(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គ.ជ.ប) សូមជម្រាបជូនដំណឹងដល់សាធារណជន ប្រព័ន្ធផ្សព្វផ្សាយព័ត៌មានជាតិ និងអន្តរជាតិ រួមទាំងភាគីពាក់ព័ន្ធនឹងការបោះឆ្នោតទាំងអស់ ឱ្យបានជ្រាបថា គ.ជ.ប នឹងធ្វើការផ្សាយលទ្ធផលបឋមនៃការបោះឆ្នោតជ្រើសតាំងតំណាងរាស្ត នីតិកាលទី៧ ឆ្នាំ២០២៣ នៅល្ងាចថ្ងៃទី២៣ ខែកក្កដា ឆ្នាំ២០២៣ រហូតដល់ម៉ោង ១២០០យប់ និង បន្តផ្សាយចាប់ពីម៉ោង ៨:០០ព្រឹក ថ្ងៃទី២៤ ខែកក្កដា ឆ្នាំ២០២៣ តាមប្រព័ន្ធផ្សព្វផ្សាយ ដូចខាងក្រោម៖ -ទូរទស្សន៍ជាតិកម្ពុជា (ទ.ទ.ក) -វិទ្យុជាតិកម្ពុជា (វិទ្យុ AM 918 KHz វិទ្យុ FM 96 MHz និងវិទ្យុវត្តភ្នំ FM 105.70 MHz) ដោយ-រ៉ាវុធ

(ភ្នំពេញ)៖ នៅថ្ងៃទីដប់ប្រាំបួននៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានគណបក្សនយោបាយ ចំនួន ១៣ បានធ្វើសកម្មភាពឃោសនាបោះឆ្នោត ក្នុងនោះ មានគណបក្សនយោបាយ ចំនួន ៦ បានហែក្បួនឃោសនារកសំឡេងឆ្នោត ។ ទី១.គណបក្សសំបុកឃ្មុំសង្គមប្រជាធិបតេយ្យ ហែក្បួនឃោសនានៅមណ្ឌលខេត្តព្រៃវែង។ ទី២.គណបក្សហ៊្វុនស៊ិនប៉ិច ហែក្បួនឃោសនានៅមណ្ឌលខេត្តត្បូងឃ្មុំ មណ្ឌលខេត្តកំពង់ចាម និង មណ្ឌលខេត្តតាកែវ។ ទី៣.គណបក្សឯកភាពជាតិខ្មែរ ហែក្បួនឃោសនានៅមណ្ឌលខេត្តតាកែវ។ ទី៤.គណបក្សខ្មែររួបរួមជាតិ ហែក្បួនឃោសនានៅមណ្ឌលខេត្តកំពង់ស្ពឺ និងមណ្ឌលខេត្តកំពង់ធំ។ ទី៥.គណបក្សសញ្ជាតិកម្ពុជា ហែក្បួនឃោសនានៅមណ្ឌលខេត្តត្បូងឃ្មុំ និងទី៦.គណបក្សខ្មែរអភិរក្ស ហែក្បួនឃោសនានៅមណ្ឌលរាជធានីភ្នំពេញ។ ចំណែកគណបក្សនយោបាយ ចំនួន ៧ ទៀត រួមមាន គណបក្សប្រជាធិបតេយ្យមូលដ្ឋាន គណបក្សប្រជាជនកម្ពុជា គណបក្សធម្មាធិបតេយ្យ គណបក្សខ្មែរតែមួយ គណបក្សស្ត្រីដើម្បីស្ត្រី គណបក្សយុវជនកម្ពុជា និងគណបក្សខ្មែរអភិវឌ្ឍន៍សេដ្ឋកិច្ច បានធ្វើការឃោសនាបោះឆ្នោតតាមរយៈ សកម្មភាពជួបប្រជុំជាមួយសមាជិក សកម្មជន និងអ្នកគាំទ្រគណបក្ស ចាក់មេក្រូផ្សព្វផ្សាយនៅ ទីស្នាក់ការគណបក្ស និងចល័តតាមភូមិ ចែកខិត្តបណ្ណតាមខ្នងផ្ទះ បិទខិត្តបណ្ណ និងចងបដានៅ តាមទីសាធារណៈ ប្រគំតន្ត្រី សម្ដែងសិល្បៈ…

