone និង​Meloxicam ដែលនាំឱ្យប៉ះពាល់ធ្ងន់ធ្ងរដល់សុខភាព របស់អ្នកប្រើប្រាស់។ ដូច្នេះ សូមបងប្អូនប្រជាពលរដ្ឋទាំងអស់បញ្ឈប់ការប្រើប្រាស់ផលិតផលខាងលើនេះជាបន្ទាន់។ ឯកឧត្តម ម៉ម ប៊ុនហេង បានបន្តថា​​ ក្រសួងសុខាភិបាល នឹងសហការជាមួយក្រសួង-ស្ថាប័ន និងអាជ្ញាធរពាក់ព័ន្ធ…

(ភ្នំពេញ) ៖ ស្ថានភាពធាតុអាកាស នៅព្រះរាជាណាចក្រកម្ពុជា ( ចាប់ពីថ្ងៃទី ១៦ – ២២ ខែសីហា ឆ្នាំ២០២៣ ) អាចមានភ្លៀងធ្លាក់ពីមធ្យម ទៅបង្គួរលាយឡំដោយផ្គរ រន្ទះ ខ្យល់កន្ត្រាក់។ នេះបេីយោងតាមការផ្សាយរបស់ក្រសួងធនធានទឹក និងឧតុនិយម នាព្រឹកថ្ងៃទី១៥ ខែសីហា ឆ្នាំ២០២៣ ។ ក្រសួង ធនធាន ទឹក បានបញ្ជាក់ថា ព្រះរាជាណាចក្រកម្ពុជា នឹងទទួលឥទ្ធិពលខ្សោយពីប្រព័ន្ធសម្ពាធទាប ( ITCZ ) អូសបន្លាយលើភាគខាងជើង ប្រទេសវៀតណាម ថៃ និងឡាវ ជាមួយនិងខ្យល់មូសុងនិរតីក្នុងកម្រិតពីខ្សោយទៅបង្គួរ ។ ១-តំបន់ទំនាបកណ្តាល ៖ ២-តំបន់ខ្ពង់រាប ៖ ៣-តំបន់មាត់សមុទ្រ ៖ អាស្រ័យដូចបានជម្រាបជូនខាងលើ សូមសាធារណជនទទួលជ្រាបជាព័ត៍មាន ៕ ដោយ ៖ ភារ៉ា និង ប៊ុនធី

ភ្នំពេញ៖ ឯកឧត្តម ដួង អក្ខរា ប្រធានសាខាកិត្តិយស នៃផែនសហគ្រិនវ័យក្មេង ក្នុងនាមផែនសហគ្រិនវ័យក្មេង បានបង្ហាញពីការគាំទ្រពេញទំហឹង ចំពោះឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មីរបស់ប្រទេសកម្ពុជាអាណត្តិទី៧ ដោយសារតែមើលឃើញយ៉ាងច្បាស់ពីសមត្ថភាពដឹកនាំ មានចំណេះដឹងខ្ពស់ មានភាពក្លាហាន មានការទទួលស្គាល់ពីសហគមជាតិ អន្តរជាតិ និងជាបុត្រាឆ្នើមរបស់សម្តេចតេជោ ហ៊ុន សែន ស្ថាបនិកសន្តិភាព ដែលបាននាំមកនូវសុខសន្តិភាព និង ការអភិវឌ្ឍន៍ជាតិ មាតុភូមិដូចសព្វថ្ងៃនេះ។ ក្នុងពិធីជួបសំណេះសំណាលជាមួយម្ចាស់អាជីវកម្ម និងប្រគល់លិខិតតែងតាំងថ្នាក់ដឹកនាំផែនសហគ្រិនវ័យក្មេងរបស់សាខាកិត្តិយស នៃយុវជនគណបក្សប្រជាជនកម្ពុជា រាជធានីភ្នំពេញ នៅថ្ងៃទី១៣ ខែសីហានេះ ឯកឧត្តម ដួង អក្ខរា បានចាត់ទុកឯកឧត្តមបណ្ឌិត ហ៊ុន ម៉ាណែត ជាគ្រាប់ពេជ្រមួយគ្រាប់មានតម្លៃមិនអាចកាត់ថ្លៃបាន ពោរពេញដោយសមត្ថភាព, អាចបន្តនឹកនាំនាវាកម្ពុជាឆ្ពោះទៅរកការអភិវឌ្ឍន៍រីកចម្រើនខ្លាំងឡើងថែមទៀតនាពេលខាងមុខ។ នៅក្នុងរជ្ជកាលដឹកនាំដោយនាយករដ្ឋមន្រ្តីថ្មី ឯកឧត្តមបណ្ឌិត ហ៊ុន ម៉ាណែត ផែនសហគ្រិនវ័យក្មេង ប្តេជ្ញាចូលរួមដាច់ខាត ថែរក្សា ការពារសន្តិភាពដែលយើងមាន បន្តចូលរួមបំរើយ៉ាងសកម្ម ក្នុងសកម្មភាពរាជរដ្ឋាភិបាលអាណត្តិទី៧ ដើម្បីផលប្រយោជន៍រួមរបស់សហគ្រិន និង ប្រជាពលរដ្ឋ។ នាឱកាសនោះ ឯកឧត្តម…

