ភ្នំពេញ៖រាជរដ្ឋាភិបាលកម្ពុជាកាលពីថ្ងៃទី១១ ខែសីហា ឆ្នាំ២០២៣ បានចេញអនុក្រឹត្យស្តីពីការគ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនីដោយអនុក្រឹត្យបានកំណត់បទប្បញ្ញត្តិសម្រាប់ការគ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនីនៅកម្ពុជាតាមរយៈការអនុវត្តបទដ្ឋាន និងការបិទស្លាកសញ្ញាប្រសិទ្ធភាពថាមពល​ស្របតាមគោលនយោបាយជាតិស្តីពីប្រសិទ្ធភាពថាមពល។ អនុក្រឹត្យនេះ​មាន១០ជំពូក និង២៨មាត្រា ដែលមានវិសាលភាពគ្របដណ្ដប់លើរាល់សកម្មភាពនៃការបញ្ញត្តិ ការគ្រប់គ្រង ការទទួលខុសត្រូវរបស់ស្ថាប័នរាជរដ្ឋាភិបាល និងការលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនីនៅក្នុងព្រះរាជាណាចក្រកម្ពុជា។ រាជរដ្ឋាភិបាលបានបញ្ជាក់ថា គោលការណ៍នៃប្រសិទ្ធភាពថាមពល គឺជាក់លាក់ចំពោះ “បរិក្ខារប្រើប្រាស់អគ្គិសនីមុខសញ្ញា”នីមួយៗ។ដូច្នេះវិសាលភាពបទដ្ឋានគុណផលនិងសុវត្ថិភាព វិធីសាស្ត្រធ្វើតេស្ត បទដ្ឋានគុណផលប្រើប្រាស់ថាមពលអប្បបរមា កម្រិតប្រសិទ្ធភាពថាមពល ការរចនាស្លាកប្រសិទ្ធភាពថាមពល នីតិវិធីត្រួតពិនិត្យនិងផ្ទៀងផ្ទាត់ ត្រូវរៀបចំនិងដាក់ឱ្យអនុវត្តសម្រាប់បរិក្ខារប្រើប្រាស់អគ្គិសនីមុខសញ្ញានីមួយៗ ហើយបំពេញបន្ថែមតាមតម្រូវការ ដោយមាន ការណែនាំលម្អិត និងនីតិវិធីប្រតិបត្តិការស្តង់ដាជាក់លាក់។ អនុក្រឹត្យនេះកំណត់តួនាទី និងការទទួលខុសត្រូវរបស់ស្ថាប័នរាជរដ្ឋាភិបាលផ្សេងៗគ្នា ក្នុងការគ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនី។ អនុក្រឹត្យបានកំណត់ទៀតថា ក្រសួងស្ថាប័នសំខាន់ៗដែលទទួលខុសត្រូវក្នុងការអនុវត្តអនុក្រឹត្យនេះរួមមាន ក្រសួងរ៉ែ និងថាមពល ជាស្ថាប័នបង្គោល ដែលទទួលខុសត្រូវរួមលើការងារគ្រប់គ្រងនិងលើកកម្ពស់ប្រសិទ្ធភាព ថាមពលនៃបរិក្ខារប្រើប្រាស់អគ្គិសនី ។ ដោយឡែកក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាស្ថាប័នដៃគូទទួលខុសត្រូវជួយដល់ក្រសួងរ៉ែនិងថាមពល ក្នុងការកំណត់ស្តង់ដានៃការធ្វើតេស្តដែលត្រូវអនុវត្តចំពោះបរិក្ខារប្រើប្រាស់អគ្គិសនីមុខសញ្ញា និង លក្ខខណ្ឌវិនិច្ឆ័យសម្រាប់ការទទួលស្គាល់មន្ទីរពិសោធន៍ធ្វើតេស្ត ព្រមទាំងក្នុងការត្រួតពិនិត្យ ផ្ទៀងផ្ទាត់ និងពង្រឹងការអនុវត្តវិធានការច្បាប់ និងបទប្បញ្ញត្តិពាក់ព័ន្ធដើម្បីធានាថា ការផលិតបរិក្ខារប្រើប្រាស់អគ្គិសនីមុខសញ្ញាក្នុង គោលបំណងធ្វើពាណិជ្ជកម្មក្នុងព្រះរាជាណាចក្រកម្ពុជា អនុលោមទៅតាមបទប្បញ្ញត្តិនៃបទដ្ឋាននិងការបិទស្លាក សញ្ញាប្រសិទ្ធភាពថាមពល។…