(ភ្នំពេញ)៖ អនុវត្តតាមប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោហ៊ុន សែន នាយករដ្ឋមន្តី នៃកម្ពុជា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនកម្មករ-និយោជិត និង ប្រជាពលរដ្ឋទាំងអស់ ឱ្យបានជ្រាបថា ដើម្បីជួយសម្រួលដល់ការធ្វើដំណើររបស់បងប្អូនកម្មករ-និយោជិត និងប្រជាពលរដ្ឋទៅស្រុកកំណើត នៅថ្ងៃបោះឆ្នោតជ្រើសតាំងតំណាងរាស្ត្រ នីតិកាលទី៧ ថ្ងៃទី២៣ ខែកក្កដា ឆ្នាំ២០២៣នឹងការផ្តល់សេវាដឹកជញ្ជូនសាធារណៈប្រចាំថ្ងៃជូនបងប្អូនប្រជាពលរដ្ឋនៅរាជធានីភ្នំពេញ រដ្ឋបាលរាជធានីភ្នំពេញ បានរៀបចំរថយន្តក្រុងចំនួន ៤៣០គ្រឿង សម្រាប់បម្រើសេវាដឹកជញ្ជូនសាធារណៈ ដោយចេញដំណើរពីរាជធានីភ្នំពេញ នៅថ្ងៃទី២២ ខែកក្កដា ឆ្នាំ២០២៣ និងធ្វើដំណើរត្រឡប់ពីខេត្តមករាជធានីភ្នំពេញវិញ នៅថ្ងៃទី២៤ ខែកក្កដាឆ្នាំ២០២៣ ដោយមិនបង់ប្រាក់ ដូចខាងក្រោម ៖ ១-សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ ប្រើប្រាស់រថយន្តក្រុងចំនួន ៨០គ្រឿង។ ២-សម្រាប់សេវាដឹកជញ្ជូនបងប្អូនកម្មករ-និយោជិត និងប្រជាពលរដ្ឋដែលនឹងធ្វើដំណើរពីរាជធានីភ្នំពេញ ទៅតាមបណ្តាខេត្ត នឹងពីបណ្តាខេត្តត្រឡប់មករាជធានីភ្នំពេញវិញប្រើប្រាស់រថយន្តក្រុងចំនួន ៣៥០គ្រឿង ដែលមានគោលដៅ ទីតាំងដូចខាងក្រោម៖ ដោយ ៖ ហេង សម្បត្តិ

(ភ្នំពេញ)៖ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ នាព្រឹកថ្ងៃទី១៩ ខែកក្កដា ឆ្នាំ២០២៣ បានអញ្ជើញជាអធិបតីក្នុងពិធីបញ្ចុះបឋមសិលាបើកការដ្ឋានសាងសង់មជ្ឈមណ្ឌលទិន្នន័យជាតិ នៅទីស្តីការក្រសួងប្រៃសណីយ៍ និងទូរគមនាគមន៍ ។ ឯកឧត្ដមរដ្ឋមន្ត្រី បានលើកឡើងថា ការកសាងមជ្ឈមណ្ឌលទិន្នន័យជាតិនេះ គឺជាដំណាក់កាលដ៏សំខាន់មួយសម្រាប់វិស័យសាធារណៈនិងឯកជននៅកម្ពុជា ក្នុងការទាញយកផលប្រយោជន៍ពីទិន្នន័យ ដើម្បីជំរុញការអភិវឌ្ឍស្ថាប័នរបស់ខ្លួន ព្រមទាំងបង្ហាញពីការបោះជំហានដ៏ធំមួយរបស់កម្ពុជាឆ្ពោះទៅបរិវត្តកម្មឌីជីថល ។ មជ្ឈមណ្ឌលទិន្នន័យនេះ នឹងក្លាយជាកន្លែងប្រមូលផ្តុំ និងរក្សាទិន្នន័យរបស់រាជរដ្ឋាភិបាល និងទិន្នន័យក្រុមហ៊ុនមកពីវិស័យសំខាន់ៗ តាមរយៈការផ្តល់នូវហេដ្ឋារចនាសម្ព័ន្ធបច្ចេកវិទ្យាទំនើបមួយដែលមានសុវត្ថិភាព