ភ្នំពេញ៖ អង្គការសម្ព័ន្ធមិត្តសត្វព្រៃសូមស្វាគមន៍ចំពោះព័ត៌មានស្តីអំពីអនុក្រឹត្យលេខ ១៧៣ អនក្រ.បក “ស្ដីពីការបង្កើតឧទ្យានជាតិជួរភ្នំក្រវាញ” ដែលជាការច្របាច់បញ្ចូលគ្នា នៃឧទ្យានជាតិជួរភ្នំក្រវាញកណ្ដាល ឧទ្យានជាតិជួរភ្នំក្រវាញខាងត្បូង និងរបៀងអភិរក្សជីវៈចម្រុះប្រព័ន្ធតំបន់ការពារធម្មជាតិ។ បណ្ឌិត ស៊ូវណ្ណា ហ្គោនឡែត មានប្រសាសន៍ថា “ការច្របាច់បញ្ចូលគ្នានេះគឺជាក្តីសុបិនរបស់អ្នកអភិរក្សទាំងអស់ដែលធ្វើការនៅតំបន់ជួរភ្នំក្រវាញ ដែលចង់ឃើញតំបន់ទេសភាពមួយមានលក្ខណៈរួបរួមគ្នាតែមួយ ដើម្បីរក្សាទុកសម្រាប់អភិរក្សតំបន់ទីជម្រាលប្រភពទឹកដ៏មានសារៈសំខាន់ស្ថិតនៅភាគនិរតីនៃប្រទេសកម្ពុជា” ។ ឆ្លើយតបទៅនឹងបទចោទដែលថាព្រំប្រទល់នៅពុំមានភាពច្បាស់លាស់រវាងដីស្រែចម្ការរបស់ប្រជាពលរដ្ឋ និងព្រំប្រទល់គម្រោងរេដបូក អង្គការសម្ព័ន្ធមិត្តសត្វព្រៃសូមធ្វើការបំភ្លឺថា នេះមិនមែនជាការពិតនោះទេ ។ អង្គការសម្ព័ន្ធមិត្តសត្វព្រៃ បាននិងកំពុងធ្វើការយ៉ាងជិតស្និតជាមួយសហគមន៍ជនជាតិដើមភាគតិច ជង ដែលរស់នៅក្នុងតំបន់ជ្រលងភ្នំ ឆាយអារ៉ែង ដោយបានជួយកំណត់ព្រំប្រទល់ដីស្រែចម្ការ និងដីសម្រាប់សហគមន៍មូលដ្ឋានប្រើប្រាស់ចាប់តាំងពីឆ្នាំ ២០១៥មកម្ល៉េះ ។ បន្ទាប់ពីគម្រោងទំនប់វារីអគ្គិសនីត្រូវបានផ្អាក អង្គការសម្ព័ន្ធមិត្តសត្វព្រៃគឺជាស្ថាប័នទីមួយដែលបានឈានជើងចូលទៅជួយសហគមន៍ជនជាតិដើមភាគតិច ជង ។ ការ វាយ តម្លៃ ជីវភាពប្រជាពលរដ្ឋ លើក ដំបូង ត្រូវ បាន ធ្វើ ក្នុង ឆ្នាំ ២០១៥ បន្ដដោយការធ្វើផែនការប្រើប្រាស់ដីធ្លីដោយមានការចូលរួម ដែលត្រូវបានអនុវត្តនៅក្នុងភូមិទាំង ៦ នៃតំបន់ជ្រលងភ្នំ ឆាយអារ៉ែងនេះ ដោយសារតែភូមិទាំង៦នេះមិនត្រូវបានវាស់វែងដោយបទបញ្ជា ០១ បប នោះទេ…