មណ្ឌលគិរី៖អាជ្ញាធរខេត្តមណ្ឌលគិរីត្រៀមសាងសង់ស្ថានីយបូមទឹកមួយកន្លែងទៀត ស្ថិតនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ  ដើម្បីបំពេញតម្រូវការទឹកស្អាតផ្គត់ផ្គង់ដល់ប្រជាពលរដ្ឋរស់នៅក្នុងក្រុងសែនមនោរម្យ ក្រោយទទួលបានការឯកភាពពីម្ចាស់កម្មសិទ្ធិដី ដែលបានយល់ព្រមបរិច្ចាគដីសម្រាប់សាងសង់សំណង់ស្ថានីយ។ យោងតាមការចុះផ្សាយរបស់មន្ទីរព័ត៌មានខេត្តមណ្ឌលគិរីបានឱ្យដឹងថា  អាជ្ញាធរខេត្តមណ្ឌលគិរី នាថ្ងៃទី១១ សីហា ២០២៣ ដឹកនាំដោយលោក សាន់ ដារិទ្ធ អភិបាលរងខេត្ត រួមទាំងមន្ត្រីពាក់ព័ន្ធ បានចុះត្រួតពិនិត្យទីតាំងស្ថានីយបូមទឹក មួយកន្លែងនៅភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ។ ការចុះត្រួតពិនិត្យនេះបន្ទាប់ពី លោក កែវ ឡា ម្ចាស់ទីតាំងដីបានយល់ព្រមឱ្យក្រុមការងារអាចសង់ស្ថានីយបូមទឹកថ្មីប្រភេទសំណង់រឹងមាំលើផ្ទៃដីរបស់គាត់ទំហំ៦ម៉ែត្របួនជ្រុង និងផ្លូវធ្វើដំណើរចេញចូលទំហំបួនម៉ែត្រ ពីផ្លូវកៅស៊ូចូលទៅស្ថានីយចំងាយប្រហែល៥០ម៉ែត្រឯណោះ។ លោក សាន់ ដារិទ្ធ ឱ្យដឹងថា ក្រោយទទួលបានការណែនាំពីអភិបាលខេត្ត លោកបានដឹកនាំមន្ត្រីជំនាញពាក់ព័ន្ធនិងអាជ្ញាធរមូលដ្ឋានចុះពិនិត្យទីតាំងដែលត្រូវសាងសង់ស្ថានីយបូមទឹកថ្មីបន្ថែម សម្រាប់​​បំពេញសេចក្តីត្រូវការរបស់បងប្អូនប្រជាពលរដ្ឋរស់នៅក្នុងក្រុងសែនមនោរម្យ ដែលមានចំនួននៃការប្រើប្រាស់បរិមាណទឹកកើនឡើងជាប្រចាំ។ លោកបញ្ជាក់ទៀតថា សមត្ថភាពផលិតកម្មទឹកស្អាតរបស់រដ្ឋាករទឹកក្រុងសែនមនោរម្យ បច្ចុប្បន្នអាចផ្តល់ទឹកស្អាតដល់ប្រជាពលរដ្ឋប្រើប្រាស់ចំនួន ពីរពាន់ម៉ែត្រគូបក្នុងមួយថ្ងៃ ដែលស្មើនឹងការផ្តល់សេវាជូនប្រជាពលរដ្ឋ តាមខ្នងផ្ទះប្រមាណជាងពីរពាន់គ្រួសារ។ លោកបន្ថែមថា ទីតាំងខាងលើ ថ្វីត្បិតតែជាប្រឡាយអូរធម្មជាតិរបស់រដ្ឋ ប៉ុន្តែនៅផ្នែកខាងលើចំណីអូរគឺជាកម្មសិទ្ធឯកជន ដែលមានប័ណ្ណកម្មសិទ្ធិអាស្រ័យផលស្របច្បាប់ ។ដូច្នេះក្រោយមានការស្នើសុំពីក្រុមការងារ និងការពន្យល់ណែនាំអំពីផលប្រយោជន៍រួមនៃការសាងសង់ស្ថានីយបូមទឹកទើបឈានដល់ចំណុចឯកភាពគ្នា។ ជាមួយគ្នានេះ លោក សាន់ ដារិទ្ធ ក៏បានសំណូមពរដល់បងប្អូនប្រជាពលរដ្ឋទាំងអស់…