និងអាចជឿទុកចិត្តបាន ព្រមទាំងផ្តល់អត្ថប្រយោជន៍ដល់ស្ថាប័ន ដូចជាអធិបតេយ្យភាពទិន្នន័យ សន្សំសំចៃការចំណាយថវិកា និងពង្រឹងសមត្ថភាពនៃការផ្ដល់សេវារបស់ខ្លួនឱ្យកាន់តែល្អប្រសើរ ។ សូមបញ្ជាក់ថា មជ្ឈមណ្ឌលទិន្នន័យជាតិនេះ នឹងមានកម្រិតប្រព័ន្ធស្តង់ដារ៤ (Tier IV) ស្ថិតក្នុងអគារថ្មីមានកម្ពស់ ១២ជាន់ ទទឹង ៣៦ម៉ែត្រ និងបណ្តោយ ៦៣ម៉ែត្រ នៅពីក្រោយអគារទីស្តីការ ក.ប.ទ. បច្ចុប្បន្ន ដែលមានអាសយដ្ឋាន អគារលេខ ១៣ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ៕ អត្ថបទ ៖…

ថៃ៖ រដ្ឋបាលក្រុងបាងកក (BMA) បានដាក់ឱ្យ​ដំណើរការនូវម៉ូតូ​​សង្គ្រោះបន្ទាន់ ដំបូងរបស់ខ្លួនដោយមានម៉ូតូសរុបចំនួន ៥០គ្រឿង ដើម្បីផ្តល់សេវាសង្គ្រោះជីវិតបន្ទាន់នៅក្នុងសង្កាត់ទាំង ៥០ ក្នុងទីក្រុង​បាងកក នៃព្រះ​រាជាណាចក្រថៃ។ ម៉ូតូ​​សង្គ្រោះបន្ទាន់ទាំង ៥០ គ្រឿងមានបំពាក់ទៅដោយឧបករណ៍សង្គ្រោះជីវិត។ ចំណែកអ្នកបើកបរគឺសុទ្ធតែជាបុគ្គលដែលបានទទួលការបណ្តុះបណ្តាលពិសេសពីមន្ទីរពេទ្យមុនពេលត្រូវបានដាក់ពង្រាយតាមគោលដៅនានាក្នុងទីក្រុង។ ការសង្គ្រោះដោយម៉ូតូ គឺអាចបញ្ចៀសនូវ​ការកកស្ទះ លើដងផ្លូវដ៏មមាញឹក និងអាចបម្រើដល់ទីតាំង ផ្លូវតូច​ៗដែលរថយន្តសង្គ្រោះកង់បួនពិបាកទៅដល់ ឬត្រូវចំណាយពេលយូរ។ ម៉ូតូ​​សង្គ្រោះបន្ទាន់ ចំនួន ៥០គ្រឿងដំបូងនេះ ត្រូវបានសម្ពោធជាផ្លូវការនៅឯពិព័រណ៍ BMA ឆ្នាំ២០២៣ របស់ថៃកាលពីថ្ងៃទី១៥ខែកក្កដា កន្លងទៅថ្មីៗនេះ ក្រោមវត្តមានអភិបាលក្រុងបាងកក លោកចាតចា ស៊ីតទីភូន(Chadchart Sittipunt)។ អភិបាលក្រុងបាងកក បាននិយាយថា ៖ «ម៉ូតូគឺជាមធ្យោបាយដែលមានល្បឿនលឿនក្នុងការផ្តល់ជំនួយដើ​ម្បីសង្គ្រោះជីវិតដ៏មានសក្តានុពលដល់ជនរងគ្រោះនៅក្នុងទីក្រុង។ នៅពេលដែលមានអាសន្នកើតឡើងក្រុម ម៉ូតូ​​សង្គ្រោះបន្ទាន់ នឹងអាចទៅដល់កន្លែងកើតហេតុ ឬទៅដល់ទីតាំងអ្នកជំងឺក្នុងរយៈពេល ៨នាទី និ​ងអាចជួយសង្គ្រោះជីវិតពួកគេបាន»។ លោក Chadchart បានបន្ត​ថា ក្រុងបាងកកក៏​​មាន​គម្រោងបន្ថែម​ ម៉ូតូ​​សង្គ្រោះបន្ទាន់ ​ឱ្យដល់ ២០០ ទៅ ៣០០ គ្រឿង។ លោកថា ការកកស្ទះចរាចរណ៍ និងផ្លូវតូចចង្អៀត…