(ភ្នំពេញ)៖ ក្រុមអ្នកអភិរក្សបានបង្ហាញពីសត្វស្លាបដ៏កម្រកំពុងមានវត្តមានជាច្រើនក្បាល នៅសហគមន៍តំបន់ការពារធម្មជាតិ ទួលនាងសាវផ្លូវហ្លួង ហើយដែលជាសហគមន៍តំបូងគេបង្អស់ដែលស្ថិតក្នុងតំបន់រ៉ាមសារស្ទឹងសែន នៃបឹងទន្លេសាប ។ សូមបញ្ជាក់ថា៖ សហគមន៍តំបន់ការពារធម្មជាតិ ទួលនាងសាវផ្លូវហ្លួង ជាសហគមន៍តំបូងគេបង្អស់ដែលស្ថិតក្នុងតំបន់រ៉ាមសារស្ទឹងសែន នៃបឹងទន្លេសាប ដែលទទួលបានការគាំទ្រថវិកា និងសម្ភារៈពីអង្គការជីវិតធម្មជាតិនៅកម្ពុជា ចាប់តាំងពីឆ្នាំ២០២០ សម្រាប់ធ្វើការល្បាតនិងអង្កេតតាមដានជីវៈចម្រុះ ។ អង្គការជីវិតធម្មជាតិនៅកម្ពុជាបានឱ្យដឹងថា៖ ដើម្បីសម្រួលដល់ការប្រមូលទិន្នន័យល្បាត អង្គការជីវិតធម្មជាតិនៅកម្ពុជាបានប្រគល់ម៉ាស៊ីនថតដល់ក្រុមល្បាតសហគមន៍ដើម្បីបង្កភាពងាយស្រួលដល់ការផ្តិតយករូបភាពកំឡុងពេលល្បាត និងស្ថានភាពជីវៈចម្រុះ ជាពិសេសសត្វស្លាបទឹកដែលមានវត្តមាននៅទីនោះ។ អង្គការជីវិតធម្មជាតិនៅកម្ពុជាបានបញ្ជាក់ដែរថា ”ក្រោយពេលទទួលបានម៉ាស៊ីនថត និងវគ្គបណ្តុះបណ្តាលស្តីពីរបៀបថតរូបរួចមកឃើញថា នៅក្នុងខែកក្តដានេះ ក្រុមល្បាតសហគមន៍បានថតរូបភាពប្រភេទសត្វស្លាបទឹកកម្រមួយចំនួនបានយ៉ាងស្អាត គឺសត្វត្រដក់ធំ និងត្រយ៉ងខ្លួនស ដែលជាប្រភេទសត្វជិតផុតពូជមួយប្រភេទ និង ជិតរងការគំរាមកំហែង”។ សកម្មភាពនេះទទួលបានថវិកាគាំទ្រពីមូលនិធិសហភាពអឺរ៉ុប តាមរយៈ ទន្លេសាបយើង Our Tonle Sap ដែលបានផ្ដល់នូវឪកាសពង្រឹងសមត្ថភាព និងលទ្ធភាពរបស់សហគមន៍ ក្នុងការចូលរួមការពារ និងអភិរក្សធនធានធម្មជាតិក្នុងតំបន់៕ ដោយ ៖ ម៉ាដេប៉ូ

(ខេត្តកណ្តាល)៖ ក្បាលដីចំនួន ១ភូមិ គឺភូមិពោធិ៍ក្រោម ឃុំត្រើយស្លា ស្រុកស្អាង ខេត្តកណ្តាល ដែលមានក្បាលដីសរុប ១,៣៨២ក្បាលដី ត្រូវបានបិទផ្សាយជាសាធារណៈនូវឯកសារ នៃការវិនិច្ឆ័យមានលក្ខណៈជាប្រព័ន្ធ ជូនប្រជាពលរដ្ឋជាម្ចាស់កម្មសិទ្ធ នាព្រឹកថ្ងៃទី៤ ខែសីហា ឆ្នាំ២០២៣ ដែលមានទីតាំង នៅវត្តពោធិ៍អណ្តែត ។ លោក ព្រំ ឆាត អនុប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្ត បានអំពាវនាវដល់បងប្អូនដែលមានដីក្នុងភូមិខាងលើសូមអញ្ជើញមកពិនិត្យទិន្នន័យក្បាលដីឱ្យបានគ្រប់ៗគ្នាចៀសវាងខុសឈ្មោះ ថ្ងៃខែឆ្នាំកំណើត ទំហំដី រឺប្រភេទដីជាដើម និងត្រូវផ្សព្វផ្សាយបន្តដល់បងប្អូនប្រជាពលរដ្ឋដែលមានដីនៅតំបន់នេះមកពិនិត្យទិន្នន័យក្បាលដីឱ្យបានគ្រប់ៗគ្នា ។ លោកបន្តថា៖ ការបិទផ្សាយ ជាសាធារណៈ នូវ ឯកសារ នៃ ការវិនិច្ឆ័យមានលក្ខណៈ ជាប្រព័ន្ធនាពេលនេះគឺមានរយៈពេល ១៥ ថ្ងៃ គិតចាប់ពី ថ្ងៃទី ៤ ខែសីហា ដល់ ថ្ងៃទី ១៨ខែសីហា ឆ្នាំ២០២៣ ដោយគិតបញ្ចូលទាំងថ្ងៃឈប់សម្រាកផងដែរ ។ លោកបានបន្ថែមថា៖ ក្នុងពេល ១៥ថ្ងៃនេះ ជាការកំណត់ចុងក្រោយសម្រាប់អ្នកកាន់កាប់…

កាលពីថ្មីៗកន្លងទៅនេះ ក្រុមយុវជនអាយុក្រោម ១៤ឆ្នាំមកពីក្លិប Tokushima Vortis (តូគូស៊ីម៉ា វ៉ូទីស) បានមកធ្វើការទស្សនកិច្ចក្នុងខេត្តសៀមរាបរយៈពេល 5 ថ្ងៃ ចាប់ពីថ្ងៃទី 24 ដល់ថ្ងៃទី 28 ខែកក្កដា ឆ្នាំ 2023។ ពួកគាត់បានបំពេញសកម្មភាព និងបេសកកម្មជាច្រើននៅក្នុងក្រុងខេត្តសៀមរាប រួមជាមួយក្រុមយុវជនដែលមកពីក្លិបក្នុងខេត្តមួយចំនួនទៀត។

ព្រឹកថ្ងៃទី០៣ ខែសីហា ឆ្នាំ២០២៣នេះ សាកលវិទ្យាល័យពុទ្ធិសាស្រ្តបានរៀបចំពិធីប្រកាសទទូលស្គាល់និស្សិតអាហារូបករណ៍ សម្ដេចវិបុលបញ្ញា សុខ អាន និងលោកជំទាវ ដែលកំពុងសិក្សានៅសាកលវិទ្យាល័យពុទ្ធិសាស្រ្តចំនួន១៣៧នាក់ ព្រមទាំងសម្ពោធដាក់ឱ្យដំណើរការជាផ្លូវការមជ្ឈមណ្ឌលសុខភាពពុទ្ធិសាស្រ្តដែលជាសមិទ្ធិផលថ្មីបន្ថែមមួយទៀតសម្រាប់សាកលវិទ្យាល័យក្នុងការបម្រើដល់វិស័យសុខភាពសាធារណៈ ក៏ដូចជាកន្លែងសម្រាប់និស្សិតធ្វើកម្មសិក្សានិងអនុវត្តជាក់ស្ដែងលើកម្មវិធីសិក្សារបស់ខ្លួន។ កម្មវិធីនេះបានប្រព្រឹត្តិទៅក្រោមអធិបតីភាពឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍និងជាប្រធានក្រុមប្រឹក្សាភិបាលនៃសាលវិទ្យាល័យពុទ្ធិសាស្រ្ត