ភ្នំពេញ៖ឯកឧត្តម ហេង រតនា ប្រធានមជ្ឈមណ្ឌលសកម្មភាពកំចាត់មីនកម្ពុជា(CMAC) និងលោក Rune Dale Andresen ប្រធានអង្គការជំនួយរបស់ប្រជាជនន័រវែស( NPA) ប្រចាំកម្ពុជានៅថ្ងៃទី ១១  ខែសីហា ឆ្នាំ ២០២៣  បានចុះហត្ថលខាលើកិច្ចសហប្រតិបត្តិការអនុវត្តលើ  “គម្រោងបោសសម្អាតមីនមនុស្សធម៌” នៅកម្ពុជាដោយមានហិរញ្ញប្បទានសរុបចំនួន ២,១លានដុល្លារអាមេរិក ។ ថ្លែងតាមរយៈបណ្តាញសង្គមហ្វេសប៊ុកផ្ទាល់ខ្លួន នៅក្រោយពិធីចុះហត្ថកេខានៅថ្ងៃទី១១ ខែសីហា ឆ្នាំ២០២៣ ឯកឧត្តម ហេង រតនា បានឱ្យដឹងថា ហិរញ្ញប្បទានឥតសំណងនេះ  គាំទ្រដោយរដ្ឋាភិបាលសហព័ន្ធអាល្លឺម៉ង់ដើម្បីគាំទ្រសអង្គការជំនួយរបស់ប្រជាជនន័រវែស (NPA) និងអង្គភាពស៊ីម៉ាក់ សហការគ្នាក្នុងកិច្ចប្រតិបត្តិការ។  លោកបន្តថា ដោយអង្គភាពស៊ីម៉ាក់ជាអ្នកអនុវត្តការងារបោសសម្អាតមីន  ហើយគម្រោងនេះមានរយៈពេល១៦ខែ ដែលត្រូវបោសសម្អាតបញ្ហាគ្រាប់មីន ស្ថិតនៅបណ្តាស្រុកនៃខេត្តស្ថិតនៅជាប់ព្រំដែនកម្ពុជា-ថៃ  គឺខេត្តបន្ទាយមានជ័យ ឧត្តមានជ័យ និងព្រះវិហារ ដើម្បីឆ្លើយតបតាមគោលនយោបាយរាជរដ្ឋាភិបាល “ កម្ពុជាគ្មានមីន ឆ្នាំ២០២៥” ។ បើតាមឯកឧត្តម ហេង រតនា គម្រោងនេះក៏នឹងផ្តល់ការគាំទ្រដល់ការងារអប់រំកាត់បន្ថយគ្រោះថ្នាក់មីន និងជួយជនរងគ្រោះដោយសារមីន ក៏ដូចជាការងារហ្វឹកហ្វឺនផងដែរ ។ យោងសេចក្ដីជូនដំណឹងរបស់អង្គភាពស៊ីម៉ាក់នាថ្ងៃទី៣ ខែសីហា…

(ភ្នំពេញ) ៖ នាយកដ្ឋាននគរបាលបង្ការ ពន្លត់អគ្គិភ័យ និងសង្រ្គោះ បានឱ្យដឹងថា ដោយអនុវត្តតាមចំណារដ៏ខ្ពង់ខ្ពស់ របស់លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ចុះថ្ងៃទី២១ ខែកក្កដា ឆ្នាំ២០២៣ នាយកដ្ឋាននគរបាលបង្ការ ពន្លត់អគ្គិភ័យ និងសង្រ្គោះ សូម គោរព ជម្រាបជូនដល់ប្រជាពលរដ្ឋរស់នៅទីក្រុងភ្នំពេញ ពិសេសបងប្អូន ប្រជាពលរដ្ឋ ដែលរស់នៅជុំវិញផ្សារអ៉ីអនម៉ល២ (សែនសុខ) មេត្តាជ្រាបថា នៅថ្ងៃទី១២ ខែសីហា ឆ្នាំ២០២៣នេះ ចាប់ពីម៉ោង ០៦ និង០០ នាទី ព្រឹក រហូតដល់ម៉ោង ០៩ និង០០ នាទីព្រឹក មានការរៀបចំធ្វើសមយុទ្ធសាកល្បង ស្តីពីការបង្ការពន្លត់អគ្គិភ័យ និងសង្រ្គោះ នឹងនៅថ្ងៃទី១៧ ខែសីហា ឆ្នាំ២០២៣ នឹងមានការរៀបចំសមយុទ្ធជាក់ស្តែងម្តងទៀត ចាប់ពីម៉ោង ០៦:០០ នាទីព្រឹក រហូតដល់ម៉ោង ០៩:៣០នាទីព្រឹក ។ នេះជាការធ្វើ សមយុទ្ធពន្លត់អគ្គីភ័យ ទ្រង់ ទ្រាយ…