កំពង់ធំ៖ យោធិននារី នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានថ្លែង អំណរគុណចំពោះប្រមុខរាជរដ្ឋាភិបាល តាមរយៈក្រសួងការពារជាតិ ដែលបានជួយឧបត្ថម្ភថវិកាគោល នយោបាយសម្រាប់ដោះស្រាយដល់ការលំបាករបស់យោធិននារី ក្នុងពេលសម្រាកលំហែមាតុ ភាព ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំយោធភូមិភាគទី៤ បានថ្លែងកោតសរសើរដល់ក្រុមការងារយេនឌ័រ និងយោធិនទាំងអស់ ដែលបានចូលរួមចំណែកយ៉ាងសកម្មក្នុងការអនុវត្តនូវតួនាទីភារកិច្ចការងារយេនឌ័រនាពេលកន្លងមក និងបានប្រគល់ភារកិច្ចសំខាន់ៗមួយចំនួន ជូន ក្រុមការងារយ៉េនឌ័រ និងយោធិនទាំងអស់ដែលត្រូវអនុវត្តន៍បន្តផងដែរ ។ ឧត្តមសេនីយ៍ទោ សោម ស៊ុន ថ្លែងដូច្នេះក្នុងកិច្ចប្រជុំបូកសរុបលទ្ធផលការងារយេនឌ័រឆមាសទី១ និងដាក់ទិសដៅអនុវត្តបន្តឆមាសទី២ ឆ្នាំ២០២៣ និងប្រគល់ថវិកាគោលនយោបាយឧបត្ថម្ភរបស់រាជរដ្ឋាភិបាល តាមរយៈក្រសួងការពារជាតិ ជូនយោធិននារី ៥រូប នាព្រឹកថ្ងៃទី២ ខែសីហា ឆ្នាំ២០២៣ ។ លោកស្រីវរសេនីយ៍ទោ យូ មុន្នីរ័ត្ន នាយសេនាធិការរង និងជាប្រធានក្រុមការងារយេនឌ័រ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានអានរបាយការណ៍លទ្ធផលសកម្មភាព ក្នុងការអនុវត្តការងារយេនឌ័រនៅឆមាសទី១ និងទិសដៅសម្រាប់អនុវត្តបន្តឆមាសទី២ ឆ្នាំ២០២៣ និងបានណែនាំអំពីតួនាទីភាកិច្ចមួយចំនួនបន្ថែមទៀតពីកិច្ចការងារយេនឌ័រ ដែលនាត្រូវចូលរួមអនុវត្តបន្តនៅពេលខាងមុខ។ ឧត្តមសេនីយ៍ទោ សោម ស៊ុន បានអញ្ជើញប្រគល់ថវិកាគោលនយោបាយរបស់រាជរដ្ឋា ភិបាលតាមរយៈក្រសួងការពារជាតិ ជូនដល់យោធិននារីចំនួន…

ភ្នំពេញ៖ មន្រ្តីរដ្ឋាភិបាល មន្ទីរពេទ្យគន្ធបុប្ឆាកម្ពុជា និងពលរដ្ឋខ្មែរ បាន​អំពាវនាវដល់សប្បុរសជនចូលរួមបរិច្ចាគថ​វិកាទៅកាន់មូលនិធិមន្ទីរពេទ្យគន្ធបុប្ផាកម្ពុជាបន្តទៀត ដើម្បីធានាដល់និរន្តរភាពរបស់មន្ទីរពេទ្យនេះ ក្នុងកា​របន្តព្យាបាលកុមារដោយឥតគិតថ្លៃ និងរួមចំណែកកាត់បន្ថយអត្រាមរណភាពកុមារ។ ការអំពាវនាវនេះធ្វើឡើងក្នុងឱកាសនៃ​ការ​ប្រារព្វខួប៤ឆ្នាំនៃការដាក់ឱ្យប្រើប្រាស់នូវអគារគន្ធបុប្ផា«សី​ហ​មុនី មុនិនាថ» ដែលរៀបចំឡើងដោយ​មន្ទីរពេទ្យគន្ធបុប្ផា ​កាលពីថ្ងៃទី​១ ខែសីហា ដែល​អគារ​មួយនេះ ត្រូវបានដាក់ឱ្យដំណើរការជា​ផ្លូវ​ការកាល​ពី​ថ្ងៃទី១ ខែសីហា ឆ្នាំ២០២៣។ ​ ចាប់តាំងពីដាក់ឱ្យដំណើរការមកអគារនេះត្រូវបានប្រើប្រាស់ជាកន្លែងសង្គ្រោះបន្ទាន់កម្រិតខ្ពស់ ដោយបានទទួលព្យាបាលកុមារបានសង្រ្គោះបន្ទាន់ ២ ៨២៦នាក់, វះកាត់ទូទៅ ៩ ០៥៩នាក់ និងវះកាត់បេះដូង ១ ៥៥៥នាក់ ដោយឥតគិតថ្លៃ និងមិនមានការរើសអើង។ ក្នុងពិធីនោះប្រធានមន្ទីរពេទ្យគន្ធបុប្ផាកម្ពុជាលោក គី សង់ទី មានប្រសាសន៍ថា អស់រយៈពេលបួនឆ្នាំនៃការដាក់ឱ្យប្រើប្រាស់អគារថ្មីនេះដែលបំពាក់ទៅដោយឧបករណ៍ទើបៗគឺបានជួយសង្គ្រោះជីវិតកុមារកម្ពុជា​ជាច្រើននាក់ដែលមានជំងឺធ្ងន់ៗ។លោកបន្តថា អគារថ្មីនេះបានដើរតួសំខាន់កុមារដែលឈឺធ្ងន់បំផុតត្រូវតែយមកទីនេះព្រោះមានការតាមដានព្យាបាល ២៤ម៉ោង ដែលអាចជួយកាត់បន្ថយអត្រាមរណភាពរបស់កុមារ​។ បើយើងមិនមានផ្នែកសង្គ្រោះបន្ទាន់កម្រិតខ្ពស់នេះទេ គឺយើងពិបាកធ្វើការសង្គ្រោះជំងឺកុមារដែលធ្ងន់ៗបំផុត»។ លោកបន្តថា ៖ «ពីមុនយើងមានសង្គ្រោះបន្ទាន់នៅផ្នែកខាងមុខ​ដែរ សម្រាប់សង្គ្រោះបន្ទាន់នៅជួរមុខ ប៉ុន្តែយើងមិនទាន់ឧបករណ៍ សម្ភារ និងបច្ចេកទេស ដល់កម្រិតអ្វីដែលយើងចង់បានទេ»។   បើតាមលោក សង់ទី ពីមុនមកនៅពេលកុមារឈឺធ្ងន់ៗ ឪពុកម្តាយត្រូវជួយកុមារសប់ដង្ហើមជាមួយនឹងដៃ គឺមានការលំបាក ប៉ុន្តែបច្ចុប្បន្ននេះអគារថ្មីនេះមានលក្ខណៈទំនើបហើយការប្រារពខួបបួនឆ្នាំនេះ…

ខេត្តមណ្ឌលគិរី៖ រដ្ឋបាលខេត្តមណ្ឌលគិរី សូមជម្រាបជូនដំណឹងដល់សាធារណៈជន ម្ចាស់យាន យន្តដឹកទំនិញធន់ធ្ងន់ ធន់ស្រាល និងអ្នកធ្វើដំណើរតាមមធ្យោបាយ យានយន្ត គ្រប់ប្រ ភេទ ឱ្យបានជ្រាបថា ៖ បន្ទាប់ពីទទួលរងនូវការធ្លាក់ភ្លៀងយ៉ាងខ្លាំង នៅក្នុងខេត្តមណ្ឌលគិរី បានធ្វើឱ្យមានជំនន់ទឹកភ្លៀងហូរបាក់ស្រុតផ្លូវ និងដាច់ផ្លូវនៅចន្លោះ គីឡូម៉ែត្រលេខ៩១ ដល់ គីឡូម៉ែត្រលេខ៩៩ ផ្លូវជាតិលេខ៧៦ ចន្លោះពីស្រុកអូររាំង ទៅស្រុកកែវសីមា (ចំណុចអូរងើយ) ដែលផ្លូវត្រូវបានកាត់ផ្តាច់ និងខូចទាំងស្រុង មិនអាចធ្វើដំណើរបានសម្រាប់មធ្យោបាយយានយន្តគ្រប់ប្រភេទ ។ ដូចនេះរដ្ឋបាលខេត្ត សូមធ្វើការបិទផ្អាកការធ្វើ ចរាចរជាបណ្តោះអាសន្នចាប់ពីថ្ងៃទី០១ ខែសីហា ឆ្នាំ២០២៣ នេះតទៅ រហូតដល់មានការជូនដំណឹងស្តីពីការ បើកឱ្យធ្វើចរាចរ ឡើងវិញ នាពេលខាងមុខ ។ ទន្ទឹមនឹងនោះដែរ ប្រសិនបើសាធារណៈជន ម្ចាស់យានយន្តដឹកទំនិញ និងអ្នកធ្វើដំណើរតាម មធ្យោបាយយានយន្តគ្រប់ប្រភេទ មានបំណងចង់ធ្វើដំណើរទៅរាជធានីភ្នំពេញ និងធ្វើដំណើរមកកាន់ខេត្តមណ្ឌលគិរី សូមធ្វើដំណើរតាមផ្លូវវាងដោយឆ្លងកាត់តាមខេត្តក្រចេះ ខេត្តស្ទឹងត្រែង និងខេត្តរតនគិរី ជាបណ្ដោះ អាសន្ន ដើម្បីជួយសម្រួលដល់ការធ្វើដំណើរ ៕ប្រភព ៖ ខេត្តមណ្ឌលគិរី

​ភ្នំពេញ៖ មន្ត្រីជាន់ខ្ពស់​នៃ​ក្រសួងការងារនិងបណ្ដុះបណ្ដាលវិជ្ជាជីវៈ បាន​ជំរុញ និងលើកទឹកចិត្តដល់ក្រុមនិស្សិតក​ម្ពុ​ជាដែលនឹង​ទៅសិក្សានៅក្រៅប្រទេស ឬទទួលបានអាហារូបករណ៍ទៅសិក្សានៅក្រៅប្រទេស ឱ្យប្រឹងប្រែ​ងសិក្សា និងចូលរួមលើកកម្ពស់កិត្តិយសជាតិ។ ការជំរុញនេះ បានធ្វើក្នុងឱកាសឯកឧត្តម អ៊ិត សំហេង រដ្ឋមន្រ្តីក្រសួង​ការងារ ជួបសំណេះសំណាល និងផ្ដ​ល់អនុសាសន៍ណែនាំដល់ក្រុមនិស្សិតកម្ពុជា ចំនួន ២៤ នាក់ ដែលទទួលបាន​អាហារូបករណ៍ពីរដ្ឋាភិបាល​ជប៉ុន ឆ្នាំ២០២៣ នា​ទីស្ដីការក្រសួងការងារ ​នៅថ្ងៃទី១ ខែសីហា ឆ្នាំ២០២៣។ ប្រភពក្រសួង​ការងារបានឱ្យដឹងថា  ក្នុងឱកាសនេះឯកឧត្តម អ៊ិត សំហេង ​បានសាទរ និងជូនពរដល់និស្សិតទាំង២៤នាក់​ឱ្យទទួលបានកា​រសិក្សាជោគជ័យ និងត្រឡប់មកបំពេញការងារនៅកម្ពុជាវិញ ដើម្បីជួយជំរុញការអភិវឌ្ឍតាមវិស័យកា​រងាររៀងៗខ្លួនឱ្យកាន់តែល្អប្រសើរ ឯកឧត្តមបានបន្ត​ថាកម្មវិធីអាហារូបករណ៍របស់រដ្ឋាភិបាលជប៉ុនសម្រាប់មន្ត្រីរាជការកម្ពុជានេះ គឺជាជោ​គជ័យរបស់រាជរដ្ឋាភិបាលកម្ពុជាក្នុងការខិតខំពង្រឹងកិច្ចសហប្រតិបត្តិការជាមួយភាគីជប៉ុន ដើម្បីលើកក​ម្ពស់​វិស័យអប់រំ អភិវឌ្ឍន៍ធនធានមនុស្ស ដូច្នេះសង្ឃឹមថានិស្សិតកម្ពុជានឹងខិតខំប្រឹងប្រែងប្រើប្រាស់ឱកា​ស​មួយនេះជាផលប្រយោជន៍សម្រាប់ស្ថាប័នរបស់ខ្លួន ក៏ដូចជាសង្គមជាតិទាំងមូល។ ពាក់ព័ន្ធនឹងចំណុចនេះដែរ លោក​ គិន ភា ប្រធានវិទ្យាស្ថានទំនាក់ទំនងអន្តរជាតិនៃ​រាជបណ្ឌិ​ត្យសភា​កម្ពុជា នៅថ្ងៃទី១ ខែសីហា បានគាំទ្រចំពោះការជំរុញឱ្យនិស្សិតកម្ពុជាដែលទៅសិក្សានៅក្រៅប្រ​ទេសឱ្យប្រឹងប្រែ​ងសិក្សា។ លោកថា កម្ពុជាកំពុងត្រូវការធនធានមនុស្សជាច្រើនសម្រាប់ជួយអភិវឌ្ឍន៍សេដ្ឋកិច្ចប្រទេស។ លោកបន្តទៀតថា ៖ «​ការសិក្សា​នៅ​បរទេស មាន​សារៈសំខាន់​ណាស់ សំរាប់​អនាគត​របស់​និស្សិត​ផ្ទាល់ ក៏ដូ​ចជា​សម្រាប់​ប្រទេសជាតិ ព្រោះ​សិស្ស​និស្សិត​អាច​ទទួលបាន បទពិសោធន៍​ថ្មីៗ…

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានបន្តអញ្ជើញពិនិត្យវឌ្ឍនភាពនៃដំណើរការសាងសង់អគារទីស្ដីការក្រសួងមហាផ្ទៃកាលពីរសៀលថ្ងៃចន្ទ ទី៣១ ខែកក្កដា ឆ្នាំ២០២៣នេះ អញ្ជើញអមដំណើរ សម្ដេចក្រឡាហោម ស ខេង នាឱកាសនោះ រួមមាន៖ ឯកឧត្តមរដ្ឋលេខាធិការប្រចាំការក្រសួងមហាផ្ទៃ, ឯកឧត្តមរដ្ឋលេខាធិការ អនុរដ្ឋលេខាធិការ ឯកឧត្តមអគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុ ព្រមទាំងម្ចាស់ក្រុមហ៊ុនសាងសង់ និងក្រុមហ៊ុនគូប្លង់។ លោកឧកញ៉ា ទូច គីម អគ្គនាយកក្រុមហ៊ុនគីមិច ក្រុមហ៊ុន គីម ម៉ិច ខនស្ត្រាក់សិន អ៊ិនវេសមេន បានធ្វើសេចក្ដីរាយការណ៍ជូន សម្ដេចក្រឡាហោម ស ខេង ថា ដំណើរការសាសងសង់អគារទីស្ដីការក្រសួងមហាផ្ទៃសម្រេចបានជាង៩៨ភាគរយ ហើយក្រុមហ៊ុនកំពុងឈានទៅបង្ហើយការសាងសង់ប្រកបដោយទំនួលខុសត្រូវខ្ពស់។ គួរបញ្ជាក់ថា អគារទីស្ដីការក្រសួងមហាផ្ទៃ បានបើកការដ្ឋានសាងសង់កាលពីថ្ងៃទី១១ ខែវិច្ឆិកា ឆ្នាំ២០២១ ក្រោមអធិបតីភាព សម្ដេចក្រឡាហោម ស ខេង និងលោកជំទាវ។ អគារនេះ មានទំហំ១៥៣ម៉ែត្រ គុណ៨៣ម៉ែត្រ មានកម្ពស់៩ជាន់ មិនរាប់បញ្ចូលជាន់ផ្ទាល់ដី និងជាន់សម្រាប់ចំណតរថយន្តដែលអាចចតរថយន្តក្នុងអគារបានសរុបចំនួន…