ឯកឧត្តមបណ្ឌិតសាស្រ្តាចារ្យ ធា គ្រុយ រដ្ឋលេខាធិការក្រសួងសុខាភិបាល និងលោកជំទាវ ចម ក្រស្នា អគ្គនាយិកានៃក្រុមហ៊ុន សោម៉ា គ្រុប។ ថ្លែងក្នុងពិធីនេះឯកឧត្តម សុខ ពុទ្ធិវុធ បានលើកឡើងពីកត្តាសុខសន្តិភាពដែលនាំឱ្យប្រទេសជាតិមានឱកាសក្នុងការកសាងធនធានមនុស្សដើម្បីអភិវឌ្ឍន៍ប្រទេសជាតិ និងការរួមចំណែកយ៉ាងសំខាន់របស់ សម្ដេចវិបុលបញ្ញា​ សុខ អាន និងលោកជំទាវព្រមទាំងក្រុមគ្រួសារដែលតែងតែយកចិត្តទុកដាក់ចំពោះយុវជនជំនាន់ក្រោយដែលមានជីវភាពលំបាក និងរៀនពូកែទទួលបានឱកាសក្នុងការសិក្សានៅថ្នាក់ឧត្តមសិក្សាតាមរយៈអាហរូបករណ៍សម្ដេចនិងលោកជំទាវដើម្បីកសាងចំណេះនិងតម្រង់ទិសពួកគេឆ្ពោះទៅកាន់អនាគតមួយដ៏ភ្លឺស្វាង និងមានលទ្ធភាពជួយសង្គមជាតិឱ្យកាន់តែអភិវឌ្ឍថែមទៀត។​ ឯកឧត្តមក៏បានលើកពីតម្លៃស្នូលទាំង៣របស់សាកលវិទ្យាល័យគឺគោរពខ្លួនឯង គោរពអ្នកដ៏ទៃ និងអភិវឌ្ឍន៍សង្គមដែលជាគោលការណ៍ដ៏សំខាន់សម្រាប់បណ្ដុះផ្នត់គំនិត ស្មារតីដល់និស្សិតដែលរៀនចប់ពីសាកលវិទ្យាល័យទៅក្លាយជាធនធានមួយសម្រាប់សង្គមប្រកបដោយទំនួលខុសត្រូវ។ ក្រោយបញ្ចាប់ការសំណេះសំណាលជាមួយនិស្សិតអាហារូបករណ៍សម្ដេចវិបុលបញ្ញា​ សុខ អាន និងលោកជំទាវរួចមក ឯកឧត្តមប្រធានក្រុមប្រឹក្សាភិបាលក៏បានអញ្ជើញកាត់ខ្សែបូសម្ពោធដាក់ឱ្យប្រើប្រាស់ជាផ្លូវការនូវមជ្ឈមណ្ឌលសុខភាពពុទ្ធិសាស្រ្តដែលមានមុខងារ៣សំខាន់ៗរួមមាន៖ ឱសថស្ថាន ឱសថស្ថានសាកលវិទ្យាល័យពុទ្ធិសាស្ត្រជាឱសថស្ថានក្នុងស្រុកធំជាងគេក្នុងប្រទេសកម្ពុជាក្នុងការផ្តល់សេវាកម្មប្រកបដោយគុណភាពដូចជា ការប្រឹក្សាអំពីឱសថទូទៅ ការពិនិត្យមើលឡើងវិញអំពីការប្រើប្រាស់ឱសថ ការបកស្រាយលទ្ធផលតេស្តមន្ទីរពិសោធន៍ និងការវាយតម្លៃហានិភ័យសម្រាប់ជំងឺទឹកនោមផ្អែមប្រភេទទី២ និងជំងឺលើសសម្ពាធឈាម។ មន្ទីរព្យាបាលធ្មេញ មន្ទីរពេទ្យ ទន្តសាស្រ្ត…